Transcript UPU FOU ALII - Home | Ekalesia Faapotopotoga Kerisiano i

Ekalesia Faapotopotoga Kerisiano i Amerika Samoa
UPU FOU
a le
ALII
O le Tusi Paia mo se suiga
Kuata Fa
Oketopa ma Tesema
TUSI FAITAU ASO
2016
i
Aso
Oketopa
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Novema
1
2
3
4
5
Faasologa o Mataupu mo le Kuata 4
Mataupu
Itulau
O le Valaaulia.
Auega i le Olioli.
Ua i ai uma i lou mafaufau.
Ua i ai uma i luga o le laina.
O le Atua ua faatasi ma i tatou.
Le Atua ma Iopu.
Ua auina atu ea a’u e le Alii?
Tumau ina ia fua tele mai.
Tauiviga ma le Atua.
I le atuatuvale.
Faaolioliina.
O le fesootaiga aoao a le foafoaga atoa.
Malosiaga e fua tele mai.
O le alofa ua taumasuasua.
O le tatalo a Iesu.
Ia e faia i le isi tagata e pei ona e mana’o
e fai atu ia te oe.
Avea ma so’o moni.
Vaai i luma.
Alu, ua ou auina atu oe.
O le a ua e filifilia i le aso?
Iloa le mea e mana’omia.
Faavasega lelei au faamamafa.
Ou te faamanuia atu ia te oe.
O le a se mea o e tau sailia?
O ai e sili?
Poto faaalia i tama-valevale.
Faaputuputu ese le vaovale.
Vaavaai i le agi o le matagi.
Faalogo ia ou taliga mai ou taliga.
O le mea na tupu i le ala i Ieriko.
1
2
3
4
5
6
7
8
9
10
11
12
13
14
15
15
O le molimau faamaoni.
O le mamoe ua toe maua.
O le a se tau e talafeagai mo a’u?
A e o le a faapefea a’u?
O le faaaogaina o le poto e maua ai le ola.
29
30
31
31
32
ii
16
17
18
19
20
21
21
22
23
24
25
26
27
28
Novema
Aso
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
Tesema
1
2
3
4
5
Mataupu
Mataio – ua faailoa le Mesia ua afio mai.
Mareko – ia ta’u atu le tala lelei ia Iesu Keriso.
Luka – ia saili i le meatonu.
Ioane – o le soo na alofagia e le Alii.
Maria – ia faailoa le Atua i le olaga atoa.
O Maria le Makatala – na avea ma molimau
i le toe tu o Iesu Keriso.
Paulo – O le tali i le valaau ua tuuina mai.
O Aukusetino le tamā paia – pe a savavali
Tagata Paia i le valaau a le Alii.
O le tagata paia o Faranesisi o Assisi Ta’ita’i e tusa ma a’oa’oga.
O le tagata paia o St. Teresa o Avila O le lagi o le nofoaga ua tatou iloa.
Le tagata paia o Ioane ma lona satauro Ua faailoa mai le pogisa.
O le tagata paia o St. Ignatius o Loyola O vaivaiga e tupu ai avanoa.
Katerina o Siena –
O le alofa e le faia ma le nofonofo.
Julian of Norwich – ia tuu atu i aao o le Alii.
William Wilberforce, Olaudah Equiano.
Josephine Butler.
Saili atu i le Upu Moni.
Martin Luther King
Mother Teresa
Thomas Merton
Mahatma Gandhi
Le mautonu.
Faaolaola le viiga ma le faamanu.
Ua oo mai le malamalama.
Ua atoatoa ia Keriso.
Itulau
33
34
35
35
36
37
A o le Atua – o le faaolataga sili.
O lona malamalama ua pupula mai,
ua susulu atu.
O le li’o e faaauau pea.
Moemiti o le lumana’i i le Atua.
Faamanuiaga i le lalolagi uma.
57
58
iii
38
39
40
41
42
43
44
45
46
47
48
49
50
51
52
53
54
55
56
59
60
61
Tesema
Aso
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
Mataupu
O le avanoa mo tagata uma.
O le molimau taua mo le aulotu to’aitiiti.
Taga’i a’e i le lagi.
A’oa’o ina ia tasi i le Keriso.
E faapefea ona ola i se lalolagi ‘ese.
O le lisi o meaalofa eseese.
E sili le faailoa, na i lo le nofoa’i.
Toe fo’i i le aoga.
Ia maua le nofo filemu.
Ia e mafaufau toto’a i le ita.
Ia tumau i lou loto!
O le taimi ia faaaoga tatau.
Ia iloa le lotomaulalo ma le agamalu.
Savavali e faamamaluina ma faapaiaina.
Aua ne’i o tatou faavaivai.
O le auala faigofie.
Puipui i lalo o le talita.
O le tatalo a Paulo.
O faatinoga ma upu.
O le Atua ua ia i tatou.
Iesu le faamoemoe ma lo tatou lavea’iina.
Ua faatumulia i le olioli ma le fiafia.
Ua oo mai le faanoanoa ma le tagiaue.
Ia toe fo’i i tua.
E afio mai o Ia e sili.
O le papatisoga o Iesu.
iv
Itulau
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
Tatalo: “O le feso’otaiga i le Atua.
1 O Salamo ma le tagata.
[Saunia: Nathan Eddy].
Aso Sa- Oketopa 02, 2016:“O le Valaaulia.”
Tusi Faitau- Salamo – 5:1- 12
Matua- Salamo- 5:11, A ia fiafia i latou uma o e faatuatua ia te oe,
ia latou alalaga f iafia e faavavau, aua e te faamamaluina i latou, ia
olioli foi ia te oe, o e alolofa i lou suafa.
Ua le taua e le Tusi Paia Eperu po’o le feagaiga tuai ni tulafono po’o ni
fa’atonuga i le taimi e tatalo ai,ae pe fa’apefea foi ona fa’ataunuu le tatalo.
Peita’i, mai se tasi o va’aiga ma sailiiliga,ua tumu le feagaiga tuai i fa’atonuga o
tatalo. O Hana le tina na matua momoli atu lona loto i le Atua, i le malumalu. O
Miriama le tina na siva ma pese i le Atua ina ua fa’asa’olotoina. O Iopu o le
tama na sa’i ma finau atu i le Atua, i ona puapuaga ma mafatiaga na feagai ai.O
feso’otaiga a i latou nei atoa ma isi i le Atua i lagona eseese, o se alafua faatatau
lea mo le tatalo e feso’ota’i ai ma le Atua.
I lenei vaiaso ua ofoina mai ai e Salamo le valaaulia mo i tatou uma, ina ia tatou
faia se talanoaga vavalalata ma le Atua, e pei fo’i o i latou na taua a latou
feso’otaiga ma le Atua. O tatou fo’i, ua uma ona valaauina i tatou e ala i le
tamaoaiga o lona alofa lavea’i, tatou te ulufale atu ai i le fale o le Atua.”Ae
peita’i a’u nei, o le tele o lou alofa ou te alu atu ai i lou fale,ou te ifo i lou
malumalu paia ma le mata’u ia te oe.”[f:7].
Atonu e te lagonaina lou fia tagi i le fale o le Atua e pei o Hana, o lou fia siva
ma pese e pei o Miriama,ia po’o le itiiti foi o sina lagona e te lagonaina.ia aua e
te popole, o le a fa’ailoa mai e salamo upu tatou te fa’asoa atu i le Atua,ma
fa’ata’ita’i mai ia i tatou auala tatou te tatalo atu ai ia te ia.O auala e sili atu i
lo’o se talanoaga, po’o faiga ua tatou masani ai.
A’o faitau i le Tusi Paia i lenei vaiaso, avea se fuaiupu e tasi o salamo e taula’i i
ai ou mafaufauga ma fa’asoa atu ai ou manatu i le Atua. Manatua, o tatou lava o
tagata, ae tu’u le Atua o le Atua. O le mea lea, e taua ai le fa’alogo manino i lona
si’ufofoga.
Tatalo: Le Atua fa’afofoga tatalo e, amataina e lau Afio e ala i lou agaga paia,se
feso’otaiga mafanafana ma i matou i lenei vaiaso.Fa’ailoa mai upu matou te
tatalo ai, ma ia e fa’afofogaina mai o matou leo. Amene.
1
Aso Gafua-Oketopa03, 2016:
“Auega i le Olioli.”
Tusi Faitau-Salamo 13:1-6
Matua-Salamo 13:1, Le Alii e, e te fa’agalogalo pea lava ia te a’u
se’ia afea? E te ‘alo ou fofoga ia te a’u se’ ia afea?
O se tasi o a’u galuega fa’a-atisi ou te fiafia tele i ai, o lo’o i ai lea
i se nofoaga o mata’aga i Yorkshire i Enelagi, ua taua o le Deer
Shelter. O lenei galuega, ose pusa sima e fausia i se pito
maupu’epu’e o lea paka, ae iai i lona pito i luga se avanoa tele
lava,e fa’atafafa le tutusa.
Afai e te ulufale i totonu i le avanoa lea ma e taga’i aga’i i luga, ona e iloa lea o
le lanumoana o le lagi ua fa’ava’aina i le fa’alo o le fale.A le o lena fo’i,e maua
e ou fofoga sina mataua o le timu, po’o sina fasi aisa itiiti o mataua o le kiona.
O le Salamo e 13, o lo’o loloto atu lona faamatalaina i ni upu pupuu lava, ituaiga
lagona o tatalo eseese, e pei ona sa tatou va’avaa’i ai iai latou i le aso ananafi. O
tatalo o le olioli, o le puapuagatia, o pesega, atoa ma finauga, ua fa’aleoina uma
i lenei salamo i ona fuaiupu e ono, pe a ma le sili teisi i le limasefulu upu i le
gagana Eperu. E anoanoa’i upu ma manatu tatou te fa’amatalaina ai lenei
parakalafa,i lo le salamo atoa.
O se tasi o mea e iloga ai ituaiga salamo nei, e ta’atele fo’i i salamo o auega, o le
fesuiaiga lea mai le auega i le amataga,i le vi’iga i le Atua i lona fa’aiuga. O
fuaiupu e lua mulimuli o le salamo, ua aliali mai ai se avanoa i le va o le
matua[f:1] ma le fa’aiuga o le salamo. O le a sou manatu, o le a le mea na tupu i
le avanoa lea i le va o auega ma vi’iga i le Atua?
O le Atua o lo’o ia silafia mea uma ma ta’ita’iina mea uma, i auala e le o’o i ai
so tatou iloa ma le malamalama.O a tatou auega ona o puapuaga ma tiga o le
olaga, o se avanoa tatou te vaa’i a’e ai i le alofa lavea’i, tumau, ma le fa’amaoni
o le Atua o lo’o ta’ita’iina ai lo tatou ola.Ma tuputupu tele ai lo tatou fa’atuatua
atu ia te ia ma lana fa’aolataga.
“A’o a’u nei, ou te fa’atuatua i lou alofa, e fiafia lo’u loto i lau
fa’aolataga.”[f:5]. Ia fa’aolioliina lou loto i le Alii, a’o e mafaufau ma
manatunatu i lona alofa i lenei salamo. “Ou te pese atu i le Alii, aua ua agalelei
mai o ia ia te a’u.[f-6].
Tatalo: Le Atua alofa e, ua matou manatua i latou o lo’o nonofo i le avanoa i le
va o auega ma vi’iga,fesoasoani ia i latou ia tumau pea le talitonu i lau Afio, ina
ia i ai se aso e fa’aolioliina ai i latou.Amene.
Mafaufauga Loloto: Faitau leotele le salamo, afai o oe o lo’o fa’atinoina,
pu’epu’e mau vaega uma ina ia suia ai lagona.
2
Aso Lua- Oketopa 04, 2016. “Ua i ai uma i lou mafaufau.”
Tusi Faitau- Salamo 22:1-10.
Matua:Salamo 22:7-8. Ua fa’atauemu mai ia te a’u o i latou uma ua vaai mai,
ua fa’amamaga o latou gutu,ua lialia’i o latou ulu, ua faapea mai,na ia
faalagolago i le Alii,ia na faaola ia te ia,ia laveai o ia ia te ia, aua ua na fiafia
ia te ia.
E i ai si a’u masani faifai-so’o e iloa uma e lo’u aiga.Ou te faatalitali i le pupuna
o le tipoti vai ma alu a’e ai i fafo le ‘ausa.Ona ou ata leotele lea ma lulu lo’u
ulu, e aunoa ma se mafua’aga fa’apitoa.O le a le mea ua tupu ia te a’u? aisea ua
ou faapea ai? O lea ou te faia se talanoaga moni i lo’u mafaufau. A le o le
faatoafilemuina o lo’u mafaufau, o le tete’e atui ni tu’uaiga o a’u. Masalo, o le
umi o o’u sailiili i salamo,o manatu le mautonu ia o lo’o mafaufau i ai lo’u aiga.
Ae o le mea taua, o lo’o tauto’aluaina a’u i le faitauina o salamo.
I lenei salamo, o lo’o tete’e ai le fai-salamo ia i latou e le alolofa,tagata
taufaaleaga, tagata taufaifai ia te ia, ma latou manatu ia te ia o se tuga, ae le o se
tagata ola.“A’o a’u, o le tuga lava a’u, ae le se tagata, ua faalumaina a’u e tagata,
ma inosia a’u e le nuu.”[f:6].
E le taumate na faaaogaina lenei salamo e le au-fai-evagalia, e faamanatu ai
fitafita na latou faifai ia Iesu, ma taumafai ia o’o ia Iesu lagona na lagonaina e le
fai-salamo,a’o i ai i luga o le satauro.O Mataio ma Mareko,na la faamauina e
faapea, na saunoa Iesu i le fuaiupu muamua o le salamo lenei i le gagana
Aramaika,o lana gagana fanau lea,a’o maliu o ia i luga o le satauro.[Mataio27:46] [Mareko-15:34]. O tatalo i le feagaiga tuai, e foliga tutusa ma le ituaiga
talanoaga lea i le va o Iesu ma lona Tama.O lo’o manino ai le feso’otaiga
vavalalata i le va o le Atua ma le tagata.
O ai o e faalogo i ai i lou mafaufau? O le naunautaiga o le Atua,ia fa’asaoina ma
fa’aolaina oe, ma fiafia mai ia te oe, e oo lava foi i tagata o loo feita ia te oe, ma
le mafaia lava ona e faamalieina o latou loto.”Na ia fa’alagolago i le Alii, ia na
fa’aola ia te ia,ia laveai o ia ia te ia,aua ua na fiafia ia te ia.”[f:8]. Ua a’oa’o mai
lenei salamo, ina ia avea pea i tatou ma tagata ua alofaina e le Atua, e pei ona
faia ai i tatou, o tagata e fiafia pea i ai le Atua,e o’o lava i itula pogisa o le olaga.
Peitai, e anoanoa’i foi isi leo o le lalolagi, o lo’o taumafai e fa’aleaga oe, ma tuu
oe i se lagona e te maualalo ai i lo’o le avea ma tagata ola.O ai e te filifilia e
avea ma au paaga e te talatalanoa i ai,a’o e taumafai e aveese ou tiga?Ua i ai
uma lava i lou mafaufau.
Tatalo: Fetalai maia ia te’i matou le Alii e, ma aumaia ia te’i matou upu matou
te tali atu ai i lau Afio.Amene.
3
Mafaufauga Loloto: E i ai taimi tatou te saili ai i se talanoaga ma le Atua,
peitai, tatou te le maua lava se tali mai ia te ia.O fea e te maua ai le malosi e te
la’asia ai taimi faigata o le olaga?
Aso Lulu: Oketopa 05, 2016. ”Ua i ai uma i luga o le laina.”
Tusi Faitau: Salamo 27:1 -14.
Matua – Salamo 27:1, O le Alii o lo’u malamalama ia,ma lo’u
olataga, o ai ea se ou te fefe a i? O le Alii o le malosi ia o lo’u ola,
ou te mata’u ea ia te ai?
O se alii fai-fa’aaliga ta’uta’ua e savali i luga o se maea, na avea
ma ala o le lolofi ane o le toatele ma i nofoaga mamao e ma imoa i
ana fa’aaliga. O aso uma lava, e sopoia ai le tasi itu o le maea, e
aunoa ma se upega e pu ipuia o ia, pe afai e pa’u ifo i lalo.O se tasi
aso na ia mafaufau ai, e tatau ona si’itia lana fa’aaliga i se isi
la’asaga e sili atu ona maoa’e ma ofoofogia i le maimoa a tagata.
Ona ia avane lea o se uilipaelo ma fa’asalalau atu i tagata, o le a ia savali i luga o
le maea ma tulei le uilipaelo i le isi itu.Tou te talitonu e mafai ona ou faia o lenei
mea.ioe, ioe, o le alalaga ane lea o tagata. Ona toe fesili lea o le alii i tagata, ‘A o
ai la e mafai ona oso i totonu o le uilipaelo, e ma te sopoia atu le isi itu o le
maea?’ O lena aso, e le’i maua e le fai-fa’aaliga se tagata na te aveina.E faapena
foi le faigata o le faatuatua i le Atua.
A silasila i le galuega fa’aola a Iesu Keriso,na ia lu’itauina tagata i le faigata o
ala e ui ai le tagata fa’atuatua i le Atua.E tu’ua mea uma ua iloa ma masani ai, ae
mulimuli atu ia Iesu.E le faigofie lea mea.
Peitai, ua valaauina foi i tatou e le fai-salamo,ina ia tatou ui i mea faigata o le
olaga ma le talitonu, fa’atuatua maua’ai le Atua, e sili atu nai lo’o le fa’aaogaina
o le poto ma le atamai o le tagata. A silasila i le fuaiupu muamua, “ O le Alii o
lo’u malamalama ia ma lo’u olataga, o ai ea se ou te fefe ai?” O nei upu, ua le o
ni upu e tau ina teuteu ma fa’amanaia ai le fa’amatalaina o se talitonuga. Peitai,
o le lagona ua pa’i i le fatu, o le fa’atuatua ua ta’ele i le Atua, fa’atasi ma le
atamai ua mautinoa i le o lo’o fa’atuatua iai. i totonu o lenei salamo, e le faigofie
ona talitonu i le Atua, pe a aunoa ma le talitonu i le agaga atoa ia te ia, i totonu o
le olioli ma puapuaga i aso uma. O le ata o i latou o lo’o talanoa mai totonu o le
uilipaelo.
O le tusitala o le salamo, na ia silafia lelei ua uma ona tu’umatamaga mea uma e
le Atua. E i ai pea le fili ma le tiapolo fa’atasi ma le au fa’atuatua e to’atele, ae
ua valaauina i tatou ia tu’uina atu lo tatou talitonu atoatoa i le o lo’o savali i luga
o le maea i le salamo lenei,[Atua] po’o Iesu Keriso. O i’ina tonu lava e amata ai
le tatalo. Fa’amata o le a e lagonaina lenei valaaulia ma talitonu i ai, ma
4
fa’atalitali i le Alii? “ina fa’atalitali atu ia i le Alii, ina lototele ia, e fa’amalosia
foi e ia lou loto, ina fa’atalitali atu ia i le Alii.”[f.14].
Tatalo:Le Atua e, mafutaina i matou i filifiliga mautu e talitonuina ai lau Afio.
Amene.
Mafaufauga Loloto: O le salamo lenei na amata i le talitonu i le Atua, ona suia
lea i le auega i le fuaiupu e 7. Masalo e lua ni salamo na amata mai ai. E mafai
ona e mafaufau i se isi fa’amatalaina o lenei salamo?
Aso Tofi- Oketopa 06,2016: “O le Atua ua fa’atasi ma i tatou”
Tusi Faitau: Salamo 139:1-13.
Matua-Salamo 139:9-10. Afai e faia mo a’u apaau o le taeao, ma
ou nofo i le tulu’ iga o le sami, e ta’ita’i mai ia te a’u i lea lava mea
e lou aao, e taofi mai foi ia te a’u lou aao taumatau.
O se tasi o tusi a tamaiti ou te fiafia tele i ai, e ta’ua o le “The Treasure,”na tusia
e Uri Shulevitz. O se tusi o lo’o toe fa’amatalaina ai le tala e uiga i le miti a le
alii o Isaako, i le oa sa i totonu o le maota o le tupu i se atunuu mamao lava. Na
malaga Isaako i lea nofoaga, ma fa’afeiloai ai e le leoleo o le maota o le tupu,ma
ta’u ane iai lona fa’avasivasi, ma faamatala iai le iuga o lana miti, e fa’apea: O
lo’o i ai le oa o lo’o tanu i lalo o se ogaumu a se aiga i totonu lava o le nuu o
Isaako.ina ua foi Isaako i lona nuu, na ia mauaina ai le oa tele i lalo o le ogaumu,
i totonu lava o lona fale.E i ai nisi taimi tatou te malaga mamao ai e saili le oa
ma le tamaoaiga, ae o lo’o i lalo lava o o tatou vae.
O le salamo e 139, o lo’o manino mai ai lenei mafaufauga. O le olaga tatalo i le
salamo lenei, ua le o se malaga o totonu, ina ia loloto ma saga loloto pea.Peitai,
o se malaga fa’atino foi i fafo e le tagata, maualuga po’o le maulalo,sasa’e ma
sisifo, fa’atasi ma le Atua e ati lana silafaga i totonu ia i tatou. Peitai, e le o
mafai ona maua atoatoa ai, o le a le tatalo i le salamo lenei. O le tatou malaga
ma le Atua,tatou te saili ai ina ia tatou iloa loloto o tatou lava tagata i le
faamaoni, aua o lo’o silafia e le Atua avanoa lelei ma tatau mo o tatou olaga. O
le iloa o le Atua o lona uiga o le sailiili po’o ai i tatou i le ala. Masalo e te
fa’apea ane, e tatau ona tatou leiloloa, ina ia mafai ai ona maua fa’amaoni i
tatou.
Na faifai e le fitafita o le maota o le tupu Isaako i le fa’avalevalea o lana malaga,
Peitai,o ai moni o i laua e poto? O le salamo 139,ua valaaulia i tatou ina ia tatou
mulimuli foi i a tatou miti ma mafaufauga, faatasi ma le Atua e silafia mea uma.
Aua o ai na iloa, po’o le oa o lo’o i totonu lava o lou fale, i lou lava olaga.
Tatalo: Le Atua o lo’o mafuta mai pea,fa’atasi atu ia i latou uma ua le manatu e
tu’ua o latou aiga mo manuia,aemaise i latou uma ua lagona le mamao ese mai
so’o se ituaiga oa ma manuia.Amene.
5
Mafaufauga Loloto: E fa’aiu le salamo i upu malolosi i fili o le fai- salamo,o
lo’o latou tu’u aia le fai-salamo i le tapuaii atua ese. O isi ua na ona
taumatemate.O le a sou mafaufau i ai?
Aso Faraile- Oketopa 07, 2016: “Le Atua ma Iopu.”
Tusi Faitau- Iopu 19:5-22.
Matua- Iopu 19:11, Ua matua to’asa mai foi o ia ia te a’u, e peiseai
foi ua na faia a’u mona fili.
O se tasi aso na talanoa ane ai la’u uo ia te a’u i totonu o le falesa, e uiga i lona
toalua. Na fa’aiviivi lona mata ma fa’apea mai.Ou te le mafai ona ou
mafaufauina se tete’a[divorce], ae ou te mafaufau ina lelei le fasioti
tagata[murder]. E tatau ona e silafiaina nei lagona.O manatu ua amata ona tupu
a’e i lo’u mafaufau, o le ita, o le tiga po’o manu’a foi o le loto ma le mafaufau.O
lu’itau o a ma feso’otaiga, ua mapuna a’e ai le ita i mea le fetaui ma le le
amiotonu, o lagona faapea sa mafaufau i ai a’o matamata faatasi le tv.
O le tusi o Iopu, o lo’o fa’atatau i se mafutaga, o lo’o tu maualuga ai Iopu e fai
ma fa’ata’ita’iga i o tatou tupulaga. Ae maise lava o a tatou sailiga i se tali o le
fesili e fa’atatau i le uiga o puapuaga o le olaga. A’o se mea na matua o’otia ai
lo’u loto ia Iopu, masalo sa mafaufau Iopu e fia fasioti i le Atua, ia po’o le
lagona fo’i ia faia ia e le Atua ia te ia, e pei o le uiga o le fuaiupu 1. Peitai, e lei
mafai e ia lagona ona tu’ulafoaina ai e Iopu lona Atua.E uiina tiga manu’a o lona
loto ona o lana amiotonu i luma o le Atua, peitai, na ia fa’agalo ma fa’atea ese
ma ia, e o’o lava fo’i i le aveeseina o lona aiga ma mea uma sa ia maua.
Sa i ai lava le Atua ia Iopu i auala na te le’i mafaufauina, e o’o lava fo’i i ana uo.
E fetalai le Atua i ona lava taimi, peitai, e le’i tali ane lava i tu’uaiga a Iopu. Ae
ua lu’i e le Atua Iopui lona vave oso i fa’aiuga fa’avavevave e faia i le ita. Na
suia e le Atua upu o le finauga, ma fa’ailoa ane ia Iopu lona silafiaina o mea
uma o lo’o sa’i ai. E foliga mai o fesili o lo’o tatou ola ai, e taua atu i lo’o tali o
lo’o ia i tatou.Peitai, e le mafai ona tatou maua le fesili sa’o, fa’apena fo’i i le
tali sa’o, se’i vagana ua tatou fesili, ma su’esu’e ifo ia i tatou lava, ona tu’uina
atu ai lea i le Atua i le tatalo. ia po’o lo tatou le fiafia ma o ese ai,a’o le fesili,O
fea o na lagona na o’o ia Iopu na tuua ai o ia?
Tatalo: Le Atua e, lu’itauina i matou ina ia matou tumau i le mafutaga tatalo ma
lau Afio.E ui lava ina mamao ese i matou, ma matou le malamalama i ou
ala.Amene.
Mafaufauga Loloto: Faitau ma le faaeteete le tali a Eliu ma le Atua ia Iopu i le
mataupu 37:14-24, ma le mataupu e 38.Manatunatu loloto i ai, o le tali lena a le
Atua ia te oe i le lua talanoaga i lenei aso.
6
Aso To’onai- Oketopa 08, 2016: “Ua auina atu ea a’u e le Alii?”
Tusi Faitau-Isaia- 6: 1- 13.
Matua-Isaia-6:3.Sa valaau foi le tasi i le tasi, ua fa’apea ane, E
paia, e paia, e paia le Alii o ‘au, ua tumu le lalolagi uma i lona
mamalu.”
A’o o’u tuputupu a’e i le fale o matua o o’u matua, sa ou va’a ia ai
le anoanoa’i o ta’aloga e seese e foliga mai ua leva ona i ai.O se tasi
o ta’aloga sa fa i ma a’u vaisu ou te fiafia tele i ai, e ta’ua o le, fana
le masina.E fausia i ni u’amea sasa’o se lua e fa’atutu i luga o se
maupu’epu’e, ma se polo u’amea ile ogatotonu e mafai ona ta’avale.
Afai e te tuleia u’amea ina ia lava le mamao, ona ta’avale lea o le
polo aga’i i luga o le maupu’epu’e, ma e malo a i. Ae afai e te
tosoina u’amea ia mamao ese ma le polo, ona pa’u lea o le polo
fa’atasi ma le fasi laau na fa’amau a i.
Ou te mafaufau pe fa’amata o le olaga tatalo e tutusa ma le fana le
masina. O le tele o taimi ou te mafaufau a i, o le tatalo lava ia e mo
a’u ia maua le fa’apa iaina.O nisi taimi e fa’afuase’i ona ou maua le
manatu, o le tatalo e autu i le Atua. Le Atua ma lana foafoaga, ma
lo’u olaga ia foliga i le Atua.
E lua mea taua ua ou ma itauina ia Isaia i le potu paia o le Atua.
Muamua, e leai se aia a Isaia e tatau ai ona i ai i totonu o le potu
paia.O le potu o le Atua, o lo’o i ai le paia o le Atua.O lo’o i ai le
fa’amasinoga tonu a le Atua ma lona malo. Peitai, i le vaaiga lona
lua, na talia fiafia Isaia i totonu o le potu, ma tuu ina atu i ai se
matafaioi mo lena malo.Na ulufafo ese ma i Isaia ua manumalo,
peitai, e le o sona iloa sa ia te ia, ae o le valaauina na fa’ama’ite e
le Atua. Fa’amata e sili atu ona aoga a’u i lena valaau nai lo’o
Isaia? Ae a se tasi o i tatou? e leai. Peitai, e uiga ese le lagona pe a
ou fa’apea atu. O tatou uma fo i, ua i ai lo tatou avanoa i le fale o le
Alii, ma ua i ai fa’atasi ma a tatou matafaioi e fa’atino. O le tatalo,
e sili atu lea tatou te ta’aalo faatasi ai ma le Atua i le fanaina o le
masina, nai lo’o tatou agavaa masan i. E fa’atauva’a o tatou agava’a,
a’o le atoatoa, o le tu’u ina atoa atu lea o lou ola i a’ao o le Atua. O
se ta’aloga taua ma le aoga tele le a tatou te taaalo ai, e faia pea lava
pea.
