Transcript Cheu - Giuventetgna Cadi

4
SURSELVA
GLINDESDI, ILS 9 DA SCHANER 2017
Troccas ei tradiziun e cultura cumbinadas cun tensiun da giug.
Biebein 100 trochistas e trochists ein separticipai la sonda e la dumengia al 12avel Campiunadi grischun da troccas a Sedrun.
FOTOS H. HUONDER
Il plascher da dar troccas
e star da cumpignia
12avel Campiunadi grischun da troccas la fin d’jamna a Sedrun ei staus in success cumplein
DA HANS HUONDER / ANR
d’organisaziun per quei campiunadi stat
en rama. Nus essan in bien team che re­
parta bein las incaricas. Per nus dall’u­
niun grischuna eis ei bi da veser che la
glieud vegn cun plascher al campiunadi.
Quei ei per nus impurtont e decisiv», di
il president. En in onn vegn il campiuna­
di dil reminent arranschaus a Schluein.
Lu han ils dalla Foppa igl avantatg dil
«giug da casa».
stedi. Dar troccas ei ina biala tradiziun
che sa vegnir cumbinada cun star da
cumpignia.» Pigl avegnir dil turnier gia­
vischa el dapli giugadurs giuvens. «Sche
nus lein che quels emprendien da dar
troccas sto in e scadin s’engaschar, en
emprema lingia tiels agens affons ed
aschia dar vinavon quella tradiziun.»
Empau tensiun astga esser.
Pil pli ein adina ils medems da veser al Campiunadi grischun da troccas.
Ivan Muoth (foto) ei staus il partenari da giug
da Toni Cathomas, omisdus da Breil.
„ Biebein tschien trochistas e trochists ein separticipai la fin dall’jamna passada al 12avel Campiunadi grischun da troccas a Sedrun. Quel ha giu
liug danovamein d’ina atmosfera familiara. Per biars ei il campiunadi ina caschun da sentupada e da star da cumpignia. La dumengia sera suenter la fin
da redacziun da La Quotidiana ein ils
campiuns da troccas 2017 vegni erui.
Entochen lu ei vegniu battiu en rundas
per la qualificaziun per la proxima scun­
trada. 40 dils 52 teams ein sequalificai
entochen la sonda sera per las scuntradas
decisivas dalla dumengia. Cun la partici­
paziun da biebein tschien giugaduras e
giugadurs ein ils organisaturs – l’Uniun
grischuna da troccas – fetg cuntents.
«Aschi ditg che nus vegnin da tener il
diember sur tschien astgein nus buca se­
lamentar», di il president Andreas Muoth
da Breil. Ferton che la participaziun ord
Lumnezia ei stada uonn buna han las
giugaduras ed ils giugadurs dalla Foppa
muncau per part. «Per in ni l’auter ei il
viadi entochen a Sedrun forsa staus me­
mia liungs», di Muoth che presidiescha
l’uniun grischuna dapi la fundaziun avon
nov onns. Ella ha organisau il campiuna­
di uonn per la dieschavla ga. Avon che
l’uniun surprendi l’organisaziun era quel
vegnius iniziaus ed arranschaus duas ga
dalla pcd giuvna dalla Surselva. «La lavur
Separticipar e guder
Ferton che plir(a)s separticipeschan al
campiunadi grischun dapi che quel exi­
sta ei il deputau René Epp da Tujetsch/
Mustér staus uonn per l’emprema ga
dalla partida: «Jeu less mirar ina ga co
quei ei. In dils motivs ch’jeu separtici­
peschel ei segiramein era ch’il campiu­
nadi ha liug a Sedrun. Jeu less far mias
empremas experientschas, lu vesin nus
vinavon.» Tut auter ha ei secapescha tu­
nau tier Urs Gautschi da Trun che ha gu­
dignau igl onn vargau il campiunadi en­
semen cun Lucas Janka, medemamein
da Trun. «Jeu separticipeschel al cam­
piunadi dapi che quel exista. La finami­
ra ei da gudignar. Persuenter drova ei
denton era cletg e secapescha era bunas
cartas.» Sper l’ambiziun da vegnir aschi­
lunsch sco pusseivel el turnier conceda
Gautschi denton era che la cumpignia
seigi in dils motivs da separticipar al tur­
nier: «Igl ei secapescha bi da s’entupar
cun glieud ch’ins vesa forsa buc aschi
Si dalla Bassa
per dar troccas
Che dar troccas ei buca spirontamein mo
ina pissiun da Sursilvanas e Sursilvans
muossa igl exempel da Paul Marty che ha
habitau plirs onns a Glion e ch’ei ussa se­
sents a Cuera. El ei oriunds da Sviz. «Jeu
haiel empriu da dar troccas a Glion. Il bi
vid quei giug ein las variantas, quei ch’ei
buc il cass per exempel tiel jass. Cheu san
ins dir mintgaton ina schula cun la cun­
diziun ch’il partenari sappi co quella sei­
gi manegiada», di Marty ch’ei dil remi­
nent president dil Club da troccas Glion
e cassier dall’Uniun grischuna da troccas.
Vegnida extra si dalla Bassa per separtici­
par al turnier ei Marcella Burkart, oriun­
da da Danis: «El contuorn da Lucerna
havein nus buca bia pusseivladads da dar
troccas, leu vegn ei dau pil pli jass. Da­
mai ch’jeu dundel bugen troccas separti­
cipeschel jeu ina ga ni l’autra a turniers
sco per exempel a Turitg. Il campiunadi
grischun porscha a mi la pusseivladad da
seveser cun enconuschents e da guder la
cumpignia.»
Il president dall’Uniun grischuna da troccas, Andreas Muoth, ei separticipaus sez.
Toni Cathomas, in dils pli giuvens trochists
al campiunadi.
Bialas trofeas spetgan era uonn sils victurs
dil Campiunadi grischun da troccas.
Il plascher da dar troccas ei staus nunsurveseivels la fin d’jamna en Val Tujetsch.