Transcript Årsmelding for Tromsø mållag 2012

Årsmelding for Tromsø mållag 2012
Styret i Tromsø mållag har i meldingsåret sett slik ut:
Øystein Alexander Vangsnes, leiar, vald for 1 år i 2012
Guri Skeie, kasserar, vald for 1 år i 2011
Astrid Bondevik, styremedlem vald for 2 år i 2011
Guro Reisæter, styremedlem, vald for 2 år i 2011
Pål Julius Skogholt, styremedlem, vald for 2 år i 2011
Varafolk – begge valde for 1 år:
1. Trond Trosterud
2. Inger Johanne Sæterbakk
Styret har også i siste periode vore arbeidsutval for Troms og Finnmark mållag.
Revisor: Else Marie Øvrebø, vald for 1 år
Valnemnd – alle valde for 1 år:
1. Olav Skare, leiar
2. Bjarne Isaksen
3. Sigrun Høgetveit Berg
Medlemstal
Per 22. januar 2013 har Tromsø mållag 96 betalande medlemmer. Det er 12 fleire enn
rapportert i årsmeldinga for 2012.
Aktivitet
Aktiviteten har i 2012 har omfatta tilskiping av seminar, deltaking på landsmøte,
nynorskgudsteneste og tilskiping av landsdelssamling. Styret har også uttalt seg om
namnesaker overfor kommunen. Det har vore arbeidd vidare med eit barnesonghefte. Sjå
nedanfor for meir utførlege opplysningar.
Styremøte
Det har vore i alt sju styremøte sidan forrige årsmøte. I tillegg har styret hatt jamleg epostkontakt.
Seminar om nettsideprosjektet Nynorsk i nord
Laurdag 14. april arrangerte Tromsø mållag eit seminar om nettsideprosjektet Nynorsk i nord
(sjå http://tromso2.nynorsk.no/2012/03/25/fylkessamling-varen-2012/). Samlinga hadde òg
vitjing frå Skrivarstova av Jens Kihl som heldt ei orientering om planane for Språkåret 2013.
Nettsideprosjektet er støtta gjennom ei løyving frå Sandefjord og Sandar Mållags legat og
målsetjinga var å få produsert meir nettsidestoff om nynorsk i Tromsø. Over tid er målsetjinga
vorte utvida til å dreia seg om meir stoff om Nord-Noreg på nynorsk, og frå å tenkja seg ei
eiga nettside, er innsatsen no kanalisert over på å produsera slikt stoff på nynorskWikipediaen. Der har prosjektet ei eiga side, sjå
http://nn.wikipedia.org/wiki/Wikipedia:Wikiprosjekt_Nynorsk_i_Nord-Noreg
Dei andre laga i Troms og Finnmark mållag var inviterte til å delta på samlinga, og Magne
Heide frå Harstad og Omland mållag heldt ei forvitneleg innleiing om kva for stoff det er
naturleg å konsentrera seg om og korleis det bør organiserast. Trond Trosterud ga elles
innføring i tekniske sider ved å skriva wiki-artiklar. Om lag ti personar deltok på seminaret.
Landsmøte
Øystein A. Vangsnes og Guri Skeie deltok på landsmøtet til Noregs Mållag i Oslo, 27.-29.
april. Vangsnes var for øvrig invitert til å halda landsmøtetalen – den kan lesast her
http://www.nm.no/_filer/landsmote2012_vangsnes_utan_ref.pdf.
Nynorskgudsteneste
22. mai var Tromsø mållag med på å skipa til nynorskgudsteneste i Elverhøy kirke.
Medlemmer i laget bakte kaker til kyrkjekaffien.
Landsdelssamling
6.-7. oktober var Tromsø mållag vertskap for ei samling for lokallag i Nord-Noreg. På møtet
møtte utsendingar frå Salten mållag, Harstad og Omland mållag, Målselv mållag forutan
medlemmer av Tromsø mållag. Vefsn, Balsfjord og Varanger melde forfall. Føremålet med
samlinga var å styrka samarbeidet mellom mållaga i nord, og vi fekk organisasjonsmidlar frå
Noregs Mållag til dette tiltaket.
Dei ulike utsendingane orienterte om aktiviteten i sine lag og på saklista stod elles Språkåret
2013 og nettsideprosjektet Nynorsk i nord. Prosjektleiar Inger Johanne Sæterbakk ga ei
orientering om Språkåret 2013 og Øystein A. Vangsnes gjorde greie for nettsideprosjektet.
Det vart også gjort greie for arbeidet med barnesongheftet til Tromsø mållag, og dei andre
lokallaga uttrykte interesse for dette. Det vart semje om å utnytta dette i samband med
Nynorskstafetten til Noregs Mållag som kjem til å vitja Nord-Noreg i mai 2013.
Informasjon til lagsmedlemmer
Medlemsskrivet Nynorsk i Tromsø ligg framleis på is. E-postlista for laget har vore noko i
bruk som informasjonskanal, og dei medlemmene vi ikkje har e-postadresser til, har fått den
viktigaste informasjonen tilsendt via ordinær post. Det er ei målsetjing å bruka nettsida til
laget meir aktivt.
Barnesonghefte
Noregs Mållag drog i gang den nasjonale kampanjen for meir nynorsk i barnehagar i 2010. I
Tromsø mållag har Øystein Vangsnes, Bjarne Isaksen og Sigrun Høgetveit Berg gjort eit utval
av nordnorske og nynorske barnesongar til eit songhefte som born ved Storskogåsen
barnehage har teikna og måla illustrasjonar til. Alle songane er tonesette. Heftet ligg no til
setjing, og vil bli trykt opp i 1000 eksemplar i februar. Desse eksemplara skal distribuerast
fritt til barnehagar i Troms, og heftet vil også kunna bli lasta ned gratis som pdf frå nettsidene
våre. Heftet er fullfinansiert gjennom løyvingar frå Tromsø kommune, Troms fylkeskommune
og Longva-fondet. Vi tek sikte på ei markert lansering av heftet i samband med at
Nynorskstafetten besøkjer Tromsø 24.-25. mai.
Skrivetevling
I skrivetevlinga som vart arrangert i 2011, vart det, slik det er gjort greie for i forrige
årsmelding, ikkje kåra nokon vinnar. Styret har diskutert vidare arbeid med å skipa til nye
skrivetevlingar og meiner dette er ønskjeleg. Så langt har dette ikkje resultert i nye utlysingar.
På landsdelssamlinga kom det fram at Salten mållag har ei årviss skrivetevling med god
oppslutning, og det kan vera nyttig å sjå nærmare på korleis dei gjennomfører dette.
Fylkesmållaget
Det var halde årsmøte per telefon for Troms og Finnmark mållag 13. mars. Både
nettsideseminaret 14. april og landsdelssamlinga 6.-7. oktober involverte lokallaga i
fylkesmållaget
Namnesaker
Styret i Tromsø mållag uttalte seg om ei rekkje namnesaker i eit e-brev til Tromsø kommune
21. juni.
Økonomi
Vi tek med takk imot små og store gåver til lagsarbeidet, til bankkonto 0531.01.34114. Hugs
at du kan støtta Tromsø mållag gjennom grasrotandelen når du tippar. Men først og fremst ber
vi alle medlemmane om å betale årspengane innan fristen.
For styret i Tromsø mållag, 28. januar 2013
Øystein A. Vangsnes, leiar