Tatalo: Le Atua e, auina atu ia i matou fa’apei o Isaia i le lalolagi,
i auala matou te le’i mafaufauina, fa’atasi ma lo matou manatu
mamafa i ai, nai lo’o matou agava’a ua iai.Amene.
Mafaufauga Loloto: Toe faitau i le uiga ese o le valaauina o Isaia,
o lo’o fa’amatala ina i le fuaiupu e 9-13. Aisea e te manatu a i ua
valaauina Isaia e le Atua e fa’apogisaina Isaraelu?
7
Tatalo: “O le feso’otaiga i le Atua.”
3 Ia Iesu Keriso.
[Saunia: Catherine Williams]
Aso Sa - Oketopa 09, 2016:“Tumau ina ia fua tele mai.”
Tusi Faitau:Ioane15: 5-17.
Matua –Ioane15:16-17. Ua le filifilia a’u e outou, a ua filifilia
outou e a’u, ia outou o, ma ia outou fua mai ni fua,ma ia tumau o
outou fua, ina ia foaina atu e le Tama, mea uma lava tou te ole atu
ai ia te ia i lo’u igoa.Ou te fai atu ia te outou ia mea, ina ia outou
fealofan i.”
O le tatalo ma tapuai i le Atua, o vaega taua ia e fa’avae a’i le ola fa’a Kerisiano
o le so’o filifilia o le Alii. O le tatou feso’otaiga lea ma le Atua ma isi tagata,
atoa ai ma le foafoaga atoa. Ua valaauina ma filifilia i tatou e Iesu e avea ma
tagata mulimuli atu i le Alii, ma ta’ita’ina atu nisi ia te ia.O le tatalo na te taofia
ma fa’atumauina i tatou i le so’otaga vavalalata ma Iesu. E fesoasoani i lo tatou
tuputupu pea o ni uo ia te ia, ma fa’amalosia i tatou ina ia mafai ona tumau lo
tatou fa’atuatua i le Atua, ae maise lava i taimi o puapuaga ma tiga o le olaga.
Afai ua tatou tumau ia Iesu e ala i le so’otaga vavalalata ma ia i le tatalo ma
tapuai ia te ia, ona fa’atusaina lea o i tatou i lala i luga o le vine. E aumaia e le
vine [IESU KERISO] le malosi, ma fafagaina pea lena malosi, ona tatou maua
lea o fua lelei aua o lo’o maua’a pea ia Iesu Keriso. Ae afai tatou te le tumau ia
Iesu Keriso,ma tatou taofia le malosiaga e aumaia e le Alii, ona le fa’amalieina
lea o i tatou fa’aleagaga. Ua tatou mamao ese ma le Atua, ua motusia le tatou
so’otaga ma le Alii, ona tatou le fua mai lea e tusa ma le manao o le Alii.
ina ua tumau ma maua’a lo tatou so’otaga ia Iesu, ona tatou iloa lea, o lo’o mafai
ona o fa’atasi o tatou fa’amoemoega ma le finagalo alofa o le Alii. O lo tatou
natura fa’ale-tagata, tatou te fesili atu pea i le Alii, o le a se mea e finagalo iai
tatou te ofoina atu.
O faitauga o lenei vaiaso, o le a fesoasoani tele lea e sailiili ma fa’alautele le
so’otaga vavalalata ma le Atua e ala i le tatalo ma tapuai i le Atua.Ma aumaia ia
i tatou le fa’afouina o la tatou va’ai i le olioli, i a tatou matafaioi, ma tatou
tutumau ai ma le le fa’agae’etia, e pei ona manaomia mai e le Alii ia i tatou, e
ala i lo tatou olaga tatalo.
Tatalo: Le Alii e, ou te valaau atu e ala i lou suafa, fesoasoani mai ia te a’u ina
ia tumau i le fa’atuatua ma le le fa’agae’etia i le tatalo i lau Afio. Amene.
8
Aso Gafua- Oketopa 10, 2016:
“Tauiviga ma le Atua.”
Tusi Faitau- Mareko-14: 32-42.
Matua- Mareko 14:38, Ina mataala ia ma tatalo, nei o’o mai le
fa’aosoosoga ia te outou, ua manao i ai le loto ao le t ino ua vaivai.
I luga o le laugatasi i le faatoaga i Ketesemane, le fanua na faalataina ma
faapagotaina ai Iesu, ua tatou vaavaai ai i le Alii o lo’o tauivi ma le Atua i lana
tatalo, a’o i ai i le loloto o ona puapuaga.Tatou te ofo ia Iesu aua e ui i lona
tigaina ona o le usiusita’i i le finagalo o lona Tama, ae sa ia lototele lava e
valaau ina ia faasaolotoina o ia mai lona valaauina, ua ia lagona le mamafa-tu o
lana avega.Peitai, i le taimi o lana aioiga i lona fia saoloto, na ia toe faalauiloa ai
lava, o le finagalo o lona Tama e tatau ona faataunuuina muamua,nai lo’o lona
loto fia sola ese. O lona atuatuvale ua faamatalaina na tu’uina atu i lona Tama,
na aumaia ia te ia ni mafaufauga fou ma se lototele uiga ese.
E atagia fo’i i le tauiviga lenei a Iesu ma lona Tama, le tauiviga a Iakopo ma le
Atua i Penieli. [Kenese-32:24-32]. O le tauiviga i le po atoa, na mafua ai manuia
o lakopo mai le Atua,ina ua ao. Sa manaomia e Iesu ana uo mamae i ona
tafatafa, i toe itula faigata o lona valaauina. Peitai, o ona so’o fo’i, sa tauivi fo’i i
latou ina ia aua nei momoe a’o tatalo le Alii, ae paga lea, ua po le aso, ua lagona
le vaivai.
E iai taimi e faigata ai ia i tatou ona tatou i ai i tafatafa o se tasi tatou te alolofa
ma faaaloalo i ai, a’o taumavae mai ia i tatou mai le loloto o puapuaga ma
mafatiaga. Na lapata’iina e Iesu ona so’o, fa’apea fo’i i tatou ina ia sauniuni ma
mataala i le tatalo mo isi, i taimi tuga o le olaga. Tatou te mananao pea e faatino
lea lapataiga, peitai, o le soifuaga fa’ale-tagata, o o tatou mafaufau e masani ona
siitia i tatou i luga, ma tatou maua ai, o lo tatou lava malosi tatou te tauivi ai e
tumau i le faatuatua i le Atua.Atonu o le a i ai se taimi o le a lelei ai ona tatou
manatuaina Iesu i Ketesemane.O lona malosi i le faamaoni ma le tatalo, o le
tu’uina atu o ona mafatiaga ma lona mata’u i lona Tama, ina ia vavalalata le la
feso’otaiga e o’o i le oti, na malosi ai ma lototele ia le faia lona loto, a ia fai le
finagalo o lona Tama. Na maua e Iesu le malosi faafouina na te’a ai tiga mo le
malaga aga’i i luma.
Tatalo: Ua matou tatalo i lenei aso i upu a Iesu, “Ava le Tama e, “ e mafai lava
e lau Afio mea uma,peitai, aua nei faia lo’u loto, ao lou finagalo. Amene.
Mafaufauga Loloto: Lafo sau tusi po’o sau imeli i lenei aso, i sau uo ua e iloa o
loo feagai ma le atuatuvale ma faigata o le olaga.Faamautinoa i ai, o lo’o e
lagolago atu ia te ia e ala i lau tatalo.
9
Aso Lua - Oketopa 11, 2016: “I le atuatuvale.”
Tusi Faitau: Galuega 16:25-34.
Matua-Galuega16:25 -26, O le tulua o po ma ao, ua tatalo a i ma
pepese o Paulo ma S ila i le Atua, ua fa’alogo fo i ia te’i laua e ua
noanoatia.Ona fa’afuase’ i mai lea o le mafui’e tele, ua luluina ai
fa’avae o le falepu ipui, ua matala mai ai uma faitotoa, ua maunuunu
ai foi o latou noanoaga uma lava.
E fa’apefea ona e tali atu i ni mafatiaga e feagai ma oe i taimi faigata? O le
natura fa’ale-tagata, o le tali i le sa’i ma fa’asea. Tatou te faitio ma fa’asea foi ia
i tatou lava. Aisea ua tupu ai ia te a’u.? O le a se mea ua ou faia ua ou maua ai i
nei tiga? E le fetaui lea mea.O manatu ma lagona uma ia tatou te faia pe a o’o
mai puapuaga. Na osofaia Paulo ma Sila i Filipi,,na saisai ma sasaina, ona
lafoaina lea i le falepuipui ma loka ina i filifili uamea.
Na la faitio ea? Na la alalaga atu ea ma tali atu i le tauimasui? E leai lava.Ua na
o le tatalo ma pepese ma molimau atu le Atua i isi pagota.O le tali na mulimuli
ane ia te’i laua, o le vaa’iga i le alofa laveai ma le fa’aolataga a le Atua, e le o’o
i ai le iloa o le tagata. Na tupu le mafui’e tele, ma matalatala ai noanoaga o i
latou uma sa i ai i le falepuipui.O le leoleo o le falepuipui, ua popole ma
atuatuvale, o lona manatu ua sosola uma ese pagotata sa i ai i le falepuipui.Ona
ia manatu lea ma sauni e fasioti ia te ia lava.
Peitai, ina ua ia mautinoa o lo’o i ai uma pea i latou i le falepuipui, o ina na
tatala atu ai lona loto i le Atua, ona liliuina ai lea o ia e Paulo ia Iesu Keriso.Na
ia fa’amamai manu’a o pagota, ona fa’amamaina ai lea oi latou uma sa i le fale,
e ala i le vai o le papatisoga.Ona mulimuli ai lea ia te ia o le toatele o tagata ua
faatumuina i le olioli.
O tatalo a Paulo ma Sila, na aumaia le toe fa’afouina ma fa’aolaina,e le gata ia
te’i laua lava, a’o i latou sa i le falepuipui ma tagata uma.Ua aofia ai nei tagata
uma ma liliuina i latou.Na maua e le au so’o avanoa lelei na latou tula’i ai ma
molimau ia Iesu Keriso, ae galue ai le Atua e ala i vavega ma lona feso’otai sa’o
mai i le tagata, ina ia fa’asa’oloto mai avega o lo’o saisaitia ai.
E fa’aosoosoina pea i tatou i le lumana’i ona o le atuatuvale,ina ia tatou fa’asea
ma sa’i, ma mafaufau e le fetaui le olaga.Peitai, e tatau pea ona tatou viia le
Atua o le olataga, aua o ai na te iloa le taui o mulimuli mai?
Tatalo: Le Alii e, le Atua e, a’oa’o mai a’u ina ia ou fiafia e tatalo ma vivi’i i
lau Afio, i taimi ou te atuatuvale ai, ia avea la’u molimau i lau Afio, ia pa’i atu i
isi ma fa’afouina ai i latou, ma fa’amanuiaina ai. Amene.
Mafaufauga Loloto: Aisea e le a’oina ai sau tatalo ma se pese o le fa’afetai ia
maua lelei i lou agaga, aua a o’o mai aso o le atuatuvale, a ua i ai le fa’amoemoe
e te tua i ai.
10
Aso Lulu- Oketopa 12, 2016.
“Fa’a-olioliina “
Tusi Faitau: Filipi 4: 4-7
Matua–Filipi4:4-6,ia outou olioli i le Alii aua le aunoa, ou te toe
fai atu, ia outou olioli. Ia iloa lo outou agamalu e tagata uma lava,
ua lata ma i le Alii. Aua nei popole outou i se mea e tasi, a ia
fa’ailoa atu o outou manao i mea uma lava i le Atua,i le tatalo,ma
le fa’atoga, atoa ma le fa’afetai.
Na iloa lelei e Paulo le malosiaga o le fa’aolioliina e le Atua i lona lava tagata. i
totonu o le atuatuvale i le falepuipui, o lima o i latou ua iai le pule, atoa ma isi
tiga ma puapuaga e tele na o’o ia te ia. I ia mea uma, na a’oa’oina ai o ia i ala e
tumau atili ai lona fa’atuatua i le Atua malosi.E sili atu i lena iloa, ua ia mafai ai
ona vivi’i ma olioli pea i le Alii i totonu o so’o se fa’afitauli. O le ala lea o lona
naunautaiga e fa’ailoa ma fautua atu i le ekalesia i Filipi, ma i tatou foi, le
suamalie o le fa’aolioliina e le Atua.E tatau ona tatou olioli e le aunoa, e le o le
uiga o lea olioli, ia tau ina tatou fiafia i le Alii.Peitai, ia matua loloto ma uiga i
totonu o o tatou agaga le mautinoa, o lo’o pule aoao le Atua i mea uma.Ma e ala
ia Iesu Keriso lona alo, ua galulue feso’otai ai mea uma mo le lelei.
O lo tatou liliu atu i le Atua pe a fesouaina lo tatou olaga i faigata, e fa’amanatu
mai ai ia i tatou, a tatou fa’amuamua tatau, ma fesoasoani ia i tatou ina ia
fa’atulaga sa’o lo tatou olaga, i le taitaiga a le Atua.O le manatu o le Aposetolo,
a fa’atumuina pea o tatou loto ma agaga i le olioli i le Alii, o le a puipuia mai ai
foi i tatou mai tiga ma le atuatuvale o le lumana’i.Ae le gata i lea, o le a
fa’amalosia foi i tatou ina ia mafai ona fa’amalilieina o tatou loto i tiga, ia
fa’agesegese ai lo tatou ita, ma tatou filifili ai ma le fa’aeteete, atoa ma le
filemu.O uiga lelei uma ia o le a fesoasoani tele i isi tagata.
E le faigofie le loto fa’afetai i vaega uma o le olaga, e le o se mea foi e sau fa’anatura i tagata uma. Ae afai tatou te manatua ma fa’amanatu pea le galuega na
faia e le Atua e ala ia Iesu Keriso mo i tatou, ona avea ai lea o o tatou loto
fa’afetai o se masani, e faigofie ai ona tatou liliu atu i le Alii i taimi o so’o se
faigata tatou te fesaga’i i le olaga.O le olioli ma fa’amoemoe i le Atua i le
tatalo, na te aumaia le filemu o Keriso i o tatou loto, ae maise o le gaua’i atu ia
te ia ma lona alofa fa’amagalo i le tagata.Ua mafai ai ona fa’asa’olotoina i tatou
mai popolega le aoga o le olaga. E le talitonuina e tagata latou te iloa i tatou, pe
afai tatou te taunuu i uiga lelei ia. Peitai, ia manatua lelei, o le fa’ailoga manino
lena ua tatou latalata ia Iesu Keriso.
Tatalo: Le Alii e, fesoasoani mai ina ia mafai ona ou fa’asoa atu le filemu o
Keriso,ia i latou uma o feagai ma le mata’u ma popolega o le olaga. Amene.
Mafaufauga Loloto:O a ni mea fa’apitoa o lo’o maualuga ia te oe.Tusi sau lisi
o mea e te fa’afetai ai, ma taumafai e olioli i aso uma i le Alii ma lona lelei
atoatoa ia te oe.
11
Aso Tofi - Oketopa 13, 2016:“O le feso’otaiga aoao a le foafoaga atoa.”
Tusi Faitau: Fa’aaliga5:11-14.
Matua-Fa’aaliga 5:13, Na ou fa’alogo foi i mea uma na faia o i le
lagi, ma le lalolagi, ma lalo ifo o le lalolagi, ma mea foi o i le
sami, atoa ma mea uma o i ai i ia mea, o lo’o fa’apea atu, ia ia te
ia o le tietie i le nofoali’i, atoa ma le Tama’i Mamoe, le fa’amanu
ma le fa’ane’ene’ega, ma le v i’iga, ma le malosi e fa’avavau,
fa’avavau lava.
I le Tusi o Fa’aaliga, o lo’o valiina mai ai e Ioane se ata ua mamanuina lelei o le
foafoaga atoa o lo’o vivi’i i le Atua.O tagata uma ma mea uma sa auai.O pesega
o viiga ua o’o atu i le lalolagi atoa.E o’o lava foi ia i latou i lalo ifo o le lalolagi,
le nofoaga o le pouliuli ma le oti, ua tutu mai e tapua’i i le Tama’i Mamoe.E leai
se mea e tasi, po’o se tagata e toatasi e sili atu i le nofoaiga a Iesu Keriso.O le
mea lea e le laititi ai pe pumo’omo’o ai le vaai a tagata filifilia e olioli i le lagi.
Ua tatou vaaia i lenei ata le foafoaga atoa ua feso’ota’i fa’atasi i tapuaiga ma
vi’iga i le Atua. Mafaufau ma manatunatu i meaalofa na maua e le Alii Toetu, e
ala i le taulaga na ia saunia. O lana pule, tamaoaiga, atamai ma le poto, malosi,
mamalu, atoa ma fa’ane’ene’ega ma vi’iga. O le tali atu la a le foafoaga atoa, o
le tapua’i atu ia te ia i le fa’afetai ma viiga e le aunoa.
E le mafai ona tatou tatalo pe tapua’i foi na o i tatou,pe mafuta foi i mafutaga, ua
tu’ufa’atasia lava a tatou tatalo ma tapuaiga ma i latou o lo’o vivi’i i le
fa’avavau o le Atua ma lona alofa le uma, tatou te le o vaai i ai,i le lagi ma le
lalolagi. E le maumauina le taimi i le tapuaiga, peita’i e taua ma aoga ai lou
taimi. E aveesea mai ai o tatou mafaufau ma naunautaiga i le lalolagi, ae gaua’i
atu ia Iesu keriso le Alii o le fa’avavau.
Pe a tatou tatalo, ua tatou fa’ailoa atu Iesu Keriso e uiga ma anoa i o tatou loto,
nai lo’o se isi lava mea o le olaga. Ua fa’ailoa mai e Ioanei le tusi o Fa’aaliga, se
vaaiga mamao ma le fa’amoemoe ola i le ola e fa’avavau.E leai se mea e tasi o
le foafoaga na te le fa’ailoaina le tulaga Atua o Iesu Keriso.
Pe a tatou tatalo ma tapuai, ua tatou fa’alatalata atu ai i le Atua ma lona taimi e
fa’avavau i pesega ma vi’iga, atoa ma le fa’afetai e tu’uina atu, o le foafoaga ua
fa’amagaloina ma alofaina e le Atua.O le tatalo la, e feso’otai ai i tatou ma le
Atua, e feso’ota’i ai i isi tagata, ae fa’apea foi i le foafoaga atoa.
Tatalo: Le Atua e, fesoasoani mai ina ia fa’atumauina le vaai atu i le foafoaga
atoa o loo tapuai atu i lau Afio. Fa’afetai i la’u vaega tatau o lo’o faia i lea
tapuaiga.
Mafaufauga Loloto: A’o e i ai i le tapuaiga, mafaufau ane i le foafoaga o
lo’o tapua’i i ou autafa fa’atasi ma oe.O le a se eseesega o le a tupu i lau
tatalo?
12
Aso Faraile- Oketopa 14, 2016. “Malosiaga e fua tele mai.”
Tusi Faitau:Iakopo 5:13-18.
Matua –Iakopo 5:13-14,16, Ua tigaina ea so outou? ina tatalo ia,
Ua fiafia ea se tasi? ina pese ia. Ua ma’i ea so outou? ina aami atu
ia i toeaiina o le ekalesia, ia latou tatalo mo ia, pe a uma ona
fa’au’u ia te ia i le suau’u i le suafa o le Alii. ia fefa’aalia’i a
outou agasala, ma tatalo le tas i mo le tasi,ina ia fa’amaloloina
outou.
O le a le taimi e tatau ona tatou tatalo ai? O fea e tatau ona tatou tatalo ai? E
fa’apefea ona tatou tatalo? Aisea e tatau ai ona tatou tatalo? O fesili nei tatou te
fesiligia ai i tatou, a’o tatou sailiili ma mafaufau i lo tatou olaga tatalo, ma
vaavaai i ai o le a tatou tutupu ai pea o ni Kerisiano fa’amanuiaina.
O le Tusi a Iakopoi se fa’apotopotoga o tagata Kerisiano, ua matua tumu i
fesoasoani taua i tali o fesili uma.E tali mai i le atamai ma fa’atinoga. O le tatalo
e fesoasoani ia i latou e feagai ma mafatiaga.O le tatalo ma le fa’au’uina i le
suau’u e aumaia le malologa i e mama’i, ae maise pe a fa’atinoina e toeaiina o le
ekalesia, ma i latou ua matutua i le Agaga Paia, ae fa’avaeina i lalo o le suafa o
Iesu Keriso.
O le tautino o mea ua tatou sese a i isi,e maua ai e i tatou le fa’afouina atoatoa.E
tatau ona tatou tatalo ma fa’afetai pea i le Atua, i taimi e sologa lelei ai le
olaga.O le vivi’i i le Atua o le fa’amatalaina atu lea o lo tatou olioli ma le
fa’agae’etia loloto o o tatou lagona i le alofa tunoa tele o le Atua.
O le tala ia Elia, e mafai ona fai ma fa’ataitaiga ia i tatou. Ua taua e Iakopo le
tagata o Elia e pei lava o i tatou.Na lagona e Elia taimi o le olioli ma taimi
faigata o le olaga e pei foi o i tatou. Peitai, o le tali mai o le Atua i ana tatalo, na
fa’alauiloaina lona talitonu atoatoa i le Atua, e faia suiga ma fa’afouina ona
tagata.E leai se fa’aituau o le Atua i tagata, a’o tatalo e faia i le fa’atuatua moni
ma gaua’i e mulimuli ia Iesu Keriso, ma fa’amuamua le Atua ia i latou, latou te
fua tele mai, ma liliuina la’asaga o le olaga.
O se fautuaga lelei tele lea tatou te mulimuli ai, a’o se talalelei mo i tatou ina ia
tatou lagona i o tatou loto.O le tatalo e tu’uina atu atoatoa i le fa’atuatua i le
Atua, e mafai ma le mautinoa ona tutupu ai suiga lelei talafeagai i tagata. O le
tatalo o le malosiaga sili lea tatou te fua tele ai i fua lelei mo le Alii.
Tatalo: Le Alii e, a’oa’o mai a’u ina ia ou talitonu ma le fa’amaoni, o le tatalo o
lo’o i ai le malosiaga ou te fua tele ai mo lau Afio. Amene.
Mafaufauga Loloto: Taumafai e fa’amaumau au tatalo i se api, ma fa’ailoga
tatalo ua e talitonuina ua tali mai iai le Atua. Fa’amata o le a se mea o le a e
vaaia?
13
Aso Toona’i- Oketopa 15, 2016: “O le alofa ua taumasuasua.”
Tusi Faitau: Filipi1: 3-11.
Matua-Filipi 1:3-6,Ou te fa’afeta i atu i lo’u Atua, i o’u manatu uma
ia te outou, e le aunoa la’u fa’atoga ma le f iafia i a’u tatalo uma
mo outou uma lava, ona o lo outou mafuta fa’atas i i la le talalelei,
talu mai le ulua’i aso,ua o’o mai i le aso nei, ua ou maut inoa lenei
lava mea, o ia na amata ina le galuega lelei i totonu ia te outou, e
fa’aatoatoaina ai lava e ia, e o’o atu lava i le aso o Keriso.
Na fa’ailoa atu e le Aposetolo o Paulo i le ekalesia i Filipi, le fa’avae mautu ma
lelei o le soifua tatalo o so’o se tagata, e mafai ona o’o atu ai i le tuputupu pea
fa’aleagaga, ma fa’atumuina ai lona olaga i fua o le alofa, olioli ma le filemu. E
ui lava ina fa’apagotaina ma saisaitia, ae na tupu tele a’e ai lona alofa ua
taumasuasua fa’amaoni mo ana uo Kerisiano uma o i Filipi.Na ia fa’afetaia le
Atua ona o i latou, i lona manatua ina o i latou uma i ana tatalo.
Ua tatou iloa ia Paulo iinei, le tagata tatalo e le aunoa i le olioli, o le mautinoa,
ae maise le ofoina atu atoa o lona tagata i le Atua. Ua le fa’apito lana tatalo mo
ia lava, a ua lautele ma mafanafana i tagata, ma ua tatou maitauina ai ia Paulo se
fa’avae mautu i lona tagata, o le a galue pea le Atua e fa’ai’uina ana galuega
lelei uma.
E le’i tatalo Paulo mo ia lava ina ia fa’asa’olotoina, peita’i, e mo tagata uma ina
ia fa’atumuina i le alofa taumasuasua o le Atua, e fa’amalosia ai i latou ina ia ola
i se olaga lelei ma fa’apaiaina, e tapena ai i le aso e toe afio mai ai le Alii.O le
maualuga o tatalo e manaomia ai le malosi atoa o le agaga e ofoina ai le tagata i
le Atua, e le tupu i se po e tasi. A’o le fua lena o le tele o itula fa’aaoga tatau i le
tatalo faifaipea ise taimi umi. A o’o ina masani e tatalo pea e le aunoa, pe tatou
te loto i ai pe leai, i taimi lelei ma taimi leaga, po’o le o fa’atasi ma le Atua,
po’o le alu gaogao lava,o le a atina’e ina ai se ta’iala lelei e mulimuli ai e ofo atu
ai le fesoasoani i isi.
A’o tatou tatalo e ala i le suafa o Iesu Keriso, ma tatou lagonaina lona auai i
totonu o o tatou tagata, o le a mafai ona tatou maua lona alofa tunoa, ma fa’asoa
atu iisi, i so’o se mea tatou te i ai, tusa lava po’o a fa’afitauli e tula’i mai.E ui
lava ina fa’afalepuipuiina le Aposetolo, ae sa tauaveina pea e Paulo tagata Filipi
i lona fatu, ma naunauta’i lona agaga i le mea aupito sili ona lelei mo i latou. Po
ua taumasuasua ea lou alofa mo Kerisiano o lo’o tatou malaga fa’atasi?
Tatalo: Le Atua o le ola, fa’afetai mo Kerisiano o lo’o matou mafuta,ia
fa’atumuina i latou uma i lou alofa tunoa, ina ia mafai ona matou fa’asoa atu le
talalelei ia Iesu, ia i latou i o matou tafatafa. Amene.
Mafaufauga Loloto: O fa’apefea le fa’afaileleina o lou olaga tatalo? O a nisi
la’asaga e te faia e atina’e atili ai le mausali ma le fa’aauauina o au tatalo?
14
Faitauga i le tusi o Luka.
4 Mulimuli ia Iesu: ia avea ma so’o.
[Saunia: Bola iduoze.]
Aso Sa- Oketopa 16, 2016.
“O le Tatalo a Iesu.”
Tusi Faitau: Luka6:12 -16, 8:1-3.
Matua - Luka 6:12-13. “O aso lava ia ua maliu a’e ai o ia i le
mauga e tatalo,ua ao ina lana tatalo i le Atua.Ua ao fo i, ona valaau
atu lea o ia i ona so’o, ua filifilia e ia ni o latou e to’asefulu ma le
to’alua, ua fa’aigoa foi i latou e ia o aposetolo;”
E ui lava o Iesu o le Alo o le Atua, ae na te le’i mafaia ona fa’aumaina lana
galuega i le lalolagi na o ia lava. Sa ia manaomia ni ana paaga e galulue fa’atasi
ma ia e fa’atulaga ma fa’alautele lona malo i le lalolagi.E taua ia Iesu le faiga o
filifiliga, o lea na maliu ese ai o ia i le mauga, ma tatalo i lona Tama i le po atoa.
ina ua ao, na manino ai ia Iesu le ta’ita’iga a le Atua, i le taimi na ia tatalo ai. Na
uma lana tatalo, ona amata loa lea o lana galuega.Ua ia valaau ia i latou na
mulimuli ia te ia, ma filifilia ai le to’asefulu ma le to’alua, e fai ma ona so’o.
Mulimuli ane na ia suia le ta’u o i latou na ia filifilia e avea ma aposetolo. O i
latou ia na galulue ma Iesu i le taimi o lana galuega. Na o’o lava i le taimi o le
mae’a o lona toe afio a’e, na ia tu’uina atu ai i latou e o atu i le lalolagi ma
fa’asalalau atu le talalelei i le Atua.
E tu’u sa’o ma malamalamagofie le fa’agasologa o le galuega a Iesu, na ia tatalo
ona fa’atino lea. O le sailia, filifilia ma le atina’eina o le soifua o tagata, e le’i
māmā i le finagalo o le Alii.
