Joycita-ADV|Home

Download Report

Transcript Joycita-ADV|Home

3 - 9 aprel

18 Studia lès di e siman aki pa prepará pa

Sabat, 9 aprel

E TRABOU TA KUMINSA Lesa:

Mateo 3:1-12; 2 Pedro 1:19; Filipensenan 2:5-8; Mateo 4:1-12; Isaias 9:1, 2; Mateo 4:17-22

Teksto di Memoria:

“I El a bisa nan: ‘Sigui Mi, i lo Mi hasi boso piskadó di hende”

(Mateo 4:19).

U N DI NOS luchanan di mas grandi ta pa sabi kua ta nifikashon i meta di nos bida, i kon nos mester dirigí nos bida. Nos no ta nase ku un manual di instrukshon.

‘Ami no tabata komprondé kua tabata nifikashon di bida’, un mucha hòmber di djesshete aña, ku tabata bini for di un bon famia, pero adikto na remedi, a yega di bisa. ‘Te ainda mi no ta komprondé, pero mi a kere ku tur otro hende tabata komprondé esei’. Ku tin un gran sekretu ku tur hende tabata komprondé i ami so no. Mi a kere ku tur hende tabata sabi pakiko nos ta akinan i ku nan tur tabata gosa chiki chiki di dje, sin ami’.

Paul Feyerabend, un eskritor, filósofo i sientífiko Aleman, a rekonosé den su outo-bi ografia: ‘Asina esun dia ta sigui tras di e otro, i no ta kla pakiko hende mester biba’.

Pa e motibu ei nos a haña Beibel, e evangelio i e historia di Hesus, i loke El a hasi pa nos tur. Den Hesus—den Su pre-eksistensia, Su nasementu, bida, morto, subida na shelu i regreso—nos ta haña kontesta pa nos preguntanan mas urgente di bida. Den e siman aki nos ta ban studia di Kristu Su bida i trabou akinan riba tera. Un bida ku por duna hopi nifikashon na nos mes bida.

Djadumingu 3 aprel Djaluna

JUAN BOUTISTA I E ‘BERDAT PRESENTE’

E promé palabranan stablesí di Juan Boutista den komienso di Mateo 3 tabata manera un mandato: ‘Repentí!’ (Mateo 3:2). Den sierto forma e palabranan aki ta un resúmen ku Dios for di kaída den piká a bisa na hende: Arepentí, risibí Mi pordon, apartá for di boso pikánan i boso lo risibí salbashon i deskanso pa boso alma. Tòg, pa universal ku e mensahe aki ta, Juan ta duna e bèrdat un zwai aktual kla—ku otronan tambe a bin aseptá. (2 Pedro 1:12). Un mensahe pa e hendenan ei na e momen tu espesífiko ei.

Lesa Mateo 3:2, 3.

Ki bèrdat aktual nos ta haña den e predikashon di Juan, huntu ku su yamada pa hende arepentí, boutisá i konfesá nan faltanan?

(Mira tambe Mateo 3:6).

Juan a hasi akinan loke ta hasi den henter Tèstamènt Nobo: e ta sita Tèstamènt Bieu. E profesianan di Tèstamènt Bieu ta rebibá den esun Nobo: bes tras bes Hesus, i Pablo, i Pedro i Juan ta sita Tèstamènt Bieu pa konfirmá susesonan den Tèstamènt Nobo, pa splika esaki, òf pa demostrá su nifikashon. Asta den konteksto di e milagernan ku e mes tabata testigu di dje, Pedro ta enfatisá e ‘konfiansa den palabrananan di e profetanan’ (2 Pedro 1:19) papiando di e trabou di Hesus.

Lesa Mateo 3:7-12.

Ki mensahe Juan ta duna na e lidernan? Ki speransa e ta duna tambe apesar di e palabranan fuerte? Mira kon sentral Hesus ta den tur loke Juan anunsiá. For di e tempu ei mes tur kos tabata drai rònt di Hesus, ken E tabata, i kiko E ta bai hasi. Ounke e tabata laga tur hende sa di e evangelio, Juan tabata splika kla tambe ku tin un huisio final na kaminda, ku lo ta separashon entre e bon trigo i bagas. Ademas Esun ku ta profetisando di dje lo bin hasi e liña di separashon entre nan. Esaki ta laga nos mira ku e evangelio i huisio ta konektá ku otro. E ta tambe ehèmpel kon e promé i último benida di Hesus ta wòrdu konsiderá komo ún suseso: nos ta tende Juan—den kuadro di Kristu Su promé benida— papiando di Su regreso. 19

Djadumingu

E KONTRASTE DEN DESIERTO

Djaluna 4 aprel

‘E ora ei Hesus a wòrdu hibá den desierto dor di e Spiritu pa wòrdu tentá dor di diabel’ (Mateo 4:1).

