Transcript Referat - Hordaland fylkeskommune

Møtereferat
Dato: 02.04.2014
Til stades:
Siv Høgtun, ordførar Askøy kommune
Knut Natlandsmyr, Askøy
Eva Herdlevær, Askøy
Tina Lund, Askøy
Synne Guldberg, Askøy
Arve Meidell, Fylkesmannen
Grethe Riise, Fylkesmannen, helse og sosialavdelinga
Åsne Hagen, Fylkesmannen, helse og sosialavdelinga
Torgeir Flo, Fylkesmannen, kommunal- og samfunnsplanavdelinga
Gudrun Stefansdottir, Fylkesmannen, kommunal- og samfunnsplanavdelinga
Ellen Strøm Synnevåg, Hordaland fylkeskommune, RA, utviklingsseksjonen
Britt Karen Spjeld, Hordaland fylkeskommune, KIA, seksjon idrett og friluftsliv
Jan Nordø, Hordaland fylkeskommune, RA, klima- og naturressursseksjonen
Nils Egil Grude, Hordaland fylkeskommune, samferdselsavdelinga
Signe Vinje, Hordaland fylkeskommune, RA, planseksjonen
Liv Sundheim, Hordaland fylkeskommune, RA, planseksjonen
Marit Rødseth, Hordaland fylkeskommune, RA, planseksjonen (frå kl. 14)
Forfall:
Emne:
Referat frå Regionalt planforum 2. april 2014 - Askøy planprogram for kommuneplanens samfunnsdel
Møtetid:
Kl. 13:00 – 15:00
Møtestad:
Sak:
2014/136245
Fylkeshuset, møterom Nordhordland
Møteleiar: Signe Vinje
Referent: Liv Sundheim
Signe Vinje ønskte velkomen og gav ordet til ordførar, som kort gjorde greie for viktige utfordringar for
kommunen. Stikkord: Hurtig vekst, ung befolkning, pressa økonomi, mykje næringsetablering, store
investeringsbehov. Kan samanliknast med ein småbarnsfamilie!
Presentasjon
Planleggjar Synne Guldberg presenterte planprogrammet og gjorde greie for mål og arbeidet hittil.
Det vart laga eit grunnlagsdokument i samband med kommunal planstrategi, der tverrfaglege
arbeidsgrupper gjennomførte SWOT-analyser. Kommunal planstrategi vedtok 8 hovedutfordringer, og nytt
plansystem med tematiske kommunedelplanar.
Samfunnsdelen gir ikkje svar på alle utfordringar, men skal ta opp dei viktigaste satsingsområda.
Visjonen er «Tett på utviklingen – tett på mennesket». Kommunen ønskjer ei aktiv rolle og å påverke
utviklinga. Stikkord bolig, næring, infrastruktur, gode levekår, oppvekstmiljø, kulturliv, helse, natur.
Formannskapet har vedtatt satsingsområde folkehelse, barn og unge, tilhøyrsle og levande lokalsamfunn,
næringsutvikling og verdiskaping. Som bindeledd mellom samfunnsdel og arealdel skal lagast ein
arealstrategi som blir del av samfunnsplanen. Politisk involvering er viktig. Drøftingsnotat skal utarbeidast
og leggjast fram for politikarane. Befolkningsvekst og vekstretning vert viktig del av prosessen.
Det vert lagt stor vekt på medverknad, med hovudvekt når planprogrammet er på høring, med fokus på
informasjon, nettsider, sosiale media mm. Det skal involverast ulike medverknadsgrupper, og for å nå ut til
folk skal kontorbrakke flyttast ut til fem ulike plassar i kommunen.
Framdriftslplan er å fastsette planprogram i september 2014, planforslag på høyring februar-april 2015 og
planvedtak før sommar 2015.
Tilbakemeldingar om planprogrammet med satsingsområde
Stikkord generelt:
 Mykje godt arbeid, fyldig, svært god medverknad.
 Overlapping mellom innhald i satsingsområda kan bli ei utfordring å spisse
 Programmet er svært opent - ein kunne gått litt vidare. Det bør stakast ute ein kurs for
arealstrategien. Ingenting manglar, men saknar klåre signal
 Levande lokalsamfunn må visast att i arealstrategien, som konkrete forslag, ikkje berre ord.
 Spennande med Askøypakken – må sjå i samanheng med arealstrategi - kor ønskjer ein nye
område?
 Askøypakken er godkjent (200 millionar til tiltak), tiltak i samarbeid med kommunen. Også
Sotrasambandet er involvert.
 Klima: mykje bra, men saknar forankring i klimaplanen. Denne er overordna og må synleggjerast i
planen. Frå kommunen vart det svart at det Askøy har fersk kommunedelplan for klima og energi,
og for samfunnsplanen har ein valt å ha fokus på det som ikkje er jobba med til no. Det
grunnleggjande om berekraft ligg i rammene for planen og i grunnlagsdokumentet som er forankra i
kommunestyret.
 Folkehelse: kva er grunngjevinga for å trekke det ut som eige tema? Svar frå kommunen: det har
vore diskutert. Folkehelse har vore satsingsområde lenge, utan forankring i plan, på same måte
med tema barn og unge.
 Godt nøgd med at folkehelse er framheva i samfunnsdelen. Fylkeskommunen jobbar med idrett og
friluftsliv, og arbeider no med ein kulturplan.
