Transcript Hnyouv nyiemz fingv jiez daaih

Spiritual Maturity in Christ
GING-SOU NYEI WAAC Yiem
Ko^lo^si 2:6-10
Colossians 2:6-10
May 1, 2011
6Weic naaiv, meih mbuo hnangv haaix
nor zipv liuz Giduc Yesu zoux Ziouv,
ziouc oix zuqc hnangv wuov nor
caux ninh juangc maengc ziangh
jienv. 7Oix zuqc yiem ninh
gu'nyuoz hnangv njiec nzungh
nor, ceix jiez daaih sienx duqv
wuonv, hnangv mienh njaaux jiex
meih mbuo nor. Yaac oix zuqc zanczanc laengz zingh Tin-Hungh.
 8Oix
zuqc faix fim, maiv dungx bun
haaix dauh longc baamh mienh nyei congmengh hnamv cuotv daaih nyei leiz fai
kungx-waac wakc meih mbuo. Se nduov
meih mbuo gan baamh mienh nyei eih douh
caux yiem gunv ndaamv-lungh nyei mienv
daaih nyei leiz, maiv zeiz yiem Giduc daaih.
9Weic zuqc Tin-Hungh nyei fiem-fingx
yiem Giduc nyei sin nzoih nzengc, 10meih
mbuo caux Giduc juangc maengc ziangh
ziouc nyungc-nyungc maaih nzoih.
Biux Mengh Waac
Se gorngv ga’naaiv-zuangx oix njiec
nzungh oix zuqc maaih i nyungc jauv daaih
ndaangc cingx daaih haih njiec zungh.
(1) Oix zuqc maaih wuom yungz.
(2) Oix zuqc nyiemz fingv jiez daaih.
(3) Cingx daaih haih njiec nzungh.
“Haaix
nzong ndeic zanc-zanc duqv
mbiungc-wuom longx, gaeng-zuangx
ziouc cuotv longx weic tengx zoux
ndeic nyei mienh, wuov nzong ndeic
duqv Tin-Hungh ceix fuqv. 8 Mv baac
haaix nzong ndeic kungx cuotv njimv
cuotv miev se maiv lamh longc, aav
lamh deix zuqc zioux aqv. Nqa'haav
ziouc zuqc douz buov qui nzengc.”
(Hipv^lu 6:7-8).
5
6
7
8
9
10
I. Caux Yesu Juangc Maengc Ziangh Nyei Mienh
“Haaix dauh caux Giduc juangc
maengc ziangh, ninh maiv baamz
jienv zuiz mingh. Haaix dauh
baamz jienv zuiz mingh, wuov
dauh maiv buatc jiex Giduc, yaac
maiv hiuv duqv ninh. (1 Yo^han
3:6)
“Maiv muangx mienh waaic
mienh nyei za'eix, maiv yangh
zuiz-mienh nyei zaux-mbiec,
yaac maiv caux huotv Tin-Hungh
nyei mienh juangc jauv yangh”
(Singx Nzung 1:1)
Gong-Zoh 3:1-10 “Maaih hnoi njiec aanx buo norm
ziangh hoc, doix zuqc Yiutai Mienh mingh daux gaux,
Bide caux Yo^han mingh wuov zangc Tin-Hungh nyei
biauv. 2 Maaih dauh yiem-toi waaic, zaux mbai nyei
mienh. Mienh hnoi-hnoi dorh ninh mingh zueiz jienv
zangc Tin-Hungh nyei biauv nyei gaengh ndaangc,
dongh mienh heuc “Gaengh Nzueic”, wuov dauh
gaengh, gan bieqc zangc Tin-Hungh nyei biauv nyei
mienh tov nyaanh. 3 Buatc Bide caux Yo^han oix
bieqc zangc Tin-Hungh nyei biauv, ninh ziouc gan
ninh mbuo tov nyaanh.”
4 Ninh mbuo nuqv-nuqv nyei mangc
jienv zaux mbai nyei mienh. Bide
gorngv, “Mangc yie mbuo maah!” 5
Ninh ziouc mangc, laaic ninh mbuo
oix bun haaix nyungc mv bei. 6 Mv
baac Bide aengx gorngv mbuox ninh,
“Jiem nyaanh yie maiv maaih oc. Mv
baac yie maaih nyei, yie oix bun meih.
