Transcript Les meir

SKRUBBEHIET
Namnet på den vesle hytta framfor deg
er Skrubbehiet (skrubb = ulv). Ho var
hytta til kunstmålar Torleif Stadskleiv
(1865 – 1948) frå Bø. Stadskleiv var ein
kjent målar i samtida. Han hadde studert
kunst i Firenze og Rom og var nær ven
med
samtidskunstnarar
som
Werenskiold og Egedius.
Nasjonalgalleriet har fleire måleri av Stadskleiv.
Stadskleiv lika seg i fjellet og drog opp
hit så snart det blei sommar. Her fekk
han ro og fred til å konsentrera seg om
kunsta si. Namnet Skrubbehiet kan
forklarast med at hytta låg nedst i
Skrubbeliane med Skrubbelinuten øvst
oppe. Det kan også tenkast at
Stadskleiv valte dette namnet av di han
følte seg litt i slekt med skrubben og helt
seg mykje for seg sjølv her inne i fjellet.
Innpåslitne turistar skremte han bort
med ein revolver. ”Den brukar eg til å
skyte plagsame turistar med”, kunne
han fortelje, om nokon spurte kva han
bruka den til. Og dermed fekk han ro og
fred i hiet sitt.