Djis imaginá nos mes e esena aki, for di perspektiva di Satanas. E Ser divino, ma hestuoso ku e tabata konosé komo e Yu di Dios a rebahá Su mes—El a bira hende di karni—pa reskatá humanidat. Esaki tabata mes un Hesus ku a lucha kuné den shelu, i ku a saka e i su angelnan afó (Mira Revelashon 12:7-9). Pero kiko e Hesus aki tabata awor? Un ser humano yen di hamber, Su so den e desierto seku ei i aparentemente sin ningun forma di sostén? Siguramente Hesus ta bai bira un víktima fásil di Satanas su engañonan. ‘Ora ku Satanas i e Yu di Dios a bini pa promé bes den konfrontashon ku otro, Kristu tabata e Komandante Supremo di armada di shelu, i Satanas komo lider di e revolush on a wòrdu tirá pafó di shelu. Parse awor ku kos a bòltu i Satanas ta buska pa saka bentaha for di e situashon’ (Ellen G. White, Jezus—De wens der eeuwen, p. 88). Ki un kontraste: Lusifèr a purba un ten pa ta igual ku e Altísimo (Isaias 14:14), i Hes us a bandoná e gloria di shelu. Den esun esena aki nos por mira e gran diferensia ku tin entre egoismo i desinteres, i entre loke ta santidat i loke ta piká.

Kompará Isaias 14:12-14 ku Filipensenan 2:5-8.

Ki diferensia tin entre e naturalesa di Hesus i esun di Satanas?

Imaginá nos mes ta kon e angelnan, ku a konosé Hesus den Su gloria selestial, lo mester a keda wak e susesonan aki. E dos enemigunan tabata para serka di otro, bringando un sorto di lucha ku nan no a bringa ántes ku otro. Nos tin e bentaha awe ku nos sabi kon e bataya a terminá, pero e angelnan si no tabata sabi esei. Kemen nan lo mester tabata hopi fasiná i yen di atenshon segun nan tabata keda wak e seri di batayanan aki.

Satanas a elevá su mes. Hesus a humiyá Su mes i asta muri. Kiko bo ta siña for di e kont raste grandi aki? Kon bo ta apliká e lès importante aki pa bo mes bida? Kon esaki mester influensiá nos eskohonan, siguramente esun kaminda nos ego ta na wega?

Djamars 5 aprel

E PRUEBA

Djarason

Lesa Mateo 4:1-12.

Kiko a pasa durante e pruebanan? Pakiko Hesus mester a pasa dor di esa ki? Kiko e relato aki tin di hasi ku salbashon? Kon Hesus por a soportá e gran tentashonnan aki, bou di sirkunstansianan asina pisá? Kiko nos ta siña for di esaki, pa resistí tentashon?

Mateo 4:1 ta kuminsá ku algu ku na prinsipio ta parse un pensamentu hopi strañu: tabata Spiritu Santu ku a hiba Hesus den desierto pa wòrdu tentá dor di diabel. Nos mas bien tin ku resa pa no haña nos mes den situashonnan kaminda diabel ta purba nos. ‘I no laga nos kai den tentashon, pero libra nos di e malu [pero salba nos for di gara di maldat]’ (Mateo 6:13). Pakiko bo ta kere Spiritu Santu a hiba Hesus den e direk shon ei?

Nos ta haña un indikashon den e kapítulo anterior, ora ku Hesus ta bini serka Juan pa wòrdu batisá. Hesus a bisa: ‘Pèrmití esaki awor, pasobra di e manera aki ta toka nos di kumpli ku tur hustisia’ (Mateo 3:15). Pa kumpli ku tur hustisia, pa ta un ehèmpel perfekto pa hende, Hesus mester a wòrdu batisá, ounke E mes tabata sin piká.

