Transcript Module 4 ANG UNANG LIMA KA LIBRO

Nagpakita sa kinatibuk-ang asoy gikan sa pagkamugna sa
kalibutan, pagmugna sa Piniling Katawhan, ang Israel
(nagsugod sa storya sa mga patriarka – Abraham, Isaak,
Jacob, ug Jose), ngadto sa kaulipnan sa Ehipto, Pagtawag
kang Moses, ug ang Kasinatian sa Exodu, ang Kasabutan
sa Dios ug sa Israel didto sa Bukid sa Sinai, ang Paghatag
sa mga Balaod, ang 40 ka tuig nga Panaw sa Kamingawan
Padulong sa Yutang Gisaad, ug sa Pag-abot sa pikas nga
bahin sa Suba sa Jordan sa wala pa sila makatabok sa
Yutang Gisaad diin ug kanus-a gitugyan ni Moises sa mga
kamut ni Josue ang paggiya sa Piniling Katawhan, ang
Israel, sa pag-angkon sa Yutang Gisaad.
1. Genesis
• Ang pulong Genesis nagkahulugan og
sinugdanan. Ang libro sa Genesis nagsaysay sa
sinugdanan sa lihok sa Dios sa Iyang pagmugna sa
kalibutan. Gimugna sa Dios ang kalibutan pinaagi
sa Iyang Pulong ug Iyang gitahasan ang tawo aron
siya ang magdumala niini. Apan ang tawo
nagmasupilon ug nagpalayo sa Dios pinaagi sa
pagpakasala. Gihustan sa Genesis ang unang
dakung lunop, ang lihok sa Dios aron malimpyo
ang kalibutan.
• Adunay 50 ka mga kapitulo ang libro sa
Genesis nga pwede mabahin ngadto sa tulo ka
parte. Ang unang parte Genesis 1-11
nagsaysay sa pagbuhat sa kalibutan ngadto sa
pagtawag sa Dios kang Abraham. Ang
ikaduhang parte 12-38 naglangkob sa kinabuhi
ni Abraham, ni Isaac, ug sa 12 ka banay ni
Jacob. Ang ikatulong parte Genesis 39-50
naghisgot sa panaw ni Jose ug ang pagpuyo
unyo sa 12 ka banay ni Jacob ngadto sa Ehipto.
2. Exodu
• Ang Exodu ang libro nga nagsaysay
mahitungod sa pagkagiw sa mga tinawag nga
katawhan sa Dios, ang mga Israelita. Ang mga
Israelita, sa pagpanlabay sa mga panahon,
nahimong mga ulipon sa mga Ehiptohanon. Si
Moses ang pinaka-inila nga persona sa Exodu.
• Adunay 40 ka kapitulo ang libro sa Exodu.
3. Levitico
• Ang pulong Levitico nagkahulugan katawhan
sa parianong laray. Ang libro sa levitico
adunay 27 ka mga kapitulo. Nahisulat niini
nga libro ang mga balaod nga pagatumanon
sa katawhang Israel ug ang mga rito nga
pagabuhaton sa mga kaparian. Apan sa mas
lawom pa nga pagpamalandong, nahisulat
niini nga libro ang kasabutan nga tali sa Dios
ug Tawo nga gisaysay sa Genesis ug sa Exodu.
4. Numeros
• Ang libro sa Numeros adunay 36 ka mga
kapitulo. Gitawag kinig Numeros tungod kay
nagsugod kini sa pagmugna sa census sa
Israel ug natapos kini sa pagtapos usab sa
census. Kini nga libro adunay gamay nga
kalibog kung basahon tungod kay naglangkob
kini sa duha ka mga lagyo nga panahon, ang
panahon sa Exodu ug ang panahon sa census.
5. Deuteronomio
• Ang pulong Deuteronomio nagkahulugan nga
ikaduhang balaod. Nahisulat kini sa panahon
nga tapos na mahisulat ang mga balaod nga
mabasa sa mga libro sa Leviticus ug sa mga
Numeros. Adunay 34 ka mga kapitulo ang libro
sa Deuteronomio. Ang maong libro nagsaysay
sa mga diskorso ni Moises didto sa yuta sa
Moab sa wala pa sila mosulod sa Yutang
Gisaad.