Transcript Årsmelding for Vereide Sokneråd 2013

Årsmelding for Vereide Sokneråd 2013
Soknerådet for 2013 har vore :
Elin Villung : Leiar
Lars Bjarte Osland : Nestleiar, kontakt for misjon
Thor Horntvedt : Kasserar
Anna Karin Wergeland Hansen : Sekretær og representant i Nordfjord prostiråd, og i
diakoninemda Solgunn Førde Oppheim : Representant i konfirmantutvalet
Magni Evebø Sand : Representant i trusopplæringsutvalet TRU
Paul Rune Daviknes : Representant i Fellesrådet og Husestyret
Liv Djupegot : Representant i Fellesrådet og Husestyret
Sveinung Susort : Varamedlem
Robert Nyemah Varamedlem
Jorunn V. Kvernevik : Varamedlem
Kristian Westergård : Varamedlem (flytta sommaren 2013)
(Else Karin Monsen : Permisjon pga. flytting)
Prest i soknerådet : Olaf Sigurd Gundersen
Vereide Sokneråd har hatt 11 møte og handsama 71 saker
Av saker som vi har handsama er dette saker som vi synest har vore spesielt viktige :
850-årsjubileum for Vereide Kyrkje : 26.mai - 2. juni 2013
Anders Rinde var leiar for jubileumsnemda som elles var Karin Urke, Eli Kjær, Bård Vereide og Olaf
Sigurd Gundersen. Dei la ned eit stort arbeid med ulike arrangement gjennom ei heil jubileums- veke :
gudstenester, fleire konsertar, skulebesøk, litteraturkveld, biletutstilling på galleriet, stor fest- middag på
Nordfjord Folkehøgskule og utgjeving av eiga bok til jubileet. Ove Eide sat og i nemda som leiar for
arbeidet med boka. Den vart diverre ikkje klar til jubileet. Ny utgjevingsdato for boka vert før jul-14.
Husestyre for Sandane kyrkje:
Paul Rune og Liv har drege i gang arbeidet med å få opp å gå eit eige Husestyre og vedtekter for dette.
Husestyret skal ha ansvar for vedlikehald/oppussing, inventar/ møblar, praktiske løysingar/ organisering,
utsmykking/ innbydande omgjevnadar, dialog med brukarane og dugnad.
Nytt lydanlegg for Sandane kyrkje :
Det har lenge vore eit uttrykt ønskje om betre lydanlegg i kyrkja. Soknerådet v/Paul Rune tok kontakt
med Øystein Eide som har lagt fram eit forslag til kva som kunne vere eit tenleg anlegg for å få god lyd i
heile kyrkjerommet. Vi har søkt Stiftinga om støtte og ventar svar frå dei før kjøpet vert avgjort.
Medliturgar til gudstenestene :
Jorunn Eikenes og Paul Rune har gjort ein stor jobb med å planlegge arbeidsoppgåver og organisere
grupper av medliturgar med kvar sin gruppeleiar/kontaktperson. På vårparten ytra Jorunn og Paul Rune
ønskje om avløysing i dette arbeidet. Frå august - 13 tok Olav Søreide på seg oppgåva å vere leiar og
koordinator for dette arbeidet, med hjelp av Jorunn V. Kvernevik. Vi valde å ikkje ha eiga samling for
medliturgane i haust, men gav tilbod til alle om å vere med på Kyrkjedag for Nordfjord som denne
gongen var lagt til Nordfjord Folkehøgskule på Vereide med ulike kurs m.a. tekstlesar- seminar og
Lovsong i gudstenesta.
Lovsongsgruppa :
Etter rundt 10 års teneste med musikalsk deltaking i nokre av gudstenestene, hadde vi ei lita runde med
avklaringar, og slo fast at Soknerådet svært gjerne ser at Lovsongsgruppa held fram med både lovsong og
musikk i gudstenesta !
Trusopplærar/ barne – og ungdomsarbeidar :
Ungdomsarbeidet med Ope hus og Ten Sing har slite i lenger tid med å få vaksne leiarar.
Mariel Eikeset Koren er tilsett i 50 % stilling som trusopplærar og 50% organist, men har permisjon til
august-14. Difor var gleda stor når Jofrid Aurlien melde seg til teneste og vart tilsett i 75% stilling som
barne- og ungdomsarbeidar for heile Gloppen for skuleåret 2013/14.
