Transcript Les meir

BØKSTULNATTEN
Bøkstulnatten, 928 moh, er
ikkje blant de høgaste toppane
på Lifjell, men han er likevel
blant dei mest kjente og
kanskje den som blir mest
besøkt. Strålande utsikt og lett
tilgang sørgjer for det.
Bøkstulnatten har ei lang
historie. På eit kart frå 1848 er
nuten kalla Jønnbunut . Dette
kan ein forstå ut frå at Jønnbu,
som er ei gamal og tradisjonsrik
stule på Lifjell, ikkje ligg så
langt unna. Ein meiner likevel
at Bøkstulnatten er det eldste
og opphavlege namnet. Men så
kan ein spørje, kor låg så
Bøkstul? For dette namnet finn
me ikkje på dagens kartverk.
Jau, tuftene av det som truleg
var det gamle Bøkstul er
framleis synlege. Dei ligg nede
ved
Fjellstulroe,
nedunder
Bøkstulliene og nordaust for
toppen av natten. Andre namn
der nede er Bøkstuldalen, som
strekker
seg
opp
mot
Krintoskaret.
Gamle segner fortel om livlege
jonsokvaker både ved Jønnbu
og Torilstul. I dansen kunne ein
oppleve både attergangarar og
den vonde sjølv, men dei skal
vi ikkje fortelje om her. Bare at
toppen av Bøkstulnatten også
blei kalla Jonsoknut fordi det
var vanleg med bålbrenning og
Teikning: Margit Helga Thoen
jonsokfeiring der oppe også.
Segna fortel at under ei
jonsokvake ein gong kom det
fram ei makalaus fin jente som
ingen drog kjensel på. Men da
ho svinga seg i dansen kom
rompa fram under stakken, det
var nok huldra.