Transcript Referat - Hordaland fylkeskommune

Møtereferat
Dato: 07.05.2014
Til stades:
Hans-Erik Ringkjøb, ordførar, Voss kommune
Gunnar Bergo, Voss kommune
Hilde Gunn Stenseth, Statens Vegvesen
Toralf Otnes, NVE
Gjertrud Karevoll, Vaksdal kommune
Anniken Friis, Fylkesmannen i Hordaland (FMHO), Miljø- og klimaavdelinga
Arve Meidell, FMHO, Kommunal- og samfunnsplanavdelinga
Gudrun Stefansdottir, FMHO, Kommunal- og samfunnsplanavdelinga
Tord Bakke, FMHO, Kommunal- og samfunnsplanavdelinga
Kari Elster Moen, FMHO, Kommunal- og samfunnsplanavdelinga
Jostein Aksdal, Hordaland fylkeskommune (HFK), Seksjon for kulturminnevern og museum
Gunnbjørg Austrheim, HFK, Seksjon for kulturminnevern og museum
Ellens Synnevåg, HFK, Utviklingsseksjonen
Signe Vinje, HFK, Planseksjonen
Marit Rødseth, HFK, Planseksjonen
Forfall:
Jernbaneverket
Emne:
Referat frå Planforum 29. april 2014 - Voss kommune
Møtetid:
10.05 – 12.15
Møtestad:
Sak:
2014/1362411
Hordaland fylkeskommune, «Nordhordland»
Møteleiar: Marit Rødseth
Referent: Signe Vinje
Marit ønskte velkomen, og gav ordet til ordførar i Voss kommune, Hans-Erik Ringkjøb, som informerte kort
om arbeidet med kommuneplanen.
 Målet er å få ein langsiktig kommuneplan som er breitt politisk forankra og som skal vare i fleire år
framover.
 Vossavangen som regionsenter er viktig både for Voss og Indre Hordaland, og blir prioritert.
 Kommuneplanen legg opp til ein folkevekst som er høgare enn prognosane til SSB.
 Kommunen har ein eigen dialog med forsvaret om mogleg utbyggingsføremål på Raaberget
Gunnar Bergo innleidde om planarbeidet
Planprogrammet:
 Det er arealdelen som skal rullerast, særleg bustadbygging knytt til sentrum og jernbane og
råstoffutvinning.
 Samfunnsdelen skal oppdaterast på folketal og statistikk
 Handlingsprogrammet skal tilpassast dagens økonomiske situasjon
Bustadbygging
 Folkevekst i Bergensregionen og utbetring av Bergensbanen mot Voss gjer det aktuelt å snakke om
folketal utover SSB sine prognosar



Kommuneplanen skal vise ei tydeleg grense mellom sentrum og landbruksområde, for å gje
landbruket føreseielege og langsiktige tilhøve utanfor sentrum. Det skal vonleg redusere talet på
dispensasjonar.
Nye aktuelle utbyggingsområde er Gjernes, Raaberget, Vangen Vest
Det er gjort ei mobilitetsanalyse kor lang tid det tek å gå og sykle frå jernbanestasjonen
Råstoffutvinning
 Dagens situasjon er prega av mykje uttak av stein utan plan. Dette skal rettast opp i
kommuneplanen.
 Det blei presentert to nye forslag til steinuttak: Bjørkemoen ved Bømoen ligg langs det verna
vassdraget Raundalselva. Løno ved E-16 ligg nære Lønaøyane naturreservat.
Campingplassar
 Ein del campingplassar er etablert utan reguleringsplan. Det er behov for å sikre strandsona for
allmenn tilgang.
 Det er ikkje avgjort om det skal settast krav om reguleringsplan eller om det er nok med ei grundig
byggjesakshandsaming.
Øvingsområde for snøskuter
 Det er stor vekst i snøskuterbruken i Voss kommune, og behov for å få snøskuterbruken i ordna
former. Kommunen ønskjer tilbakemeldingar på korleis dette kan løysast.
 Øvingsområdet er relativt godt eigna – det er ikkje skjemmande i forhold til støy eller grannar.
Justering av føresegnene
 Det er eit ønske om å forenkle føresegnene, mellom anna for å avklare skjeringspunktet mellom
reguleringsplan og byggjesak. Det er ein pågåande diskusjon kva tiltak som skal krevje regulering
og kva som kan byggjesakshandsamast, det gjeld i saker om:
o Tal på kor mange nye bustader som kan byggjast før kravet om reguleringsplan slår inn
(vurdert frå 4 bustader til intill 6 bustader)
o Råstoffutvinning
o Campingplassar
Generelle innspel
 Statens vegvesen gav utrykk for at dei er generelt opptatt av trafikksikkerheit (både for mjuke og
harde trafikantar), avstand til veg, tilkomst til veg og eventuelle kollektivtiltak.
 Moglegheitsanalysar for Voss sentrum og langsiktige grenser for å ivareta landbruket vil vere nyttig.
 Spørsmål om kunnskapsgrunnlag i konsekvensutgreiinga. Det bør kome fram kva kjelder som er
nytta. Jf. Naturmangfaldlova. Landskapskartlegging for Hordaland kan nyttast i
konsekvensutgreiinga.
 Tema ureining er eit vidt tema – Anleggsperiode av nye bustadområde fører til mykje støy og
fylkesmannen mottek mange klager på dette temaet. Dette bør også bli tatt med i kommuneplanens
arealdel – det same gjeld uttak av stein og råstoff.
 Ved utbygging og fortetting er det viktig at ein tek vare på kvalitetane i nærområdet. Korridorar
mellom bustadområde og friluftslivsområde er viktig i den samanhengen, og då er kartleggingar og
data på 100-metersskog og nærfriluftsområde relevant.
 Konsekvensutgreiinga viser føringar for kva som skal sikrast i reguleringsplanar. Det bør bli gjort
tydeleg at dette ikkje er uttømmande krav til reguleringsplanen. Det vil som regel vere fleire
utfordringar i ein reguleringsplan som ikkje kjem fram i kommuneplanen.
 Avstand til kollektivtransport, lokalsenter og nærsenter bør også bli tatt inn i konsekvensutgreiinga.
 Behov for deponi bør bli tatt inn i kommuneplanen.
 Kommuneplanen bør kartlegge naturfare både i nye område og i eksisterande utbyggingsområde
der fare ikkje har vore kartlagt tidlegare.
 Nytt aktsemdskart for jord- og flaumskred blir snart lansert som supplering til eksisterande NGI-kart
for stein og snøskred. Det kan bety ein del nye aktsemdsområde i Voss.
Side 3/4

