Transcript Wi`j kun `t niet doen van oons pensioen (Waor het balkon

Wi’j kun ’t niet doen van oons pensioen
(Waor het balkon al niet goed veur is)
Komedie in drie bedrieven
Van Frit Wemper; in et
Stellingwarfs bewarkt deur:
L.M. Hooghienstra
Personen: Anne Gruundiek, pensionneerd.
Immie, zien vrouw.
Jakob Jaeger, grossier in gruunte en fruit.
Klaos, zien zeune.
Aofien Jansen, laeter vrouw Jaeger.
Lies, heur dochter.
Freerk Sprot, buurman van Gruundiek.
Plonia, zien vrouw.
Vrouw Meijer, de vrouw van Lies heur baos.
(De rolle van Plonia zol evt. deur de souffleuse daon wodden
kunnen, omdat Plonia tiedens et hiele stok veur et pebliek on-.
zichtber blift.)
Teniel (tiedens alle drie de bedrieven)
Aachter:
Rechtsaachter:
Midden:
Rechtsveur:
Tied:
Huuskaemer van de femilie Gruundiek, netties en gezellig
inricht, nar niet medern.
'n Bried balkon mit glaezen deuren die meerstal eupen
staon.
0p 'e raand van et balkon staon een stokmennig bloemen in
potten. Op et balkon een taofeltien en twie stoelen (die
in et twiede en dadde bedrief links in de kaemer staon).
Et balkon lopt an de linkerkaante schieve toe en is ok te
berieken via de kaemer die links naost de huuskaemer
ligt.
Op 'e aachtergrond toppies van bomen en/of dakken van
huzen.
'n Deure mit d'r aachter een klein pertaal en de
butendeure, daor een brievebusse in zit.
Links 'n Deure naor de kaemer d'r naost, as et kan op et
eerste plan. Langs de waand een divan, daor in et twiede
en dadde bedrief et taofeltien en de twie stoelen veur
staon die in et eerste bedrief op et balkon staon.
Taofel mit d'r omme toe een peer leunstoelen en ien
makkelike stoel.
'n Deure die naor de keuken en slaopkaemer van de
Gruundieks gaot. D'r aachter een oolderwets buffet.
Veerder meubels naor plak en meugelikheden, mar niet
medern.
Et gehïel moet een tussenflat veurstellen, mit boven en
onder buren.
Vandaege-de-dag.