I lenei vaiaso, se’i o tatou mafaufau atili po’o fa’apefea ona fa’aosofia o tatou
so’o, fa’atatau i le soifuaga o Keriso. O ana tatalo, o ana fa’atinoga, atoa ai ma
lana vaai mamao mo i latou ua saili e mulimuli ia Iesu.
Tatalo: Le Alii e, fa’afetai i lou fa’aali mai ia i matou o lau upu, i lau valaau
maualuga i se tulaga ia matua fa’amamafaina. Fesoasoani mai ina ia ou le
manatu mama i ai, Amene.
Aso Gafua- Oketopa 17,2016:
“Ia e faia i le isi tagata e pei ona e manao e fai atu ia te oe.”
Tusi Faitau- Luka- 6: 20.
Matua- Luka-6:30-31. Ina avatu ia i tagata uma o e ole ma i ia te
oe, o lē fao i au mea, aua e te toe aam iina atu, Pei ona outou loto i
tagata ina ia latou faia ia te outou, ia fa’apea lava ona outou faia
ia te’i latou.
15
A’o tuputupu a’e la’u fanau, sa a’oa’oina lelei ina ia fa’atino fa’atasi a la feau i
totonu o le fale. E ui i lea faiga lelei, ae ua masani ona ou maitauina se uiga
leaga o le tasi o i laua. Ua faamama na’o ipu o le umukuka, ae tu’u uma isi feau
e faia e le isi. I se tasi o a matou sauniga, na ou mafaufau ai e faitau fuaiupu nei
ia i laua, ma fesili i ai pe fa’apefea ona mananao ia a’oa’oina lelei i laua? O le
iuga na taunuu i ai, e le masani ona la fa’atinoina le lelei i isi, e pei ona la matua
naunau ia faia ia te’i laua. O le avea ma Kerisiano, e tatau ona amata ona lua
mafaufau i le manaomia tele o lou faia o le lelei i isi, ia pei ona e manao e fai atu
ia te oe lava. Gasolo pea le tausaga, ou te le talitonu ua la a’oa’oina lenei lesona.
A’o fetalai Iesu i ona so’o, sa ia fa’ataoto ni fa’asinomaga mo i tatou e tau atu ai
i fa’amanuiaga, ma i latou o le a le maua.O le fuaiupu mulimuli o le faitauga i le
aso, o lo’o ta’u mai ai,ia tatou fa’atino i isi, fa’apei foi ona tatou mananao latou
te faia mai ia i tatou. Mo le so’o o Iesu, o taimi uma lava e faia ai a tatou
filifiliga, e tatau foi ona fesili i le fesili fa’aopoopo.Fa’amata o lo’u manao moni
lea o le a latou faia mai ia te a’u? Afai o le tali o le leai, e tatau la ona sui le
filifiliga ma le fa’atinoga. Afai tatou te fa’atumauina ma a’oa’oina lelei nai mea
iti ia, ua atagia ia i tatou lo tatou alolofa i o tatou tuaoi, pei foi o i tatou, ma o le
a itiiti ai tiga o i latou i o tatou tafatafa.
Tatalo: Le Alii e, fesoasoani mai ia te a’u ia lava lo’u a’oa’oina lelei, e fa’atino
atu ai i isi mea ou te manao e faia mai ia te a’u.Foai mai le lototele ia te a’u ou te
talia ai lau upu,ina ia ou naunau ai pea e alofa atu i lo’u tuaoi pei o a’u lava.
Amene.
Mafaufauga Loloto: Ao tatou olaina pea lenei olaga, tatou fa’amasani atili pea
e alolofa atu i o tatou tuaoi, pei o i tatou lava ia i tatou.
Aso Lua- Oketopa 18, 2016:
“Avea ma so’o moni.”
Tusi Faitau: Luka 9:18-23.
Matua – Luka 9:23-24,Ua fetalai atu o ia i tagata uma, A fia
mulimuli mai se tasi ia te a’u, ia faafiti o ia ia te ia, ma ave lona
satauro i aso fai soo, i le mulimuli mai ia te a’u, Auā ai se fia
faasaogalemuina lona ola, e mā umau ai ia te ia, a’o le faamāumau i
lona ola ona o a’u, e faasaoina e ia.
O le fa’afiti po’o le fa’afitia, o se mea o lo’o tatou finau ai pea i aso nei. O le
toatele o i tatou ua le mafai ona fa’afitia i tatou lava, atoa ma mea ua ia i tatou,
ona ua tatou manatu e fai mo i tatou ia mea. O se upu sa ou ita tele i ai a’o o’u
tuputupu a’e, ma manaomia ai le fa’amanatu mai pea ia te a’u, o se fa’ailoga lea
o le avea ma so’o moni.
I le avea ma tagata talitonu i lo’u talavou, na fesiligia ai matou e lo matou
faiaoga o le olaga fa’aso’o, pe fia ni mea ua matou fa’afiti ai ia i matou lava i
aso ua mavae? Na ia a’oa’oina i matou e fa’apea, o nisi taimi ua na ona fa’afiti i
nisi mea,ina ia mautinoa ai le avea o le Alii e i luga a’e o o tatou olaga. Na ia
16
a’oa’o pea i matou, o le avea ma so’o moni o Iesu, e tatau ona tatou fiafia ma
sauni e tu’uese nisi mea mo le Alii. E le ona o tatou o tagata agasala, peita’i,
tatou te manana’o e fa’ailoa atu, e leai se isi mea e sili atu ia i tatou i lo’o le
ofoina atu o i tatou mo Keriso.
I le fa’afitia o i tatou e fai ma so’o, ua valaauina ai i tatou e Iesu e fa’atino isi
mea ia e lua, ave o tatou satauro ,ma mulimuli atu ia te ia. O lona uiga, ua tolu
fa’asinomaga tatau mo le fia avea ma so’o moni o Iesu. 1.Fa’afitia i tatou i aso
uma. 2. Ave o tatou satauro. 3. Ma mulimuli atu ia te ia.
Tatalo:Le Atua e, fesoasoani mai ia a’oa’oina lelei a’u i fa’asinomaga ua e
fa’ailoa mai ou te mulimuli atu ai i lau Afio ma le fa’atuatua. Ia fa’aolioliina pea
a’u i le mafutaga moni ma Oe i aso uma. Amene.
Mafaufauga Loloto: O le fa’atinoga o le fa’afitia o i tatou, ma mulimuli ia Iesu,
o le galuega faifaipea i aso uma. Faamata tatou te mafaia?
Aso Lulu- Oketopa 19, 2016: “Vaai i luma.”
Tusi Faitau– Luka 9: 57-62
Matua - Luka 9:60-62.A ua fetalai atu Iesu ia te ia, ina tu’u pea ia i
e ua oti e tanu i o latou tagata ot i, a’o oe e te alu ma tala’ i atu le
malo o le Atua. Ua fa i mai foi le tasi, Le Alii e, ou te mulimuli atu
ia te oe, a ia tu’u ma i ia te a’u, se’i o’u mua’i faamavae i lo’u
aiga. Ua fetalai atu Iesu ia te ia, o lē tago lona lima i le suotosina,
ma tepa i tua, e le tatau ia i le malo o le Atua.
Sa ou auai i le malaga asiasi a le matou autalavou e aga’i atu i le nu’u o Oyo
State i Nigeria, e asia nai tagata vaivai e le mafai ona auai atu ia matou sauniga
lotu. O le nu’u lea, e ui ina latalata i le tulaga maualuga o le atina’eina, peita’i, o
lo’o maualalo pea i le tele o atina’e. E leai se eletise ma le suavai, e leai foi ni
auala ua fa’atulagaina lelei, na’o auala savali e mulimuli ai. A’o alu la matou
savaliga pe a ma le fasefulu minute, na matou mautinoa ai, o lo’o matou
mulimulita’i lava i se ala ua fa’ailogaina lelei. Ua mautinoa nei ua leai se
filifiliga matou te toe foi i tua, pe fa’avaivai i le ala, pe fefe foi ne’i tu i luga o
se gata.
Na fa’amanatu mai ia te a’u i lea taimi i le malaga le faitauga o le aso. Ona o lea
ua tatou filifili e mulimuli ia Iesu, o le mea muamua e tatau ona tatou faia, o le
vaai i luma, ma mulimuli fa’amaoni i le Alii i aso uma. Afai o tatou mata ma
mafaufau o lo’o i isi itu, e matua leai lava se auala e mafai ai e o tatou vae ona
aga’i i luma. E manaomia le vaai sa’o o tatou mata ia Iesu mo lo tatou
taunu’uga, ona tatou mulimuli vavalalata lea ia te ia, ona tatou le se ese lea, pe
tatou te mafatia i puapuaga o le olaga.
Ua valaauina i tatou e avea ma so’o moni o le Alii, e matua mana’omia ai lo
tatou le toe tepa i tua, pe mumusu ai, ina ia tatou i ai uma i le malo o le Atua.
17
Tatalo:Tama e, ua ou filifili e mulimuli atu ia te Oe, fesoasoani mai ina ia
tumau la’u fa’amuamua i lau Afio, ma mulimuli ia te Oe aga’i i luma i aso uma
o lo’u olaga. Amene.
Mafaufauga Loloto: O le mulimuli ia Iesu e lagolago i ai fa’atinoga. Fa’atino
loa e amata i le aso nei, ma ia fa’aauau ai pea o oe o se tagata mulimuli
fa’amaoni i le Alii.
Aso Tofi- Oketopa 20,2016: “Alu, ua ou auina atu oe.”
Tusi Faitau: Luka- 10:1-12.
Matua - Luka10:1 -3.Mulimuli ane ua tofia e le Alii nisi e
toafitugafulu, ua aau ina atu o i latou e taitoalua ua muamua atu ia
te ia, i aai uma ma mea uma o le a mal iu atu i ai o ia. Ua fetalai
atu foi o ia ia te i latou, e tele le sa ito e seleseleina, a o le au
faigaluega e toaitiiti ia, o lea ia outou aioi ai i le Alii e ana le
saito e seleseleina, ina ia auina mai e ia ni e e galulue i lana saito
e seleseleina. ina o atu ia faauta foi, ou te aauina atu outou pei o
tamai mamoe i le va o luko.
O tatou o tagata ua aauina atu, ua valaauina ma filifilia foi mo se matafaioi, se
mafuaga, o se feau ma se galuega e fa’ataunu’uina. Na fa’amanino lava e Iesu i
ona so’o, e manaomia lo latou o atu i le aai, o ni mea faigaluega o le seleselega.
O ia fo’i, e tatau ona alu atu foi i le aai, aemaise o le matafaioi tele mo i latou, o
le tatalo ina ia to’atele le aufaigaluega i le tovine a le Atua, e fesoasoani i le tele
o le saito e seleseleina.
E le na o taimi o Iesu na tele ai le saito e fia seleseleina.i le lalolagi atoa i aso
nei,o lo’o to’atele tagata o lo’o mo’omia ni Kerisiano e o’o atu ia i latou, ma
avatu ia i latou le fa’amoemoe ola, i taimi faigata o le olaga.O tatou o pa’aga a le
Atua, o le avea ma so’o moni ma pa’aga fa’apitoa a le Alii,e mana’omia lo tatou
tatalo i aso uma, o le a fa’aaogaina i tatou e le Atua e auauna atu i le lavea’iina
mai o agaga ia te ia. Ae maise o le maua o avanoa mo i tatou, e fa’asoa ai le
suafa o Iesu Keriso ma le lalolagi.Ua uma ona i ai o tatou a’afiaga i le lalolagi ua
faia mo i tatou. Peita’i, afai tatou te le matua lagonaina i o tatou loto lenei
valaau, e le mafai lava ona tatou tauaveina le galuega.O lo’o manino i le fuaiupu
muamua. Ua uma ona fuafua lelei e Iesu e maliu atu e asiasi i aai, a ua filifilia i
tatou e muamua atu ia te ia e fa’asoa lana Upu ma a’oa’o fa’atasi ma tagata.
Tatalo: Le Alii e, fesoasoani ia ou matua talitonuina Oe, i so’o se mea e te
finagalo ou te alu iai.Ma ia ou mautinoa i le fa’atuatua, o le a e saunia mo a’u
upu tatau ma aoga, aemaise o a’upega o le galuega ou te manaomia, pe a ou alu
atu i fafo e tala’i lou malo.Amene.
Mafaufauga Loloto: Tatou o ma usiusitai i fa’atonuga a le Alii. O le Atua e
suia loto o tagata, ma ia saunia mea uma tatou te mana’omia i le galuega.
18
Aso Faraile- Oketopa 21,2016:
“O le a ua e filifilia i le aso?”
Tusi Faitau- Luka- 10: 38-42.
Matua- Luka-10: 40-42.A ua tiga Mareta i le fatuaiga, ua tu ma i ,
ma fa’apea mai, Le Alii e, e te le manatu ma i ea,ina ua tu’u mai e
lo’u uso ia te a’u e sauni toatasi? ia e fetalai ane ia te ia,ia
fesoasoani mai ia te a’u.A ua tal i atu Iesu, ua fa’apea atu ia te ia,
Mareta e, Mareta e, ua e popole, ma ua pupu lou loto i mea e tele,
a’o le mea lava e tasi e ao ina ia maua, ua filifilia foi e Maria lea
mea lelei, e le aveese ina ia te ia.
Sa matou tutupu a’e i lo matou aiga i Ibadan i Nigeria, e to’atolu teine ma le
tama e to’atasi. Ua matou iloa le lagona e o’o i ai pe afai o a’u e faia uma feau o
le aiga, ae fiafia pea isi i a latou lava mea e fai. O a’u e la’ititi i teine, o le ala lea
o lo’u paie pe a o’o i feau fa’ale-aiga ou te faatinoina. Peita’i, e fa’alogoina e
lo’u mafaufau le malosiaga ou te iloaina ai mea. i le tele o fa’atasiga pe a i ai ni
malo a o’u matua, ou te i ai i le potu malolo ma lo’u tama, ma auai i talanoaga
ma malo. E sili lea i lo’u i ai i le umukuka po’o isi vaega o le fale, e tapena ma
saunia lelei mea uma mo le fa’amalieina o malo. Ou te matua iloa lelei le mea
moni, o o’u uso ma lo’u tuagane e feagai ma le mamafa o feau, o le ala lea o lo
latou feita i lea mea. Ua fa’amautuina foi lo latou fa’asea i o’u matua, ma
tauanauina e tuli ane a’u i le umukuka e fesoasoani ia i latou.
Ou te malamalama i manatu fa’alia o Mareta. Na te mo’omia le fesoasoani i
tapenaga o mea o le tino, ina ia mautinoa le lelei o le i ai o Iesu i lo laua aiga. I
lona faia o ia tapenaga, ua ia le maua ai se avanoa e nofo ai i vae o Iesu se’i
a’oa’oina o ia. Ua fa’ailoa manino mai e Iesu ia i tatou, e tofu i tatou ma
filifiliga, pei lava o Mareta ma lana filifiliga i lena aso. E mafai ona tatou filifili
tatou te pisi e fai lea feau ma lea mea tatou te manatu e taua ma aoga, ia po’o lo
tatou filifili foi o le mea e tasi ua taua e Iesu, e matua taua i lo tatou ola, e le
mafai ona toe aveeseina. E mana’omia le faia o a tatou filifiliga e fa’avae i le
mea e aupito sili ona mana’omia ma taua,ma le mea e fa’avavau lona taui.
Tatalo: Le Tamā e,fesoasoani ia te a’u ina ia ou nofo i ou aao, a’o e a’oa’oina
a’u. Foa’i mai le atamai ou te iloa ai fa’avasega manaoga o lo’u olaga. Amene.
Mafaufauga Loloto: Ole asō ia tatou tu’uese o tatou popolega uma, ae tatou
popole i se avanoa i aao o Iesu, ma fa’ataga le Alii na te foi’a o tatou fa’afitauli.
19
Aso Toona’i- Oketopa 22, 2016: “Iloa le mea e mana’omia.”
Tusi Faitau: Luka12:22 -34.
Matua- Luka12:29-30,O outou foi;aua tou te sa ili pe ni a tou te aai
ai, ni a foi tou te inu ai, aua fo i le feavea’iina o outou loto.Aua o
mea uma ia ua sailia e nuu o le lalolag i,ua silafia foi e lo outou
Tama o ia mea e aoga ia te outou.
E papa’u lo’u iloa i le fuaitau lenei i le sefulu iva o o’u tausaga, ina ua matou
tu’ua Cyprus ae malaga atu i Enelagi. O a’u ou te maitaga, ma si a ma tama teine
le malaga.E matua leai lava ma se tupe ia i matou e fa’atau ai ni mea mo le pepe,
ae sa taofimau pea lo matou talitonu i le Atua, o le a ia saunia lava mo i matou, e
ui ina matou leiloa foi pe faapefea ona tupu, ae maise o le leai o ni o matou aiga
i Enelagi.Ua fa’atoa amata ona matou o i le lotu i Aso Sa, ma le filifiliga e le
ta’uina ise tasi ole aulotu lo matou mana’oga o lo’o i ai. Ina ua mavae le lua Aso
Sa talu ona matou o i le lotu,na mafaufauina ai e tina uma o le ekalesia o le a
latou sailia se tino i tupe e fesoasoani ma lagolago ai i se tasi o tina o le aulotu, o
lo’o iai manaoga tau tupe. Ina ua ma’ea le sauniga o lena Aso Sa, sa latou
tu’uina atu loa le tupe i le tina o lo’o mana’omia.A’o matou savavali atu aga’i i
le fale e fa’atali ai pasi, i le ma’ea o le sauniga, na savali mai le tama’ita’i na ave
iai le tupe ma fa’apea mai ia te a’u, ua fai mai le Atua ia te a’u , e avatu uma
lava le tupe na fo’ai mai e tama’ita’i o le aulotu ia te a’u mo oe. O se mea na
matua fa’ate’ia ai a’u , aua o lo’o ia mana’omia se tupe, peita’i o lea ua fai iai le
Atua e aumai mo a’u e fa’atau ai mea mo le pepe. O le mea mautinoa, ua uma
ona silafia e le Atua lo matou mana’o, e ui matou te le’i ta’uina i se tasi.
Ua ou vaai i mea e tele ua faia e le Atua mo a’u i lo’u olaga, ma olaga o le
to’atele o isi tagata, e fa’asoa mai e le Atua i lea aso ma lea aso. Afai o le a tatou
alolofa ma talitonu i le Atua, o le a tatou maua mea, ae tatou te le’i iloa
muamua.O le Atua, ua loa ona ia silafia o tatou mana’oga uma, ma ua ia saunia
foi auala e fa’ataunu’uina ai.
Tatalo: Tama e, fesoasoani mai ia fa’aopoopoina pea lo’u talitonu i lau tausiga
o a’u, atoa ma mea,ou te mana’omia i lea aso ma lea aso. Aua nei fa’apopoleina
a’u i se mea, a ia ou filifili e talitonu i lau Afio i le fa’atuatua ma lou mafaia o
mea uma. Amene.
Mafaufauga Loloto: Ua silafia e le Atua o tatou mana’oga uma lava, na te
fa’ataunu’uina foi mo so’o se tagata, pe afai e ofoina atoatoa i tatou i le Atua i le
fa’atuatua i lona mana
20
Faitauga i le Tusi a Luka.
5 Fa’alogologo i a’oa’oga a Iesu.
[Saunia: John Birch].
Aso Sa- Oketopa 23, 2016: “Fa’avasega lelei au fa’amamafa.”
Tusi Faitau: Luka11:37 -44
Matua-Luka11:42, Oi talofa fo’i ia te outou faresa io, aua tou te
avatu mea e sefulua’ i le mili,ma le pekano, ma laau uma e afu,a ua
tu’ua e outou le fa ’amasinoga ma le alofa i le Atua; e tatau pe ana
faia nei mea, a e aua foi le tu’u na mea.
O se tasi o vaega o le tatalo a le Alii ua lau iloa uma e Kerisianoi le tele o
tausaga, “ia o’o mai lou malo, ia faia lou finagalo i le lalolagi e pei ona faia i le
lagi.”Ua tatou ta’uta’u ia upu, peita’i, o tatou fiafia ea ma talia lona uiga loloto?
E talitonu Kerisiano, o le malo o le Atua ua fa’atuina i le lalolagi, e ala ia Iesu
Keriso. O se lu’i tele lena mo i tatou i le ala o lo’o tatou olaina ai lo tatou
fa’atuatua, e pei foi o ta’ita’i o le lotu i taimi o Iesu.
E faapefea i taitai o le ekalesia ona faigofie ona pau’u ese mai tulaga o le taitaiga
ma isi mataupu? Ona ua se’e ese le fa’amuamua i mea moni e tatau ona
faamamafa? O le misiona ma le auaunaga. O faresaio ma tusiupu, o tagata iloga
i tapuaiga ma mulimuli i tulafono, lea latou te faatuatuana’i ai toetoe lava o mea
uma. Na faailoa i ai e Iesu, ina ia fa’apaleni le fua i le va o taulaga i tapuaiga,ma
le auaunaga i o latou olaga. Aua le fa’atuatuana’i i le isi mea ona o le isi mea. O
mea uma e lua e taua lea i lana feau o lo’o fa’ailoa mai. O nisi taimi e tatau fo’i
ia i tatou ona tatou toe va’ava’ai toto’a po’o fa’apefea ona olaina la tatou
malaga fa’ale-fa’atuatua. E ala i le toe silasila ia tatou fa’amamafa i le tatou
misiona ma auaunaga.i lenei vaiaso atoa, o Iesu lava lo tatou ta’ita’i.
Tatalo: Le Alii e, fesoasoani ia i matou ina ia toe fa’asa’o lelei lo matou
fa’atuatua ia te Oe, ina ia matou le pisi ai i le lotu ae fa’atuatuana’i mana’oga o
isi. Amene.
Aso Gafua- Oketopa 24,2016: “Ou te faamanuia atu ia te oe.”
Tusi Faitau: Luka 6:32 -42.
Matua-Luka 6:35-36,Peita’i outou, ia outou alolofa atu i e o fai
outou mo latou fili, ma ia agalelei atu, ma ia avatu tupe e
nonoina,aua le faamoemoe i se mea e tasi e aumai, e tele ai so
outou totogi, e avea fo i outou ma fanau a le S ilisili ese; aua o ia le
agamalu i e agavale, atoa ma e am ioleaga. O lenei, ia mutimuti
vale lo outou alofa, pe i ona alofa mut imuti vale o lo outou Tama.”
O nisi taimi e oge upu ai le gagana faaperetania i upu. Afai tatou te talanoa i le
feagaiga fou i le gagana Eleni, ona tatou iloa lea, e tolu upu olo’o faamatalaina
le uiga o le upu alofa. Muamua; o le alofa faavalea i se faiga uo i le va o se alii
21
ma se tamaitai. Lua; o le alofa mafanafana i totonu o se aiga, i le va o matua ma
fanau. Tolu; o le alofa o le Atua i lona va ma tagata uma.[agape]. Le alofa lea o
loo faaaogaina i le mataupu lenei, ia tatou alolofa ai io tatou fili. O se upu taua
tele, aua o loo faamatalaina ai lo tatou alofa silisili mo le isi tagata, e aunoa ma
lo tatou taumafai e tali atu i ni a latou aga e faaalia mai ia i tatou.
Mo i tatou olo’o mafatia pea i puapuaga ma sauaga a isi tagata, e le faigofie ona
tatou alolofa atu ia i latou na. O le natura o le tagata, o le manatunatu pea i se
auala, a’o le a foi le ituaiga tauimasui e taui atu ai ia i latou e agaleaga ma
faasaua ia i tatou, nai lo’o le faapea atu i ai, Ou te faamanuia atu ia te oe.
Peitai, ua lu’iina i tatou e Iesu i mafuaaga tatau ma lelei, e ao ai ina tatou alolofa
ma faamanuia atu i o tatou fili. Afai tatou te taofi mau pea i o tatou lagona tiga o
le fia tauimasui, ma tatou le naunau e faailoa atu le alofa moni faale-Atua, o le
upu moni lava la, ua tatou faasalaina ma faatiga i tatou lava. Aua o le ita na te
faalolotoina atili o tatou tiga i taimi uma. O le alofa atu i o tatou fili, e faigata
ma le faigofie ona tatou maua. Peitai, o le vailaau aoga e faasaolotoina ai i tatou
mai tiga uma. E foliga faapena le ata o le feau a Iesui le fuaitau atoa lenei. Ia
saoloto e alofa atu ma faasoa atu i isi, ia faia mea lelei i tagata ua fai ma ou fili,
foai atu ona foaiina atu ai lea ia te oe. O le olaga sili lena i le malo o le Atua.
Silasila alofa i ou fili, aua o loo matua silasila alofa foi iai le Atua ia i latou, ia
faamalosi ma sailiili e faatino mea lelei, e faailoa atu ai le alofa faale-Atua i
tagata uma. A ia sili ai ona mafaufau e faamanuia atu i tagata uma, na i lo’o le
tauimasui.
Tatalo: Le Atua alofa e, fesoasoani mai ina ia matou iloa tau lava o le lelei i
tagata uma, ma saunia i matou e faamagalo atu i isi, e ala i lou alofa tunoa, ma
faamanuia atu ia i latou o saili e faatiga mai. Amene.
Mafaufauga Loloto: Mafaufau ia i latou ua faigata ona alolofa atu i isi, faapei
ona latou alolofa ia i latou lava. Tagai i ai e pei o le silasila alofa i ai o Iesu ia i
latou. E tiga, ae matua aoga ma tauia e le Atua.
Aso Lua- Oketopa 25, 2016: “O le a se mea o e tau sailia?”
Tusi Faitau- Luka7: 18 -35.
Matua- Luka 7:26-27,Pe na outou o e matamata i ni a? o le perofeta
ea? E mon i, ou te fai atu ia te outou, E sili lava ia i le perofeta.O
ia lea ua tusi mai i ai, faauta, ou te au ina atu la’u savali i ou luma,
na te teuteua lou ala i ou luma.”
Ua fai ma ou sesē lo’u fa’atupuina o masalosaloga aga’i i isi tagata. Ou te vaai ia
i latou i le foliga mai o fafo, ma taumafai e fa’avasega, po’o a latou galuega e
fai, e ui ina faamanatu mai pea le iloa masani lea, ou te le o faamoemoe ai o sesē
o’u mafaufauga.
22
Na vaai tagata ia Ioane le Papatiso, ma vave ona latou faia fa’aiuga mo Ioane.
Na manatu isi ua ia to’atama’i, o isi ua talotalo talosia o le Mesia lea ua leva
ona latou fa’atalitali i ai. Ae i ai foi i latou na mafaufau e foliga ia Elia, le o le a
sau e saunia le ala mo le Alo faau’uina o le Atua, ma alagaina le o’o mai o lona
malo fou. ”O ia lea ua tusi mai iai, faauta, ou te auina atu la’u savali i ou luma,
na te teuteua lou ala i ou luma.”[f:27]. ina ua tupu i faatinoga a Ioane i ana
galuega ma ana lauga, o lana galuega tele lea faa-perofeta, e pei ona fa’alauiloa
e Iesu.
Peitai, o le taofia o Ioane i le falepuipui, na malosi lava lona mautinoa, o ona
puapuaga o le a le i’uvale, ona o le molimau a ona so’o ia Iesu Keriso, e taunuu
iai le malo o le Atua.“Po’o Oe ea le maliu mai? Pe matou te faatali atu i se tasi?”
Aisea ua latou fesili ai? O tagata ua latou fa’amasinoina Iesu, o se tagata
taumafa tele ma toe inu tele, aua sa fiafia e feso’otai ma militino fa’atasi ma
tagata agasala. O le fesili a so’o o Ioane ia Iesu, na malamalama lelei ai le Alii i
le filifiliga e tatau mo Ioane ma ona so’o. O le tali a Iesu i so’o o Ioane,
“……ina o atu ia oulua, ma fa’ailoa atu ia Ioane o mea ua oulua vaai i ai, ma
faalogo iai….”
E pei ona faaalia ia Ioane ma Iesu le alofa o le Atua, e matua tatau ai ona tatou
sauni e vaaia le fa’aali mai o le Atua i soifua o i si tagata. A ia tatou matua
fa’aeteete lava i le muamua ona fa’amasino atu.
Tatalo: Le Alii e, fesoasoani mai ina ia matou talia lou alofa ma lau
faamagaloga o lo’o faaalia pea i le soifua o isi, e ala i le feinoinoa’i o tagata, e
o’o foi ia i matou. Amene.
Mafaufauga Loloto: O fa’apefea sau feiloaiga mafana ma se tasi e tali foliga
tutusa ma Ioane le papatiso i totonu o lau aulotu?
Aso Lulu - Oketopa 26, 2016:
“O ai e sili?”
Tusi Faitau- Luka-9: 43-50.
Matua- Luka- 9:48. Ua fetalai atu o ia ia te i latou, Ai sē talia lenei
tama-itiiti i lo’u igoa,ua talia a’u e ia; ai sē talia foi a’u, ua talia e
ia le na au ina mai a’u; auā o le aupito itiiti ia te outou uma, e sili
lava ia.