Dor di e pruebanan den desierto Hesus mester a pasa dor di mes un proseso ku Adam. E tabatin mester di viktoria riba tentashon ku nos tur, for di tempu di Adam, no por a logra. Di e forma ei ‘Kristu mester a drecha e fayo di Adam’ (Ellen G. White, Jezus—De wens der eeuwen, p. 86). Solamente El a hasi esaki bou di sirkunstansianan ku tabata kompletamente diferente for di esun di Adam.

Dor di e viktoria aki Hesus a laga wak ku no tin motibu pakiko hasi piká. Nunka nos por hustifiká nos pikánan. Ke men, ora nos wòrdu tentá, nos no tin mester di faya. Nos por vense dor di fe i entrega na Dios. Manera a bisa nos: ‘Pesei, someté boso na Dios. Re sistí diabel i e lo hui for di boso. Hala serka Dios i E lo hala serka boso’ (Santiago 4:7, 8).

E relato aki ta laga nos mira kla ku nos no por hustifiká nos mes. Kon esaki ta enfatisá e echo ku nos mester di e hustisia ku Kristu ta duna nos? Djis imaginá ku nos mester a para nos so den nos mes hustisia, sin Hesus Su méritonan pa tapa nos pikánan i sin niun ekskius pa nos pikánan. Ki speransa nos lo tabatin ainda?

Djamars

E TERA DI ZEBULON I NAFTALI

Djarason 6 aprel

Mateo 4:12 ta konta nos ku a kohe Juan prezo, i esaki a trese fin na su trabou. Esaki ta e momentu ku Hesus ta kuminsá ku Su ministerio públiko ‘ofisialmente’. E teksto no ta bisa pakiko Hesus a kohe kaminda pa Galilea ora ku El a skucha e notisia di loke a pasa ku Juan, solamente ku El a hasi’é (Mira tambe Marko 1:14-16 i Lukas 4:14). Por ta Hesus tabata mantené Su mes trankil ora ku Juan tabata prediká ainda, pa no bini kompetensia. E verbo Griego huza den Mateo 4:12, tradusí komo ‘desviá’ (NBV) òf ‘retirá Su mes’ (NBG), por indiká ku ta hala kita for di peliger. Ke men, por ta Hesus tabata purba evitá problemanan.

Lesa Mateo 4:13-16

(Mira tambe Isaias 9:1, 2)

ku ta konta kon Hesus a bai biba na teritorio di Zebulon i Naftali. Kiko e versíkulonan aki ta bisa di e puesto di Hesus? Zebulon i Naftali tabata dos yu hòmber di Jakob (Genesis 35:23-26). Nan desendien tenan a forma dos tribu ku a bai stablesé finalmente den e region bunita di nort. Ta duele ku e dos tribunan aki ta pertenesé na e dies tribunan ku a bandoná nan fe den Dios, i a dediká nan mes na kosnan mundano. Hopi di e profetanan di Tèstamènt Bieu a protestá kontra e pikánan, mundanalidat i maldat di e tribunan aki di nort. E Sirionan a poderá di nan i a deportá nan finalmente na diferente pais di e mundu e tempu ei. I paganonan a bin biba na Israel. Galilea a bira un poblashon miksto, un lugá bruhá i skur. E profeta mas konosí di Galilea tabata Jonas, i esei mes ta bisa algu di nan grado di dedikashon. Kualke sea e problemanan na Galilea, tabatin un profesia bunita den Isaias ku ta papia di e tera skur di Zebulon i Naftali: ‘esnan ku tabata sintá den tera di sombra di morto, riba nan un lus a resplandesé’ (Mateo 4:16). Ku otro palabra, Hesus a bishitá, biba i traha na e lugá kaminda tabatin mester di mas yudansa—i kaminda e hendenan tabata sin manera, atrasá i burusí. Ounke Hesus tabata hopi elevá pa esei, nos ta mira tòg kon dispuesto E tabata pa humiyá Su mes na fabor di otronan. Ademas nos ta mira akinan un ehèmpel kon krusial Tèstamènt Bieu tabata pa e trabou di Hesus. Kon nos por resistí e tentashon di konsiderá otro hende komo ménos, pa nos baha nos mes i bai sirbi nan i testifiká na nan? Kiko tin malu den e pensamentu aki? 22

Djaweps 7 aprel Djabièrnè

YAMADA DI E PISKADONAN

‘Repentí, pasobra e reino di shelu ta serka!’ (Mateo 4:17). Meskos ku Juan, Hesus ta kuminsá ku Su trabou ku un yamada pa arepentí. E konosé, meskos ku Juan, e kondis hon pe-kaminoso di humanidat i nesesidat pa tur hende arepentí i risibí konosementu di Dios. Pa e motibu ei ta mas ku klaro ku Su promé mensahe públiko, a lo ménos, manera ta skirbí den Mateo, ta un yamada pa arepentí di nan mal kamindanan.