Dengv Naa^saa^letv Mungv wuov
dauh Yesu Giduc nyei mbuox, jiez sin
daaih yangh jauv maah.”
7 Bide ziouc nanv jienv wuov laanh mienh
nyei mbiaauc jieqv buoz ken ninh jiez sin
daaih souv jienv. Zaux-benv caux zauxmueic liemh zeih henv daaih maaih qaqv.
8 Ninh biu jiez sin daaih jiez gorn yangh
jauv aqv. Ninh ziouc gan Bide caux
Yo^han bieqc zangc Tin-Hungh nyei
biauv, yangh jienv mingh, biu jienv
mingh, ceng jienv Tin-Hungh mingh.
9 Zuangx mienh buatc yangh jienv
jauv ceng Tin-Hungh, 10 ninh mbuo
zieqv duqv se dongh aah loc yiem
Gaengh Nzueic Nyei gaengh ndaangc
tov nyaanh wuov dauh mienh.
Zuangx mienh za'gengh! Mbuoqc
horngh haic, hnamv maiv mengh
baeqc naaiv dauh mienh nyei jauvlouc.
III. Porv Mengh Nyei Waac
Se gorngv mbuo oix mbuo nyei hnyouv
nyiemc fingx jiex daaih nor, maaih buo
nyungc jauv mbuo oix zuqc zoux:
(1) Goiv hnyouv nzuonx daaih lorz Tin-Hungh,
(2) Bun ninh sortv guangc mbuo nyei zuiz,
(3) Ziouv ziouc bun mbuo nyei hnyouv maaih
ziangh hoc nyiemz fingv jiez daaih.
A. Hnyouv Nyiemz Fingv Jiez Daaih Nyei Jauv
(1)Naaiv nyungc jauv maiv sienx nyei mienh se maiv
haih fingv jiez, weic zuqc ninh mbuo nyei lingh wuonh
se daic mi’aqv (Lomaa 5:12;14,17;6:23).
(2) Haih fingv jiex daaih nyei mienh se oix zuqc ziangh
jienv nyei cingx daaih haih fingv…
(3) Maiv zeiz kungx haiz hnyouv mun fai nzauh taux
zuiz mv baac maiv nyiemc, maiv goiv hnyouv guangc zuiz.
B. Hnyouv Nyiemz Fingv Jiez Daaih Se Maiv Zeiz:
(1) Maiv zeiz liemh zeih jorm hnyouv nyei jauv, fai
jorm hnyouv camx baav hnangv…weic nzung zoux
bun mbuo hnyouv jorm fai oix nyei jauv (fun)
(2) Yaac maiv zeiz weic oix mingh mbuox
Mienh taux Yesu nyei jauv (witness)
(3) Yaac maiv zeiz dorh ganh aengx fongc
horc (rededication).
C. Hnyouv Nyiemz Fingv Jiez Daaih Nyei Jauv Se
Naaiv Dauh Zaux Mbai Nyei Mienh Nor:
6 Mv baac Bide aengx gorngv mbuox ninh, “Jiem nyaanh yie
maiv maaih oc. Mv baac yie maaih nyei, yie oix bun meih.