Tatou te fiafia e savalivali agai i luga o nofoaga maualuluga. O le taunuu i le
tumutumu o le faamalieina lea, ona malolo lea mo sina taimi ma maimoa solo i
vaaiga eseese, faalogologo i leo eseese, ma manavaina foi le manogi sasala o
fugalaau eseese. Ona manatua lea o le matagofie o le foafoaga a le Atua. Peitai,
e ui lava i lea matagofie, tatou te le mafai ai ona tatou nonofo umi ai i le
tumutumu. E tatau lava ona tatou toe foi ifo i lalo i le mea ua alu ai o tatou taimi,
faatasi ma tagata i le mea ua tatou nonofo ai.
23
Mo nisi o i tatou, o le eseesega o le tumutumu mauga, ma le nofo i le taulaga, o
se matua lu’i tele lava lea.
I le faitauga o le aso, ua faatoa foi ifo lava mai le mauga so’o e toatolu, o Peteru,
Ioane ma Iakopo, ina ua uma ona latou vaaia se vaaiga uiga ese ia Iesu, e ala i
lona liliuina. Atoa ai ma Mose ma Elia o lo’o talanoa ane ia Iesu, ae maise o le
siufofoga o le Alii na latou faalogoina o faapea mai,”O lo’u Atali’i pele lena, ia
outou faalogo ia te ia,”
A’o le vaaiga i le taulaga, o lo’o tupu ai se finauga tele ona o le tamaitiiti na
uluitinoina e temoni ua le mafai e le au soo ona faamaloloina. O le fenumiai o
manatu e uiga i a’oa’oga a Iesu, na mafua ai le finauga a le au soo, po’o ai o i
latou e sili. Na silafia e Iesu o latou manatu ona ia tago lea i le tama-itiiti ua
faatu i ona autafa. O le tusi o le aao o Iesu i le tama-itiiti, mo i tatou, o se matua
feau taua o lo’o momoli mai ai.
O le soifuaga i luga o le tumutumu mauga, e taua lea e fesoasoani i lo tatou
tutupu faale-agaga, ae le faamatalaina pe faalauiloaina ai i tatou. Ae mo i latou
ua saunia e auauna ma fai ma leo o e vaivai, ma ia sauni e manu’anu’a i le
tautuaina o Iesu ma lona Tama i le lagi. A’o le fatu foi lena o aoaoga a Iesu. ia
alofa i le Atua, ma alofa i le tuaoi.
A faapea ona tatou faia i le loto maulalo, e aunoa ma le saili i le mamalu, “Ona
pau lena o le ala e faamatalaina ai e le Atua le tagata e sili i lona malo.”
Tatalo: Le Alii e, faamanatu mai pea ia i matou, o lo’o iai mauga o lo’o faaalia
mai ai lou silisilIese, ma a’oa’oina ai i matou i le loto maualalo.Amene.
Mafaufauga Loloto: O e iloaina ni tagata ua ofoina atu o latou olaga atoa e na
o le fesoasoani atu i isi tagata.Tatalo mo i latou, ma avea i latou ma faaosofiaga
faale-agaga mo oe i lenei aso.
Aso Tofi- Oketopa 27, 2016.
“Poto fa’aalia i tama-valevale.”
Tusi Faitau- Luka-10: 16-24.
Matua- Luka-10:21. “O lea lava itu aso ua matua fiafia ai le
finagalo o Iesu, ua faapea atu, ou te faafetai ia te oe lo’u Tama e,
ole Alii o le lagi male lalolagi, ina ua e nana ia mea i e popoto ma
e atamamai, a ua faaalia atu ia mea i tama valevale; o lea lava lo’u
Tama, aua o lou finagalo lava lea.”
E matua tāua ma aogō le poto, peitai, o le maua o le poto, o le iai foi lea o le
avanoa tatou te pau’u ai. O se tasi o aganuu sa olaola i atunuu i sasa’e, o le
talitonuga o matua e faapea, e tasi lava le auala e manuia ai le tamaitiiti i le
olaga, o le ulufale i se kolisi sa’o, ia po’o se aoga faafoma’i sa’o pe a atoa le fa o
tausaga. A’oga e lava ma totoe mea uma e faia ai a’oga, totogi faiaoga faapitoa i
lea mataupu ma lea mataupu, latou te faafaileleina le ola a’oa’oina o fanau i se
ala manuia e mulimuli ai. A’o tutupu a’e pea fanau, o le a maua pea e i latou
fautuaga lelei ina ia mautinoa, e taunuu mo’omo’oga o nai o latou matua. O se
24
matua fiafia’aga ia te a’u le faigofie o le olaga ma itiiti mea e popole ai, a’o laiti
la’u fanau.
E toatele olo’o mafaufau i au alu e o’o atu ai i le malo o le Atua, o lo’o talitonu
e manaomia le poto e o’o atu ai i le faatuatua. O lo’o toilalo pea Kerisiano i a
latou upu ma tala i tagata o lo’o i le li’o o le lotu, atoa foi ma e le o auai, i le
manatu, e vaivai ma ua le maua ai le faatuatua.i le faitauga o le aso, ua faaalia
manino ai e Iesu, e le o le mea tonu lena o lo’o manaomia e le Atua. Ma ua ia
toe faaaogaina foi le tamaitiiti e fai ma ata vaaia i ona soo.
O se taimi pisi tele mo le au-soo, i le auina atu i le galuega tala’i, ua vaai i
vavega, ae maise o le usiusitai o temoni i le suafa o Iesu. “….Le Alii e, ua
usiusitai mai temoni ia te i matou ona o lou suafa.”[f:17b].E maofa le loto, aua o
lo’o tatou vaaia le Atua o lo’o faaali mai i tagata lautele, o o latou mafaufau e
le’i tumu i ni mataupu silisili se tele. O le faatuatua faigofie e olioli ai, e maua
lea i le iloa o Iesu Keriso po’o ai?,le o lo’o tatou malaga faatasi, ae le o le iloa o
talitonuga ma le faatinoga o a’oa’oga.
O lo tatou mautinoa moni o Iesu i totonu o i tatou, e tatalaina ai o tatou agaga
ma loto, atoa ma mafaufau i le Poto silisili ma le alofa, aemaise o le silisilI ese
ma le mata’utia o le Atua.
Tatalo: Faafetai le Alii e, i lou faaali mai pea ia i matou i upu matou te
malamalama ai, nai lo’o le poto o lo’o matou a’oa’oina. Amene.
Mafaufauga Loloto: Sa iai se taimi na e mafaufau ai, e te le mafaia ona faasoa
atu lou faatuatua, ona e le lava lou poto. Tau ina e faasoa atu lou iloa o le Atua
ia te oe lava ma lona uiga. O se molimau e matua malosi ma lava ma totoe.
Aso Faraile- Oketopa 28,2016:
“Faaputuputu ese le vaovale.”
Tusi Faitau: Luka 11:14-28.
Matua – Luka11:24-26. Pe a alu le agaga leaga i fafo o le tagata,ua
fealualua’i ia i mea matutu, ua sa ili se mapusaga ae le maua; ona
fai ane lea, Ou te toe foi i lou fale na ou sau a i.Ua o’o i ai, ona
iloa ai lea, ua uma ona tafitafi ma teuteu.Ona alu a i lea o ia, ua na
aumaia isi agaga e toafitu, e sili lo latou leaga i lona; ona latou
ulufale ai lea, ua nonofo ai; ona sili ai lea o le leaga o le i’uga o
lea tagata i lona amataga.
Pe iai ea ni agaga leaga i le lalolagi? O le fesili o loo tele pea i ai manatu o lotu i
le lalolagi atoa. Ae maise lava o le mumusu e fesootai le ma’i i temoni ma se
osofaiga faaleagaga i ituaiga faapea.Peitai, afai e iai se tasi e fesili, po’o a tonu
lava ituaiga temoni e patino ia i tatou, ou te manatu o le toatele o le a mafaufau i
se isi mea. A le o le olaga faamata’uina i le inu ‘ava malosi ma fualaau faasaina,
o le fefe ina ne’i vave uma le olaga ona o amioga ma le taufaafefe, ua pei o se
25
mea fiafia taaloga i fesootaiga televavave, ia poo isi foi mea ua faaaogaina ai le
tele o taimi o le olaga.
A’o le mafuaaga tonu lena o ia lagona, aua ua faigofie ona tatou faatagaina ia
lagona ia i tatou e faatumuina ai taimi uma o o tatou olaga i aso uma, a ua itiiti
pe leai foi se taimi mo aiga ma le Atua.
O a’u o se faitogalaau maelega, ou te iloa lelei ai lea tulaga.O le faamaluina o le
palapala mo se togalaau, o le vele uma ese o vao, o le faalauleleiina ia mama ma
matagafie i le vaai. Ae le gata i lena, i le lua vaiaso e soso’o ai, ua tele le vao
nini’i e ola a’e. Afai e tu’u ai pea o le a le veleina ese le vao nini’i lea, o le a le
ola ae laau o le togalaau, ma avea ai lo’u tautiga o le malosi alu vale ua maimau.
ina ia fo’ia le faafitauli mai ia te oe, e tatau ona e totoina se isi laau fou i luga o
le palapala sa e faamaluina ma teuteuina, ia po’o se isi taumafaiga e puipuia ai le
palapala, ma taofia ai le vao mai le toe ola ai i totonu o le togalaau.
E taua tele mea o loo tatou faatumuina ai o tatou aso, o tagata Kerisiano. A’o lo
tatou taumafai e faapaleni mea o le olaga e faigata, aua o le olaga e manao pea.E
tatau ona o faatasi a tatou galuega, ma manaomia foi se taimi mo aiga ma uo.
Taimi e mapu ai ma taimi e ofo atu ai i le Atua lau auaunaga i lau tapuaiga. E ao
ina ia e toto ma le faaeteete le fatu e te mautinoa o le a fua tele mai, ina ne’i toe
foi mai le temoni ma se taua tele e taui atu ia te oe.
Tatalo:Fesoasoani le Alii e, ia faamamaina le otaota ma le vaovale i o matou
olaga, ina ia mafai ona avea i matou o tagata ia tusa ma lou finagalo, ia tumau i
lau Afio ma fua tele mai. Amene.
Mafaufauga Loloto: O nisi taimi e avea ai mea laiti e faatumuina le tele o taimi
o o tatou aso. Mafaufau po’o faapefea ona e fa’aaogaina ou taimi avanoa, pe le o
se suiga tele e manaomia ai.
Aso Toona’i - Oketopa 29, 2016: “Vaava’ai i le agi a le matagi.”
Tusi Faitau: Luka 12: 49 -59.
Matua– Luka 12:54-56. “Ua fetalai atu foi o ia i le motu o tagata
Pe a outou iloa le ao o loo alu a’e i sisifo, ona outou fai ane loa
lea, Anei e ua; ona taunuu foi lea, A agi mai foi le toga, ua outou
fai ane, Anei e la; ona taunuu fo i lea. O outou tagata pepelo, ua
outou iloa ona matauina le amio a le lagi ma le lalolagi, Se a fo i le
mea tou te le matau ina ai le uiga o lenei tausaga?
Ua iloa le faigata o le va’aiga i le tau i malo aufaatasi, peitai, o le silafia o le tala
o le tau a taeao o se faamamafa taua mo nisi fale gaosi oloa. Ua anoanoa’i le tele
o malosiaga faakomipIuta, o satelite, o fale vaai tau, aemaise o le faitau selau o
tagata ua galulue i le va’aiga o le tau, ina ia mautinoa le sa’o ma le vave o
tapenaga faatatau i le tau.
26
I le lalolagi atoa, ua faamalosia ai tagata i tapenaga tatau, pe afai o matagi ma
timuga mamafa ua valoia mai e vaai tau.E sili foi ona lelei mo a’u ina ua mafai
ona iai la’u telefoni ou te iloa vave ai le tala o le tau, mo tapenaga i le isi lua aso
o lumanai.
Sa sili atu foi le maitauina o le tau e tagata Iutaia i ona po o Iesu.A vaaia le ao i
luga o le sami Metitirani, o lona uiga o le a timu, o savili e agi mai sauté, o lona
uiga e mafanafana le aso, a’o savili mai sasa’e, na te aumaia le vevela ma le pefu
o le toafa. Ua lava lelei lea e tapena ai se faiva, ia pe toto foi ni fatu laau.
E tasi le mea e le o lelei ai a tatou va’aiga i le tau, o le le mafai lea ona tatou iloa
po’o fea e aga’i iai le lalolagi, ma malamalama i mea tatou te faia nei, pe
faapefea ona a’afia ai le lumanai o a tatou fanau. Ua matua faamamafa mai e
Iesu, ina ia tu’u atoatoa lo tatou taumafai ia malamalama i le olaga o loo tatou
ola ai i le taimi nei, e pei ona tatou faia i le va’aiga o le tau, aua o le lumanai e le
ose mea le mautinoa pei ona tatou mafaufau iai.
O le loloto poo le faavae o le feau a Iesu, o le talafaasolopito, e iai le mea e aga’i
iai ma lona taunuuga. O le a iai tau o matagi o lo’o faatali mai i luma, e o’o lava
foi i aiga ma uo na pauu ai l le le iloa po’o ai Iesu. Peitai, e sili atu ona maualuga
i le lu’i a Iesu, e iai le faamasinoga tonu a le Atua. Afai la o le va’aiga lea o le
tau mai ia Iesu, e tatau ona tatou mautinoa ua tatou saunia lelei ma atoatoa.
Tatalo: Le Alii e, avea lu’itau taua i lau Upu, e pupula manino ai mata o le
lalolagi, ma suia ai loto ma agaga, ae maise o mafaufau mo lou viiga. Amene.
Mafaufauga Loloto: E iai ni auala e te mafai ai ona faatosina faigamalo e suia
ana tulafono?
Faitauga ia Luka
6. A’oa’oga ua maua i tala.
[Saunia e Lynne Frith]
Aso Sa - Oketopa 30, 2016: “Faalogo ia ou taliga mai ou taliga.’’
Tusi Faitau: Luka 8:4 – 21.
Matua–Luka 8:.4b, 18, O le ua i ai taliga e faalogo ai, ina faalogo mai ia o ia
... O lenei, ia outou, pe faapefea lo outou faalogo;...
E toatele tagata e fiafia i tala mananaia. O le tala fiafia o se tala na te faafiafia i
lo’u loto, o le tala na te fesootaia o o’u lagona, luiina, ma maua ai tala e iloa ai le
mea fiailoa, ia poo tala e tupu tele ai le fiafia.
I lenei vaiaso o le a tatou faitau ai i nisi o tala ua masani ona tatou iloa. O tala i
mea na tutupu. O nisi o faataoto – ‘tala faale-lalolagi ua aumaia ai se uiga faale-
27
lagi’ e pei ona faamatala i le A’oga Aso Sa. Ou te fiafia i tala faa-faataoto o loo
faailoa mai ai le siosiomaga o loo tatou ola ai.
O le matautia o nei a’oa’oga, ona ua tatou faalogo so’o i ai. Peitai, o Iesu
ua faailoa mai ina ia tatou faalogo ma le loto atoa. O le faalogo tatou te
maua ai le upu fou mo lo tatou ola.
Ou te manatua upu o le solo a le alii o Cummings mai ana tusitusiga i le 1950,
ua tuufaatasia i le XAIPE (Oxford University Press), ‘I thank You God for this
amazing’: O le mea ua tupu, o o’u taliga ua faalogo ai taliga ma ua fafaguina, o
mata foi o ou mata ua tatalaina.
I lenei vaiaso ou te faailoa atu ina ia faalogo i taliga o ou taliga, e faapea foi ona
e faitau ma mata o ou mata ua tatalaina. Po o le a se mea ua faailoa mai e ou
taliga, ma ou mata ua faailoa mai ia te oe?
Tatalo: O tala o le Atua ua tatalaina ou mata ma ou taliga, i tala fou faapea
lenei vaiaso atoa. Amene
Aso Gafua - Oketopa 31, 2016: “O le mea na tupu i le ala i Ieriko”
Tusi Faitau: Luka 10: 25 -37
Matua - ff.27b-28b, ... E te alofa i le Alii lou Atua ma lou loto atoa, ma lou
agaga atoa, ma lou malosi atoa, e te alofa atu foi i lē lua te tuaoi, e pei o oe
lava ia te oe... ...ia e faapea ona fai, e te ola ai.
O lenei ua tatou maua se tasi o tala ta’uta’ua – ‘O le Samaria Agalelei.’ Ua
fesoasoani atu Iesu e tusa ma le tali atu i le Loia e iloa ai e ia le tali o lana
fesili.O le tala i le tagata ua atagia ai le feseeseaiga o tagata, atoa ai ma le tagata
agalelei atu i le ua mafatia. O le tala ua lu’iina le faailoga lanu, atoa ai ma le
avea ma fili i tu ma aga faale-atunuu i le va o le tasi i le isi. O le tala ua toe
faaliliuina, ina ia iloa ona mafuta faatasi ma lou tuaoi.
Ou te ofo i le le ta’ua o le igoa o le tagata faimalaga i le ala o Ieriko. Pe na alu
toatasi, pe na malaga faatasi ma nisi na sosola ona o le puipuia o latou lava ola?
O le faamoemoe i le tala, o le tagata ua faailoa ai le autū ma le faamoemoe o le
tala. O le tala i le Samaria ua ia faailoa le agalelei i le tagata ua taoto mai i le ala.
Ma faailoa ai le tagata agalelei ua viia ai o ia e tagata uma o le lalolagi.
Ou te manatua le tagata malaga na manu’a i le ala ma faafetai i le agalelei ma le
alofa na faia ia te ia. Ou te ofo pe na vave ona pepē ona manu’a ma malolō ai o
ia. Pe na tu’ua o ia ma manu’a ua le mafai ona gaoioi, o le tagata ua fefe e savali
i le ala, atoa ai ma le manatunatu i tagata faatupu faalavelave?
Ou te manatu ua e iloa le tulaga o le tagata e osofaia ma faaleagaina. E i ai taimi
poo le a le faamoemoe e te savalia ai le ala e pei o le tagata malaga. E i ai foi
28
taimi e te faia ai le galuega alofa mo le laveaina o se tagata.. O le a e faia foi le
galuega lelei e pei ona faia e le alii talimalo. Peita’i, e manatua ma le faanoanoa
le taimi na e faia ai se galuega ma faamanu’aina ai se tagata faimalaga i luga o le
ala, ina ia faataunuu ai lou faamoemoe.
Tatalo: Tatalo i le asō mo i latou uma ua avea ma tagata ua sauaina, faapea i
latou na latou avatu le fesoasoani i le tagata ua sauaina e tagata i luga o le ala.
Amene.
Mafaufauga Loloto: Sa e faalogo i taliga o ou taliga, a e o afea e te manatu e
tuu i ai ‘oe i lenei tala e faailoa ai lou tagata?
Aso Lua - Novema 1, 2016: “O le molimau faamaoni.”
Tusi Faitau: Luka 2: 25-38.
Matua -Luka 2:.36a, Sa i ai foi le perofeta fafine o Ana, o le afafine o Fanuelu,
o le ituaiga o Asera....
Ua faailoa mai e Luka se ata i tagata e toalua, sa tuuina atu o la ola i le Alii. Ina
ua avea a’u ma tagata matua, na ou iloa o se mafutaga a Simeona ma le tamaitiiti
o Iesu, ua na o se vaega o le tala.
O Simeona na ia maua le faamatalaina o le tala i mafaufauga e faatupu ma
manatua ai upu e pei ona lagiina i le fale o le Alii, ma pepese ai i le pese a
Simeona (Nunc Dimittis).
O Ana ma lona loto faagae’etia atoa ai ma le poto, o se mea e tatau ona viia e
tagata. E ui ina le o taua e Simeona le olaga o Ana e tau atu i le laina o le tupu,
peitai, o le galuega a Ana e tatau ona talia ma fa’aaogāina.
O Simeona na feiloai ma le tamaitiiti, ma manatua ai ua fiafia o le a i’u lona ola,
a ua vaai i le tama sa valoia o le a fanau mai, o le lagona e faale-aiga i lona iloa.
Peita’i, o le faailoa mai e Ana le ‘ese’esega o lagona, o ia o le tamaita’i perofeta
na faia lana galuega i le Malumalu i aso uma o lona ola. O le mea ua tupu ua
aumaia e le Alii lona leo ma faailoa atu i tagata le Alii ua soifua mai. O le tala ua
tatou iloa ai o Ana na ulua’i faailoa atu le tala ia Iesu, o le tamaita’i na muamua
ona tala’i atu le tala lelei ia Iesu ua afio mai.
I le tele o nisi Ekalesia i nei aso, o molimau a tagata matutua ua tele ina
fa’aleaogāina ona o le manatu e faataua le molimau a tamaiti ma autalavou.
O le molimau a Simeona o le molimau faale-aiga, a o Ana o lana molimau e
aga’i lea i le mafutaga faale-aulotu ma tagata uma, o se vaaiga e tatau ona tatou
toe vaai i ai i le molimau i totonu ma fafo atu, e tusa ma lo tatou valaauina.
29
Tatalo: Ia tatou faafetai ona o meaalofa taua ma le poto ua aumaia e nei tagata
matutua. Amene.
Mafaufauga Loloto: I lau aulotu o e i ai nei, o ai le tagata e taua lana molimau
ia te oe? O faapefea ona fa’ataua le galuega a tagata matutua ma le molimau ia
fa’aaogāina?
Aso Lulu - Novema 2, 2016: “O le mamoe ua toe maua.”
Tusi Faitau: Luka 15:1-7.
Matua –Luka 15:.6b: ... ia tatou olioli ia ma a’u, auā ua ou maua la’u mamoe
na le iloa.
E i ai se tasi alii e alu atu soo i le Ofisa o la matou Ekalesia i vaiaso taitasi. O le
alii o loo nofo i le nofoaga e nonofo ai tagata e itiiti le tamaoaiga tupe, ma e
maua foi le tausiga o fesoasoani mai le malo (welfare benefit). Na ia faamatala,
o ia o se tamaitiiti e fiafia e faatupu faalavelave, ua atoa nei le 40 tausaga talu
ona le feiloai ma lona aiga. E tele mana’oga i le loto, e faamalosia mai a’u ia
faia, i nisi la o taimi ou te le fiafia i ai.
A o o’u tusia le tala i lenei aso, ua 65 tausaga o lenei alii. Ua matou manatu e
lelei pe a fai se faafiafiaga mo ia. Ua faate’ia o ia i le keke ma moliga’o, faapea
le meaalofa ma mea’ai lelei mo ia. Na matua faafetai mai ma le fiafia, ua faapea
mai, “O le taimi mulimuli na faia ai lo’u aso fanau o le lima lea o ona tausaga.”
O fea o lenei faatinoga o loo atagia ai oe i lenei faataoto? Pe faapei o i latou ua
naunau ia faia o mea e tusa ma le finagalo o Iesu? Po’o i latou o loo fia maua ma
talia le vaalaau a le Alii?
Po’o e manatua, o ‘oe o le leoleo mamoe lelei e pei o le leoleo mamoe ua toe
maua lana mamoe na se? Po’o avea oe ma tagata e faaleaga atu i le mamoe o loo
noatia i le vao filifili?
Tatalo: Tatalo mo i latou uma faapea sosaiete fesoasoani o loo feagai ma le
faasaolotoina o tagata ua le iloa i nofoaga ma sosaiete. Amene.
Mafaufauga Loloto:
maua i latou?
O ai i latou ua le iloa i la outou sosaiete? E faapefea ona
30
Aso Tofi - Novema 3, 2016: “O le a se tau e talafeagai mo a’u?”
Tusi Faitau: Luka 15: 8-10.
Matua - f.9: A maua, ua faapotopoto ai ana uo ma e tuaoi ma ia, ua fai atu, ia
tatou olioli ia ma au; auā ua ou maua le tupe na le iloa ia te au.
Pe fia ni taimi na le iloa ai sau mea-totino – se auro na i lou lima, se tautaliga, se
ki o lau taavale, o lau ato tupe, ma su’e ai le fale atoa ina ia maua le mea ua le
iloa? Ou te manatu o loo i ai lou faatuatuaga, a e maise foi lou faavalevalea ina
ua le iloa se mea tāua ma le aogā. Ua e saili ma saili ma saili.
Pe afai ua le iloa se tagata---o le sailiga o loo i ai le ola ma le oti. I taimi ua
mavae atu, mai le aai laititi i le penisula o Otago, na le iloa ai se teine itiiti. Ua
saili le nuu atoa po o fea o i ai le teine, na maua ma ua aumai o ia i lona aiga ma
le fiafia. Na faagaeetia le tusi-pese o Colin Gibson ma tusia ai le pese lotu e
faapea, “How much am I worth? What value’s in me?” O loo tusia ma
faamaopoopoina i le “Hope in our song.” i le tusitusiga Fou a Niusila 2009
I lenei faataoto i le asō, e faapea foi i le aso ananafi, ua faamatala mai ai ia i
tatou lo tatou lava le iloa (our own lostness). Ua faamanatu mai e le pese a Colin
Gibson lana pese, “I am worth ev’rything, ev’rything, ev’rything. I am worth
ev’rything in the eyes of God.”
Tatalo: Tatalo mo i latou ua misia ma le iloa, faapea i latou o loo saili ina ia
maua. Amene.
Mafaufauga Loloto: Mafaufau i taimi na e le iloa ai, i le fefe ma le atuatuvale i
le tino ma le mafaufau. O ai na mauaina oe, pe na faapefea ona maua oe ma avea
ma tagata o le sosaiete?
Aso Faraile - Novema 4, 2016: “A e o le a faapefea a’u?
Tusi Faitau: Luka 15: 25-32.
Matua - f.29b: ... Faauta, o tausaga e tele, ua ou auauna ai ia te oe … a e te le’i
au mai lava se tama’i ‘oti ma a’u, matou te olioli ai ma au uo.
O le tusi faitau o lenei aso, ua faamae’a ai tala i faataoto ua tusia i le Luka 15.
E peiseai e le logo malie i le faalogo pe afai e faitau na o se vaega i le faai’uga o
le tala i le tamā ma ona atalii e toalua. Pe afai e faalogo ou taliga i tala ave, e le
taumate o le a e maofa, e faapei ona oo foi ia te a’u i le amataga o la’u faitau. O
le faafitauli ua oo i ai le atalii matua, ona o le tama na faia se aiga tele e fiafia ai
ma le ui’i (atalii) sa ta’a lona olaga.
Atonu o se tulaga faapenei e tupu ai le faanoanoa, ona sa galue ma le tigaina i
aso uma mo le manuia o le aiga, peitai, e taunuu mai i le aiga i le isi aso, ua
matua tetele atu faafiafiaga i le fale? Ou te manatu e faapea foi so’u lē fiafia, e
faapei ona faailoa atu e le tamā i le ulumatua le tulaga ua i ai.
31
Ou te manatua se olaga a’oa’oina na ou maua, ina ua avea au ma tagata faifeau i
le faasinoga o galuega e galulue ai. Ina ua maea le galuega sa galulue ai le
Komiti sa faatinoa galuega i le aulotu i nei tausaga e tele, na o’u tusi faafetai ai i
nei tagata uma ma le agaga faafetai. O se tasi o nei tagata na faapea mai, ‘o aso
uma o lo’u olaga i le faia o galuega a le aulotu, e leai se tagata na ia faafetai mai
ia te au’.
A o o’u faalogologo i lenei faataoto, ou te manatu ua luiina i tatou ina ia
manatua le olaga faale-aiga faapea le olaga faale-sosaiete. ina ia manatua le faia
o le fiafia tele e le gata i le atalii na alu ma toe foi mai i le loto salamo moni, ia
faapea foi ona faia le fiafia tele ma le tagata faamaoni ma nofo i le aiga ma tele
ai ana mea.
Tatalo: Tatalo mo le faamagaloina i taimi o le loto ita ma le loto tiga. Amene.
Mafaufauga Loloto: O anafea, po’o ai foi se tagata e tatau ona faia i ai e se
‘aulotu se faafiafiaga tele? Po o le fiafia ea e avea ma faatupuina ai le faatuatua
mo le atina’eina o le mafutaga ma tagata?
Aso Toonai - Nomeva 5, 2016: “O le fa’aaogāina o le poto e maua ai le ola.”
Tusi Faitau: Luka 16: 1-9.
Matua - f.8a: Ua vivii atu le alii i le auauna amioletonu, auā ua na togafiti poto.
Ua feagai a’u ma faafitauli e pei ona tula’i maii lenei faataoto. E foliga e talia le
olaga lē amiotonu e faia e le tagata. O lenei ua faailoa atu i soo o Iesu le le lava
o le fa’aaogāina o le olaga faale-agaga, i a latou faatinoga atamai e a’oa’oina ai i
latou i lenei olaga.