 Positivt med kommunedelplan for landskap og natur, her gjer kommunen mykje bra.
Interkommunalt samarbeid er utbreitt for friluftsliv, kanskje burde det også vere for idrett? Fint å få
barn og unge inn i planen.
Satsingsområde
Det vart stilt spørsmål om mål og strategiar. Kommunen svarte at dei ikkje ønskjer mykje tekst i
samfunnsplanen. Dei vil sjå på kva ein ønskjer å få ut av satsingsområda for at dette skal inngå i det
overordna dokumentet.
Det vart stilt spørsmål ved perspektiv og kunnskapsgrunnlag for satsingsområdet folkehelse. Det vart peikt
på at ein bør ha breiare grunnlag, ikkje berre bygge på det ein veit frå før. Er det nokre utfordringar som er
viktigare for Askøy enn andre? Ein bør tydeleggjere folkehelseperspektivet, sjå på dei breie
samfunnsmessige prosessane som skaper helse, og vektlegge positive og negative faktorar. Viser til
regional plan for folkehelse, nettopp vedtatt.
Det vart spurt om ikkje sykkel og gange burde vore presisert under folkehelse. Kommunen opplyste at dette
vert spissa i planen. Til kommentar om låg skåre for sykkelbruk i Askøy i reisevaneundersøkinga, svarte
kommunen at det ligg gang- og sykkelvegar i Askøypakken.
Frå fylkesmannen vart opplyst at dei kjem til å ha ei sterkere satsing på folkehelse og sosial ulikheit, og på
korleis ein legg til rette samfunnet. Dette gjeld også t.d. heimebuande eldre som blir einsame. Det
offentlege rommet blir veldig viktig. Fattigdom er relativt, for ungane vert det synlege forskjellar. Dette er eit
nasjonalt mål og viktig å ha med i grunnlag og tenking framover.
Programmet nemner blågrøne område og tilgang til sjø og det vart stilt spørsmål om strandsonekartlegging,
f.eks om ein vil gjere det same som i Sunnhordland. Kommunen svarte at det ikkje er gjort noko konkret, det
Side 3/3
har vore ein tanke å sjå i sammenheng med Sotra. Her vil noko kome igjen i arealdelen og noko i
kommunedelplanar.
Samordna areal- og transportplanlegging vart brakt inn som tema, bl.a. med spørsmål om betre framkome
(Askøypakken) også kan føre til meir bilbruk? Frå kommunen si side vart peikt på at Askøypakken vil gå til
opprusting av eksisterande vegnett og trafikksikring, som er særleg aktuelt sør i kommunen – og vil ikkje
føre til meir bilkjøring rundt på øya. Utfordringa er kollektivsatsinga i regionen. Båten til byen må ivaretakast,
og den treng ikkje veginvesteringar.
Frå fylkeskommunen, som har ansvar for kollektivtrafikken, vart vist til at det er løyvd 200 millionar til
kollektivtiltak i Askøypakken, fylkeskommunen skal satse på båten, ein skal over på anna drivstoff, og det
vert ny kollektivterminal.
Det kom spørsmål om det er lagt inn berekningar for miljø, klima – kollektivtrafikk ut av kommunen og slått
fast at kollektivtransport er aktuelt for samfunnsdelen.
Næringsutvikling og verdiskaping
Handelslekkasje og sjølvforsynte kommunar er tema i regional senterplan. Askøy har potensiale for auka
sjølvforsyning. Det er også viktig å vere bevisst på pendlingssituasjonen.
På spørsmål om kommuneøkonomien burde drøftast i planen meinte kommunen at det ikkje høyrte med –
handlingsdelen (som kan bli økonomiplanen) kan ivareta det, og også kommuneplanane skal ha
handlingsdelar.
Samfunnssikkerheit er overbygning for fleire av temaene og det bør seiast litt om det i det vidare arbeidet.
Kommunen opplyste at dei er i gang med i gang med kommune-ROS, dette vil skape grunnlag for kva som
skal inn. Det passar inn i fleire av satsingsområda.
Arealstrategien
Stikkord:
 Viktig med overgangen frå samfunnsdel til arealdel – korleis satsingsområda vert henta inn i
arealstrategien. Arealstrategi må vise koplingar til satsingsområda.
 Det er viktig for kommunen å jobbe seg gjennom dette arbeidet sjølve.
 Viktig med tydelige kriterier i samfunnsdelen.
Medverknad
Kommunen fekk ros for godt opplegg. Framtidsverkstaden har overføringsverdi for andre kommunar.
Kommentar til spørsmåla i planarbeidet (6.4 i utkast til planprogram)
Folkehelse: Dei som svarar på spørsmålet svarar på kva som er viktig for dei, og ikkje på kva som skaper
god folkehelse. En må skilje mellom dette. Vi må legge til grunn kunnskapen som finst og sjå på
årsaksfaktorar, for eksempel til sosiale skilnader.
Det er fokus på barn og unge, men kva med eldre, vart det spurt om. Kommunen svarte dei er med i
medverknadsopplegg elles.
Hordaland fylkeskommune
Agnes Mowinckels gate 5
PB 7900
5020 Bergen
Tlf: 55 23 90 00
e-post: [email protected]
www.hordaland.no
Foretaksnr. NO 938 626 367 mva.
Kontonr. [xxxx xx xxxxxx]