Lesa Mateo 4:17-22.

Kiko e versíkulonan aki ta bisa di e derecho ku Hesus tin riba nos bida?

Akinan den un lugá lubidá di Galilea tin un peskería chikí dirigí pa kuater hoben: dos par di rumannan hòmber. Aparentemente e hòmbernan aki tabatin un kurason pa Dios, pasobra algun di nan tabata un ten siguidó di Juan Boutista. Pero pa nan asom bro Juan a manda nan serka un otro hoben, ku tabata bini for di nan mes regio.

E hòmbernan aki a bini serka Hesus for di Nazarèt i nan a puntr’E si nan por keda un tempu serka djE (mira Juan 1). Asina e kultura ei tabata funshoná: bo ta aserká un rabi i bo ta puntr’é si bo tin mag di siguiE. Pero ta e rabi ta disidí al final ta ken lo ta su alum nonan. I ora un rabi pidi abo pa bira su alumno, esaki tabata hopi importante pa bo.

Hopi hende a lanta ku e idea ku ora Hesus a yama Su disipelnan kantu di e lago, ku nan a top’E pa promé biaha. Pero nos sabi for di Juan kapítulo 1 te 5 ku e hòmbernan aki a pasa un aña kaba huntu ku Hesus—aparentemente ‘part time’.

Hesus a skohe piskadónan no letrá pasobra nan no a wòrdu eduká den e tradishon nan i kustumbernan robes di nan tempu. Nan tabata hòmbernan ku talento natural, ku tabata humilde, dispuesto pa risibí siñansa. Hesus por a entrená e hòmbernan aki pa Su trabou. Hopi den nan bida diario ta hasi nan trabou di kustumber sin ta konsiente di e poder ku nan tin. Si huza esaki, nan lo elevá na nivel di e grandinan di tera. Ta toke di un man kapas so ta nesesario pa spièrta e kapasidatnan kabishá aki. Hesus a skohe hende asina pa ta Su kolaboradónan i a duna nan e bentaha di tin un relashon i amistat djaserka kunE.

Djaweps Djabièrnè 8 aprel

Mas Estudio:

Un evangelista a yega na un stat i a anunsiá su reunionnan asina: ‘Bin wak kon un predikadó ta sker un blachi for di Beibel!’ Hopi hende a sali bin pa wak. El a para nan dilanti, habri su Beibel, i pa nan asombro el a sker un blachi di Beibel saka afó. ‘E blachi aki’, el a bisa, ‘nunka tabata na su lugá einan. Ta e blachi ku ta separá Tèstamènt Bieu for di Tèstamènt Nobo’. Nos por bisa hopi di e hòmber aki su presentashon teatral, pero e tabatin un punto si. E dos bukinan aki realmente ta forma ún unidat. Dor di henter Tèstamènt Nobo nos por haña sita-nan di Tèstamènt Bieu. Bes tras bes Hesus i e eskritornan di Tèstamènt Nobo tabata referí na Tèstamènt Bieu pa splika susesonan ku tabata tumando lugá den Tèstamènt Nobo, òf pa afirmá nan. Kuantu biaha Hesus mes no a yega di bisa di un forma òf otro: ‘Mester kumpli loke ta pará den Skritura’? Sea ta Hesus, ku kontinuamente tabata referí na Skrituranan di Tèstamènt Bieu; òf Pablo ku kada bes di nobo tabata sita for di Tèstamènt Bieu; òf e buki Revelashon, ku ta referí 550 bes na Tèstamènt Bieu, Tèstamènt Nobo ta konektá su mes kontinuamente ku esun Bieu. Tèstamènt Nobo i Bieu ta Dios Su revelashonnan di e plan di salbashon duna na hende den forma skirbí. Sin duda algun parti nan di Tèstamènt Bieu, manera e sistema di ofrenda, no ta vigente mas pa kristiannan, pero nos no mester pèrdè rumbo dor di kere ku Tèstamènt Bieu ta di ménos balor ku esun Nobo. Beibel ta konsistí di dos tèstamènt i tur dos ta siña nos bèrdatnan hopi importante tokante Dios i e plan di salbashon.