O le ta’ita’i o le aufaigaluega, na ia faia lenei faatinoga ina ia malutia ai o ia. O
se tasi tagata na lipotia o ia i le alii pule, e ui ina le sa’o a e ua mautinoa e le
maua sona totogi e tatau ona maua. O le ā ave’esea foi o ia mai lana galuega, na
faia ai e ia le gaoioiga atamai e tusa i le faatinoga o galuega, auā e le mafai ona
aisi o ia i le lumanai. O leā la le mea na tupu?. Ua ia faia le faiga poto, ua
faaliliuna ai tupe maua a lona matai.
O tala e maua foi e i tatou i lenei olaga. I lo’u lalolagi, na iu le olaga o lenei
ta’ita’i o le aufaigaluega i le fale faamasino. I lenei faataoto, ua viia ai le ta’ita’i
o le aufaigaluega e lona pule ona o ana togafiti poto. O le a le uiga o lenei
faataoto ua faamatalaina e Iesu? Pe ua faalototele atu Iesu i ona soo ina ia
a’oa’oina i latou i le olaga e tatau ona ola ai i lenei lalolagi, ma ia mautinoa lo
latou lumanai o le a maua?
E lei a’oa’o atu Iesu ina ia faia galuega ma le lē amioletonu. O le Malo o le Alii,
o le ola e moomia ai le faiga ma le faautauta i le faaaogāina o tupe ma mea ua e
32
maua, ia lē o le tupu o le tamaoaiga, a ia tupu le ola e faaauaua’i ma ola ai pea i
lenei olaga.
I lenei foi faataoto ua taoto ai o faiga lelei e tupu ai le malo ma fuafuaga e aga’i
ai malo ma le solosolo lelei i le lumanai. Ua a’oa’o mai ina ia faia mea uma e
faamalie ai le malo ma e o loo pulea, e faapea foi ona galulue faatasi ma tagata (i
latou o loo nonofo aitalafu) ina ia mautinoa lo latou faaolaina i le sosaiete ua
faia ma le lē amiotonu. O le a se mea e tatau ona e maua?
Tatalo: Tatalo mo le malamalama faapea mafaufauga ua tupu mai i lenei aso
fou. Amene.
Mafaufauga Loloto: O a ni manatu lelei mo le ola ua aumaia e lenei faataoto
mo i tatou i lenei aso.
O le Tusi Paia ma Tagata Paia
1. O Tagata paia mai le Tusi Paia.
[Saunia e: Vron Smith)
Aso Sa - Novema 6, 2016: “Mataio – ua faailoa le Mesia ua afio mai.”
Tusi Faitau: Mataio 9:9-13.
Matua - f.9: Ua maliu ese Iesu i lea mea, ona silafia ai lea e ia o le tagata ua
nofo i le fale e tali ai lafoga, o Mataio lona igoa; ua faapea atu ia te ia, ‘ina
mulimuli maia ia te au’, Ona tula’i lea o ia, ua mulimuli atu ia te ia.
Na ou saunia se tala i le assembly a le a’oga, ma ou valaauina ai se tasi o tama
faapitoa e ui ina ou manatu, e ona tupu mai ai o se faalavelave. O le tamaititi ua
iloa uma e tamaiti lona faalogogatā i le a’oga peitai, e i ai lana taleni, o le vave
ma le tali mai. Na faafuaseia lona tei i la’u valaau atu ma vave ona faapea mai,
“O au lenei” ma faapea mai “Aisea au? O le a ou alu atu e faia le mea ua e
finagalo ai.” Na vaaia e le a’oga ni vaaiga taua – O le tama ua ioe atu i le
faiaoga, atoa ai ma le tama ua valaauina faapitoa, ina ia avea ma tagata ua suia
lona olaga.
O Mataio o le tagata ao lafoga, na itagia e tagata Iutaia, ona o le tagata sa auauna
ia Roma, ma maua ai lona tamaoaiga e ala i le ao faasili o lafoga a tagata. E leai
se a’oa’o Iutaia e latalata ia te ia peitai, ua valaau Iesu ia Mataio ma fiafia e nofo
faatasi i le laulau ma ana uo. Ou te manatu poo le a se lagona na oo ia Mataio
ma le valaau mai o Iesu. Peitai, o le tagata na ia fia iloa ma tali atu e mulimuli ia
Iesu, ma lona fia iloa atili o Iesu le Alii ua valaau mai. O lona iloa o Iesu, na
avea ai o ia ma lana taleni ua faaaogāina ai o ia e Iesu, na te faailoa atu le tala
lelei.
O Mataio, e pei foi o le tama a’oga, e faapea i latou uma o tagata paia mai le
Tusi Paia o le a tatou faitauina i lenei vaiaso. O tagata na latou tali atu i le valaau
33
ma maua ai le suiga fou i o latou olaga. E faapea foi le valaau a Iesu mo i tatou,
ina ia talia lana valaau, ma avea ai i tatou ma tagata ua faapaiaina mo ia ma lona
finagalo.
Tatalo: Le Alii e, seia e valaauina tagata uma i lou finagalo. ia valaau e tusa ma
lo latou fia iloa, ma alofa ia Iesu ma mulimuli ia te Oe ma le faamaoni.Amene.
Aso Gafua - Novema 7, 2016:
“Mareko – ia tau atu le tala lelei ia Iesu Keriso.”
Tusi Faitau: Mareko 1:1-15.
Matua –Mareko1:14-15, Ua tuuina atu Ioane i le fale puipui, ona maliu atu lea
o Iesu i Kalilaia, ua tala’i atu le tala lelei i le Atua, ua faapea atu, “Ua oo mai
ona po, ua latalata mai le malo o le Atua; ina salamo ia, ma faatuatua i le tala
lelei.
O le sauniga i le Aso Sa i le fale puipui. Na nonofo tamaita’i ma le loto
faatalitali i le sauniga, a’o nonofo mai tamaita’i leoleo i o latou tua. O nisi e
tete’e ma o se mea e tupu ai le fiafia, auā o le avanoa e o mai ai i tua ma o latou
potu; o nisi e iloa o le mea lea e tatau ona fai, o nisi foi o le upu fiafia e faaosofia
ai le olaga faatuatua.
Na lelei mea uma, peitai, ua tupu le vevesi ina ua fai le lauga a le faifeau. Na
tautala o ia ma le malosi faapea ana gaoioiga, ua tele lona iloa, ua aofia ai ma
tala e pei oni solo, faapea le filosofia o mafaufauga, peitai, o lana gagana o le
tagata e sau maii nuuese, ua fiu tamaita’i e tau faavasega lana lauga. Ia ua vaivai
tamaita’i e faalogologo, ma ua tupu ai le lē fiafia e faalogo. Na mulimuli ane ua
fesili mai tamaita’i ia te a’u “poo le a le uiga o upu a le faifeau na tautala ai?”
Na ou faamatala i ai latou ao faalogologo tamaita’i ma le fia iloa ma faapea mai,
“Aisea na le faia ai faapea lana lauga!”
Pe ana i ai Mareko ma faalogologo i ia faaseā, ou te manatu e faapea foi ona
luelue atu le ulu o Mareko ma faasa’o atu le faaseā a tamaita’i.
O Mareko o le atalii o Panapa, na avea o ia ma Kerisiano e lona tinā i
Ierusalema. Sa faatasi ma Peteru ma Paulo e ui ini mea na tutupu mai i le
mafutaga ma Paulo, peitai, o Peteru na ia vaaia ai, o le tagata sa vaai tino ia Iesu,
o le tagata ma pa’i atu ia Iesu ma faalogo i lona leo. O Peteru i lana lauga ma
mea e manatua ai Iesu ma mea na ia faia, o le faailoga moni na ia avatu ai le upu
moni a Iesu e pei ona ia iloa ai.
O le tala a Mareko ua ia aumai ai le faamaoni o le iloa o le soifuaga o Iesu. O le
lauga e le faigatā lona faaliliuina, e faigofie ma faamaoni upu- “ina salamo ia,
ma faatuatua i le tala lelei.” O le upu taua e faigofie, peita’i, o loo tatou
mafaufau pea i ni faaupuga faigatā.
34
Tatalo: Tatalo pe a maua sou avanoa i le asō, ia e faailoa atu le tala lelei ma le
upu faigofie ia Keriso Iesu. Amene.
Mafaufauga Loloto: Ia faia sau molimau ma le malosi atoa e folafola ai le tala
lelei ia Keriso Iesu. Tusi lau molimau ma le faigofie e faailoa atu ai lou loto
atoa. Talanoa ma Iesu ma faailoa atu ou manatu.
Aso Lua - Novema 8, 2016: “Luka – Ia saili i le meatonu.”
Tusi Faitau : Luka 1:1-4; Galuega 1:1- 2.
Matua: Luka 1:3-4, O le mea lea ua ou manatu ai, ona ua ou matuā sue i mea
uma lava talu le amataga, ou te tusi faasolo atu ia te oe le alii e, Teofilo, ina ia e
silafia le tonu o tala ua a’oa’oina ai ‘oe.
Na matou malaga faatasi ma le a’oga e vaavaaii le laufanua o le nuu, e le’i leva a
e matou tau atu i povi o loo tutū mai i le faitotoa o le auala. O si teine laititi na
pupula tele ona mata ma lafi i tua o isi teine ma faapea mai, “Faiaoga, o povi ia?
Ua ou fefe ai.” Na vaai o ia i ata o povi i tusi, a e lei vaai tino lava i se povi ma
lona telē ma lona nanamu ma ona uiga. O lenei ua vaai tino i povi sa ia faitau i
ai.
O Luka o le tusitala na tusia le tala lelei ia Luka faapea le Galuega, o ia o le
foma’i Eleni na liua e avea ma Kerisiano. Na ia iloa e pei ona ta’u mai o le tala
ia Iesu e le tutusa lea ma ona manatu. O Luka, e pei lava o tagata e le
faamalieina o latou loto i le faailoa mai o le tala ia Iesu, na ia faaputuputu ma
sailiili i upu moni ina ia iloa mea moni ma le faamaoni ua faailoa mai. O lea na
ia maua ai ma iloa moni Iesu, o lē ua faailoa maiia te ia.
E faapea foi i tatou, e le atoatoa le faalogo i tala a tagata. O le iloa o le Alii e pei
ona ta’u maia e nisi, e le tutusa lea ma lou maua o le Alii moni. Ua valaauina i
tatou uma e Iesu, o le valaau e valaau pea ma faailoa mai, o le mafutaga e pei
ona aumaia e Iesu a e le o se upu a se tagata. O le ta filifiliga ina ia iloa Iesu, a e
le ona o le faitau i ai.
Tatalo: Le Alii e, ia ou iloa lou alofa ma le upu moni ina ia ou iloa ai Oe, ma
maua atili ai lava. Amene.
Mafaufauga Loloto: Pe a tusia sau molimau ia Iesu ma lona mafuta faatasi ma
oe, o le a se upu moni ua e iloa?
Aso Lulu - Novema 9, 2016: “Ioane – O le soo na alofagia e le Alii.”
Tusi Faitau: Ioane 21:19b -25
Matua: Ioane 21:.21-22, Ua iloa atu o ia e Peteru, ona fai mai lea o ia ia Iesu,
“Le Alii e, pe faapefea o ia nei?” Ua fetalai atu Iesu ia te ia, “Afai ou te loto
ina ia tumau pea o ia seia ou sau, pe se a lea mea ia te oe? Ia e mulimuli mai oe
ia te au!
35
I le tele o tausaga ou te faapea atu ai i le Atua i taimi faapitoa i lou olaga, “Le
Alii e, pe aisea ua tofia ai a’u mo lenei galuega? A e a faapefea i latou?” A le o
le na, “E le mafai ea ona ou nofo i lalo ma faia se fale ma galue e pei ona faia e
latou na?” Ou te iloa e tele taimi o a’u uo e maua fale, faapea o latou aiga, ma
faia galuega e pei ona masani ai, ma vaavaai mai ma le lē fiafia i lo’u olaga ma
lo’u saolotoga. A e faapefea ona faateleina le faaosoosoga e fuafua i nisi, pe a oo
ina liliuina le olaga i mea faigatā ma avea ai i latou ma olaga le mautonu?
O Ioane, o le soo na alofagia e Iesu, na soifua o ia i taimi o suiga, faapea mea
faigatā ina ua aveina a’e Iesu i le lagi. i le tele o tausaga, na ia iloa mea uma sa
ia vaavaaii ai, na ia iloa ma faalogo ma na oo i le loloto lona iloa o le soifuaga o
Iesui lona soifua ma ana fetalaiga. ina ua latalata i le iuga o lona ola, sa na
faalototele atu le au Kerisano ma le faapotopotoga ona o ona manatu ma lona
iloa na faatumauina ai o ia i mea uma na ia tusia.
O le tele o taimi tatou te faamalolosi i le soifuaga tatalo i mea na faia e Iesu, o le
taumafai ina ia iloa le loloto o le malamalama e iloa ai le galuega a Iesu mo i
tatou i lea aso ma lea aso. Pe a faapea ona tatou faia, o le a fesoasoani i o tatou
mata, ina ia tumau ia Iesu e tusa ma suiga ua oo mai.
Tatalo: Ia mafuta i matou i aso uma, ma ia faailoa mai Iesu ina ia iloa e i matou
lau afio. Ua matou tatalo ina ia lotolotoi lau afio mai ia i matou i aso uma.
Amene.
Mafaufauga Loloto: Mafaufau i lou olaga ma e iloa Iesu o loo mafuta faatasi
ma oe i au galuega – ma viia ai o ia ma le faafetai.
Aso Tofi - Novema 10, 2016: “Maria - Ia faailoa le Atua i le olaga atoa.”
Tusi Faitau: Luka 1:46 -55
Matua: ff. 46b-48a, ... Ua vivii atu lou loto i le Alii, ua olioli foi lou agaga i le
Atua lo’u Faaola, auā ua silasila mai o ia i lana auauna fafine ua
faamaulaloina;...
I le lua tausaga taluai na ou asia ai le Malumalu o Penitito o le Monaseri i
Sepania, o le Malumalu e malaga i ai tagata e tatalo ai. I luga o le laoa’i i le
Malumalu o loo tu ai se faatusa ua faia i le laau, o le faa-tagata o Maddona ma le
tamaitiiti. O le ata o Maria ma Iesu, o loo nonofo faatasi a e o loo sii Iesu e lona
tinā i ona vae. O le lima o Maria o loo fusi atu ia te ia, a e o le tasi lima o loo
papa’i atu i le eleele. Na le galo lea vaaiga ia te a’u, auā o Maria ma Iesu ua
vaavaai mai ia te a’u, faapea i latou uma na malaga atu ma faia a latou tatalo, e
faapei foi o le vaavaai atu i le lalolagi atoa.
O Maria le tinā o Iesu, na ia iloa le alofa ia Iesu, e faapei ona masani ai matua i
fanau. Na ia faamafanafana atu ina ua tutupu ona nifo, ma fa’aata atu ina faaali
36
mai ona nifo, na fusi atu pe a oo ina ita, na ia faailoa lona fiafia ia Iesu ma lona
moega laau sa mua’i fauina, na a’oa’o atu le tala o lona fanau mai.
E tele taimi na punou ai o ia ma fusi ia te ia ina ua tu’ua e Iesu le aiga. Peitai, o
le olioli ma le fiafia i mea lelei faapea mea faigatā na tutupu i le aiga, sa tumau
ai pea Maria i lona loto ma lona agaga ma le faamoemoe i le folafolaga ua oo
mai ia te ia: O Iesu o le tagata mo tagata uma, o le folafolaga na tumau i lona
loto, ma vaavaai atu i le lalolagi atoa ma lona mana’o ina ia faaolaina.
E tatau foi ona tatou faamalolosi e viia, ma avea lo tatou lalolagi ina ia tupu tele
ma faalautele le viiga, ma auai mai le Atua i aso uma, a o tatou vaavaai atu pea
ia Keriso ma mea o moomia e i tatou i lenei lalolagi.
Tatalo: Tatalo mo Maria ma lona olaga na ia talia Iesu ma mana’oga uma o le
lalolagi. Ia faalautele lo’u loto, le Alii e, ina ia ou maua le avanoa mo Iesu ma
tagata uma. Amene.
Mafaufauga Loloto: Mafaufau ia Iesu o loo outou tutū faatasi ma ou tuaoi. O
le a se mea ua e iloa? A o le a se vaaiga a Iesu? Ia talanoa i ai e tusa ma ou
lagona.
Aso Faraile - Novema 11, 2016:
“O Maria le Makatala - na avea ma molimau i le Toe tu o Iesu Keriso”
Tusi Faitau: Ioane 20:1-2, 11-18.
Matua – Ioane 20:18, Ua alu atu Maria le Makatala, ua faapea atu i le au soo,
“Ua ou iloa atu le Alii”; ua ia faailoa atu foi ia te i latou ua fetalai mai e ia o ia
mea ia te ia.
Sa ou nofo pe tusa o le tausaga i le nuu, sa faapea ona tatalaina faitotoa o latou
fale, ma vaalaauina ma talia o se tagata e ulufale atu. O le tasi taeao na ou ala ai
ma savali atu i lalo o le faasitepu, na ou vaai i se tagata o loo taoto i le sofa. O le
a le mea e tatau ona ou faia? Na matou savavali ma le filemū ma faia a matou
feau i lea taeao seia oo ina ala mai le tagata. O se tulaga na lilo i le vaai o se mea
fou o le a tupu, peitai, ua fiafia lava ua feiloai ma Iesu i lenei aso fou.
E faapea foi Maria le Makatala na le iloa o le a feiloai ma Iesu i lenei taeao fou.
O le tamaita’i sa mulimuli faatasi ma nisi tinā na faia galue mo Iesu. I le tuliesea
e Iesu o temoni e fitu sa ia te ia, ma mulimuli ai Maria ia Iesu i mea uma sa afio
ai o ia, ma faia mea uma e moomia ai e Iesu ni mea o finagalo ai, ma foaina atu
e ia lona tamaoaiga e pei ona faailoa ai e Iesu le galuega ua faia mo le talaiga o
le Tala Lelei. Na i ai o ia i lalo o le satauro ma faailoa le alofa ia Iesu e tumau,
sa i ai foi o ia ina ua tuuina atu Iesu i le tuugamau.
Na usu mai o ia i lenā taeao ma le faamoemoe e maua mai Iesu i le tuugamau, e
pei ona taoto ai. Peitai, ua faate’ia o ia e le Alii Toe-tu. Na faalogo o ia i le leo o
Iesu, ma ua oo mai le leo i lona loto ma faagaeetia ai ma le loto fiafia, ua na
37
lagona le leo o le Alii ua faailoa mai ia te ia. Ona tupu tele ai lea o le fiafia ma
alu atu ma ta’u i soo o Iesu, o le Alii ua faailoa mai ia te ia.
E faapea foi le Alii na te faailoa mai ia i tatou ma tupu tele ai lo tatou fiafia, ma
valaauina ai i tatou e faailoa atu le tala lelei i tagata uma.
Tatalo: Le Alii e, seia e faagaeetia a’u i lou auai mai. Ia ou saili atu ia te ‘Oe e
tusa ma tagata e le o iloa ‘Oe, faapea ma tagata ua mamao ese ma Oe. Amene.
Mafaufauga Loloto: Ia e iloa le mafuta mai o Iesu i tagata uma ua e mafuta atu
i ai.
Aso Toonai - Novema 12, 2016: “Paulo – O le tali i le valaau ua tuuina mai.”
Tusi Faitau: Galuega 9: 1-22
Matua – Galuega 9:.4-6, Ona paū lea o ia i lalo i le eleele, ua faalogo atu i le
siufofoga, o loo faapea mai ia te ia, “Saulo, Saulo e, se a lea mea ua e saua mai
ai ia te a’u?” Ona fai atu lea o ia, “Le Alii e, o ai ea oe?” Ona fetalai mai lea o
le Alii, “O a’u o Iesu ua e saua mai i ai; o le mea faigata ia te oe ona aa i
tui....Tu ia oe i luga, ina alu i le aai, ona ta’uina atu lea ia te oe o le mea e tusa
ona e faia.”
O loo faapogisaina le vaai i le mea o loo faia (blindfold), o le afa o tupulaga
talavou o latou faalogologo mai i leo o a latou paaga o loo faatalitali mai i le tini,
o loo valaau mai e faasino le mea e tatau ona tini i ai le taaloga. O nisi na i ai i le
potu, na valaau ina ia le iloa e tagata le valaau. O nisi na valaau atu ina ia
faasesē ma le iloa ai e tagata le taunuuga i le tini. O tagata na faapogisaina o
latou mata sa taumafai lava ina ia iloa le leo o lea tagata, ma taumafai ina ia
maua lea tagata ma iloa ai. O nisi ua ta’ita’i sesē i faatonuga ma ua mamao ese
atu i latou i le taunu’uga i le tini, mau ua avea ma vaaiga le fiafia.
E faapea lava tagata o lo’o aafia ia tatou fa’aiuga, ma o tatou olaga ina ia tatou
maua se mea taua ua faailoa mai, e faapea foi le lē mautinoa o mea e ona tupu
mai. O le mea silisili ona taua, ua e iloa le meatonu e tatau ona faia, ma iloa ai a
tatou mea sesē e le tatau ona faia.
O Saulo o le tagata Iutaia sa sauaina le au Kerisiano, na maua e ia le lagona ma
liliuina ai o ia i le ala i Tamaseko. O le tagata ma faapogisaina ona mata, ma ia
faalogoina le leo ua fetalai mai a’e na te le iloa lea leo, o lea ua ia vala’au atu ai
ina ia iloa le tagata ua valaau mai ia te ia.
Na faatonu atu e Iesu ina ia alu i le aai ua ia faailoa atu ia te ia. O lea na avea ai
Saulo ma Paulo, o le tagata ua faaliliina e Iesu, ma tuuina atu lona ola ma avea
le tala lelei i Asia itiiti faapea le atu Europa ma folafola le tala lelei ia Keriso
Iesu.
38
E faapea foi le liliuina o tatou loto e le Alii, tatou te lagona le taia o i tatou e le
siufofoga o le Alii ma faapea atu, “Le Alii e, o ai ea oe’’ ma faalogoina le tali
mai, “O a’u o Iesu” O le a le mea ua tupu? E te faalogo i le oo mai o lona
siufofoga ma le mautinoa? O le a le mea ua tupu ia te Oe ao e faalogo i lou igoa
ua valaau mai?
Tatalo: Ia maua se taimi filemū e fetalai mai ai le Alii ia te oe. ia oo mai lona
siufofoga, o le siufofoga e mautinoa lona faailoa mai, ia talia Iesui lou loto ma
faalogologo i lana valaau mai. Amene.
Mafaufauga Loloto: Ia iloa le olaga ua e soifua ai ma lau filifiliga ua e iloa ua
lelei ona faatino, faapea ma lagona o loo aafia ai lau faatinoga. O le a se valaau a
le Aliiia te ‘oe?
O le Tusi Paia ma Tagata Paia
1. O tagata paia e tusa ma aga faa-Kerisiano
[Saunia: Jane Gonzalez]
Aso Sa - Novema 13, 2016: “O Aukusetino le tamā paia (St Augustine) pe ā savavali Tagata Paia i le valaau a le Alii.’’
Tusi Faitau: Roma 13: 11-14.
Matua - Roma 13:11-12, Ia faapea foi, ina ua tatou iloa ona po, ua oo i le itupo
e ala ai e na momoe; auā ua latalata nei ia te i tatou le ola, sa mamao ina o
tatou uluai faatuatua. Ua leva le po, ua latalata mai le ao; o lea ia tatou faatea
ese ai galuega o le pogisa, a ia tatou oofu i ofu o le malamalama.
‘O le alii po o se tamaita’i, ua avea ma tagata paia i le vaaiga a tagata!’ Pe na
faapefea ona tele taimi ua tatou faalogo ai i ni tagata faapitoa faapenei? O se
tagata ua faailoa mai se soifuaga taua i taimi o loo tatou moomia le fesoasoani,
ma faia o mea uma e tusa ma o tatou manatu – peitai, o nei tagata o ni tagata
vaivai ma lē atoatoa i latou e pei foi o o tatou tagata. O le a se vaaiga e iloa ai le
tagata paia?
O le faitau atu i le soifuaga o se tagata paia, o le a tele ona iloa ai le uiga vaivai o
le tagata ma le olaga agasala. O tagata paia, o ni tagata e paia (holy) peitai, e
mama’o lava i latou ma le olaga atoatoa (perfect).
O se vaaiga mautinoa, ua tu’uesea i latou ma avea ma Kerisiano manumalo, i le
tuuina atu o le loto ma manatu, ua taula’i i le saili atu ina ia iloa e le tagata le
finagalo o le Alii, e faapea fo’i ona latou faamalolosi ina ia soifua i le olaga
papatisoina i aso uma, ma tete’e atu i galuega a le pogisa a ia faaofuina i latou i
le malamalama o Keriso Iesu.
E faapea le olaga sa ola ai Aukusetino, na fiafia o ia i lona olaga tuai, ma faafiti
o ia ina ia liua ma tagata Kerisiano, o le loto na faasilisili ai le manatu e loto i ai
39
ma lana tatalo,“aua e te valaauina a’u i le taimi nei.” Peitai, ina ua ioe atu i le
Alii, na tuuina atu lona loto atoa ia Iesu.
Ua faamanatu mai ia i tatou, o tagata paia uma e i ai a latou faafitauli i taimi o le
aso ananafi, e faapea foi le tagata agasala e vaavaai pea i le lumanai ma le Alii
faamagalo mai.
Tatalo: Le Alii e, o aso uma ua faapogisaina ai ua tula’i mai ma le amataga fou.
Seia e fesoasoani mai ina ou tusia se ata matagofie mo Oe. Amene.
Aso Gafua - Novema 14, 2016: “O le tagata paia o Faranesisi o Assisi
(St. Francis of Assisi) - Ta’ita’i e tusa ma a’oa’oga.’’
Tusi Faitau: Esera 3: 6-8.
Matua: Esera 3:8,O le lua o tausaga talu ona latou oo mai i le fale o le Atua i
Ierusalema ... ma e ua o mai uma mai le tafeaga i Ierusalema, ma latou tofia sa
Levi, e afua i e ua luafulu o latou tausaga ma e ua matutua ai, e pule i le
galuega o le fale o le Alii.
O Faranesisi o Asisi o se tagata paia e alofagia ma manatua lona naunau alofa i
mea na faia i le lalolagi – i manu tata’a, ma manu felelei, faapea mea uma. A o
avea a’u ma tagata talavou, o loo ia te a’u ni ‘ata paia’ o le alii o Faranesisi, ma
le matagofie i le siomia e manu feai uma o le vao, atoa ai ma lona tago atu i le
luko feai ua lata, ma avea ma uō. I le faamanatuina o le tala ia Iesu ma lona
fanau mai i le a’oga, e lagona le fiafia ona o tagata na faatinoa lea tala, o tamaiti
na faatusa i manu e pei ona iloa i le tala i Peteleema. O ni auala ua faailoa ai
faatinoga moni nai lo upu.
O le faaaliga a Iesu na oo ia Faranesisi a o avea o ia ma fitafita talavou, na avea
ai o ia ma tagata ua soifua i le olaga mativa, faapea le tuua e ia o lona aiga. O le
olaga ua tuuina atu ma le loto atoa i le olaga mativa faapea le talitonu i le Atua
ma lona agalelei e le uma, e pei ona fetalai Iesu i ona soo: “Aua ne’i teu mo
outou o auro, po o ario, po o ‘apa memea i o outou fusi.” (Mataio 10: 9).
O Faranesisi ua ia iloa le Atua ua valaauina o ia – na fautuaina o ia na te toe
atia’e le lotu faapitoa – o le valaauina ina ia toe faaleleia le galuega a le lotu ua
avea ma lotu ua vaaia faiga mataga. Na ia toe atia’e le lotu ma faia ni suiga fou.
Na iloa o ia i upu ua faamauina, “ia folafola le tala lelei i aso uma, ma faailoa
upu uma e pei ona a’oa’o mai e Iesu.” Na ia faatino lana galuega e pei ona
faailoa mai e Iesu Keriso.
Tatalo: Le Alii e, seia e aumaia le malosi ma le loto tele e auauna atu ai i
tagata uma, ia faia lou finagalo a e aua o matou loto. Amene.
Mafaufauga Loloto: Ia mafaufau i mea uma ua faitau ai tagata i le Tusi Paia.
O le a se mea sili ua faitau ai tagata i ni mea lelei ua e faia?
40
Aso Lua - Novema 15, 2016: “O le tagata paia o St Teresa o Avila – O le lagi
o le nofoaga ua tatou iloa.”
