Transcript Referat - PlanNett

Plan- og samfunn
Sakshandsamar:
Torbjørn Hasund
E-post: [email protected]
Tlf: 57 65 62 73
Vår ref.
Gje alltid opp vår ref. ved kontakt
Internt l.nr.
Møtereferat - planforum 17.04.2013
Stad: Videomøte.
Referent:
Torbjørn Hasund
Kl. 12:00. Stryn kommune – cruisekai Olden
Til stades: Steinar Nesdal, Lisbeth Lervik, Odd Rønningen - Stryn kommune, Stig Oldeide,
Sølve Oldeide – Nordfjord havn IKS, Malén Røysum, Haavard Stensvand, John Anton Gladsø FM Sogn og Fjordane, Ole Martin Lilleby - Statens Vegvesen, Hanne Marie Utvær –
Fiskeridirektoratet, Terje Systad – NVE, Knut Åland – FK KA, Torbjørn Hasund - FK PSA
Steinar Nesdal opna med gjennomgang av diskusjonane som har vore om tiltaket, og viste skisser
og ortofoto som gav oversikt over terreng og moglege tiltak. Politisk er det einigheit om at det er
Olden som skal vere cruisedestinasjonen i Stryn kommune. Enkel tenderkai på Oldenleirane kan
takast som dispensasjonssak.
Tilleggsinformasjon frå Nordfjord havn om storleik på båtar, tiltak og behov. I framtida vil vi få
cruisebåtar på opp til rundt 350 meter. Båtane stikk maksimalt 11 meter djupt. På kort sikt vil ei
enkel flytebrygge på Oldenleirane tilpassa tenderbåtar vere løysinga. Oldenleirane har eigna
bakareal til oppstillingsplass for bussar og handel. På lengre sikt vil ein «SeaWalk» vere eit
alternativ. Den beste løysinga er ei utvida fastkai.
Tillegsinformasjon frå Gladsø om problemstillingar knytt til laks; Oldenelva som nasjonal
lakseelv og Nordfjord som nasjonal laksefjord. Signaliserte at det her var eit klart behov for meir
utgreiingar og at dette vil vere ei konfliktfylt sak. Moment var oppvirvling av botnmateriale, og
forvirring / midlertidig svekking av smolt, som igjen gjer dei til lettare bytte for rovfisk.
Runden, med bakgrunn i problemstillingane Stryn kommune hadde sett opp på førehand
Lilleby – uhaldbar situasjon slik det er i dag med kryssing av fylkesvegen og mykje folk langs
vegane. Det er i dag gangveg på strekninga mot sentrum, men den ligg på landsida av fylkesvegen
slik at passasjerane må krysse fylkesvegen to gonger for å kome til sentrum. Ei løysing med gang-
Dykkar ref.
og sykkelveg på sjøsida frå eksisterande kai vil betre trafikksituasjonen. Flytting av kai til
Oldenleirane vil løyse mykje av denne problematikken.
Stensvand – etterspurde ei avklaring av roller og ansvar mellom kommune, kystverket og
fylkesmannen. Det må tenkjast overordna og langsiktig. Med så mange passasjerar og så store
skip må det takast omsyn til moglegheit for brann, sjukdomsutbrot, press på legetenester i
kommunen etc. Infrastruktur i sjø- og strandområda er utsett for stormfloa
Systad – Olden vassdraget er verna vassdrag. Så lenge det ikkje er snakk om direkte fysiske
inngrep langs det området som er definert som elv med elveutløp er tiltaket ikkje problematisk i
høve vernet. Behov for utgreiingar på kva propellstraumen kan føre til av erosjon. Skredfare må
og vurderast der dette kan vere aktuelt.
Åland – sjøfartsmuseet må vere med i prosessen i høve kulturminne i sjø. Ei utbygging på
Skarstein kan vere uheldig for oppleving av landskapet Olden.
Utvær – det må takast omsyn til låssettingsplassar. Låssetjingsplassen ligg i kystsoneplanen, men
kystsona inngår ikkje i gjeldande kommunedelplan for Olden sentrum. Kommunen påpeikte at
ved revisjon av kommunedelplan for Olden vil kystsona vert innarbeidd. Utvær påpeikte at
kommunen må ta omsyn til låssetjingsplassen i arbeidet. Om Seawalken ligg nord-sør som på
kartet i vedlegg IV vil konsekvensen for låssettingsplassen vere minimal.
Vedlegg IV
Diskusjon kring ulike lokaliseringar og ulike typar tiltak og løysingar. Dei alternativa som var
diskuterte mest var utviding og ombygging av eksisterande fastkai, tenderkai og eventuell Seawalk
frå Oldenleirane og ei løysing på Skarstein. Avgrensande for kva lokalsering som er best er knytt
til påverknad på elva, konsekvensar for landskapet og busetnaden i Olden og behovet for areal i
tilknyting til kaia. I diskusjonen kom dei ulike fagetatane med forslag til kva typar utgreiingar dei
ser på som naudsynt i planarbeidet.
Diskusjon kring plannivå og prosess
• Kan vere viktig med kopling mot samfunnsdelen for å sjå på overordna behov knytt til
beredskap, og kanskje også infrastruktur, samferdsle etc.
•
•
•
•
Utgreiing av tema som marknadsvurdering/tåleevne, infrastruktur på land, logistikktenester
knytt til cruiseskip, overrislingseffekt for lokalt næringsliv og tidshorisont som
kunnskapsgrunnlag for planprosessen kan takast i forkant av oppstart.
Kontakt med Aurland, Skjolden og Hellesylt om erfaring med tilrettelegging for cruise
generelt og SeaWalk spesielt. Både i høve planprosess, utfordringar og tekniske løysingar
Rette plannivå for det konkrete planarbeidet er kommunedelplan. Kommunedelplan er eigna
for å få oversikta over behov for infrastruktur, alternative løysingar for framtidig kai,
inkludert naudsynt areal på land, tåleevne for Oldensamfunnet, etc.
Tett kontakt med fylkesmannen i høve behov for og tilpassing av naudsynte analysar, i særleg
grad problematikken knytt til laks og nasjonal laksfjord.