Preguntanan pa Diskushon:

• Nos a mira kon Satanas a tenta Hesus na diferente manera i tambe kon Hesus a nenga di entregá na e tentashonnan i engañonan tras di e pruebanan aki. Ounke Hesus mes ta Señor, El a huza ‘komo hende den e eksistensia pekaminoso aki’ (Romanonan 8:3) Skrituranan Santu komo medio di defensa kontra tentashonnan di diabel. Kon sentral Beibel mester ta den nos bida? Kon bo ta hasi esaki den práktika? Pakiko humildat mester ta un karakterístika esensial di un kristian? Kon nos por siña pa ta i keda humilde? 24

Djasabra

PRINSIPIO DI ANUNSIO

Djasabra 9 aprel

MATEO 4:17-22 PREGUNTA PA KIBRA EIS:

Bo a yega di haña un chèns úniko den bo bida? Si ta asina, ki chèns òf oportunidat esei tabata, i kiko bo a hasi kuné?

MI TA REKONOSÉ:

Despues ku Hesus a wòrdu batisá dor di Juan Boutista, El a kuminsá proklamá e evangelio, kuminsando na Galilea. Aparentemente El a kuminsá traha Su so, pero, despues ku Juan Boutista a wòrdu kohé preso, Hesus a skohe djesdos disipel. Segun e evangelio di Juan, vários di e alumnonan aki tabata anteriormente disipel di Juan Boutista (Juan 1:35-41). E alumnonan aki a sigui tras di Hesus, despues ku Juan mes a indiká nan ku Hesus tabata e Mesias, i nan a konta nan famia i amigunan di Hesus (Juan 1:42-46). Ora Hesus a yama nan, nan tabata sabi kaba ta Ken tabata hasi invitashon pa nan siguiE.

MI TA STUDIA:

Lesa Mateo 4:17.

Kiko Hesus tabata ke men ku ‘kombertí boso’? Na ken e palabranan aki ta pone nan kòrda? (kompará ku Mateo 3:2, 5, 6). Pa ki motibu e hendenan mester kombertí?

Akinan ta sigui algun interpretashon liber di e yamada aki. Kua bo ta kere ta pas mas mihó ku e intenshon (duna rason pa esun ku bo skohe): - ‘kombertí boso, pasobra si boso no hasi esei, boso ta wòrdu kondená dor di Dios i boso lo muri’.

- ‘kombertí boso pa boso no pèrdè e chèns di boso bida pa drenta reino di shelu’.

- Otro opshon, .....

Lesa Mateo 4:18-20.

Kiko bo ta siña den versíkulo 20 di e dos rumannan hòmber ku ta sigui Hesus? Kiko bo ta kere nan a sinti pa e invitashon aki? Ban bisa ku bo a lubidá e teksto Bíbliko, ku abo ta bai yama e hòmbernan aki pa bin yuda ku trabou di e evangelio. Kon lo bo formulá e yamada aki? Kon Hesus a formulá Su yamada (versíkulo 19)?

- Den ki aspekto e manera ku Hesus a yama nan ta diferente for di esun di bo?

- Den ki forma e piskadónan aki lo a komprondé e palabranan aki? Den otro palabra, ki idea di nan trabou futuro esaki lo a duna nan?

- Lo tabata importante pa nan ku Hesus a laga nan mira un relashon entre nan ofishi aktual di piskadó i esun nobo den mes un direkshon? Of esaki tabata djis un wega di palabra?

Djasabra 9 aprel Djasabra

Lesa Mateo 4:21, 22.

Den e sekshon aki ta menshoná tambe nòmber di Juan i Santiago su tata. Den ki aspekto esaki ta un detaye relevante pa komprondé nan reakshon?

Lesa Lukas 5:1-11. Kon bo ta mira yamada di e disipelnan akinan kompará ku esun den Mateo 4:18-22?

- Kua ta e diferensianan entre Lukas 5:1-11 i Mateo 4:8-22?

- Ban bisa, ku bo tabatin solamente e informashon di Mateo 4:8-22: kon esaki ta kam bia e perspektiva di reakshon di e disipelnan riba nan yamada?