Tusi Faitau: 2 Korinito 12: 1-6
Matua: ff.5-6, O lena tagata ou te mitamita ai, a ou te le mitamita ia te au, tau
lava o mea ua ou vaivai ai. Auā afai ana ou fia mitamita, po ua ou valea ai; auā
o le upu moni ou te fai atu ai. .
O le aso na avea ai a’u ma tamaita’i sa, o le aso ua leva ma ua tau galo atu le
sauniga sa faia. O le mea o loo ou manatua, o le faailoa ina lea o matou igoa, o
igoa o le a faaigoa ai lea tagata.
Na ou filifilia le igoa o Teresa o Avila, o le tamaita’i sa, o le tamaita’i e vave ana
faaiuga sa tapenaina lo matou olaga. O se tamaita’i e liliu ana faaiuga i taimi e le
taugalemu ai, e tumu i le olaga tatalo. ina ua avea a’u ma tagata matua, ma
faapea ona ou fiafia ia te ia ma lona olaga, o ona vaivaiga, atoa ai ma lona
atamai, faapea le olaga mafuta mai ma le loto fiafia. O le mea e sili ona ou fiafia
ai, ona o lona iloa o le mafutaga ma Iesu, o le alii o loo mafuta mai ma faafouina
le loto o le tagata i taimi uma o le olaga.
O le tagata e mausalï lona faatuatua. i le faatusa o le Ecstasy of St Teresa, o loo
faailoa ai le tamaita’i ua mafuta faatasi ma Iesu, o le tamaita’i ua tuuina atu lona
loto ma lona manatu atoa i le mafutaga ma le Alii. O lona olaga tatalo e mafuta
ai i aso uma ma taimi uma ma mafuta atu i le Alii. O le Alii na te faailoa mai o
ia i taimi uma o lo tatou ola.
O le soifuaga lea o Teresa na mafuta ai ma Iesu. E faapea le agaga moni e iloa ai
Iesu sa mafuta faatasi ma i tatou.
Tatalo: Le Alii e, ua ou mautinoa o loo mafuta faatasi lau afio ma i matou i
taimi uma. Fesoasoani maia ina ia o’u iloa Oe i mea laiti faapea mea
tetele.Amene.
Mafaufauga Loloto: “Ina soia, ma ia outou iloa o a’u lava o le Atua.” (Salamo
46:10). ia maua sou taimi filemū e mafuta ai ma le Alii faatasi ma oe.
41
Aso Lulu - Novema 16, 2016: “Le tagata paia o Ioane ma lona satauro (St
John of the Cross) – ua faailoa mai le pogisa’
Tusi Faitau: Pese a Solomona 3:1-5.
Matua: f.2a, Ou te tulai ma fealualuai i le aai, i ala ma malae, ou te saili ai i le
ua mana’o i ai lo’u loto.’...
O le alii o Ioane o se auauna sa galulue faatasi ma le tamaita’i o Teresa o Avila.
O le faifeau mai le Carmelite order, o le tagata tusitala e peseina solo a tagata o
loo faailoaina o latou lagona.
Na feagai o ia ma mea faigatā i lona ola – mai le olaga fia’ai a o avea ma
tamaititi, na avea ma tagata na falepuipui ma sauaina e ona lava tagata ona o
lona manatu, e tatau ona toe fuataia le olaga o tagata. i lona mafuta atu i le Alii,
na ia mautinoa ai o le olaga puapuaga ma le mafatia o se tasi lea o vaega e tupu
ai le olaga faatuatua, ao faimalaga pea ina ia mafuta faatasi ma le Alii.
O se tasi o ana tusitusiga ma le pese taua ‘dark night of the soul’. O le pese e pei
foi o le pese a Solomona, o le pese alofa na saili atu ai i le mea ua naunau i ai
lona loto. O Ioane ua vaaia lona loto ua saili atu ma lona naunau i le mafutaga
ma le Atua. O lenei mafutaga ma le Alii e maua pea tu’uese mea uma sa ola ai i
le olaga tuai, ma aloalo ese ma le mitamitaga i le olaga o le lalolagi. O le sailiga
o loo i ai tiga peitai, o le faailoa mai o le pogisa ua avea ma vaitafe malamalama
o le Atua ua faailoa mai.
O le ‘posiga o le po’ o se gagana faa-faatusa e faailoa ai i latou uma ua feagai
ma le olaga faatuatua ma mea faigatā, faapea le loto ua lē mautonu. O le Alii o
loo savali faatasi o ia ma tatou, peitai, o o tatou loto ua faatumulia i le olaga ua
le iloa le Alii. O nisi mafatiaga ma avega mamafa ua faaopoopo mai, ua manatu
ai ua le mafuta faatasi le Atua mai tatou. Ua faamanatu mai e Ioane ina ia tumau
i tatou i le Alii ma le faatuatua.
E le o ala uma o le Alii e oo mai ai le malamalama, peitai, ia tatou talia le oo mai
o le pogisa e pei o le tagata o loo saili atu i le malamalama tatou te maua ai lona
malamalama. O ala o le Alii e faapea ona faailoa mai i o tatou loto.
Tatalo: Le Alii e, pe a faigatā le olaga ma ou nofo toatasi ai, seia tumau lo’u
faatuatua ia te Oe. Seia e ta’ita’i a’u ma faamafanafana mai i lo’u loto a’o saili
atu ia te Oe. Amene.
Mafaufauga Loloto: Ua faapea mai Ioane pe a oo mai lona oti, ‘e taitasi i
tatou ma faamasinoina i galuega alofa.’ Tatalo mo se tagata ua e iloa ona
vaivaiga i le asō a e maise le tagata ua tiga lona loto i le ita.
42
Aso Tofi - Novema 17, 2016: “O le tagata paia o St.Ignatius o Loyola. (St.
Ignatius of Loyola) - O vaivaiga e tupu ai avanoa’
Tusi Faitau: 1 Tesalonia 5: 4 – 11
Matua: ff.9-11, Auā e lei tofia i tatou e le Atua i le toasa, a ia maua le
faaolataga ona o lo tatou Alii o Iesu Keriso, o le na maliu mo i tatou, ina ia
tatou ola faatasi ma ia, pe tatou te mataala, pe tatou te momoe. O lea ia outou
feapoapoai ai, ma ia fefaa-mafanafanaai, faapei ona outou faia lava.
Na maua a’u i le flu na ou taoto ai i le moega, faafetai ona o tusi i lou potu ma
ou tago atu ma faitau i ai. Ou te manatu sa faapea foi le tele o tusi na faitau e
Ignatius Loyola a o taoto o ia ina ia toe lelei le manu’a i lona vae – o ni tusi o
loo faailoa ai tagata malaga o loo malaga faatasi ma Iesu.
O le faitauina o nei tusi, ua tau le lavā foi e faitau i ai, o tusi e fiafia i ai tagata
mama’i e faitau i ai peitai, ua faailoa e Ignatius le loloto o mafaufauga. I le
faatumulia o a’u i le lē fiafia ma manatu ua le tau le faamoemoe i se mafutaga
ma se tasi e pele i le agaga peitai, o le faitauga i le tala ia Iesu ma aumaia ai le
filemū ma le loto fiafia.
O le vaai i mafaufauga loloto i mea na tutupu mai, na iloa ai e Ignatius le taua o
le finagalo o le Alii i o tatou lagona ma o tatou manatu. O le faamasinoina ma
puapuaga, ua a’oa’o mai ai Ignatius i le olaga faatuatua mo i latou ua taua,
‘contemplatives in action’ o tagata o le Jesuit order na ia atina’e ma fa’atuina.
E ogatotonu i le faalapotopotoga o le Jesuit le olaga faalegaga - o le tatalo e faia
i aso uma. O e matutua ua iloa le mafaufauga loloto. O le aupega e iloa ai mea o
loo faia ma le faamaoni ma le alofa i aso uma.
O le faamoemoe e faatupu tele ai lo matou iloa o galuega alofa o loo faia e le
Atua mo i matou, faapea ai le vaavaai atu i le aso fou ma avanoa lelei na te
aumaia, matou te savavali ai e tusa ma lona finagalo.
Tatalo: Faafetai le Alii ona o mea ua e foai mai i lenei aso. ia matou tali atu ma
le tamāoaiga o le alofa, aua ma le manatu faapito, a ia auauna atu i tagata o loo
fia maua le fesoasoani. Amene.
Mafaufauga Loloto: O fea o loo e vaai ai i galuega a le Alii ua faia i lenei aso?
O le a se mea e tatau ona e faatoese ai? O le a se fiafiaga tele o le a e faia?
43
Aso Faraile - Novema 18. 2016: “Katerina o Siena (St Catherine of Siena)-o le alofa e le faia ma le nofonofo.”
Tusi Faitau: Mataio 25:31-40.
Matua: ff.37-38, Ona tali mai ai lea ia te ia o e amiotonu, ua faapea mai, Le
Alii e, o anafea na matou iloa ai oe ua fia ‘ai, ma matou fagaina oe? Po o fia
inu, ma matou avane e te inu ai? O anafea foi na matou iloa ai oe o le tagata
ese, ma matou talia oe? Po o le le lavalavā, ma matou faaofuina oe?
Na ou maua se avanoa tāua ma feiloai ai i le tamaitai taupousa atamai mai le
Dominican Order, e soifua i le olaga tapuai na faapea ana tala “God writes
straight with crooked lines.” O se vaaiga faagaeetia ina ua filifilia ai tagata
faapea e galulue mo le talaiga a le Atua. Na faapea ona valaauina Katerina, o le
tamaita’i na avea ma Lay Dominican e pei ona iloa.
Na ola o ia ma le malosi ma faia le galuega, peitai, na maliu o ia a o talavou i le
33 o ona tausaga. Na tuuina lona olaga atoa e auauna ai i le Alii i mea e moomia
ai o ia. O lana galuega amata o le faia lea o galuega fesoasoani i ona tuaoi a e
maise i latou ua vaivai ma le malolosi. Na faia lana galuega ma le itagia o ia e
alii faifeau e le nuu, peitai, o le fesoasoani atu a le nuu ma ana uo, na faia ai le
galuega ma le loto fiafia.
Mulimuli ane, o lana vaaiga i le faailoa mai o le Alii, na faalautele ai lana
galuega ina ia oo i le ekalesia aoao, ia oo atu le galuega i tagata fia a’ai, faapea
le vaaiga i le ekalesia ma faailoa atu ua mativa lana talaiga, ua le tusa ma le
silafaga a le Atua i le olaga o tagata.
O Katerina na aafia o ia i mataupu tau le atunuu, na ia faailoa atu i tagata uma e
ala i ana a’oa’oga ma tusitusiga, ina ia ave’esea le manatu faapito i le tagata ma
lona lelei, ma ia faaleleia le olaga fevaevaea’i o le ekalesia. O le manatu na
fa’avae ai le toe foi atu o le Pope i Roma.
Na maua e ia le malosi ma faia ai ana tusitusiga ina ua mafuta i le mea tuufua,
na ia faaigoa lea mea tuufua ‘o le malamalama’, o le mea tuufua e nofo tatalo ai
le tagata ma vaavaai atu i le Atua, na te iloa ai le Atua ma lona pupula mai ia te
ia. O le ala e le mafai e se tagata ona ave’esea lana vaai. ia faamaoni lou tagata,
ma faailoa atu mea tutupu i le lalolagi. O le lu’i lea mo tatou ina ia faailoa atu
mea pi’opi’o o loo faia i le lalolagi.
Tatalo: Le Alii e, seia e aumaia le alofa ou te iloa ai lo’u tagata, ma faamaoni ai.
ia ou iloa o a’u e pei ona e silafia, seia e faamanuia mai ina ia ou iloa lou alofa e
pei ona e faia. Amene.
Mafaufauga Loloto: O le a se valaau ua valaauina ai i tatou e le Atua i lenei
aso?
44
Aso Toonai - Novema 19, 2016:
“Julian of Norwich - ia tuu atu i aao o le Alii.”
Tusi Faitau: Isaia 49:15-21.
Matua: ff.15-16, E galo ‘ea i le fafine lana tama ua susu, na te le alofa i le tama
a lona manava? ai lava e galo ia te i latou, a e le galo lava oe ia te au. Faauta,
ua ou taia lou faatusa i o’u alofilima; e tumau ou pa i o’u luma.
O Julian of Norwich, sa soifua mai o ia i le vaitaimi ma vevesi ai le lalolagi ma
le ekalesia. O le ekalesia ua tatau ona toe fuataina mai ona aa ma ona lau. O mea
uma ua i ai le oti (‘Black Death,’) ua vaivai le fua o faa’ele’eleaga, o fuataga o
laau ua laina. i lea taimi na faaopoopo ai le mamafa o lafoga i tagata ua tupu ai
le vevesi ma le fenumia’i o upu fai i le malo ma le atunuu. O le manatu o le
toatele, ua faasalaina e le Atua le atunuu ona o le agasala o le lalolagi. O Julian
ma lona olaga ma ana tusitusiga, ua faailoa atu le ese o lenei vaaiga ma lona
manatu.
O lona manatu, o le Atua Paia o loo faatasi ma tagata i aso uma. O le Atua alofa
e tumu i lona agalelei, na te lei faatupuina ni puapuaga i ana mea na faia. O lona
manatu, o le agasala o le mea e tupu pea, ua tatou iloa ai le mea e tatau ona
a’oa’oina ai i tatou.
O le agasala ua faailoa mai ai le alofa o le Atua mo le tagata. O lana ‘Theology
of Hope’ (Mataupu Silisili tau le Atua ma lona Faamoemoe) na faailoa i le 20
tausaga, o le Faaaliga a le Atua ia te ia, a o avea o ia ma tagata ma’i. i nei
faaaliga, ua avea ai o ia ma hermit (nofo aunuua i lona talitonuga faale-lotu) o le
tagata ua pipii atu lona loto i le ekalesia. Na tuuina atu lona olaga atoa i le tatalo
faapea le contemplation (tatalo ma le vaavaai pea i le Alii i taimi uma) o se
faatinoga e faata’ita’i i ai e ua asiasi atu ia te ia.
O lana tusi na faapea, “All will be well, and all manner of things shall be well”
O le upu ua faailoa ai le faatuatua i le Atua e le mavae lona tamāoaiga i aso uma
(providence). O le Atua na faia i tatou, e alofa i ai tatou e pei ona alofa le tinā i
lana tama, ma tausia i tatou, o le tamāoaiga o loo malutia ai tagata i ona aao. E le
faapea o le a tatou o ese mai faalavelave ma le olaga mafatia – o le agasala o loo
saisaitia ai i tatou – peitai, o le tumau ma le loto talitonu i le Atua, e manatua ai
foi e le Alii i tatou.
I le lalolagi o puapuaga, ua faamanatu mai e Julian lona faatuatuaga, o se vaaiga
lelei tatou te faamalolosi ai i le mea sili ona lelei.
Tatalo: Le Alii e, e taua a’u i lau vaai. Ia e leoleo a’u ina ia ou manumalo mai
le faia o le agasala, e le o le fefe, a e o le alofa ia te Oe. Amene.
Mafaufauaga Loloto: Mafaufau i lau faigamalaga. O fea o valaau ai le Alii ia
te oe, o le ā sau tali atu?
45
O le Tusi Paia ma Tagata Paia.
1. O tagata paia i o tatou vaitaimi (lata mai).
[Saunia e: Michael Jagessar]
Aso Sa - Novema 20, 2016: William Wilberforce, Olaudah Equiano.
Tusi Faitau: Kalatia 5:1-6.
Matua: f.1, O lenei, ia outou tumau i le sa’olotoga ua faasa’oloto mai ai Keriso
ia i tatou; a e aua ne’i toe taofia outou i le amo o le pologa.
Ua tele tala e maua ia Wilberforce ma lona taumafai e tu’uesea le olaga
faapologaina. Pe na e faitau i le tala ia Equiano, o le tama sa faapologaina a ua
faasaolotoina? Sa fesoasoani malosi o ia ina ia taofia le faapologaina o tagata.
Pe afai o le uiga o le alofa e maua i le saolotoga ina ia aveesea se tasi ma tuuina
atu o ia i se nofoaga e faapologaina ai, o Olaudah Equiano (1745-95) faapea
William Wilberforce (1957-1833) o i laua ia o molimau lata mai, na la faailoa le
tala e tusa ma o la olaga sa faapologaina.
O mea lelei uma na teuina i le loto o le alii o Wilberforce, o le mau e manatua
pea i lona agaga, o le tu’uesea o faiga o le faatauina o pologa---na faapea ona
faapologaina ai foi ma ia.
O Equiano, e lei leva ona faailoa mai o ona manatu. O le tagata sa avea ma
pologa ua faasaolotoina o loo ola i Lonetona. O lana galuega na manatua tele ai
e tagata, ona o lona olaga ma ana tusitusiga na faamauina i le 1789. O lana lauga
faalauaitele ina ia taofia le toe fai o pologa, e le gata i lana lauga atu i le lautele o
tagata, a e faapea foi ana tusitusiga i nusipepa, faapea lona taumafai atu e faailoa
i le Palemene a le malo. O lana finauga o loo faailoa ai i lona olaga pologa sa ia
maua, ma o se molimau na fesoasoani tele i le tu’uesea o le avea ma tagata
pologa.
I nei molimau taua ua tatou maua, o le tagata pologa ua faaolaina mai le pulega
a isi tagata, atoa ai ma le saolotoga e pule ai le tagata. E faapea lo tatou
saolotoga, ua faasaolotoina ai i tatou, e le gata ina ola saoloto, a e o le saolotoga
ina ia faatupu teleina le alofa i tagata uma. O i latou ua saili atu i le alofa faapea
le galulue faatasi ma tagata, ua tusa lea ma le manatu o Paulo, ‘no longer bite
and devour one another.’
Tatalo: Le Alii e, o lē na faaolaina i matou, ia matou maua au faamanuiga
matou te faailoa ai le alofa, ma ia oo mai lou malo, ma faia lou finagalo. Amene.
46
Aso Gafua - Novema 21, 2016: Josephine Butler.
Tusi Faitau: Luka 7:36-50.
Matua: f.47b, ... auā ua alofa tele mai o ia; a o le ua faamagaloina i ai se mea
itiiti, ua laititi foi lona alofa.
O Josephine Butler (1828 – 1906) o le tamaita’i mai Victorian, o le tamaita’i na
galue malosi i le ‘reform and care of prostitutes (toe fautuaina ma faatonu i e
talitane), e pei ona maua i le faitauga o le asō.
O Butler, o se faataitaiga i tagata Kerisiano na galulue i le soisaiete lautele o
tagata, ma finau tele ia liliu taofi o tagata i ona manatu (radicalism). Na faapea
ona tautala atu i tagata lautele, faapea galuega ia faaleleia le a’oa’oina o
tamaita’i, taumafai atu ina ia tutusa aiā a tagata uma i le sosaiete, ma maua le
talosaga na lē faataunuuina ai le ‘Contagious Diseases Act’ (faasilasilaga ina ia
faasaina le papa’i atu i faama’i leaga).
O le tinā na maua lona loto tele, i le tala i le tinā na alu atu ia Iesu ma le loto
faatuatua ia Iesu, o le Alii na ofoina mai o lona alofa ia te ia e pei ona maua i le
tala.
I lenei tala ua faailoa ai Simona ma lona manatu e faamasino ai le tagata e iloa ai
lana amiotonu. Na le iloa e i latou faapea ma tagata ua valaaulia, ua silafia e Iesu
ma lona alofa tunoa i le fafine ua taoto mai. O se vaaiga na avea ai ma upu
taufaifai i lenei tamaita’i agasala ma faatupu tele ai lo latou ta’u amiotonuina.
Ua misia e i latou le fesootaiga o lo latou tamāoaiga ma le mativa o lenei tinā. O
le fafine ua faia le ‘galuega alofa’ ua ia faia e pei ona faia i tu ma aga e masani
ai pe a oo ina aai, peitai, ua le manatua e le au so’o ona faia o le auaunaga ia
Iesu. E faapea foi i ana galuega na faailoa le talimalo ma lona agalelei ma lona
alofa, na vaaia e le au soo ma lē iloa ai le galuega ua faia e lenei tinā e ono talia
ai o ia.
Ou te manatu, o le lu’i lea a le tama’ita’i o Butler; “Ua e vaai i lenei tama’ita’i?
Pe e te vaaia ea ma talia o ia o le afafine o le Atua? Pe le tutusa ea lona
tamaoaiga ua faasoa mai e tutusa ma a tatou galuega ua tatou faia?”
O lo tatou valaauina ina ia galulue ma le faamalolosi, ia aumaia o tagata uma ua
le aofia i lau vaaii le mafutaga faatasi ma le Atua. O le Ekalesia e tatau ona
malosi lona leo ina ia faailoa le faia o le amiotonu ma le filemu o le Atua, e pei
ona faia e Iesu Keriso mo i tatou.
Tatalo: Le Alii alofa e le faatua’oia, faafetai ona o le auala ua e faauuina ai a’u i
le suauu ma le fiafia. ia faatumuina i matou i lou tamāoaiga ina ia matou faailoa
atu lou alofa i tagata.Amene.
Mafaufauga Loloto: Pe tatau ea ona talia le agasala ina ia faailoa ai le alofa? O
se a se mataupu silisili e mafuta atu ai i se tagata faapea?
47
Aso Lua - Novema 22, 2016: ‘Saili atu i le Upu Moni.’
Tusi Faitau: Kalatia 4: 3-7.
Matua: f.7, O lea, ua le toe faia oe ma pologa, a o le atalii; a e afai o le atalii, o
le suli foi, ona o le Atua.
‘O le Upu moni e malosi ma tumau.’ O upu ia a le ‘Sojourner Truth’ (c.17971883). O le tama’ita’i na galue faaevagelia, e malosi lona leo i le taofia o mea
uma e le fetaui, faapea ai le finau i le aiā tatau a tamaita’i i mea uma.
I le sola ese mai le olaga pologa, na finau o ia ma le faamalosiina ia fuata’i le
olaga saoloto o tamaita’i, faapea le taofia o galuega mamafa mo fafine. O se
tama’ita’i e malosi lana tautala, o lana lauga ta’uta’ua ua faailoa i le ‘Aint I a
Woman’ (1851) e faapea,
And ain’t i a woman? Look at me! Look at my arm! I have ploughed and
planted, and gathered into barns, and no man could heard me! And ain’t I a
woman?...I have borne 13 children, and seen most all sold off to slavery, and
when I cried out with my mother’s grief, none but Jesus heard me! And ain’t I a
woman?
O le upu moni ua faailoa mai se faalepo i mafaufauga o le toatele, pe a tupu le
avea o alii ma tamaita’i papa’e e avea ma pologa. Ua faamanatu e Sojourner
Truth i Amerika, o tagata uli o loo i ai tama’ita’i, o tama’ita’i uli ua i ai fanau
ma tinā ma a latou fanau.
E faapea le Upu ua ia maua mai i le tusi a Kalatia, i le taimi tonu sa ia tuu fesili
ai. Na talitonu o ia i le tala lelei a Iesu, o tagata uma ua faapologaina ua
faaolaina ma maua ai le olaga saoloto. O le faaolaina o tagata pologa e Iesu, o le
taiala lea e faitau ai ma faaliliu ai le afioga a le Atua.
E faapea foi ona tatou finau ma le mautinoa o Iesu na fanau mai o ia o le tinā,
ma avea ma tinā e pei ona faailoa e nisi tagata.
Tatalo: Le Alii e, seia e faamaligi mai lou agaga i tagata uma. Ia fusia i matou a
o faailoa e o matou aiga le alofa i le suafa o le Alii o lē ua faaolaina i matou.
Amene.
Mafaufauga Loloto: I le faia e le Atua o le fafine na avea ma fafine na liliuina
le lalolagi e avea ma lalolagi agasala, peitai, o nei tinā, ua galulue e toe faatuina
le lalolagi ua faaolaina.
48
Aso Lulu - Novema 23, 2016: Martin Luther King
Tusi Faitau: Ioelu 2:28-32
Matua – Ioelu 2:28a, 32a, Mulimuli ane, e ui ina ou liligi ifo ai lo’u Agaga i luga
o tagata uma; … E iu fo’i ina faaolaina o i latou uma lava o e valaau atu i le
suafa o le Alii.
O Matin Luther King, o le Faifeau Papatiso, o le tagata ma aafia tele i mataupu
lautele, o le fofoga autū sa taulamua i le ‘America civil right movement’. Na
faapea ona faaosofia ona lagona ma faailoa ai le faia o le finauga ma le filemu,
taumafai atu ina ia maua e tagata Aferika Amerika le aiā tutusa faapea tagata ua
sauaina i faatinoga solotete’e e faia ma le filemu. O ia o le tagata na tupu ai o
manatu o tagata e pei o le ‘Montgomery Bus Boycott’ faapea le ‘March on
Washington’
O Matini na faavae lava finauga i luga o le alofa, ina ia ave’esea faiga le tutusa
faapea faiga faailoga lanu. Na faapea ona faavae lona talitonu i le perofeta o
Ioelu, e tatau ona faailoa atu mea uma ua le tusa ma le soifuaga o tagata . O lenei
faaaliga ua avea ma uluai lagona o le Lotu Papatiso ua valaauina ina ia faailoa o
meaalofa taua a le Agaga, ma faatino le oo mai o le Agaga, ma le oo mai o le
malo o le Atua.
E pei lava o Ioelu, na ia faitio atu ma lona malosi atoa. Na le nofo lelei le atunuu
ina ua ia fesiligia le faatonuga ua le malutia ai lona ola. E pei lava o Ioelu, na ia
faailoa atu le sesē o le taitaiga o le Atunuu ma faailoa atu o ala fou a le Agaga o
le Alii e taitaia ai le Atunuu. Na ia toe mafaufau iai latou na nonofo ma le filemū
e aunoa ma le faailoa o le faatinoga o loo atagia ai le faiga le tutusa.
E pei lava o lana tusitusiga: ‘O le matautia o le sauaina, e le o i latou o loo faia
le sauaga faapea le faailoga tagata, ma tagata leaga, ao o i latou o loo nonofo
filemū ma le tautala atu i le meamoni.’ O le faaaliga e pei ona vaaia e Matini
faapea Ioelu, o le faailoa atu lea o le faamoemoe o se amataga fou i le lumanai.
Tatalo: Le Alii alofa e, liligi maia o lou Agaga, ma faatumauina i matou i le loto
fou matou te faia ai le liliuina, ma le faamaloloina ma le faafouina o le lalolagi
ua moomia le fesoasoani. Amene.
Mafafauga Loloto: O lea se lagona e tupu mai ia te oe ao faataunuuina e nisi
tagata puapuaga ma vaaiga lē talafeagai i nisi o tagata? Pe ete nofonofo ea ma le
filemu po’o le tautala atu ina ia ave’ese ia faiga le tutusa i tagata?
49
Aso Tofi - Novema 24, 2016: Mother Teresa
Tusi Faitau: Luka 14:12-14.
Matua – Luka 14:13-14, Pe a e sauni i le faigaai, ina tala’i ia i e matitiva, i e
mumutu, i e pipili, ma e tauaso; e manuia ai oe.
I le ola po’o le oti, O le tinā o Mother Teresa ( 1910-1997) na oo atu lana
galuega alofa i le tele o tagata. O lana galuega na faia, na oo atu i le taele o le
mafuaaga o le olaga soifua mativa, faapea le faatoateleina o i latou ua soifua mai
ma sili atu nai le olaga faatulagaina( the root or system causes of poverty and
overpopulation). O lona olaga atoa, o le faailoa atu lea o le alofa i tagata uma e
ala i le olaina o le alofa o Iesu Keriso e pei ona valaauina ai o ai. Na ia avatu i
tagata le alofa o Iesu ma faailoa lea alofa i tagata matitiva e oo lava ina mafatia
ai o ia.
O lana galuega na faia i tagata Initia, ma oo atu i nofoaga o loo soifua ai tagata
matitiva ma le laufofoga fiafia ma le tumu i le agalelei. O lana galuega na faia
ma le olioli, o le alofa ma faatāuaina ai tagata ma pai atu le alofa i tagata uma, o
le tau o le faatuatua ma le faamaoni e faavae i le malosi o le alofa.
E pei o le faigaai na faia e Iesu, O Mother Teresa na ola ma iloa le uiga moni o
le avea ma tagata na filifilia ma valaauina o tagata i le faigaai, ma ola faatasi ma
i latou matitiva, o e pipili, ma e ua lē malolosi, o i latou ua tutuli ma tauaso,
faapea i latou ua avea ma tagata lepela – oi latou ua tu’uesea ma le nofoaga
lautele o tagata, poo o ni tagata ua le taualoa.
E faapea le Malo o le Atua ua valaauina ai i tatou, ‘o tagata o le ola,’ ina ia tatou
ola ai. O le olaga e tatau ona ola ai tagata uma ma faia mea uma ma le alofa.
