Transcript les hva han skriver

Slurvar du med brannsikringa,
100-150 hyttebrannar i året
Årleg rykker brannvesenet ut til mellom 100 og 150 hyttebranner her i landet. Ein
fungerande røykvarslar er ei billeg forsikring for å koma seg ut i tide. Men kvifor ikkje
installera fleire for å auka tryggleiken?
Ja, for du har vel røykvarslar på hytta? I så fall, har du hugsa å bytta røykvarslerbatteri i
løpet av det siste året? Ei tidlegare landsomfattande undersøking viste at mange hytter
kunne vera utan røykvarslar som virka.
Kvart år misser gjennomsnittleg over 60 personer livet i brann. Me gjer ikkje nok for å
sikra oss mot brann og andre ulukker heime og på hytta. Mange tragiske ulukker kunne
ha vore unngått om me hadde følgt grunnleggjande, enkle råd og ved å gjennomføra
ulike tiltak for å hindra brann. Open eld og bruk av levande lys er ein av grunnane til at
hytter er meir utsett for brann enn bustadhus
I påskeveka vil Kvam brann- og redningsteneste, besøkja deler av hyttene på
Kvamskogen, slik som føregåande år. Gjennom aksjonen ”Trygg hyttekos” ynskjer me å
setja fokus på brannvern, seier varabrannsjef Arthur Strømme.
- Me vil banka på hyttedøra, og om det høver ta ein prat om brannsikring. Vårt ynskje er
slett ikkje å skremma folk og øydeleggja hyttekosen, men om me alle er oppmerksame,
kan vi unngå tragiske hyttebrannar her i Kvam, seier varabrannsjefen.
I samband med besøket vil me dela ut ei lita gåve til hyttefolket med batteri til
røykvarslar, ein kortspel og informasjon om brannvern.
Ta tid til å sjekka branntryggleiken på hytta:
x Sjekk røykvarslar kvar gong de tek hytta i bruk. Test ein gong i året med røyk òg.
Har du fleire bør dei koplast i serie, varslar ein – varslar alle.
x Byt batteri minimum ein gong per år.
x Gå aldri frå levende lys.
x
x
x
x
x
x
Ikkje bruk peis/omn som tørkestativ.
Syt for å handtera oskeavfall på ein forsvarleg måte.
Ikkje gå frå hytta med elektriske apparat i bruk.
Vær ekstra varsam ved bruk av gass. Sjekk utstyr og slangar jamleg.
Bruk godkjent installatør når det elektriske anlegget skal utbetrast.
Syt for å utføre bygningsmessig arbeid i tråd med plan- og bygningslov
Fyrverkeri-oppsending
På Kvamskogen har det utvikla seg ein tradisjon med å senda opp fyrverkeri i samband
med påskefeiringa. Me veit at naboar der dette føregått, har opplevd dette som utrygt, og
vil minna om at denne aktiviteten er ulovleg. Det er eit generelt forbod mot oppsending
av fyrverkeri heile året, bortsett frå nyårsaftan frå kl 18.00 til 02.00.
I år kan i tillegg fylgjene av oppsending av fyrverkeri fort verta ein større brann, då
snøsmeltinga no er komen så langt, og terrenget rundt hytta såleis etter kvart er svært
turt!
Difor oppmodar me kvar einskild av hyttefolket om å respektera dette forbodet slik at alle
kan oppleva ei god og trygg påske.
Kvam brann og redningsteneste v/ kontaktperson: Arthur Strømme. Mob 95 72 12 06
Grovagjelet 16
5600 Norheimsund
(Bak kampanjen står Norsk brannvernforening, forsikringsselskapet Tryg og Direktoratet
for samfunnssikkerhet og beredskap – DSB, i samarbeid med Kvam brann og
redningsteneste)