Transcript Stiv kuling as /// arkitektur natur stadutvikling DISPENSASJON GNR

Vedlegg B-01, side 1/2
Stiv kuling as /// arkitektur natur stadutvikling
DISPENSASJON
GNR 160 / BNR 5 – NY EINEBUSTAD
Haugen, Fjærland, Sogndal kommune
Tiltakshavarar: BJARTE HAUGEN og MARIANNE NILSEN
Vi søkjer med dette dispensasjon for oppføring av ny einebustad (bustadhus nr 2 på gard) og garasje på
ovannemnde tomt, omfatta av Kap. III, 3-1, pkt b) av gjeldande arealdel til kommuneplanen. Føremålet for
området er landbruks-, natur- og friluftsområde (LNF-område), areal for spreidd bustadbygging. Tomta ligg i
område 14, Haugen, der det i komande periode kan byggast 4 bustadhus.
Tiltaket krev dispensasjon for 1 forhold.
Dispensasjon frå pkt 5 i føresegner til arealplanen
Vi søkjer med dette dispensasjon for grad av utnytting som i arealplanen er fastsatt til:
”Maksimalt 200m2-BYA for bustadhus i tillegg til garasje på maks 50m2-BYA og 70 m2 BRA”
Bakgrunn og arkitektonisk grep
I både utforminga og plasseringa av den nye einebustaden og garasjen på Haugen har vi teke utgangspunkt i
staden sine eksisterande kvalitetar. I Fjærland har det lenge vore ein allmen kultur for å byggje husa tett saman i
tun. Reiser ein rundt i bygda ser ein at alle tuna er skilta og har fått sine særskilde namn, noko som kan vitne om
sterke historiske røter til denne tradisjonen og eit felles medvit til utgangspunktet for busetjingsmønsteret i bygda.
I arbeidet med dei nye bygga på Haugen har vi hatt som mål å forsterke tunstrukturen på garden, samstundes
som vi har latt sjølve tomta og omgjevnadane leggje sterke føringar for plassering og utforming. Vi har forsøkt å
arbeide på lag med landskapet og terrenget, ta vare på området sine karaktertrekk, og dratt opp siktlinjer til
mange av dei majestetiske utsiktspunkta i dalen og fjella rundt.
Einebustaden
Først i prosessen ville familien Haugen leggje huset oppe på ein landskapsrygg aust for dagens kårhus. Men ut
ifrå overnemnde punkt kom vi fram til ein løysing der huset følgjer terrenget og både har kontakt med tunet og
utsikta oppe på ryggen. Einebustaden vart difor utforma med alle funksjonane på berre ein etasje, men fordelt på
fleire plan/nivå slik at huset trappar seg oppover i takt med skråninga til landskapsryggen. Slik oppnår vi ein svært
beskjeden gesimshøgde og huset vil framstå som tilbaketrukke i situasjonen.
Huset har ein storleik tilpassa dagens krav til ein aktiv familie på fire, men med ei kompakt planorganisering som
gir både eit areal- og energieffektivt hus. Likevel fører denne noko utradisjonelle planen til eit høgt BYA (bebygd
areal), større enn kva føresegnene i arealplanen opnar for. Her vil vi peike på følgjande aspekt:
• Utforminga med ein etasje over fleire nivå/plan gir huset ein svært beskjeden høgde. Skulle same
romprogram inn på eit mindre BYA, ville huset blitt mykje høgare og meir dominant i omgjevnadane.
Sjå situasjonsoppriss, vedlegg E-05 og E-06, for illustrasjon av typisk 2-etasjes bustad oppe på ryggen.
• Ein stor del av det bebygde arealet er takoverbygg mot sør og vest, og vil framstå som ein lett struktur.
• Både tomt og området rundt har god plass utan begrensingar på arealbruk. BYA går ikkje på bekostning
av noko anna.
• Utforminga er godt tilpassa terrenget og ivaretek eksisterande terrenglinjer rundt huset som i dag.
• Ved å bygge med eit større fotavtrykk vert bustaden lågare, noko som gjer sol- og utsiktstilhøva for
naboar og kårhus betre enn om ein skulle bygd eit hus på 2 etasjar.
___________________________________________________________________________________________
TELEFON +47 415 08 180 | E-POST [email protected] | WEB www.stivkuling.no KONTONR. 3201.53.33013 | ORG.NR. NO 994 739 743 MVA
Vedlegg B-01, side 2/2
Stiv kuling as /// arkitektur natur stadutvikling
Vi ser berre positive konsekvensar av bruksarealet er fordelt utover på fleire plan heller enn å stable det i høgda
på ei mindre grunnflate. Eit auka BYA er såleis utelukkande positivt utifrå føresetnadene. Fordelane ved eit
terrengtilpassa bygg med moderat høgde kjem også alle til gode – byggherre, naboar og området i sin heilskap.
Utifrå dette meiner vi at ein dispensasjon berre vil ha positive konsekvensar.
Arealoppsett einebustad
BYA einebustad, ekskl. takutstikk
BYA overbygd areal / takutstikk
m2 BYA einebustad
255,0m2
55,5m2
310,5m2
m2 BRA einebustad inne
m2 BRA 1m inntrekt frå takoverbygg
m2 BRA einebustad
233,0m2
20,0m2
253,0m2
Arealoppsettet visar at arealet under takutstikket utgjer ein stor del av reknestykket når vi skal finne både total
BYA og BRA. Bustaden er med andre ord ikkje riktig så stor som arealoppsettet ved første augekast skulle tilseie.
Garasjen
Ny garasje vert bygd som ein kombinert garasje og driftsbygning; og inneheld, garasje, utebod, smie (utan
kolfyring) og drivhus/hagebod. For å forsterke tunet og samstundes gjere dagleglivet mest mogleg praktisk og
funksjonelt, er den nye garasjen plassert omtrent der eldhuset står i dag. Dette er ikkje funksjonelt lenger og
rivast til fordel for garasjen. Garasjen erstattar såleis ein del av arealet ein misser ved riving av eldhuset.
Totalt sett er garasjebygget større både i BYA og BRA enn kva arealplanen opnar for, men om ein ser berre på
bruksarealet til parkering og utebod er det i samsvar med føresegnene. Kva gjeld utforming er mykje av arealet til
garasjen plassert delvis under terreng. Eksisterande terrenglinjer rundt bygget er i utstrakt grad ivaretekne som i
dag, og bygget ligg veldig lågt i terrenget. Saman med den nye einebustaden vil desse to bygga danne ein ny og
ryddig øvre avgrensing av tunet. Slik vi ser det er plasseringa til fordel for området i sin heilskap, og bidreg til ro
og orden i ein samansatt tunstruktur.
Utifrå dette meiner vi at ein dispensasjon berre vil ha positive konsekvensar.
Arealoppsett garasje/smie
m2 BYA garasje/smie
111,5m2
m2 BRA garasje
m2 BRA utebod
m2 BRA smie
m2 BRA drivhus/hagebod
m2 BRA garasjebygg
47 m2
19,5 m2
35 m2
35 m2
136,5m2
På bakgrunn av ovanståande utgreiing meiner vi at søknad om dispensasjon bør etterkomast.
Sogndal
21/05/2014
Eyvind Øgar
Sivilarkitekt mnal
Stiv kuling as
___________________________________________________________________________________________
TELEFON +47 415 08 180 | E-POST [email protected] | WEB www.stivkuling.no KONTONR. 3201.53.33013 | ORG.NR. NO 994 739 743 MVA