Tatalo: Le Alii o lē na te faaauauina la matou savaliga ma le faamalolosi, seia e
faaofuina i matou e lou agaga matou te faailoa atu ai o lou tamaoaiga, ia
faamalosia o matou lima i le alofa ma opogi faatasi tagata e pei ona e faia ai o
mea uma i le alofa. Amene.
Mafaufauga Loloto: Ia taumafai e faia se talanoaga ma se isi tagata i luga o le
faasalalauga e tele ona le manatua, se tagata e le tautala mo se isi tagata, poo se
faapotopoto o tagata e le tusa ma oe.
50
Aso Faraile - Novema 25, 2016: Thomas Merton
Tusi Faitau: Mataio 6: 5 – 8
Matua – Mataio 6:7-8, A outou tatalo, aua ne’i tāutu i a outou upu, e pei o nuu
ese; auā fa te i latou, o le tele o a latou upu e talia ai i latou. O lenei, aua ne’i
outou faapea o i latou; auā ua silafia e lo outou Tamā mea ua outou matitiva ai,
a o lei ole atu outou ia te ia.
O Thomas Merton (1915 – 68) na iloa lona olaga i lana tusi ‘The Seven Storey
Mountain’ o ia ose tagata tusitala tausaafia, e uiga i le olaga faa-monaseri e tusa
ma le olaga o le aiā tatau a le tagata i le olaga faale-malo, faapea le faatinoga o
le finauga ma le filemu (non-violence) faapea le puipuia o le faia o mea faaniukilia (nuclear arms race).
O ana upu na faailoa i tagata uma ma mea ua tutupu mai e faapea,“Ua
faatumulia i tatou i le manatu o mea ua tatou maua, ma lē manatua ai le tagata
ma lona siosiomaga” O le tagata ma faataua le olaga mafuta atu i le olaga
faaleagaga. O le olaga faaleagaga e maua lea i le olaga filemu, o le mafuta atu
lea i le Atua ma le loto filemu. O le alofa o loo tatou fia maua, o le alofa mo
tagata uma e pei ona ofoina mai e le Alii.
O le tagata na saili atu i le upumoni, o le auala e mafuta ma iloa ai le Atua. Na
oo atu i a’oa’oga a Zen Buddhism na faailoa mai o le mafuaaga e pulea ai
manaoga faaletagata. O ana upu, “the tighter we squeeze, the less we have.”
O Thomas na maua e ia le tāua o le paleni o le olaga soifua faaleagaga ma le
olaga faa polokiki. E pei lava ona faailoa mai e Iesu, e taua le olaga faale agaga
e faia ai mea uma ma le faamaonii tagata uma e pei ona faia e Iesu. O le
faataitaiga ua valaauina ai i tatou i lou olaga faapea le olaga i le ekalesia, tatou te
galulue ai faatasi ma le alii o Thomas. Ua valaauina i tatou e Iesu ina ia fanau
fouina o tatou loto e le gata i lenei aso ao aso uma ina ia faaleleia le matagofie o
le lalolagi.
Tatalo: A o tatou tatalo, ia manatua le Alii ma ana galuega ua faia mo i tatou. O
a ni mea tatou te auauna atu ai ia te ia? Ia toia i matou e lou agaga matou te
auauna atu ai i tagata uma. Amene.
Mafaufauga Loloto: Ia manatua lou olaga faale agaga e faia ai mea uma e
atia’e ai le galuega a le Atua ma faia lona finagalo.
51
Aso Toonai - Novema 26, 2016: Mahatma Gandhi
Tusi Faitau: Mataio 26: 47-54.
Matua – Mataio 26:52, ina toe sulu ia o lau pelu i lona faamoega; auā o i latou
uma o e tago i le pelu, e oti i latou i le pelu.
O Gandhi (1869 -1949) o le tagata ua tele ona taua e le au failotu ia a latou
lauga. O le agaga na tupuina ai le lagona, ‘o le mea o i ai le alofa, o loo iai
faatasi ma le Atua’ (‘where love is, there is God also’). O loo taualuga lana
galuega i le finau atu ma le filemu i ana upu: ‘I do not want to foresee the
future. I am concerned with taking care of the present. God has given me no
control over the moment following.’
O le alii loia, o le tagata a’oa’oina, e pei ona iloa ai lona igoa o Mahatma, e tele
taimi ma tausaga na tete’e atu ai o ia i faiga faatulafono a le Malo i le faailoga
tagata i tagata Initia i Aferika i sauté, ao lei liliu mai ina ia faatuina le malo
tutoatasi o Initia, e ala i le faatuina o le movement aga’i i pulega faale malo, ma
toatele ai o tagata na au faatasi ma tetee atu i le non-violence i le malo (tete’e ma
le savali ma le filemu) ma faailoa le tele o tala a tagata.
Fai mai upu a Gandhi, ‘an ounce of practice is worth more than tons of
preaching’.
O Gandhi ma faailoa atu ia Peretania taunuuga uma, poo le a lava le mea e oo
mai. Na avea e le Malo ma faapagotaina, na faia ai lana tete’e i le lē fia’ai,
faapea le lē fia inu, taofia le toe faatauina o oloa e ala i le faailoa atu i tagata nuu
i le tautala ma le filemu (boycotting), o se vaaiga na tupu ai le fememeai o tagata
Peretania. I lea foi taimi, na faapea ona avea ma tagata moni e tautala i le lotu e
tatau ona avatu i ai le upu taua i tagata uma. Na tumau o ia i lona talitonuga ma
faapea ana upu, ‘truth stands, even if there be no public support’ as ‘it is selfsustained’. O le galuega e faigata: na tagatavaleina ai o ia e le tagata Hindu.
O Gandhi na faagae’etia o ia i le afioga a Iesu, ae maise le tala lelei ia Iesu ua
folafolaina, o le ala fou ua faailoa mai e le Alii – o le ata o le Atua ua faia lana
galuega ma le lē taui atu, ma faatupu le filemu. O lenei galuega o le tete’e atu
ma le filemu e faavae i le alofa i tagata uma, faapea le Atua alofa, o le galuega
alofa ma tuuina atu ai le tagata ina ia maliu mo tagata uma.
Tatalo: Le Alii e, o le faamasinotonu ma le filemu, ia avea o matou mafaufauga
faapea o matou loto ina ia tusa ma ou ala, le filemu ma le alofa i tagata
uma.Amene.
Mafaufauga Loloto: ‘It is better in prayer to have a heart without words than
words without a heart’ - Mahatma Gandhi.
52
Tusi a Paulo i Efeso.
1. O faamanuiaga uma faale-agaga.
[Saunia e: Bruce Jenneker. Tusi Paia--NRSV.]
O le faifeau o Canon Bruce Jenneker, o loo tausia le Ekalesia Anglican i Durbanville,
Cape Town, Aferika i Saute. E 26 tausaga o galue i le USA e tausia le Washington
National Cathedral, ma fesoasoanii le Trinity Church, Copley Square, Boston. Sa na
tausia foi le St. George’s Cathedral, Cape Town. E fiafia i le saunia o faasologa o
tapuaiga ma le taitaiga o sauniga lotu. Na avea ma taitaifono i le Komiti Tumau mo le
saunia o Faasologa o Tapuaiga ma Pese i le Episcopal Church i le USA, na avea foi ma
taitai o le Komiti o Faasologa o Tapuaiga i le Anglican Church, Aferika i Saute, ma
faia’oga aii lea lava mata’upu i a’oga faafaifeau.
Aso Sa (Etiveni) - Novema 27, 2016: “Le mautonu.”
Tusi Faitau: Efeso 1:1-10
Matua – Efeso 1:4a, 9a, (Alii) Faapei ona ia filifili mai ia i tatou ona o ia, a o
le’i faavaeina le lalolagi ... ina ua faailoa mai ia te i tatou le mea lilo sa i lona
finagalo...
Ua amata sauniuniga o le Kerisimasi: i le le-mautonu, naunauta’iga,
faamoemoega; a e maise le una’iga i mana’oga eseese o le loto. E ui lava o loo
maomao atu le Kerisimasi; e fa vaiaso o le Etiveni o loo muamua mai i luma. O
lea ua laasia le Etiveni. ‘Aua ne’i galo faamanuiaga faaleagaga. A ua lemautonu! O le foliga amata le na o lenei Tusi. O le lemautonu faatasi ma le
maofa o le loto e tusa ma le alofa-tunoa o le Atua, le-mautonu pe a vaavaai atu i
le alofa lea.
I le masaniga faa-Eleni, pe a mae’a upu aualofa, o fuaiupu e 11 e sosoo ane ai e
u’umi lava, fuaiupu e leai se manavaga. Ua le-mautonu. Pe aisea? ‘Aua ua faia
e le Alii mea ofoofogia: ua na foai maiia i tatou faamanuiaga eseese faale-agaga,
ua filifilia faapitoa i tatou i le paia ma le mamalu e le faatua’oia o le Atua, ua
avea i tatou e fai ma ana fanau, ona o le finagalo alofa o le Atua. O ia mea uma
ua foa’iina mai e ala ia Iesu Keriso, le Alo Pele o le Tama, ia faamanuina le
Atua le Tama.
Le-mautonu, ina ua ulufale atu i le Etiveni. Ua tupu lea mea ona o le alofa silisili
ese, ua faaalia e le Atua le misiterio (mystery) o lona finagalo, ina ia tosina atu
mea uma na faia, i le mafutaga faatasi ma lana Afio. O lea misiterio (finagalo
lilo) ua faailoa mai, o le liutino-tagata lea ua o’o mai, e auala mai i le fanau o le
Pepe Fou, tatou te faamanatuina pea. A e o se tulaga sa tatou Le-mautonu ai.
Tatalo: Ia ‘ave’esea le loto le-mautonu, a ia talitonu i le silisili ese o le finagalolilo o le Atua, o lona alofa tunoa ua filifilia faapitoa ai le tagata ina ia lavea’iina
mai le agasala.
53
Aso Gafua - Novema 28, 2016: “Faaolaola le viiga ma le faamanu.”
Tusi Faitau: Efeso 1:11-14.
Matua - Efeso 1:14, O le faamaoni o ia o lo tatou tofi, seia i’u ina faaolaina e le
Atua o i latou ua fai mona, ina ia viia ai lona mamalu.
O se tasi o faatama iloga i le amataga o le Ekalesia Kerisiano, na soifua i ona po
o le lua o seneturi, o St. Irenaeus lona igoa. Sa ia lauga ma folafola le finagalo o
le Atua, na ia a’oa’o atu: “o le mamalu o le Atua ua faaalia i le soifua ola o le
tagata”, ma “o le soifua ola o le tagata o le faaaliga a le Atua.” O ai ‘ea i tatou?
aisea na faia aii tatou? e faapefea ona faia i tatou e fai ma faaaliga o le mana o le
Atua? Na faia i tatou e le Atua: ia faapaiaina ma mamaluina; ia le ma
ta’uleagaina; ia alofagia e pei o le fanau moni a le Atua; lavea’iina,
faamagaloina, ma faatamaoaigaina i tatou i le alofa tunoa o le Atua.
Ua le gata ina faaali mai le Atua i lona lava finagalo, a ua tatou iloa ai lona alofa
fua mai. O ia mea uma, o lona tamaoaiga ua faaalia ia Iesu Keriso, o ia na ala
mai ai lona alofa tele ua tatou lelei ai. Ua sili atu nai mea ua tatou iloa, po o le
mafaufau i ai: foa’i ma avatu, talia ma faamanuia, ua tumu ma faamalieina, ua
tele ma ua taumasuasua. E faapefea ona faatulaga o tatou olaga ia viia ai le
Atua---o ai i tatou? O le alofa tunoa o le Atua, ua tatou maua ai le mea lilo sa le
iloa: Ua alofagia i tatou e le faatua’oia. O le alofa lava o le Atua, ua lavea’iina
ai i tatou ina ua faamagaloina ma faaolaina. O le alofa foi o le Atua, ua avea ai i
tatou ma ana lava fanau.
O Iesu Keriso ua faaalia ai le Atua alofa ua liutino-tagata, na soifua e pei o i
tatou ia iloa ai le finagalo o le Atua mo i tatou. ia tatou faatalitali. ia tatou
sauniuni mo lona toe afio mai. E pei o lona afio mai i Peteleema. E afio maii le
paia ma lona mamalu. E afio mai e nofotumau i o tatou loto ma pulea o tatou
olaga. ia e talia o Ia.
Tatalo: Tatalo i le agaga o le faagaeetia, ona o le Atua ma le liutino-tagata.
Faafetaii le Atua i lona le faasaoina lona lava Alo Pele e toatasi, ina ia faaolaina
le tagata agasala.
Mafaufauga Loloto: Tusia ni auala se tolu e iloa ai o loo e ola pea. Tolu foi ni
auala e iloa ai ua e le ola pea. Mafaufau pe faapefea ona faaatoatoaina lou olaga.
54
Aso Lua - Novema 29, 2016: “Ua oo mai le malamalama.”
Tusi Faitau: Ioane 3:16-21.
Matua –Ioane 3:19,O le faamasinoga foi lenei, ina ua oo mai le malamalama i le
lalolagi, a o tagata, e sili lo latou mana’o i le pouliulii lo latou mana’o i le
malamalama; aua e leaga a latou amio.
O le aumaia o le Tala Lelei ia Iesu Keriso, e fefiloi mai ai ma le tala leaga. O le
tala lelei o le tala i le manuia ua faaolaina aii tatou, o le faaolataga ua tatou olioli
ai ona o le tamaoaiga tele ua foaiina mai. O le tala leaga, o le tala i le
faamasinoga ua faailoa mai e le tala lelei, e faatatau lea i e ua tete’e i le
galuea’ina o le faaolataga ua ofoina mai. O le tala lelei, o le tala i le malamalama
ua oo mai---e pupula tele, e manino ma olaola ua faamatalaina mai. O le tala
leaga, o le tala i le pouliuli ua faailoa mai, ua ta’u mai ai le fiafia i le agasala, e
saili ala e faaseseina ai, e talitonuga i auala sese.
O i tatou o galuega mamana a le Atua, peitai, ua tatou ola e faapei o i tatou lava
e pule. O le finagalo o le Atua ia paia i tatou, ia faamamaluina, ua filifilia
faapitoa mo lona finagalo. Peitai, ua tatou le amanaia le finagalo lea o le Atua,
ua ave’esea ai le paia lea ma le mamalu na finagalo ai le Alii. Ua alofaina i tatou
o fanau moni i le Atua; peitai, ua tatou faagalo lona taua, po’o ua tatou ola foi e
peiseai e leai se Atua. Ua lavea’iina ma faamagaloina i tatou; peitai, ua tatou
tete’e ona o lo tatou vaivai, ma tosina pea i tu’inanau masani, a ua taofia ai lo
tatou faaolaina mai le Atua, lea ua mae’a ona saunia ma ofoina mai.
O le ola i le malamalama, o le olaga lea ua mulimuli i le soifuaga e faapei o Iesu
Keriso. O le fua lea ia tatou ola ai ma o le autu lava lea: ia iloa ai le Alii e faapei
ona finagalo ai o ia; ia usiusitai ai e faapei ona usiusitai ai o ia; ia auauna ma
tautua e faapei ona ia auauna ai; ia alofa i le Atua e faapei o le Atua o le alofa
lava ia. Ua susulu mai le malamalama i o tatou loto. Ua afio mai le Keriso e
soifua i o tatou loto. Tatala lou loto ia suluia i le malamalama, faaavanoa Keriso
e nofotupu i o tatou tagata ta’itoatasi.
Tatalo: Tatalo i le alofa tunoa o le Atua na te aumaia le malamalama, mulimuli
aii lea malamalama; aloalo ‘ese mai le pouliuli e faapogisaina ai ou ala uma.
Mafaufauga Loloto: O fea o lou olaga e oo mai ai le malamalama o Keriso? O
fea le paolo o loo e lafi ai? E faapefea ona tatala lou loto ia suluia i le
malamalama?
55
Aso Lulu - Novema 30, 2016: “Ua atoatoa ia Keriso.”
Tusi Faitau: Efeso 1:15-23.
Matua – Efeso 1:22-23, (Alii) Ua ia tuu foi mea uma lava i lalo o ona vae
(Keriso), ma tuu atu o ia e fai ma ulu o mea uma lava mo le ekalesia, o lona tino
lea, o le tumu o le na te faatumuina mea uma lava i mea uma.
Ua faaputuputu Malumalu uma i le fanua o Durbanville Hills, o le laueleele
lafulemu ma suluia i le susulu matagofie o le la, Aferika i Saute, a e maise e
faasusuina i timuga i taimi o le tau malulu. O lona tau (climate) ma le tulaga o le
fanua i le ‘au fai faatoaga, o tagata galulue, ‘au gaosi uaina ma le tala
faasolopito ua atoa le 300 tausaga, o se laueleele ua atoa i ai mea lelei
mana’omia, e tulaga muamua i le tele o tauvaga i le faatau atu o le uaina. E
ma’eu le tamaoaiga e maua maii le natura o le si’osi’omaga; o le taunuuga
matagofie lenei e pogai mai le natura na foafoaina ai le lalolagi.
O le avea e fai ma Kerisiano, e pogai maii le soifua tuufaatasi. E mana’omia le
galulue faatasii le potopotoga o e ua talitonu ma faatuatua, o le potopotoga ua i
ai le malamalama o Keriso, ua faamanuiaina ona o le suafa mamalu o le Atua
soifua. Ua avea lea ma auala e faatosina ai isi e mafuta atu i le malamalama o
Keriso, o le viiga lea ma le faamanu i le Atua e to’atasi. E mana’omia so tatou
tulaga i totonu o ‘aulotu, e femulumulua’i ai faatasi ma auauna i le “Tino o
Keriso” (ekalesia), ua aofia ai uso ma tuafafine i la Keriso. E faamuamua le
Kerisiano faamaoni.
O le Ekalesia Kerisiano, o le “tino ua pupula”, ona o le malamalama o Keriso, o
loo tatou galulue faatasi ai i aso faipea; e tupu le agaga o le alofa, a o le alofa e
pogai maii le Atua na valaauina i tatou. O talosaga, o su’esu’ega ma fesoasoani
atu, o sailiiliga ia faaolaina, taumafaiia taunuu i le i’uga mana’omia, finafinau ia
ola ta’uaogaina e tusa ma le faamoemoe na valaauina ai ia fai ma soo o le Alii.
O le Ekalesia Kerisiano, e fausia i tagata taitoatasi o e ua tali atu i le finagalo o
le Atua o loo valaau mai pea.
E taitoatasii tatou, a ua potopoto faatasi, o Keriso e fesoasoani mai; e
faamalamalama mai ma faalototeteleina maiia i tatou. E faatasi mai le Agaga o
le Atua i o tatou loto taitoatasi a o tatou mafuta atu ma ‘auai i tapuaiga faitele. O
a tatou olega i o tatou loto fuatiaifo, ma lo tatou ‘auai faatasi i talotaloga pe a
tatou potopoto, o le faailoga lea o le alofa tunoa o le Atua; ma o le faatinoga lava
lea, “Ua atoatoa ia Keriso”, o mea uma ua tatou manuia ai.
Tatalo: Ia saunia i tatou e fai ma totino moni o Keriso e ala i le Ekalesia
Kerisiano i le lalolagi. ia faii tatou ma so’o o le Alii, e sauniuni faimalaga e
feiloai ma le Atua Tolu-Tasi i le ola faavavau.
Mafaufauga Loloto: O le a le sootaga o ai olega na o oe, ma le potopotoga o e
talitonu ma faatuatua i le Keriso? E faapefea ona valaauina oe ia tupu ma ola i
le faatuatua moni?
56
Aso Tofi - Tesema 1, 2016: “A o le Atua – o le faaolataga sili.”
Tusi Faitau: Efeso 2:1-10
Matua - Efeso 2:4-5,A o le Atua, ua i ai le faulai o le alofa, ona o lona lava
alofa tele na ia alofa mai aiia i tatou, a o oti lava i tatou i amio leaga, ua na
faaola maiia i tatou faatasi ma Keriso; (o le alofa tunoa ua faaolaina ai outou).
Ua afio mai le Aliii ana foafoaga ia toe faavasega. Ua afio mai le Agaga o le
Atua i o tatou loto ia suia ma faatonu i le amio. Ua afio mai le Aliii le lalolagii le
taimi ma le aai, e sailiia maua le tagata, faamagalo ma lavea’iina, i le alofa ma
faasaoina. Ua afio mai le Alii, ua fesoasoani mai, ma fusia i tatou uma. Ua suia
e le Alii, faatonu, toe faasino, ma faafouina. ia tatou mataala. ia tatou sauniuni.
ia tatou iloa ma ia malamalama. E faa-limasefulu (50) i le Tusi Paia, ona aumaia
lenei valaau manino ma le iloga: Peitai, o le Atua! A o i tatou o tagata agasala,
o le Atua ua faaali mai: o le Atua o le alofa lava ia.
E i ai le alofa i e ua pa’u’u ma to’ilalo, a e alofa pea le Atua i le tagata. E toatele
e malolosi e toatele foi e a’oa’oina, a e ua filifilia e le Atua e ua valelea, maulalo
ma faatauvaa i manatu o tagata. E faaosoosoina i tatou i soo se itu o le olaga, a o
le Atua e agalelei ma fesoasoani mai pea. Ua tatou ola i avanoa e tele o
faafiafiaga o le olaga nei, peitai, ona o le alofa tunoa o le Atua ua tatou faatasi ai
ma Keriso. E osofa’ia pea i tatou i faaosoosoga a satani, peitai, e tumau le alofa
o le Atua e lavea’iina aii tatou uma.
E tumau le faamaoni o le Atua e pei ona faia ai le tagata---ia viia le Atua. E
tumau le Atua i le faasologa o ana fuafuaga mamana---ia saga viia ai le Atua. A
tatou mulimulii le faasologa ua saunia, e le tuulafoa’iina le tagata agasala, e afio
mai le Aliiia faaolaina. Peitai, pe a fai tatou te le manatua le agalelei o le Atua:
Talofa! ua lafoa’iina i tatou ma olopalaina i le to’ilalo. O le Atua e aapa mai ona
aao mafola, na faaolaina o tatou agaga ua pa’u’u atu i le leaga o le agasala. E i
ai pea le Agaga o le Atua i o tatou olaga.
Tatalo: ia mataala e talia le agalelei mai o le Atua, o loo aapa mai ona aao alofa
e lavea’ii tatou mai le leaga o le agasala.
MafaufaugaLoloto: Po ua e lagona ‘ea, “A o le Atua!” O le a sau mea e fai e
tusa ma le agalelei mai o le Atua? E faapefea ona aoaoina ‘oe ia mataala?
57
Aso Faraile - Tesema 2, 2016:
“O lona malamalama ua pupula mai, ua susulu atu.”
Tusi Faitau: Salamo 85:8-13.
Matua - Salamo 85:9, (O le Aliiia) E moni, ua latalata lana olataga i e ua
matata’u ia te ia; ina ia tumau ai le mamalu i lo tatou nuu.
O le Tusi Paia i le gagana Eperu, o loo ta’ua so’o ai le upu, “mata’u i le Atua”, o
lona uiga o se mea e tele sona uiga. Ua le o se mata’u e faatatau i se faalavelave
mata’utia e tupu mai, po’o ona o le fefe i se mea ua vaaii ai, po’o se tagata foi e
fefe ai ona e afaina ai; o le mata’u e sili atu naii lo tulaga ia ua ta’ua. O le
mata’u e i ai lona uiga loloto, e faapei ona faatatau i ai le molimau a le tusi-tala
o le Eperu (10:31), “O le mea e mata’u tele ai ona maua e aao o le Atua soifua.”
O le Atua e i ai le mamalu atoatoa, le lelei atoatoa, le tonu ma le amiotonu atoa;
pe a e nofo i totonu o lea ‘atoatoa o mea uma’, ona iloa ai lea o lo tatou
faatauvaa ma le le amanaia. E lili’a ai le tino.
O le faaolataga mai le Atua, e i aii e ua iloa lo latou faatauvaa i luma o le
silafaga a le Atua amiotonu; ua iloa lo latou agasala i luma o le Atua mamalu, ua
malamalama foii lo latou mana’omia tele o le faaolataga mai le Atua. E
faamagalo le Atua i e ua salamo nai le leaga, ma ua latou lagona lo latou mamao
‘ese mai le faamoemoe na faia ai le tagata i le faatusa o le Atua. E le finagalo le
Atua i e sosola ‘ese mai lona finagalo, i latou ua iloa vaivaiga o le olaga nei ma
taumafai e ufiufi le matagofie o le Atua.
Ua faia e le Atua lenei mea, aua o le Atua e finagalo ia paia ma mamalu---ia
atoatoa ai le soifuaga o le tagata---i luga o lona tofi (laueleele) ua foa’i mai. Ua
le na o le tagata e toatasi ma lona olaga, ua le na o e foi ua filifilia faapitoa; a e
mo i latou uma ua silafia le Atua ma lona finagalo, o loo soifua pea, o loo
pupula ma faailoa le paia o le Atua ua pogai ai le ola pea; o le Atua ua na tausia
ma taitaiina mea uma lava.
Tatalo: Tatalo ina ia suluia o tatou olaga i le paia ma le mamalu o le Atua---ia i
tatou taitoatasi, au aiga, nuu ma atunuu, e oo lava i le ekalesia. ia faaalia lea
paia ma le mamalu i le lalolagi atoa.
MafaufaugaLoloto: E faapefea ona faaalia ia te oe le paia ma le mamalu o le
Atua? E faapefea ona e fesoasoani e faailoa le paia ma le mamalu o le Atua i
mea uma ma le lalolagi ua e iloa?
58
Aso Toonai - Tesema 3, 2016: “O le li’o e faaauau pea.”
Tusi Faitau: Efeso 2:11-22
Matua - Efeso 2:19-20, O lenei, e le toe tagata ese outou, po o e ua aumau, a ua
nuu faatasi ma le ‘au paia, o le aiga foi o le Atua; o loo ua atiina’e i luga o le
faavae o le ‘au aposetolo, atoa ma le ‘au perofeta, o le ma’a tulimanu o Keriso
Iesu lava lea.
E i ai tua’oi, e i ai e ta’imua, e i ai foi ma pa e punitia ai. E i ai pa puipui, o pa
faataamilo, e i ai foi le mea e faagata mai ai. O mea ia e mafai ona tatou faia,
ma tausisii ai; o taimi uma tatou te mafaufau po o ai e mafai ona ulufale, a o ai
foi e te’ena. Ua tuu i o tatou mafaufau agavaa tatau e ao ina tatou faaaogaina, ma
e teu pea i o tatou loto. Afai e le saunia lelei se faitotoa, ma leai lava se avanoa e
ulufale ai, ona tatou mafaufau lea e i ai le faafitauli e ono tupu mai, ona o e
sopotua’oi faamalosi, e uuna’iina i tatou e uiina le manana’o ai, e oo ina faoa
faagaoi a tatou mea-totino, e ono suia a tatou fuafuaga, ma tatala mea sa tatou
faasaina.
E tutupu nei uiga. E manatua i o tatou loto le masaniga i taimi pisi, e faaulufale
maii totonu nisi a e tatala atu i fafo nisi. O niisi taimi ua oo ina avatu i tatou e fai
ma leoleo faitotoa, pe taofii le ki o le faitotoa se’i vagana o se mafua’aga e tuu
atu aii le leoleo ma o tatou manatu faapito. Peitai, o le alofa o le Atua e sili atu i
mea ua manatu i ai le tagata. O le alofa o le Atua, e le faapitoa i ana galuega
mamana na faia---e le tuu’eseina se tasi, e le faagaloina lava, e le tu’una lava se
ia se aso.
Ua faailoa le alofa o le Atua e ala ia Iesu Keriso na uia ala o faigata ma
puapuaga, ina ia tuu’esea ai ma soloia pa puipui sa faasaina ai i tatou. (Iesu) O
ia o lo tatou filemu, ua na aveesea sauaga ma faigata ona o i tatou lava. E faapea
upu o le molimau a Edwin Markham (1852-1940): Ua latou fausia le li’o e
punitia ai lona ulufale---o le faatupuvevesi, o le faasagatau mai, o faatiga e tete’e
atu ai. Peitai, o le Alofa ma a’u e i ai le ala e manumalo ai: Ua fausia le li’o e
‘aumaia ai i totonu. (From The Shoes of Happiness and Other Poems, 1913) Ua
atoatoa le olaga o le tagata, i le faaaliga a le Atua ma lana foafoaga. Ua fesiligia
le mamalu o le Atua ona o i tatou, e faapei ona mafatia le Alii ona o le faatinoga
o le togiola, ua filifilia ai le tina ma le pepe fou ua fanau mai.
Tatalo: Ia pa’i mai aao alofa o le Atua i lou loto, ma tagata uma, ina ia atagia ai
lo tatou nonofo fealofani, a e maise o le mafutaga faatasi ma le Atua le Tama.