Dengv Naa^saa^letv Mungv wuov dauh Yesu Giduc nyei
mbuox, jiez sin daaih yangh jauv maah.” 7 Bide ziouc nanv
jienv wuov laanh mienh nyei mbiaauc jieqv buoz ken ninh jiez
sin daaih souv jienv. Zaux-benv caux zaux-mueic liemh zeih
henv daaih maaih qaqv. 8 Ninh biu jiez sin daaih jiez
gorn yangh jauv aqv. Ninh ziouc gan Bide caux
Yo^han bieqc zangc Tin-Hungh nyei biauv, yangh
jienv mingh, biu jienv mingh, ceng jienv Tin-Hungh
mingh (Gong-Zoh 3:6-8)
D. Hnyouv Nyiemz Fingv Jiez Daaih Nyei
Mienh Se Hnangv Naaiv Dauh Butv
Gomv Huv Baengc Nyei Mienh Nor:
15 Maaih dauh buatc ninh ganh longx nzengc ziouc
liemh zeih daaux nqaang nzuonx, longc qiex hlo
nyei ceng jienv Tin-Hungh daaih. 16 Taux Yesu
wuov ninh ziouc mbaapv njiec ndau laengz zingh
haic Yesu. Naaiv dauh mienh se Saa^maa^lie
Janx. 17 Yesu gorngv, “Maaih ziepc dauh zorc
longx nzengc maiv zeiz? Wuov deix nduoh dauh
ni? 18 Kungx maaih naaiv dauh ganh fingx mienh
daaux nqaang daaih laengz Tin-Hungh nyei zingh
hnangv?” (Lugaa 17:15-18)
E. Hnyouv nyiemz fingv jiex daaih nyei mienh se hnangv naaiv:
43 Gong-zoh mbuo zoux camv-nyungc jangx-hoc caux mbuoqc
horngh nyei sic, zuangx mienh yaac gamh nziex haic. 44 Sienx
Yesu nyei mienh gapv zunv yiem. Maaih haaix nyungc ninh
mbuo juangc jienv longc. 45 Ninh mbuo yaac maaic ninh
mbuo nyei lingh deic jaa-dingh ga'naaiv, zorqv wuov deix
nyaanh ziux gorqc mienh qiemx longc nyei bun nqoi longc. 46
Ninh mbuo hnoi-hnoi gapv zunv yiem zangc Tin-Hungh nyei
Biauv yaac yiem ninh mbuo nyei biauv maeqv njuov. Ninh
mbuo juangc nyanc juangc hopv, lomh nzoih a'hneiv, longc
Nzengc hnyouv zoux 47 yaac ceng Tin-Hungh. Zuangx mienh
yaac taaih ninh mbuo. Ziouv hnoi-hnoi bun duqv njoux nyei
mienh tim bieqc ninh mbuo nyei guanh (Gong-Zoh 2:43-47)
IV. Hnyouv nyiemz fingv jiez daaih se:
Tin-Hungh ganh fingv ninh nyei naamh
nyouz nyie daaih bun ninh mbuo jorm
hnyouv taux zien leiz yaac taux Tin-Hungh
nyei njang-laangc, buatc ganh nyei zuiz,
gamh nziex taux deic nyouqc, zieqv duqv
Giduc nyei en zingh dongh ninh longc
ninh ganh nyei nziaamv zuoqc, weic sienx
kaux ninh duqv yietc liuz nyei maengc,
zoux cing-nzengc weic zuqc Tin-Hungh
se cing-nzengc, jorm hnyouv gapv zunv
buoqc zangc ceng baaix Tin-Hungh.
A. Mbuo qiemx zuqc hnyouv nyiemz Fingv jiex daaih se
gorngv mbuo haiz mbuo ganh:
(1) Maiv hnamv Ziouv hnangv zinh-ndaangc.
(2) Maiv maaih hnyouv oix daux gaux Ninh jiu tong.
(3) Haiz maiv lamh longc nyei eix fai hnyouv namx.
(4) Maiv gamh nziex taux Ging-Sou hatc nyei waac.
(5) Hnamv taux ganh gauh camv hnamv Tin-Hungh.
(6) Haiz mingh zoux leiz-baaix maiv longc jienv.
(7) Haiz Ging-Sou nyei waac maiv jienv bun mbuo.
(8) Maiv maaih noic zoux haaix nyungc.
B. Mbuo qiemx zuqc hnyouv nyiemz Fingv jiex daaih se
gorngv:
(1) Mbuo haiz maiv haih guangc maiv duqv mienh
nyei zuiz.
(2) Dorng jaa mienh juangc norm biauv mv baac
maiv juangc norm hnyouv hnamv Giduc.
(3) Fu’jueiv hlo daaih guei baamh gen…ei baamh
mienh zoux.
(4) Maiv buatc Ziouv zoux nyei mbuoqc horngh sic
yiem mbuo nyei maengc.
(5) Maiv dingc hnyouv gorngv mbuo gengh duqv
njoux nyei fai.
C. Mbuo qiemx zuqc hnyouv nyiemz Fingv jiez daaih se
gorngv:
(1) Mbuo maiv haiz nzauh taux, mbuo hnangv haaix
nor haih zoux duqv horpc Tin-Hungh nyei hnyouv.
(2) Mbuo maiv hnyouv mun taux ganh nyei zuiz, fai
mienh nyei zuiz “Yie nyei wuom-mueic liouc njiec
hnangv ndoqv nor, weic zuqc mienh maiv ei jienv
meih nyei leiz-latc” (Singx Nzung 119:136).