MI TA APLIKÁ:

Ta importante pa bida di un persona, pa na sierto momentunan e tuma desishon, i no keda pegá den ser skuchadó so. Hesus a duna Andres, Pedro, Santiago i Juan e opor tunidat pa hasi un eskoho. Dos opservashon ta akinan na su lugá: (1) Hesus no a yama e piskadónan, te ora nan tabatin konosementu kla ta ken E tabata (Lukas 5; Juan 1). (2) Hesus no a spera ku Su yamada, pa e piskadónan ta kompletamente konsiente ta ken E ta, promé ku E yama nan. Algun kaminda meimei di e dos ekstremonan aki ta bin momentu di e yamada. E yamada di Hesus ta pone nos mes para ketu i pensa, pasobra kisas bo mes ta eksperensiá ku Dios ta pone un eskoho bo dilanti. Bo a sinti esei, i bo a tuma un desishon? Of bo ta keda warda te ora bo tin mas informashon òf konfirmashon, pa bo dal e stap i disidí?

MI TA RESA:

Bon Dios, tin biaha mi ta titubiá pa tuma un desishon. Anto tabatin biaha ku mi a disidí pa algu, i ata mi ta lucha ku e konsekuensi anan. Por fabor, yuda mi den mi bida, pa skohe semper loke ta korekto. Danki Tata! Den nòmber di Hesus, Amèn.

Djasabra

HESUS TA YAMABO

Djasabra 9 aprel

Pregunta inisial

Komparti ku e grupo kua herué ta inspirabo mas. Splika dikon.

Lesa huntu Mateo 4:18-22

Pregunta

Ki ora si i ku ora nò bo ta skucha ora un hende yamabo. Diskutí dikon.

Inspirashon

‘I El a bisa nan: ‘SiguiMi, i lo Mi hasi boso piskadó di hende.’ 1

Trata e teksto

Djadumingu: vèrs 18-19. Hesus ta yama. Rabinonan tabatin siguidónan. Mayoria bia e siguidónan tabata skohe e rabinonan. Akinan Hesus ta skohe Su siguidónan. Dikon El a hasi esei bo ta pensa? Tabatin siguidónan ku a bini di nan mes? Lesa Mateo 8:18-22. Kon Hesus a reakshoná riba nan? Te kon leu Hesus Su aktuashon ta parse esun di Elias, wak 1 Reinan 19:19-21 i Mateo 16:13-14.

Djaluna: vèrs 19. Piskadó di hende, kiko esei ta nifiká? Un piská ta wòrdu kohé kontra su boluntat, ta esei ta loke e ke mèn? Òf Hesus ke mèn ku mesun kos ku piskadónan ta purba kohe piskánan for di laman, asina tambe kreyentenan ta purba hunta siguidónan di Hesus. Diskutí ku otro. Kiko e promé splikashon ta bisa di Dios, i kiko e di dos? Kuantu tempu Hesus a siña Su siguidónan pa bira piskadó di hende? Dikon asina largu? Diskutí ku otro. Djamars: vèrs 20. Mesora. Kon e alumnonan a reakshoná? Kon largu nan mester a pensa e asuntu? Kiko bo ta haña di esei? E eskoho tabata asina fasil? Dikon reakshoná asina lihé? Nan tabata sa pa kiko na ta skohe? Diskutí ku otro. Djarason: vèrs 21-22. E bida nòrmal. Ki sorto di hende Hesus a yama? Duna un diskripshon di nan aktitut: e relashon ku nan tata, nan trabou, nan responsabilidat. Diskutí ku otro.

Aplikashon

Djaweps. Kiko abo tin mester pa tambe bira un piskadó di hende? Pensa diferente manera ku bo por ta un piskadó di hende. Tene kuenta tambe ku bo pèrsonalidat. Djabièrnè. Kon lihé abo ta reakshoná riba e yamada di Hesus? Bo ta haña fasil pa reakshoná òf bo tin difikultat ku esei? Dikon ta fasil òf difisil? Splika. Aseptá otro. Tur hende ta diferente. Sabat. Kiko ta bo aktitut den bida? Kon bo ta tuma responsabilidat? Kon e relashon ku bo mayornan ta? Kiko ta bo postura di trabou? Diskutí ku otro.

1 Mateo 4:19, Beibel Santu.