NAUSTDAL KOMMUNE

Utval

KOMITE FOR LANDBRUK - TEKNIKK OG MILJØ UTVAL FOR PLANSAKER Saksansv.: Arne Kringlen

SAKSUTGREIING SAKSGANG

Møtedato

04.02.2015

Saksnr.

002/15 04.02.2015 006/15 Arkiv: K1-140, GBR- Objekt:

Avgjerd av: Sakshandsamar

AK AK Arkivsaknr 12/808

Høyring av rapport med konsekvensutgreiing av byggjeområde i Naustdal sine grender - Grend+ Vedlegg:

Nr T Dok.dato Avsendar/Mottakar Tittel

27 I 19.01.2015 Norconsult Konsekvensutgreiing Grend+ med kartvedlegg

Andre saksdokument (ikkje vedlagt):

Nr T Dok.dato Avsendar/Mottakar Tittel

2 1 7 I I I 10 I 13 I 13.12.2012 Helle Grendalag v/ Olaug Helle 13.12.2012 Helle Grendalag v/ Olaug Helle 01.01.2013 Naustdal kommune/ Sogn og Fj. Fylkeskommune 13.06.2013 Midtredalen grendalag v/Arne KJell Folkestad AREALPLANEN I KOMMUNEN Signert avtale Naustdal kommune og Sogn og Fjordane Fylkeskommune Avtale om Pilotprosjekt Grend + i Midtredalen i Naustdal mellom Midtredalen grendalag og Naustdal kommune 05.02.2014 BU styret Instedalen v/ Janne Søknad om deltaking i grend+ L. Svorstøl prosjektet 26 U 29.04.2014 Fylkesmannen i Sogn og Fjordane SØKNAD OM Å BLI MED I AREALPLANEN I KOMMUNEN SØKNAD OM Å BLI MED I Referat frå møte med fylkesmannen og fylkeskommunen om Grend Pluss

Saksopplysningar:

Naustdal sin Grend+ metodikk handlar om at kommunen følgjer tett på grender med utviklingskraft og bidreg til at grenda får målretta sitt utviklingsarbeid. Ein viktig føresetnad er å tilpasse offentlege planprosessane til det aktuelle planbehovet i grenda og slik korte ned på tidsbruken frå ide til handling, samanlikna med tradisjonelle kommuneplanprosessar. Naustdal kommune har gjort avtale med Sogn og fjordane fylkeskommune om å prøve ut denne metoden og dei støttar prosjektet økonomisk. Grendalag/utviklingslag i grendene Instedalen, Midtredalen og Helle har signert avtale om å gjennomføre utviklingsarbeid i samsvar med Grend+ metodikken. Det er sendt brev til alle grunneigarar i områda med spørsmål om innspel til utvikling. Kommunen har i samsvar med avtalen gjennomført konsekvensutgreiing på det som gjeld areal til utbygging. Rapport frå konsekvensutgreiinga ligg no føre til handsaming.

Grafen over viser at Naustdal veks både i sentrum og i grendene. Både Helle, Horstad, Midtredalen og Instedalen har bidrege med folketalsauke ilag med sentrum, sidan lågnoteringa i 2006-2008. Områda som no er vurderte gjev potensiale for vidare vekst i heile kommunen.

Vurdering:

Rådmannen ser det som viktig at kommunen på ulike vis kan støtte opp om grendene sitt utviklingsarbeid. Konsekvensutgreiinga som er gjennomført er kommunen sitt bidrag til å redusere utgreiingsbehov og kostnader i byggeprosjekt som ligg i området med lågare byggepress og marknadsprisar enn i sentrale strøk. Byggjeområda som er konsekvensvurdert har eit omfang som kan sikre busetjing og forsiktig vekst i dei grendene det gjeld. Omfanget er slik at områda ikkje skapar uheldige miljøkonsekvensar, endrar etablerte strukturar eller skiplar kommunal tenesteproduksjon. Det er rådmannen sitt syn at dei kan gjennomførast utan å måtte gå vegen om ein kommuneplanrevisjon. Om det likevel kjem ein kommuneplanrevisjon bør desse områda kunne leggast inn i plankartet som ei oppdatering, viss grunneigarane ynskjer det. Om grunneigarane ynskjer å gjennomføre utbygging raskt, er det intensjonen at dei ikkje skal måtte vente på ein kommuneplanrevisjon, men kunne setje i gang. Neste fase på vegen til utbygging, vert difor opp til grunneigarane å gjennomføre. Når konsekvensutgreiinga har vore på høyring og er godkjent som grunnlag for vidare planarbeid, står det at å gjennomføre enkle reguleringsplanar på dei tilrådde områda. Reguleringasarbeidet kan konsentrere seg om å: • Vise tomtedeling • Vise løysingar for veg, vatn og kloakk • • Oppfølging av eventuelle avbøtande tiltak i KU Landskapstilpassing med krav til høgder og plassering på tomta.

Rådmannen er oppteken av at områda og vurderingane som no er lagt fram skal gjerast kjent både for dei som har gjeve innspel og dei som bur i grendene. Dette er også eit punkt Fylkesmannen har vore særskilt oppteken av i drøftingar om Grend+ metoden. Difor bør det leggjast opp til ei opa høyring der konsekvensutgreiinga vert sendt til den enkelte grunneigar og gjort tilgjengeleg for alle som er interesserte. Utgreiinga bør difor også gjerast kjent med avisannonse og gjerast tilgjengeleg i servicetorget og på kommunen sin heimeside. Offentlege styresmakter med berørte interesser bør også få tilsendt konsekvensutgreiinga til uttale. Oppsummert meiner rådmannen konsekvensutgreiinga gjev eit godt bilde av konsekvensar ved utbygging på dei aktuelle areala som er spelt inn, og tilrår høyring av dokumentet slik det ligg føre.

TILRÅDING:

Utval for plansaker godkjenner at konsekvensutgreiing for byggeområde i Grend+ vert lagt ut på høyring i 6 veker.

04.02.2015

KOMITE FOR LANDBRUK TEKNIKK OG MILJØ

Komiteen drøfta habiliten til Ståle Fimland.

Ståle F. har gitt innspel til områder på sin eigedom i Grend + og konsekvensutgreing. Komiteen vurderte at han er habil sidan vurderingane i KU er generelle og fagleg funderte. Samrøystes.

VEDTAK:

Tilrådinga vart etter dette samrøystes vedteke.

04.02.2015

UTVAL FOR PLANSAKER

Representanten Viggo Leikanger stilte spørsmål om habilitet med utgangspunkt i deltaking i grendelaget i Helle. Rådmann orienterte om at vedtaket ikkje er endeleg og at deltaking i overordna planarbeid ikkje gjer representantar inhabile. Formannskapet fann representanten habil.

VEDTAK:

Tilrådinga samrøystes vedteken.