(3) Mbuo haiz maiv maaih qaqv gaux guangc mienh
nyei zuiz.
D. Mbuo qiemx zuqc hnyouv nyiemz Fingv jiez daaih se
gorngv mbuo haiz mbuo ganh:
(1) Mau maiv jorm hnyouv Tin-Hungh nyei jauv nor.
(2) Buatc maiv sienx nyei mienh caux mbuo maiv
ganh nyungc.
(3) Mbuo caux maiv sienx nyei mienh haiz maiv
lengc.
III. Mbuo qiemx zuqc hnyouv nyiemz Fingv jiez daaih se gorngv
mbuo haiz:
(4)
Mbuo maiv qiemx zuqc Ziouv.
Mbuo maiv qiemx zuqc mienh.
Buatc zinh nyaanh gauh longc jienv.
Buatc mengh dauh gauh longc jienv.
(5)
Buatc baamh gen nyei ga’naaiv gauh jienv.
(1)
(2)
(3)
A. Se gorngv mbuo nyei hnyouv nyiemz fingv
jiez daaih nor:
(1) Mbuo buatc Tin-Hungh caux Ninh nyei waac
Ging-Sou maaih jaah zinh bun nyei maengc.
(2) Mbuo buatc mingh zoux leiz-baaix ceng Tin-Hungh
fuh sux Tin-Hungh nyei jauv se longc jienv bun
mbuo nyei maengc.
(3) Mbuo buatc hoqc Ging-Sou nyei jauv se longc jienv
haic bun mbuo.
B. Se gorngv mbuo nyei hnyouv nyiemz fingv
jiez daaih nor:
(1) Mbuo maaih hnyouv nyiemc ganh zoux faix,
hnyouv mun taux mbuo zoux zuiz nyei jauv.
(2) Zieqv duqv mbuo ganh zoux dorngc nyei jauv.
(3) Laengz nyiemc mbuo zoux dorngc nyei sic.
(4) Nyungc zeiv hnangv dorn-faix nor (Lugaa 15:17-21
C. Se gorngv mbuo nyei hnyouv nyiemz
fingv jiez daaih nor:
(1)
Maaih jorm hnyouv oix daux gaux…yaac maaih zien
njien-youh orn lorqc nyei jauv.
(2) Jorm hnyouv mbuox mienh taux Yesu,
jorm hnyouv mingh zoux Ziouv nyei gong.
(3) Jorm hnyouv hoqc Ging-Sou.
V. Mbuo nyei Jiu-Baang niv?
(1) Se gorngv ih hnoi mbuo nyei jiu baang
duqv hnyouv nyiemz fingv jiez daaih nor,
mbuo nyei jiu baang se hnangv haaix nor?
Mbuo nyei maengc corc hnangv loz wuov
nyei fai? Yie sienx gorngv se gorngv ih
hnoi mbuo nyei hnyouv nyiemz fingv jiex
daaih, mbuo nyei jiu-baang mv baac
hnangv loz-hnoi nyei jiu baang nor
(Gong-Zoh 2:42-47)
A. Mbuo nyei Jiu-Baang niv?
Maaih hnyouv ngorc Tin-Hungh nyei waac,
hoqc Tin-Hungh nyei waac, doqc Tin-Hungh
nyei waac, yaac ei Tin-Hungh nyei waac zoux
“Ninh mbuo longc hnyouv muangx gong-zoh
mbuo njaaux leiz yaac lomh nzoih jiu tong,
juangc jienv maeqv njuov, yaac daux gaux”
(Gong-Zoh 2:42). Sienx nyei mienh jiex gorn ei
Ging-sou, maiv dorh Ging-sou daaih ei
ganh…jiex gorn ngorc Tin-Hungh nyei
waac…yaac sin zinx yiem ninh nyei nza’hmien.
(2)
B. Mbuo nyei Jiu-Baang niv?
(3) Zien Gamh nziex Tin-Hungh (Sienx nyei
mienh caux maiv sienx nyei) “…Zuangx
mienh yaac gamh nziex haic.” (Gong-Zoh
4:32-35). Maiv buangv hnyouv dorh yietc
hnoi daaih ceng Tin-Hungh hnangv, norm
norm ziangh hoc buoqc zangc taaih Ziouv
yiem zoux gong dorngx, yiem biauv, yaac
yiem maengc nyei norm norm dorngx.
