Transcript A las medias Ils 6 da november 2016 Premi Term

Dis da litteratura
Maurus Candrian
Heinrichstrasse 210
8005 Zürich
[email protected]
www.disdalitteratura.ch
A las medias
Ils 6 da november 2016
Premi Term Bel va a Vella
Facit dals 26avels Dis da litteratura
Preziadas schurnalistas e preziads schurnalists
Ils Dis da litteratura 2016 èn ids a fin cun la surdada dal Premi
Term Bel. Il president da la vischnanca burgaisa da Domat Theo
Haas ha astgà surdar il premi da la giuria a Stina Hendry. Il
premi da la giuria sco era il premi dal public ha ella gudagnà cun
ses text „Davos baselgia“. Ils premis èn dotads cun 1000.respectiv 500.- francs. Per la giuria (Michele Badilatti, Chatrina
Josty, Annetta Ganzoni) è il text elavurà cun gronda expressivitad
litterara. La separaziun da duas giuvnas vegn descrit a moda
concisa e ritmica en ina lingua poetica cun figuras retoricas che
avran vasts spazis d’interpretaziun. Uschia ha il text da Stina
Hendry, la giuvna da 17 onns da Vella, persvas la giuria e
survegnì ina premia da 2000.- francs en total. Gion Dominic Pohle,
Alice Bertogg, Rut Bernardi e Romana Ganzoni han survegni 500.francs per la nominaziun per il final dal Premi Term Bel.
Ils Dis da litteratura 2016 han gì totalmein radund 300 visitaders
e visitadras. Malgrà la bun’aura da la sonda han adina visità
tranter 40 e 120 giasts las occurrenzas en la sala Tircal a Domat.
Il comité d’organisaziun è cuntaint era sch’il dumber è in zichel
pli bass che l’onn passà. Incaps n’hai dà nagins durant quests dis.
En tut èn passa 40 scrpturas, musicists, istorichers e criticras
stads sin tribuna durant ils Dis da litteratura 2016.
Ils proxims Dis da litteratura han lieu dals 3 fin ils 5 da
november 2017.
Salids amicabels
Maurus Candrian
[email protected]
076 334 64 68