Transcript Kronerulling for bestillingsverket FINN-ERIX VEGGEN

Kronerulling for bestillingsverket FINN-ERIX VEGGEN
Litteratursymposiet i Odda er ein av Noregs mest særeigna litteraturfestivalar. I ei tid med store
omstillingsprosessar og konfliktar vedrørande bruk og vern av dei gamle industriområda i Odda, har
litteraturen vist seg å ha ein samlande og identitetsskapande funksjon, og litteraturen er blitt ei svært
viktig merkevare for det moderne Odda. I 2014 er det 10. gang Litteratursymposiet vert arrangert. I
løpet av fem dagar i oktober er det planlagd 70 - 80 arrangement av ulik karakter. Publikumstala dei
siste åra har vore omlag 7000. Mange av dei besøkande er tilreisande gjester, og utflytta oddingar
som kjem heim på besøk. Om det er ei helg i året som gjer at folk tenker at Odda er ein stad eg
kunne tenkt meg å bu, så er det nok Litteratursymposiet.
«Litteratursymposiet er den helga Odda verkeleg er ein by!»
-
Heimkomen odding på symposium
Frode Gryttens ulike musikalsk-litterarære forestillinger vore blant av
høgdepunkta på symposieprogrammet. Ingen som var til stades på
fjorårets Nebraska-Norge i Lindehuset gjekk upåverka derfrå. Denne
og liknande forestillingar har vore produserte for andre arenaer, og
blitt framført som rein konsert i Odda. I år har vi gjort eit løft: vi har
bede om eit bestillingsverk frå Grytten med venner og er stolte av å
presentera FINN-ERIX VEGGEN i Lindehuset laurdag 11. oktober:
«Pink Floyds ”The Wall” har stått som ein påle i over tretti år. Heilt til
no. For jaggu har ikkje populærorkesteret Finn Erix tatt til å interessere
seg for materialet. På godt og vondt. Mest på vondt. Med nærmast
kirurgisk presisjon dissikerer dei Pink Floyd sitt monster av eit album.
Dette er oppsetninga som Roger Waters umulig kan ha sett for seg,
sjølv ikkje i sine verste mareritt. Dette er Pink Floyd som har bytta ut
syre og LSD med kaffi og kake. In The Flesh? O, yes, baby! Is There
Anybody Out There? Ja, tre menn i raud velurdress.»
Dei som kjenner «The Wall» veit at dette er eit gigant-prosjekt, der ingenting vart spart på med tanke
på gjesteartistar, scenografi og andre effektar. Vi kjem ikkje til å toppa Pink Floyd sin sceneversjon,
men for å gjere forestillinga laurdag kveld i Lindehuset så bra som vi og artistane vil, har vi lyst til å
slå på stortromma her.
Symposiet har gjennom sin faste økonomi sett av midlar til ein del av honorara og sjølve skrivinga av
tekstar til forestillinga, men søker no om ekstern finansiering til sjølve framføringa av tingingsverket. I
sum søkjer vi om 50 000,- som kan nyttast til å løfte FINN-ERIX VEGGEN til uante høgder. Dette er ei
forestilling som vil bli lagt merke til og som igjen vil setje Odda og Litteratursymposiet på kartet.
Vi tillet oss difor å oppmoda SMB-bedriftene om ei kronerulling for VEGGEN, og håper at SMB–gruppa
og medlemsbedriftene i Odda ser verdien av å ha Litteratursymposium i Odda. For verksemder som
støtter med kr. 5000,- eller meir kan tilby firmalogo på eigen plakat som vert laga for VEGGEN.
Ta gjerne kontakt dersom de vil diskutere saka!
Beste helsing
Ingvild Ystanes
Festivaleiar for Litteratursymposiet i Odda
[email protected]
Tlf. 48003958