Aktsemdsområde kan gjerne bli lagt til som omsynssone i plankartet eller som eit parallelt kart.

Spørsmål om korleis nytt bustadområde på Bømoen blir handtert i kommuneplanprosessen. Det vil
«leve sitt eige liv», og bli vist som område under regulering.
Raaberget (bustad – opna for å blande formål med reiseliv – til dømes hotell)
 Positivt for folkehelse kan mellom anna vere nærleik (gangavstand) til skule og andre funksjonar
 Kulturminne og kulturlandskap kan knytast opp mot til dømes gjennomgåande turstiar og landskap
som ikkje skal byggjast ut. Det vil vere positivt i eit folkehelseperspektiv også.
 Statens Vegvesen varsla motsegn ved førre rullering av kommuneplanen. Dei ventar at innspela frå
førre runde blir teke med i denne omgangen. Dei kjem til å sette krav til utforming av krysset og
tilrettelegging for mjuke trafikantar.
Hellesnes (bustad)
 Det er uheldig at området ligg i eit samanhengande landbruksområde, og blir liggande som ein
satellitt utanfor sentrumsgrensa.
 Det er indikasjon på at det har vore forhistorisk aktivitet i området, og utbygging kan utløyse fleire
funn. Området kan derfor vere kostnadskrevjande å få realisert.
Gjernesmoen (bustad)
 Området ligg godt eigna i nærleiken av skule og barnehage.
 Dagens utfordringar med skuletransport kan kanskje løysast på det nye området.
Opelandsmarka (bustad)
 Det bør kome fram at det er i nærleik til eit lokalsenter, og kva funksjonar som er der.
 Ein må vere merksam på mjuke trafikantar, mellom anna knytt til skulevegen. Gang og sykkelsti kan
vurderast her, og bør også vurderast som ei generell føresegn i samband med nye store
bustadområde.
 Det bør vurderast om eit nytt byggjefelt vil bli ei barriere for vidare hogstdrift av skogen bakom
byggjefeltet.
Solnutane (fritidsbustader)
 Det er ei føresetning at byggjeområdet blir lagt under skoggrensa.
 Området må justerast slik at det ikkje ligg på dyrka mark. Dyrka mark bør ikkje bli omgjort til
fritidsføremål.
 Vegen opp Raundalen er ikkje tilfredstillande. Det er eit spørsmål om området er moge for fleire
hytter, eller om eit rekkefølgjekrav kan vere løysinga. Jernbanen kan ikkje reknast som einaste
tilkomstmåte. Vegen er ikkje med på Vegvesenets prioriteringsliste over tiltak i næraste framtida.
 Dagens veg kan vurderast som eit kulturminne i seg sjølv, og svingar seg gjennom eit svært viktig
kulturlandskap. Det er derfor eit relevant spørsmål kva inngrep ein eventuell ny veg vil gje.
 Innspel om skitrekk bør ikkje bli gjennomført av omsyn til dei andre skidestinasjonane.
 Regionale friluftsområde og landskapskartlegging kan vere nyttig bakgrunnskunnskap.
Bjørkemoen (råstoffuttak)
 Kartet viser at ein går nærare enn 50 meter til vassdraget, som er byggjeforbodsgrense i
rikspolitiske retningsliner for verna vassdrag. Det bør vurderast om ein kan trekke området for
råstoffuttak bort frå elsva og tilpasse det dagens uttak.
 Området fungerer i dag som ein buffer mot dei verna bygningane på Bømoen. Ein slik buffer er
svært viktig, og forslaget som er vist på kartet kjem i klart i konflikt med nyare tids kulturminne.
 Føresegnene bør vise storleik på bufferen.
 Grunnvasspegelen og elveerosjon må ein ta omsyn til – ein kan ikkje gå så langt ned. Potensiale og
uttaksmengd bør gjerne vere eit tema i planprosessen, for å ta ut den grusen ein treng til så få
samfunnsmessige konsekvensar som mogleg.
Hordaland fylkeskommune
Agnes Mowinckels gate 5
PB 7900
5020 Bergen
Tlf: 55 23 90 00
e-post: [email protected]
www.hordaland.no
Foretaksnr. NO 938 626 367 mva.
Kontonr. [xxxx xx xxxxxx]