C. Mbuo nyei Jiu-Baang niv?
(4) Buatc Tin-Hungh nyei qaqv caux mbuoqc
horngh nyei sic “Gong-zoh mbuo zoux
camv-nyungc jangx hoc caux mbuoqc
horngh nyei sic…” (Gong-Zoh 3:43). Maiv
sienx nyei mienh zieqv duqv Tin-hungh,
sienx nyei mienh jiex gorn fioux gan cingnzengc. Zoux zuiz nyei mienh goiv hnyouv
guangc zuiz, maengc yienc nzengc…Ninh
mbuo yaac fingv jiez daaih.
D. Mbuo nyei Jiu-Baang niv?
(5) Buatc sienx nyei mienh yiem
hnyouv fongc horc weic tengx
mienh “…maaic ninh mbuo
nyei lingh deic jaa-dingh
ga’naaiv, zorqv wuov deix
nyaanh ziux gorqc mienh qiemx
longc nyei bun nqoi longc.”
(Gong-Zoh 2:45)
E. Mbuo nyei Jiu-Baang niv?
(5) Hnoi-Hnoi gapv zunv weic hoqc Ziouv
nyei waac, laanh goux laanh, laanh tengx
laanh “Ninh mbuo hnoi-hnoi gapv zunv
yiem zangc Tin-Hungh nyei biauv yaac
yiem ninh mbuo nyei biauv maeqv
njouv…dongh diuc hnyouv zoux” (GongZoh 2:46). Sienx Tin-Hungh nyei mienh
ziepc zuoqv nyei hoqc yaac muangx dorh
ninh nyei mienh. Dorh nyei mienh ziepc
zuoqv gan longx Tin-Hungh.
F. Mbuo nyei Jiu-Baang niv?
(6) Sienx Tin-Hungh nyei mienh maaih
orn lorqc yaac dongh diuc hnyouv
“…lomh nzoih a’hneiv, longc nzengc
hnyouv zoux” fai fan gauh horpc
gorngv “dongh diuc hnyouv” (GongZoh 2:46) . Hnyouv nyiemz fingv jiez
daaih se sienx nyei mienh aengx
nzuonx mingh hnamv Tin-Hungh.
G. Mbuo nyei Jiu-Baang niv?
(7) Sienx Tin-Hungh mienh ceng yaac taaih
Tin-Hungh yiem ganh nyei maengc yaac
juangc jienv ceng. “Yaac ceng Tin-Hungh,
lomh nzoih a’hneiv…” (Gong-Zoh 2:47)
Mbuo jiex gorn baaix ceng, buoqc zangc
Tin-Hungh, weic zuqc Tin-Hungh se puix
duqv..maiv gunv gorngv hnangv haaix
nor, longc haaix nyungc…mbuo kungx
nyunc ceng ninh hnangv.
