Transcript Múinteoir maith

Múinteoir maith
I gceann tamaill beidh tú ag léamh
tuairimí daltaí i leith na dtréithe a
bhíonn ag múinteoir maith.
Ach ar dtús, tabhair faoin
gcleachtadh seo a leanas...
Múinteoir maith
Réamhobair
Samhlaigh go mbeidh múinteoir nua agat i
mbliana i gcomhair cúpla ábhar. Cad iad na
tréithe ba mhaith leat a bheadh ag an
múinteoir sin? Breac síos cúig cinn sa bhosca
thíos ar chlé. Cad iad na tréithe a mbeifeá ag
súil nach mbeadh ag an múinteoir nua? Breac
síos cúig cinn sa bhosca thíos ar dheis.
Tréithe dearfacha don Tréithe diúltacha don
mhúinteoireacht
mhúinteoireacht
1.
1.
2.
2.
3.
3.
4.
4.
5.
5.
Múinteoir maith
Léamh
Cad iad na tréithe a bhaineann le múinteoir maith?
Niall Mac Dhonnagáin (Coláiste Eoin):
Is dóigh liom go gcaithfidh siad a thaispeáint go bhfuil siad i
gceannas ach é sin ráite, a bheith go deas leis na daltaí... na daltaí ar
fad a dhéanann an obair. Ach má bhíonn daoine ag pleidhcíocht
agus más pleidhcíocht é ina bhfuil mailís i gceist, is dóigh liom gur
cheart go mbeadh pionós ann. Aon mhúinteoir gur féidir leis
smacht a bheith aige ar an rang ach go mbíonn na daltaí fós sásta
leis sa rang, is dóigh liom gur múinteoir an-mhaith é. Agus tá anchuid múinteoirí againn sa scoil seo atá cosúil leis sin agus táimid ar
fad an-sásta.
Aoife Ní Chroidhreáin (Coláiste Íosagáin):
Is dóigh liom go bhfuil foighne i gceist, i ndáiríre agus a bheith
tuisceanach, agus a bheith in ann tuiscint a bheith acu ar na
fadhbanna a bhíonn ag daoine óga. Agus gaois saoil, chomh maith,
ar shlí, gur féidir leo comhairle a thabhairt ag an am céanna.
Ceapaim gur sin iad.
Éanna Ó Conchúir (Pobalscoil Chorca Dhuibhne):
Caithfidh foighne a bheith aige ar dtús chun déileáil le mo leithéidí
féin agus cúpla duine eile timpeall na scoile. Duine go bhfuil fonn
oibre orthu féin. Tá múinteoirí áirithe agus tugann siad an obair
dúinn le déanamh ach tá an oiread sin measa agam orthu go
ndéanaim é. Oícheanta áirithe, b’fhéidir nach mbeadh fonn orm an
obair a dhéanamh ach deirim liom féin, bhuel, ní theastaíonn uaim
iad a ligean síos mar chuirfidís siúd an obair isteach domsa.
Múinteoir maith
Iarphlé 1
Bunaithe ar an méid a dúirt Niall, Aoife agus Éanna
ba cheart go mbeadh múinteoir maith ábalta na
rudaí seo a rá faoi /fúithi féin:
“Is féidir liom a thaispeáint go bhfuil mé i gceannas.
Bím deas leis na daltaí. Tá smacht agam ar an rang.
Bíonn na daltaí sásta i mo rang. Táim foighneach agus
tuisceanach. Tá gaois saoil agam agus is féidir liom
comhairle a chur ar dhaoine óga. Tá fonn oibre orm
agus tá meas ag na daltaí orm.”
Ach cad mar gheall ar na tréithe a bhaineann le
scoláire maith!
Cad a shíleann tusa a déarfadh múinteoirí dá gcuirfí
an cheist orthu – Cad iad na tréithe a bhaineann le
scoláire maith?
Scríobh síos 5 thréith dhearfach agus 5 thréith
dhiúltach i do chóipleabhar. Ansin, pléigh leis an
múinteoir iad – an aontaíonn sé/sí libh?
Múinteoir maith
Iarphlé 2
Roghnaigh tréithe ón liosta thíos a d’oirfeadh do na
posit seo a leanas (bíodh cúpla tréith agat le haghaidh
gach post):
pleanálaí póstaí
criadóir
aisteoir
bainisteoir comhlachta
•
•
•
•
•
•
•
•
•
•
•
•
•
•
•
eolaí
abhcóide
máinlia
sciamheolaí
Táim an-mhaith le mo lámha.
Ní chuireann brú ná uaireanta an chloig fada isteach
orm.
Is breá liom comhluadar daoine.
Is breá liom a bheith gnóthach.
Táim go maith ag eagrú rudaí.
Tá an-suim agam san airgead.
Is cuma liom faoi chúrsaí airgid.
Is maith liom a bheith i gceannas.
Is breá liom a bheith ag oibriú liom féin.
Is breá liom a bheith ag oibriú rudaí amach dom féin.
Ní bhriseann ar m’fhoighne go deo/ach go hannamh.
Ní bhraithim faoi bhrú rómhinic.
Ní chuireann éiginnteacht sa saol isteach rómhór orm.
Táim go maith ag caint le daoine.
Is duine cruthaitheach mé.
Múinteoir maith
Éisteacht
Beidh tú ag féachaint ar mhír ina bhfuil daoine difriúla
ag cur síos ar na tréithe a bhaineann le fiontraí.
Éist leo agus bí in ann an cheist thíos a fhreagairt :
Cad is fiontraí maith ann?