Konsekvensutgreiinga bør vise at det er mange ubesvarte spørsmål og at reguleringsplanarbeidet
kan føre til at tiltaket ikkje let seg gjennomføre.
Palmafossen (næring/bustad)
 Det kan vere aktuelt å fjerne dagens jernbanespor. Dette må skje i dialog med jernbaneverket.
 Kommunen ønskjer at det blir gjort ein områdereguleringsplan der veg og bane blir tema.
 Statens Vegvesen er einig i at det er ønskjeleg å få gjort noko med kryssløysingar, men det er ikkje
prioritert i NTP.
 Den gamle jernbanetraseen må vurderast som kulturminne.
 Kommunen bør vere merksame på kva det blir opna opp for. Kor stort er lokalsenteret? Korleis er
tilhøva i forhold til Vangen? Sentrumet bør avgrensast tydeleg – heile området bør ikkje settast som
sentrumsføremål.
Slettafjell – Nyaset (fritids og turistføremål – alpinanlegg)
 Heilskapen bør vurderast alt no, sjølv om det «berre» er eit skitrekk med tilkomst frå Slettafjell som
det er kome forslag om. Vil det vere aktuelt å leggje til rette for hytter i Dyrvedalen? Korleis skal
tilkomsten vere?
 Det kan vere positivt å samle ny utbygging til område der det alt eksisterer eit alpinanlegg. Ein bør
likevel vere presis på kva ein ønskjer i dei ulike delane av området for å kunne ta stilling.
 I Dyrvedalen er det fleire kulturminne. Utbygging av skiheis vil kunne føre til press på ein ny veg, og
truleg ei forventing om meir utbygging. Dette kan få store konsekvensar for kulturminne og
kulturlandskap.
 Skal det opnast for hytter må eit rekkefølgjekrav om veg vere tydeleg.
Hildestveit (øvingsområde for skuter)
 Kommunen viser til at berre dei som er medlem i skuterklubben får bruke området.
 Det kan vere utfordrande å sikre seg at skuterbrukarane held seg på innsida av øvingsområdet.
 Teknisk sett kan området ha gode føresetnader for øvingsområde for skuter.
 Støy og influensområde må avklarast – både for stille friluftsliv og for støyfølsame artar.
 Parkeringsareal for snøskuterar må vurderast.
 Det er ikkje særleg stort potensial for kulturminne
 Kommunen bør tenkje langsiktig og vurdere korleis dei eventuelt skal handtere innspel om
tilsvarande øvingsområde andre stader.
 Dei formelle sidene bør bli diskutert med juristar.
Løno (råstoffuttak)
 Vegvesenet må vurdere avkøyrsle opp mot kommunedelplan for E-16. Det må bli sett plankrav.
 Konsekvensutgreiinga må vere grundig på konsekvensane for landskap og vassdrag – særleg
verneområdet. Ein kan stille spørsmål ved om dette vil dekke behovet som utbygging av E-16 har,
eller om dette kan løysast andre stader til færre konsekvensar.
 Skredfare må avklarast. Konsekvensutgreiinga må dokumentere kva vurderingar som er gjort.
Føresegner
Det blei ikkje tid til å gå gjennom forslag til nye føresegner. Desse kan vere problematiske, og det må ein
kome tilbake til seinare i prosessen.