Gudstenester i Vereide sokn 2013 :
25 gudstenester i vårsemesteret og 20 om hausten. 30 i Vereide Kyrkje, og 12 i Sandane Kyrkje, ei på
Hestenesøyra, ei på Austrheimsstøylen og ei på Heradsplassen.
I tillegg har det vore 4 søndagssamlingar i Sandane kyrkje i 2013.
Frå hausten 2013 har desse starta kl 16.00 med middag for alle, og samling i kyrkja kl 17.00.
I leiargruppa for søndagssamlingane sat Sveinung, Andreas, Eli-Anne og Anne.
Andre arrangement soknerådet har vore involverte i :
- Fest for 5-åringane
- Utdeling av bok til 4-åringane i september
Lys Vaken-samling for 11-åringane i advent
- Konfimantundervisning i Sandane Kyrkje etter skuletid
- Konfirmant- og foreldre-festen
- Fasteaksjon med konfirmantane(innsamling til Kirkens Nødhjelp)
- Rusfritt 16.mai-arrangement
- Olsokfeiring
- Julegryta
Litt frå diakoninemda sitt arbeid :
Diakoninemnda for Gimmestad- og Vereide Sokn har hatt 11 samlingar på Gotatunet i 2013. Frammøte
har variert frå17 til 25 deltakarar, utanom nemnda. Dette er eldre som bur på Gotatunet, men òg folk som
bur i nærområdet.
Med i nemnda : Asgjerd Bergheim, Anna Ullaland, Jorunn E. Høyland, Solbjørg Eikeset, Kirsten Marit
Rygg (til august -13), Anne Karen Ravnestad kom inn i staden for Kirsten Marit den hausten. Anna slutta
ved utgangen av året. Ny medhjelpar er Bergljot Møll.
Nemda melder at dei trivst med arbeidet. Dei eldre gjev gode tilbakemeldingar. Det er mange utanfrå
som er positive til å bidra med program. Tema varierer etter kven som fortel.
Nemnda var medarrangør for eldregudstenesta i Sandane kyrkje i juni 2013.
…………………………………………………………………………………………………
Oppsummering og tankar framover :
Det er bra oppslutning om gudstenester i Vereide sokn. Vi er velsigna med både ein stabil og erfaren
kyrkjeleg stab og mange velvillige medarbeidarar som stiller på til å vere medliturgar og kakebakarar. Vi
har trufaste leiarar som held oppe både Barnegospel, Soul-Children, Joy Sing, Speidararbeid og
konfirmant-grupper. Vi har Ope hus måndagskveldane og Opa kyrkje nokre onsdagskveldar. Vi har
Lovsongs-gruppe, bibelgrupper, misjonsgrupper og sorggrupper. Det er så mange som legg ned ein
kjempeinnsats, både av leiarar og deltakarar. Vereide kyrkjekor gjer og ein trufast innsats med deltaking
på mange gudstenester. Det er alt dette som til saman utgjer alt arbeidet i Vereide sokn.
Vi i soknerådet ønskjer å takke kvar enkelt. Vi har prøvd å vise dette med nokre blomsterhelsingar
dette året. Vi har fått takka nokre av dei mest trufaste, men vi skulle så gjerne nått endå fleire !
Tore Myklebust kom som ny prest i august -13, først og fremst for Breim og Hyen, men også for Vereide
og Gimmestad. Olaf Sigurd Gundersen hadde si siste gudsteneste som sokneprest 1. juledag -13, og vi
har takka han for hans 31 års lang og trufast presteteneste i Gloppen.
No vert det spennande å sjå kva prest som vert tilsett. Vi er takknemlege for at Sigurd Vengen er stødig
vikar i ventetida, og ser med spenning fram til hausten med med både ny fast prest og Mariel som ny
trusopplærar/organist!
Nokre oppmodingar til slutt :
- Kan nokon fleire tenkje seg å stille som leiarar i ei konfirmant-gruppe, eller vere med å hjelpe til på
Ope hus måndagskveldane ?
- Er det fleire som har lyst å vere med å hjelpe til i gudstenestene ? Sei frå til Olav Søreide eller ein av
oss i soknerådet.
- Og sist men slett ikkje minst : Til dykk alle : Hugs å be for alt arbeidet i soknet vårt !
Sandane 20.02.14
Leiar i Vereide sokneråd :
Elin Villung