Transcript Presentasjon av foredragshaldarane

Prosjekt til fordjupingskonferansen i Bergen 22. april 2015
Motivasjon og meistring gjennom praksis
Presentasjon av foredragshaldarane:
Unni Teien er rådgjevar i læreplanavdelinga i Utdanningsdirektoratet og leiar arbeidet med utforming
av den nye forskrifta i faget prosjekt til fordjuping. Hennar innlegg vil handle om prosjekt til fordjuping i
lys av forskriftsendringa.
Grete Haaland er professor ved institutt for yrkesfagslærerutdanninga ved Høyskolen i Oslo og
Akershus. Ho har bakgrunn som handverksmeister og har lang erfaring frå fagopplæring i skule og i
bedrift. Ho har gitt ut ei rekke publikasjonar både innan vitskapleg forskning og yrkesfaglege
lærebøker:
- Haaland, Dalback, Hansen, Rokkones (2014): «Yrkesdidaktikk for motivasjon og
yrkesrelevans», 2014.
- Haaland, Djupvik: «Veileder og intruktørhåndboken» 2013,
- Haaland og Nilsen (2013): Læring gjennom praksis. Innhold og arbeidsmåter i yrkesopplæringen. Oslo: Pedlex
- Hansen, Kari; Haaland, Grete (2013). Demokratisk klasseledelse i yrkesfag. Klasseledelse
- for elevenes læring.
- Haaland, Nore, Vagle (2009): Vurdering for og av læring i yrkesfag. Vurdering, prinsipper
og praksis: Nye prinsipper på elev- og læringsvurdering.
Tore Gatland Kleppe er avdelingsleiar på Laksevåg videregående skole for avdeling TIP og
Elektrofag. Kleppe har 25 års undervisningserfaring. I grunnutdanninga si har han fagbreva,
platearbeider-, maskinarbeider- og industrimekanikarfaget. På konferansen vil han snakke om
redskapsfagene og særskilt korleis faget Prosjekt til fordypning på ulik vis kan praktiserast.
Mattias Tesfaye er dansk murar, forfattar og politikar. Han er blant anna kjend for sitt engasjement for
betre forhold for yrkesfaga i Danmark, sin kritikk av sosial dumping og for uttale mot akademisering og
ulikskap. Tesfaye er forfattar av boka «Kloge Hender. Et forsvar for håndværk og faglighed» (2013).
Ann Karin Sandal er førsteamanuensis i pedagogikk ved Høgskulen i Sogn og Fjordane og har
arbeidd mellom anna i praktisk pedagogisk utdanning og grunnskulelærarutdanninga. Ho har forska på
elevane si læring og vurdering i faget prosjekt til fordjuping. Ho er fagleg ansvarleg for HiSF sitt studie
for yrkesfagslærarar i prosjekt til fordjuping. Ho har òg vore med å utforme den nye forskrifta i prosjekt
til fordjuping. Publikasjonar:
- Ann Karin Sandal og Kari Smith (2010): «Frå ungdomsskule til vidaregåande skule –
elevane si stemme»
- Ann Karin Sandal og Kari Smith (2012) «Møte med yrkesfagleg utdanning i den norske
vidaregåande skulen»
- Ann Karin Sandal ,Kari Smith og Ragne Wangensteen (2010) «Vocational students` experiences with assessment in workplace learning».
John Arve Eide er konstituert fylkesdirektør for vidaregåande opplæring i Akershus fylkeskommune.
Han har bakgrunn som regionsdirektør med ansvar for 15 vidaregåande skular på Romerike og fagopplæring. I ei årrekkje var han rektor ved Jessheim videregående skole, ein kombinert vidaregåande skule med 1100 elevar og 250 tilsette. Han er tømrar og snikkarmeister. På konferansen vil han
dele sine erfaringar om det å leie arbeidet med å tilretteleggje for god læring for elevane.