H. Mbuo nyei Jiu-Baang niv?
(8) Sienx Tin-Hungh nyei mienh zoux cing nzengc
weic zuqc Tin-Hungh se cing nzengc, ga’nyiec
nyei mienh yaac taaih sienx nyei mienh weic ninh
mbuo se zingx nyei mienh, maiv maaih dorngx
daanh nyei mienh. “…Zuangx mienh yaac taaih
ninh mbuo…”(Gong-Zoh 4:47) Maiv daan gorngv
maiv sienx nyei mienh taaih sienx nyei mienh weic
ninh mbuo se Cing-Nzengc hnangv…Tin-Hungh
yaac a’hneiv ninh mbuo…
I. Mbuo nyei Jiu-Baang niv?
(9) Tin-Hungh ganh njoux maiv sienx nyei mienh
yaac tim bieqc jiu baang. “…Ziouv hnoi-hnoi bun
duqv njoux nyei mienh tim bieqc ninh mbuo nyei
guanh.” (Gong-Zoh 4:47) Siang-sienx nyei mienh
se maiv zeix mbuo dorh ninh mbuo sienx…Se TinHungh ganh dorh ninh mbuo sienx, ninh ganh tim
bieqc…weic zuqc Singx Lingh nuqv taux ninh
mbuo nyei zuiz…ninh mbuo ziouc goiv hnyouv
guangc zuiz…
VI. Maaih mienh hnamv daaih maiv haih hnangv naaiv:
Mv baac zien nor, Tin-Hungh oix Jiu baang gengh
hnangv naaiv…se gorngv mbuo nyei maengc nyiemz
fingv jiez daaih… mbuo nyei maengc yaac hinc cuotv
bun mienh buatc hnangv zinh ndaangc sienx nyei
mienh nor, mbuo nyei jiu baang zungv oix maaih
maiv sienx nyei mienh tim bieqc mbuo nyei jiu
baang. Se gorngv mbuo zimc mangc Jiu Baang nyei
gouv-douc yiem naaiv lungh ndiev nor, mbuo gengh
mbuo peix fux haic Tin-Hungh zoux nyei gong.
Dongh mienh muangx Tin-Hungh nyei waac wuov
deix Tin-Hungh zoux mbuoqc horngh nyei sic yiem
ninh mbuo nyei maengc.
A. Se gorngv mbuo:
1. Goiv hnyouv nzuonx daaih lorz Tin-Hungh
2. Bun Tin-Hungh sortv guangc meih mbuo
nyei zuiz.
3. Ziouv ziouc bun meih mbuo nyei hnyouv
maaih ziangh hoc nyiemz fingv jiez daaih
B. Weic haaix nyungc mbuo qiemx zuqc
fingv jiez daaih?
(1) Weic zuqc jiu-baang maiv wangc siangx.
(2) Nyungc zeiv se: Sin wangc Siangx se maiv
maaih baengh, jiu baang wangc siangx se
maiv maaih zuiz…zanc-zanc nyiemz zuiz
bun Ziouv fioux ganh cing-nzengc...
C. Zorng-zengx gorngv jiu-baang maiv wangc siangx yiem Meiv
Guoqv:
(1) Yietc Hnyangx 3,000 norm jiu baang oix zuqc guon.
(2) Yiem 1991, 21% domh mienh maiv mingh zoux leiz
baaix.
(3) Yiem 2002 maaih 34% mienh maiv mingh zoux leizbaaix.
(4) Ih zanc nyei jiu bang fongc horc se gauh zoqc zinh
ndaangc hingv nyei Jiu Bang “The Great Depression”
D. Zorng-zengx gorngv jiu-baang maiv wangc siangx yiem Meiv
Guoqv.
(1). Yiem 2003, dongh fongc horc nyei mienh, 5% nyei
mienh “tithe” fai fongc horc 10 gouv nyei 1 gouv.
(2) North America caux Wester Europe se i norm
dorngx dongh sienx Tin-Hungh nyei mienh maiv
camv faaux.
E. Zorng-zengx gorngv jiu-baang maiv wangc
siangx yiem Meiv Guoqv
(1) Daaih zoux “leiz baaix” nyei mienh zoqc jienv njiec.
(2) Maaih 80% tim bieqc jiu baang nyei mienh se siuv
yiem ganh norm jiu baang daaih.
(3) 80% zunh doz mienh gengh naamx hnyouv.
(4) Yietc hnyaangx maaih 1,500 dauh zunh doz mienh
cuotv maiv zoux Tin-Hungh nyei gong.
(5) Maaih 90% nyei Giduc Mienh zoux Christian
Shopping. Maiv ziepc zuoqc hnyouv bun Jiu baang,
maiv oix liuc leiz Jiu baang nyei gong, biaux jiex
naaiv biaux jiex wuov nyei hnangv.
Setv Mueiz Waac :
Mbuo ganh niv? Mbuo dongh haaix dauh?
(1)
(2)
(3)
(4)
(5)
Ging-Sou gorngv” sienx fim se oix zuqc sienx
dingc (Hip^lu 11:1).
Maiv dungx guangc gapv zunv zoux leiz-baaix nyei
jauv (Hipv^lu 10:25).
Oix zuqc jorm hnyouv jienh fuh sux Ziouv Yesu
(Lomaa 12:11).
Haaix dauh maaih haaix nyungc sic laanh oix zuqc
tengx laanh ndaam (Gaa^laa^tie 6:2).
Mienh njien-youh, oix zuqc caux jienv njien-youh.
Mienh nyiemv, oix zuqc caux jienv nyiemc (Lomaa 12:15).