Transcript OOS TAAL Kómtj, laot ós gaon zitte aan de riekgedèkdje taofel van

Gedicht van Har Sniekers
Torna | Cultura- café van 2 oktober 2016.
OOS TAAL
Kómtj, laot ós gaon zitte aan de riekgedèkdje taofel van Oos Taal
en preuve van de wuuerd van moder zelf:
wuuerd zoea zeut wie riesteflaaj
hertelik wie huitsvleis
of mechtig wie kesekook.
Kómtj, laot ós wuuerd plökke gepoeatj door vader:
wuuerd zoea gelp wie jóng slaaj
huipendj wie aerpel
of mörg wie ’n paer.
Laot ós sjrieve en zinge mèt eige wuuerd:
zoea zaoch es vese snieë
fien wie iesblome op bevroeare roete
of staekendj wie ’n däörehèk.
Laot ós ouch woeane in gefrunseldje wuuerd
van groeatvader en gruuetje:
wuuerd wie kerrerajer klaterendj uuever keie
stief wie baddinge
mer nog spettere es veurpiele in noejaorsnach.