Transcript Publicaziuns dalla vischnaunca, jamna 25

Publicaziuns dalla vischnaunca, jamna 26
Damondas da baghegiar
Nr. 2014-1032.000
Datum dalla publicaziun: 27 da zercladur 2014
Ils patruns: Alois Giusep Albin-Flepp, Fuorns 216, 7184 Curaglia, Iso Albin, Wiesentalstrasse 93,
7000 Chur
Il representant: Ernst Schurter Bauunternehmung,
Via Dacla 1, 7116 Tersnaus
Object: Sanaziun dalla casa, parcella 597, Via Funs-Dado 4, 7180 Disentis/Mustér
• Ils plans da construcziun ein deponi tier l’administraziun communala.
• L’investa publica cuoza 20 dis dapi il datum dalla publicaziun.
• Eventualas protestas encunter sura damonda da baghegiar ein d’inoltrar a scret enteifer 20 dis
all’instanza da baghegiar, caum postal 57, 7180 Disentis/Mustér. La protesta sto esser motivada e
suttascretta dil recurrent ni da siu representant.
Disentis/Mustér, ils 24 da zercladur 2014
Uffeci da baghegiar Disentis/Mustér
Lubientscha da baghegiar
L’instanza da baghegiar ha concediu suandontas lubientschas
da baghegiar:
Nr. 2014 – 1014.000
Jolanda Gächter, Sackstrasse 23, 8342 Wernetshausen;
sanaziun dil baghetg, parcella 3846 (2443), Begl Sogn
Martin, 7183 Mumpé Medel.
Nr. 2014 – 1018.000
Candreja AG, Via Isla 7, 7151 Schluein; construcziun
d’ina halla nova da commerci, parcella 178, Via Plaun
da Diras 4, 7180 Disentis/Mustér.
Disentis/Mustér, ils 23 da zercladur 2014
Uffeci da baghegiar Disentis/Mustér
Fiera tessinesa da stad
Naven dils 2 da zercladur 2014 e mintgamai il gliendisdis duront ils meins da stad (zercladur, fenadur
ed uost) ha liug a Mustér ina fiera tessinesa. Il plaz fiera vegn endrizzaus sil parcadi davos la casa
communala sper Via da Scola.La fiera ha liug mintgamai naven dallas 8.00 entochen allas 18.00.
Administraziun communala
Fiera tessinesa da stad
Naven dils 2 da zercladur 2014 e mintgamai il gliendisdis duront ils meins da stad (zercladur, fenadur
ed uost) ha liug a Mustér ina fiera tessinesa. Il plaz fiera vegn endrizzaus sil parcadi davos la casa
communala sper Via da Scola.La fiera ha liug mintgamai naven dallas 8.00 entochen allas 18.00.
Publicaziuns ufficialas
Mintgamai il gliendisdis duront ils meins da stad 2014 (zercladur, fenadur ed uost) ha liug a Mustér
ina fiera tessinesa. Il plaz-fiera vegn endrizzaus sil parcadi davos la casa communala sper Via da
Scola. La fiera ha liug mintgamai naven dallas 8.00 entochen allas 18.00.
Administraziun communala
Votaziun communala dils 15-6-2014
Engraziament
Pil grond sustegn a caschun dalla votaziun dils 15 da zercladur 2014 en favur dil project
d’embellaziun, signalisaziun ed informaziun engraziein nus zun fetg. La gronda confidonza demussada enviers las autoritads communalas ha fatg grond plascher ed animescha d’ir vinavon la via da far
pli attractiva nossa vischnaunca. Cun grond plascher havein nus constatau che biaras convischinas e
biars convischins han cun gronda breigia e carezia gia decorau las casas ed era els curtins flurescha
ei en tuttas colurs. Engraziel zun fetg persuenter. Quei fa ina biala pareta e fa grond plascher ton ad
indigens sco era a nos hosps. Ina biala cumparsa da nies vitg ei buca mo uonn e per S. Placi giavischeivla – in vitg ch’ei decoraus bein e cun grond plascher ei era in segn ch’il vitg viva. Sche mintgin
segida en ina fuorma ni l’autra d’embellir nies vitg ei quei per noss’entira vischnaunca in enrihament e
lai sesentir bein in e scadin. Tut tenor il motto: Mo ensemen vegnin nus da muentar enzatgei.
Suprastonza communala
Controlla da habitonts
Naschientscha
Niculan Cathomen, naschius ils 14 da zercladur 2014.
Fegl da Judith e Simon Cathomen
Cussegl da scola
Midada ella cumposiziun
Muort perfecziunament professiunal ha Regina Giger- Caminada abdicau sco cussegliera da scola sin
la fin digl onn da scola 2013/14 (fin fenadur 2014). Sebasond sin art. 30 ss. dalla lescha communala
davart ils dretgs politics declara la suprastonza communala quella persuna per eligida, che ha contonschiu tier las davosas elecziuns las biaras vuschs dils candidats buca eligi. L’applicaziun per il cussegl
da vischnaunca vala conform al senn medemamein per ils candidats dil cussegl da scola.
Manuela Venzin-Zazzi ha communicau d’acceptar l’elecziun sco cussegliera da scola sin l’entschatta
digl onn da scola 2014/15. Consequentamein declara la suprastonza communala Manuela VenzinZazzi commembra dil cussegl da scola naven digl 1. d’uost 2014 entochen la fin dalla perioda d’uffeci
2013/2016. Grond engraziament a Regina Giger-Caminada pils survetschs prestai ed a Manuela
Venzin-Zazzi per sia promtadad da s’engaschar pils fatgs da scola da nossa vischnaunca.
Suprastonza communala
Publicaziuns ufficialas
Jamna 26