MafaufaugaLoloto: O le fea auala e te faalauteleina ai le iloa o le Atua? O aii
latou o loo faigata ona tosina mai?
59
O le Tusi ia Efeso.
2. E tapu’e ma faavae i le alofa.
[Saunia e: Mark Woods, Tusi Paia NiV]
O Mark Woods o le faifeau i le Ekalesia Papatiso, o ia foi o se tusi-tala. Sa galue o le
Faatonu i le nusipepa, The Baptist Times, toe galue faufautua i le, Methodist Recorder;
ua galue fesoasoanii le tusia o tala mo le, Christian Today, UK. O se taitai taulamua i le,
Leckhampton Baptist, Cheltenham, i se aulotu e itiiti a e olaola. E naunau e faatupu ni
fuafuaga lelei e auauna ma fiafia ai, e uiina le matua atoatoa. O le fiafia moni, i lona
manatu, e i ai taimi e lelei ma manuia ai.
Aso Sa - Tesema 4, 2016: “Moemiti o le lumana’i i le Atua.”
Tusi Faitau: Isaia 2:2-5.
Matua: Isaia 2:3b ... O mai ia, tatou o a’e ia i le mauga o le Alii, o le fale o le
Atua o Iakopo; e a’oa’o mai foi o ia ia te i tatou i ona ala, ona tatou savavali ai
lea i ona ala ...
Ua tatou molimauina le lalolagi fesouaina i nei ona po, ua le o sologa lelei mea
uma. Ua feagai Sasa’e Tutotonu ma faigata, o le olaola o uiga mata’utia o
talitonuga faa-isalema, ua faateteleina foi fefinauaiga e faatatau i le pulea o le
‘oa faale-natura e maua i le eleele: O nei tulaga uma ua aliali mai i le lalolagi o
nei-onapo, e atagia ai le ola pea o le tagata malosi, a e faaumatia le tagata vaivai.
Ua tutupu fe’ese’eseaiga i faatauga o oloa ma fesuia’iga o le tamaoaiga o le
lalolagi, a e faamuamua lava e le atunuu lava ia lana faigamalo ma le manatu
faapito aua so latou lava lelei.
A taga’i ane i atunuu laiti ma vaivai le tamaoaiga, o fuafuaga e fesoasoani ai mo
e matitiva ma le le tagolima, a e maise o avanoa e togafitia ai ma’i ma gasegase,
e foliga ua aga’i ina faigata ona maua fesoasoani mana’omia. E le faaitiitia a e
faateteleina. i lenei vaitaimi i atunuu e pei o le UK, ma isi foi atunuu, ua le o toe
faigofie ona tausia tagata matutua, tagata matitiva, po’o tagata mama’i foi.
O upu nei a le perofeta o Isaia, e masani ona faitauina i taimi o le Etiveni. O loo
tagataga’i i le lumanai o aso filemu ma le to’amalie, ua faailogaina i le upu
Eperu, “shalom” (filemu!). O ona mafua’aga e faamatala e se ua iloa le upu
moni ma le mea tonu, a e le o se tasi e sailia sona lava lelei. O e malolosi latou te
le faafinau ma e vaivai. E galulue faatasi tagata uma mo le saogalemu ma le
tamaoaiga atoatoa. O le miti a Isaia o le faalepo mo le Etiveni, ina ua vaaia le
folafolaga mai le Atua ua aga atu i lona faataunuuina. O le Mesia o le a afio
mai.
Tatalo: Le Alii o loo soifua pea, fesoasoani mai ia matou talitonu i au
folafolaga e auala mai i le faalepo; o le miti o le manuia i le lumanai ma le nofo
filemu o le lalolagi uma. Amene.
60
Aso Gafua - Tesema 5, 2016: “Faamanuiaga i le lalolagi uma.”
Tusi Faitau: Efeso 3:1-6.
Matua – Efeso 3:4,6,Pe a faitaulia e mafai ai outou ona iloa ai lo’u loto matala i
le mea lilo e uiga ia Keriso. ... ia avea nuu ese ma suli faatasi ma tino e tasi, ma
ia tofusia faatasi i lana sa folafola mai ona o Keriso Iesu i le tala lelei.
Ua ta’ua i ulua’i fuaiupu e lima o lenei tusi faitau, se mataupu taua e tatau ona
faailoa mai, e pei ona faamanino e Paulo i le fuaiupu e 6. Ua tautala Paulo i se
“tulaga lilo” (misiterio) e uiga ia Keriso, o se faatinoga sa le iloa a o lea ua faaali
mai i le ‘au aposetolo ma perofeta (o ia o se tasi o i latou). O lea tulaga-lilo, o le
malo lea sa tapunia a ua tatala ma avanoa mo tagata uma. E oo i tagata o nuu ese
ua mafai ona avea ma aiga o le Atua, e aofia ai faamanuiaga ma tiute e tatau ona
faatino. E le se’iloga ua fai ma Iutaia moni, e auala mai ai faamanuiaga ma
faatinoga e faapei o le peritomeina ma isi sauniga faatulagaina. A e na o lenei, e
mana’omia le avea ma ‘tino e tasi.’ E mana’omia i le taimi nei lava le avea ma
‘tino e tasi’ e pei ona tatau ai.
A taga’i i tausaga ua mavae i lona fa o senetusi, o taimi o St. John Crysostom, sa
fai ma uiga masani o le Lotu Kerisiano le ita i tagata Iutaia (anti-Semitism). E
oo lava i se tasi o ulua’i faatama o le Ekalesia Toefuataiina, o Martin Luther, sa
na tusia e faapea: ia faatama’ia malumalu ma tusi-tatalo, ia tuli’esea foi tagata
Iutaia mai atunuu Kerisiano. E tele lava tulaga e tatau ona faato’ese ai le lotu
(church). O le fe’au ua aumaia e Paulo, ua manino lava, e tatau ona lepetia
papupuni o loo faalavelave mai. E le gata o papupuni i le va o tagata Iutaia ma
Nuu Ese, a e ia faapea foi i le va o le tasi tagata i le isi.
Ua tusi atu Paulo i Kalatia 3:28, ‘O le suafa o Keriso, e le faailogaina po o se
Iutaia po o se Eleni, po o se pologa po o le sa’oloto, po o se tane po o se fafine:
o tagata uma lava ua tasi ia Keriso.’ E mafai foi ona faaopoopo, e faapea: tagata
nuu moni po o se nuu ese, mau’oa po o le mativa, fafatama po o se tama, tagata
uli po o se papalagi, talavou foi po o se tagata matua. O lo tatou va faafeagai o le
tasi i le isi, e ao ina faavae i le alofa, ia talitonu ma faaaloalo.
Tatalo: Le Atua e, ia fesoasoani mai ia mafai ona lepetia papupuni o le nofo
feitagai, ma le le nofo fealofani; ia ou maua le malosi e ave’esea ai mea faigata
uma. ia tatala atu le loto fesoasoani ma ia talia o soo se tasi.
MafaufaugaLoloto: Ua tautala Paulo i le nonofo faatasi, o se mea-alofa lilo lea
mai le Atua. Aisea ua tatou taumafai ai e fia maua, pe a fai ua mae’a ona foa’i
mai mo i tatou?
61
Aso Lua - Tesema 6, 2016: “O le avanoa mo tagata uma.”
Tusi Faitau: Isaia 56:1-8.
Matua – Isaia 56:7b-8,...Aua e taua lo’u fale o le fale tatalo mo nuu uma. Ua
fetalai mai le Alii le Atua, o le na te faapotopotoina e ua tulia o Isaraelu, Ou te
toe faapotopotoina mai nisi ia te ia, e faaopoopo i e ua uma ona faapotopotoina
ia te ia.
Ua a’oa’o mai Paulo ia Efeso e uiga i le nonofo faatasi, e faatatau lea i tagata
uma; a e o Isaia e peiseai ua faatatau i tagata ta’ito’atasi. Ua faatatau i le tagata o
nuu ese ma lana sailiga i le Alii le Atua, ia tausia tulafono ma fai le amiotonu. E
leai se faapea ane, ua le o aofia ai outou. Ua ta’ua le eunuka: E le tatau ona
muimui ona ua leai nisi e faaauau le gafa ma tagata o le Alii---o se popolega tele
i taimi na fesiligia ai le talitonuga i le ola i talatu o le oti, po’o le leai foi---peitai,
ua faailoa mai e le Atua: “Ou te avatu ia te i latou lava i lo’u fale ma totonu o
o’u pa, o le faailoga ma le igoa e sili ona lelei i atalii ma afafine.” (f.5).
Ua faamalosia i lenei molimau le uiga o le tofia ma le filifilia faapitoa o e tatau
ona aofia ai. Ua ta’ua i le Teuteronome 23 le lisi o e ua faasaina e ulufale i le
‘faapotopotoga a le Alii le Atua’, e aofia ai eunuka. O le Levitiko 21, ua aofia ai
le lisi o e faasaina mo le tofiga o le ositaulaga. Peitai, o le faaaliga i le perofeta o
Isaia: O i latou uma sa faasaina i auala eseese ma uiga eseese o le soifuaga faaletagata, ua latou maua le avanoa pe a fai ua faafouina e tusa ma le tulaga ua i ai
nei.
Ua tele faataitaiga ua faia e tagata Kerisiano, o e ua taumafai e mulimuli e fai le
amiotonu. Na soifua ma ola se tasi o Patele lauiloa, ua avea nei ma tagata-paia
(Saint), o Father Daniem, i le aai faapitoa e nonofo ai e ua maua i le gasegase
mata’utia i tausaga ua mavae, o le lepela i Molokai, Hawaii. Na galue
faamisionare e fesoasoanii e ua maua i le ma’i, na aafia ai o ia ma maliu aii le
lepela ina ua 49 ona tausaga. E faapea foi se faamatalga tusia e uiga ia Jean
Vanier (1928---) mai Kanata, o se Kerisiano ua lauiloa i le lalolagii lona alofa i
tagata ua aafia i faigata ma puapuaga o le olaga (disability). A e o le faata’ita’iga
pito sili ona iloga, o le faaaliga e ala ia Iesu Keriso, ua liutino-tagata le Alo Pele
o le Atua---o ona puapuaga, na oo ina maliu ma tanumia i le tuugamau foa i le
papa, na toe soifua mai, ua avanoa ai le tagata agasala e sao atu i le manuia e
faavavau i le togiola ua saunia.
Tatalo: Le Alii e, ia silasila alofa mai ma ia ave’esea i o matou loto le manatu
faatauvaa i nisi o matou uso-a-tagata, a ia tutusa tagata uma i la matou vaai e
tusa ma lou finagalo. ia matou maua le alofa, a e maise i e ua mana’omia le
fesoasoani.
MafaufaugaLoloto: Se’i vaavaai pe i ai nisi o loo feagai ma faigata i lau
aulotu? Pe mafai ona e fesoasoani i ai?
62
Aso Lulu - Tesema 7, 2016: “O le molimau taua mo le aulotu to’a itiiti.”
Tusi Faitau: Efeso 3:7-13.
Matua – Efeso 3:10-11,Ina ia iloa nei e alii sili ma le ‘au faipule i mea o i le
lagi, i le ekalesia, le poto uiga eseese o le Atua. Ua tusa lea ma lona finagalo
talu anamua lava, na ia faia ia Keriso Iesu lo tatou Alii.
Ua i ai le tusi ua faaigoa o le, “The Screwtage Letters”, ua i totonu o lea tusi o
tusi-alofa, e foliga o ni fautuaga ua ‘auina atu i le tiapolo-matua i se tiapolotalavou, o loo tusia ai upu nei, “O le tasi o a tatou pa’aga o aso nei, o le Lotu lea.
Aua e te masalosalo i la’u upu. Ou te le o fai atu o le Lotu, e pei ona tatou iloa e
tala’i ma fau falesa e ’autu i le ola atali, e mata’utia ma mamafa ana ‘autau.” Ua
na faamatala o le lotu e tumu i uiga masani, e i ai tagata faafiufiu, i latou e
faigata ona a’oa’o i uiga moni faale-agaga.
O le Efeso 3, ua faamatala ai e Paulo le tele o uiga eseese e aofia i le lotu. Ua
aofia i le Lotu le “poto uiga eseese o le Atua”, e ao ina faailoa, “ina ia ou
folafola atu i nuu ese le oloa faulai o Keriso e le masusueina lava;” (f.8b). Ua
aumaia faatasi e ia faatinoga eseese, i latou e faafiufiu ma a latou molimau
eseese, i latou e vaivai ma leai se poto o i ai, faapea ma e agasala: “Ua tusa lea
ma lona finagalo talu anamua lava, na ia faia ia Keriso Iesu lo tatou Alii.” (f.11).
O le eseesega i le lotu (church) e pei ona vaaia i lea Aso Sa ma lea Aso Sa, o le
tulaga moni o le Lotu i lona faavae mai, e sili ona to’atele e aofia ai nai lo le
“Screwtage”. E tatau ona tatou taga’i toto’a i le itiiti o lo tatou iloa o le Lotu. A e
ui a i lea, ua a’oa’o mai Paulo: (Iesu) “O ia ua tatou maua ai le faamalosi, ma le
ala e sao atu ai ma le loto tele, i le faatuatua ia te ia.” (f.12). O le ‘aumaia i
totonu o le aiga o le Atua, ua foa’iina mai ai mo i tatou, Kerisiano, le mea-alofa
sili. A ua i ai le tiute e ao ina faataunuu, ia tusa ma lo tatou taumafai i le tulaga e
tatau ona i ai. Manatua, o le Atua o le alofa lava ia, na te faamagaloina a tatou
agasala.
Tatalo: Le Atua alofa e, faafetai i le mea-alofa ua foai mai mo i matou.
Faafetaii lo matou ‘auai faatasi i lou aiga paia. Tatalo ia tatou maua le agaga o
le talitonu ma faatuatua i mea-alofa ua foa’i mai mo i tatou ua tatou manuia ai.
MafaufaugaLoloto: Pe o e iloa nisi i lau aulotu e ola faafiufiu? Po’o fai ea i
latou ma faalavelave i tiute tau’ave o le ekalesia?
63
Aso Tofi - Tesema 8, 2016: “Taga’i a’e i le lagi.”
Tusi Faitau: Efeso 3:14-21.
Matua – Efeso 3:20-21, O lenei, ia ia te ia o le na te mafaia ona faia o mea uma
e faasilisili lava i mea tatou te ole atu ai ma mafaufau i ai, e tusa ma le mana o
loo matua galue i totonu ia te i tatou, ia ia te ia le viiga i le ekalesia ma Keriso
Iesu, i augatupulaga uma, e faavavau faavavau lava. Amene.
Ua faaalia nei fuaiupu le lagona o’otia loloto o Paulo, ua faaalia ai ona
mo’omo’oga faale-agaga. Ua amata i upu faamalosi i le mafutaga faale-aiga o le
Atua le Tama, ua faato’ateleina i le lalolagi ma fesoota’i a’e i le lagi; e aofia
faatasi ai i latou ua maliliu i o latou tino faale-lagi e itiiti so tatou iloa i ai. O i
tatou ua na o se vaega i lenei mafutaga tele, o e ua fusia faatasi i le malosi o le
alofa ma le mana o Keriso. Ua liligi mai e le Alii le malosi e ala i lona Agaga; o
Keriso lea ua afio i o tatou loto.
Peiseai, e foliga ua itiiti upu o le gagana e avatu ai lagona o Paulo, a e na o lenei:
O le avea ma tagata fou i le aiga o le Alii, o le ekalesia lea, o le siitia a’e lea mai
le olaga masani sa i ai muamua. Ua tatou ola i le lalolagi, peitai, ua suia le
faasologa o mea taua. Ua le o tatalo Paulo e uiga i le malosi faale-tino o Efeso,
po o le saogalemu, po’o mea’ai. Ua iloa lava e Paulo le taua o na mea. A e ua
tatalo Paulo ia latou iloa le faateleina o le alofa o Keriso, ma “ia iloa foi le alofa
o Keriso ua silisili ese e le ma iloa, ia faatutumuina outou i le tumu uma lava o
le Atua.” (f.19).
Na tusia e J. B. Phillips le tusi i le tausaga e 1952, ua faaigoaina, “E itiiti lou
Atua.” E tele taimi e faatuta’ia ai lo tatou ola taumafai ona o nai mea iti, e faapei
o le falesa, faamama o le otaota, po o le fe’ese’esea’i ma isi foi tagata-lolotu; e
oo lava foi ia Paulo le aposetolo. Peitai, ua naunau Paulo e faafesaga’i ma mea
tetele: Aua ua faaalia e le Atua lona alofa ia Keriso Iesu, ma faavae le Ekalesia e
iloa ai.
Tatalo: Le Alii alofa e, faamagalo i matou pe a fai ua punitia lo matou ola
faatuatua i mea faatauvaa o le olaga. Faapupula o matou mata i le lautele ma le
umi o lou alofa e ala ia Keriso Iesu, ma ia matou iloa e sili atu lou alofa nai le
poto i o matou tagata.
Mafaufauga Loloto: O le a se tulaga e oo i ai lo’u olaga, po o le aulotu foi, pe a
oo ina ou malamalama leleii le alofa o Keriso?
64
Aso Faraile - Tesema 9, 2016: “A’oa’o ina ia tasi i le Keriso.”
Tusi Faitau: Efeso 4:1-6.
Matua – Efeso 4:4-6,E tasi le tino, e tasi foi le Agaga, faapei ona valaauina o
outou i le faamoemoe e tasi ua valaauina ai outou; e tasi le Alii, e tasi le
faatuatuaga, e tasi le papatisoga; e tasi le Atua, o le Tama foi lea o tagata uma
lava, o le ua i luga o mea uma lava, o le ua i ai i mea uma lava, o loo i totonu
foi o mea uma lava.
O le tusi i le ekalesia i Efeso, o loo talanoa mai ai Paulo e faatatau i le mafutaga
fou ua faavae ia Keriso. O loo talanoa i le va faafeagai o Iutaia ma tagata o
nuu’ese. E aofia ai tagata mau’oa ma e matitiva, o e ua ‘au faatasi ma e ua le
‘auai ai. O e ua ‘auai i lea mafutaga e fesootaii se tulaga lilo e auala atu i le
Keriso. O se tulaga matagofie, a e faia i le faatuatua. i le amataga o le mataupu
4, ma faasolo atu ai, ua faamatala e Paulo ia Efeso le taua o le ‘auai i lenei
mafutaga taua ua faitauina ai lo latou valaauina. Ia faamuamua ona manatu i isi
na i lo i latou lava, i le agamalu, laumata fiafia, onosai ma le alofa. O le ala e
faatasia ai, ia atagia ai le mafutaga faatasi ma le Alii, ma auala uma na ia saunia
e faatasia ai e sa vao eseese (ff.4-6).
O se tulaga e fiafia ai pe a vaavaai atu i le soifua manuia i le ekalesia. E leai se
tasi e fia alu ’ese pe faatu’i’ese. O le a tupu le fiafia i le ola mafuta ma le
malamalama. Ua tatou iloa lava e le faapena le olaga masani. O nisi taimi pe a
tatou mafaufau mamafa i se mea, o taimi faapea e lagona ai se avega mamafa ma
oo ina faia uiga sa le mafaufau i ai. A o nisi foi taimi, ua tatou lagona le faigata
ua le mafai ona faalelei ma faafilemu.
Peitai, o apoapoaiga a Paulo e loloto ua fai ma lu’itau. Ua fai lenei ma pogai
tatou te manatunatu ai i taimi tatou te fulitua ai i ni mafua’aga laiti, po ona ua
faasili le manatu i ou lava lagona nai lo le faatinoga o le alofa. ‘Au Faatasi---i le
aiga, i le ekalesia, i le va faafeagai o Aulotu---o faatinoga moni ia faa-Kerisiano
aua e tupu ai lo tatou lagona loloto i mea sili na saunia e le Alii mo i tatou.
Tatalo: Ia fesoasoani mai le Atua ia tatou maua le alofa moni, agamalu,
lotomaulalo, onosai ma faapalepale. O le togiola na saunia e Keriso na faia ina ia
tasi i tatou uma i lona alofa.
MafaufaugaLoloto: Po o i ai se mea ua le mafaia ona faamagalo atu e le
Aulotu? Pe i ai se taimi e feeseese a’i ai manatu o tagata-lolotu, e pogai ai ona
ta’ape’ape?
65
Aso Toonai - Tesema 10, 2016: “E faapefea ona ola i se lalolagi ‘ese.”
Tusi Fatau: Roma 12:1-8.
Matua – Roma 12:3, .Aua o le alofa tunoa ua tuuina mai ai ia te a’u, ou te fai
atu ai ia te outou uma, aua le faasili le manatu o se tasi i le mea ua tatau ona
manatu ai, a ia mama le manatu, ia tusa ma le tofiga o le faatuatua ua taitasi
ma tofu ai mai le Atua.
O le tusi lenei a Paulo ia Roma, ua suia ai ana apoapoa’iga i upu faale-faatuatua
i le olaga faatino. Ua faasolosolo ana mataupu mai le tasi i le isi. ‘Don’t let the
world around you squeeze you into its mould,’ [Aua nei ‘omia ‘oe i le taaviliga
o le lalolagi ma ona tu’inanau.] O le faaliliuga lea a J.B.Phillips, Roma 12:2, i le
faaliliuga fou o le Tusi Paia, Feagaiga Fou. Peitai, ua a’oa’o mai Paulo i se tasi
faatinoga fou o le olaga. ia le o le finafinau po’o ai e sili, taualoaina po o le
mau’oa; a e ia manatunatu i le mafutaga faale-Atua, ia iloa ona fuafua le tapulaa
e gata ai, ma ia fiafia e faatino tiute ua valaauina ai.
O le ola ta’uaogaina o le tagata e maua, e le ona ua sili i isi tagata, po ona ua
mau’oa po’o le malosi. A e mai le Atua, ma o mea-alofa eseese ua faatofusia ai
tagata-lolotu taitoatasi, o le faatinoga matagofie lea e iloa o le mafutaga e faaleAtua. O auauna, o faiaoga, o e faamalosi loto ma i latou ua fai ma taitai i vaega
eseese, e galulue fesoota’i i le loto e tasi e manuia ai. O uiga ia e ese mai auala
faale-lalolagi, e le fuaina i le ‘oa, le malosi, po o le mamalu foi po o le lauiloa. E
tusa ma o tatou foi tupulaga, e foliga o ni uiga tulaga ‘ese ia e faitauina ai le
olaga tausaafia.
Ua le o faamalieina lava i tatou: o le TV ma le internet e vaavaai ai i le olaga o
loo ola ai isi, a e le mafai ona oo i ai lo tatou malosi, vaavaai i nofoaga e le
mafai ona tatou oo atu i ai, ma vaavaai i mea’ai matagofie e le mafai ona tatou
‘a’ai ai. O faaosoosoga e tupu ai le lotovale ma le mana’ofua i mea e le gafatia i
lo tatou malosi. Peitai, ua apoapoa’i mai Paulo ina ia faaeteete, ina ne’i tupu se
fe’ese’eseaiga i totonu o le aulotu. O nei mafutaga to’a itiiti o loo taumafai ia
iloa ona ola e faapei o tagata o le Alii. E faapea foi ona tatou faia i nei onapo,
latou te aumai faiga faale-lalolagi e peiseai o faatinoga lelei ia mo i latou.
Peitai, e le o la Paulo lea, fai mai o ia, e LEAI: e ese lava outou. Tou te i ai i le
lalolagi e ese.
Tatalo: Le Atua alofa e, faamagalo mai a’u pe a fai ua ou tuuina atu a’u e ‘omia
i taaviliga o le lalolagi, a e le o le mafuta atu i lou alofa tunoa. Fesoasoani mai
ia ou iloa suesue ifo i lau amiotonu ma auauna atu ai i lau Afio e pei ona tatau ai.
Mafaufauga Loloto: Poo avea pea le mafutaga faale-ekalesia e fai ma nofoaga
e saili ai le pule ma le malosi? Po’o e taumafai ea ina ia ‘aumaia tagata i le
mafutaga o le malamalama?
66
Tusi ia Efeso
3. Faaeteete i lo outou ola.
[Saunia e Kat Brealey - Tusi Paia: NRSV]
E faigaluega Kat Brealey i le, University of Bristol’s Multifaith Chaplaincy, e fesoasoani
i tagata aooga i le sailia o latou talitonuga ma faatuatuaga, ma tuu faafeagai ma isi foi
faatuatuaga. E galue fesoasoani foi i le, “Presence and Engagement”, o le polokalama i
lalo o le ekalesia Akeligana (Anglican) e lagolagoina le agaga o le galulue fesootai ma isi
ekalesia tua’oi. O lona poto masani mai le Coventry Cathedral sa galue ai, e fiafia i
tusitusiga e faamalosia ai tala faale-lotu ma sapasapaia le olaga saogalemu ma le filemu.
E fiafia i gaoioiga faamalosi-tino, faitau tusi ma pese faale-lotu i ona taimi avanoa.
Aso Sa - Tesema 11, 2016: “O le lisi o meaalofa eseese.”
Tusi Faitau: Efeso 4:7-13.
Matua – Efeso 4:11-13,O ana mea alofa foi, ia fai nisi ma aposetolo, o isi foi e
fai ma perofeta, o isi foi e folafola le tala lelei, o isi foi e fai ma leoleo atoa ma
a’oa’o; ina ia faaatoatoaina ai le ‘au paia, latou te fai ai le galuega a auauna,
ia atiina a’e ai le tino o Keriso; seia oo atu o i tatou uma lava i le loto gatasi i
la le faatuatua, ma le iloa lelei o le Alo o le Atua, ia fai foi ma tagata matua, ia
oo i le fua o le ua matua, e tatau ma le tumu o Keriso.
E tele isi faatinoga o mea tatou te fiafia i ai e ono tutupu i le vaitau o le
Kerisimasi, e faapei o lenei: o mea ua naunau e foai atu ma mea foi ua manatu o
le a maua mai! O le tusi faitau o le asō ua ta’ua ai nisi o mea-alofa---o meaalofa e foai atu i tagata o le ekalesia mai i le Keriso. Peitai, e ese mai le lisi o loo
tusia i le tusi o Roma ma le 1 Korinito, o lenei lisi ua faatatau lea i taitai o le
ekalesia---o mea-alofa ua tuuina atu, a e le mo tagata uma. Po’o, mo i tatou? Pe
afai e tagai manino i ai, ona iloa lea e ui ua na o nisi e avea ma perofeta ma
a’oa’o, a o le uiga moni e faatatau i e ua faapaiaina---faataitaiga: o i tatou uma--e fausia ai le tino o Keriso.
O lenei ituaiga o mataupu e faitau i ai, ia tatou manatunatu ua le o le tagata ma
le taleni ua maua e faasili, a e ia manatu i le taua o le mea-alofa ua foaiina mai.
E masani ona tatou mafaufau i e ua fai ma ta’ita’i, i le malosi po o le pule ua
latou ‘umia; peitai, o le tusi ia Efeso, ua faailoa mai ai ua le o le tulaga pito sili
lea ona taua e faitauina ai o tatou ta’ita’i. O le filifilia o ta’ita’i faatasi ma i tatou,
o le mea-alofa lea mai le Keriso mo le ekalesia atoa, ua saunia ai i tatou uma mo
le galuega tala’i o le tala lelei, o le tulaga e ao ona tatou tausisi pea i ai.
Tatalo: Ia mafaufau i lau aulotu ma le filifilia o e ua fai ma ta’ita’i, pe faapefea
ona latou faaaogaina o latou taimi ma le ola auauna e atia’e manuia ai le
ekalesia, ma ia faafetai i le Atua ona o ia avanoa ua maua.
67
Aso Gafua - Tesema 12, 2016: “E sili le faailoa, nai lo le nofoa’i?”
Tusi Faitau: Efeso 4:14-16.
Matua – Efeso 4:15-16,Ina ia le toe tama ninii i tatou o loo felafoaiina e pei o
peau, ma feaveaiina i matagi uma lava o mataupu, i le pepelo o tagata, i togafiti
leaga ua saunia e faasese ai. Peitai, a o tautalatala faamaoni i le alofa, ia
tutupu i tatou ia te ia i mea uma, o le ulu lava ia, o ia foi o Keriso.
“E le ofi lelei le ofu lenā ia te ia, ou te talanoa atu ma le faamaonia.” Pe sa e
faalogo muamua i lea ituaiga faa’upuga? Peiseai e fia malie, peitai, o se
faaupuga e fo’ia ai le ono tupu o se loto tiga. A e tusa lava foi pe le o le agaga
tonu lea o loo i le loto o le tusi-tala ma ana apoapoa’iga i tagata o Efeso, e
faigata lava ona fuafua atu po o le a tonu upu e tatau ona faailoa ai le alofa moni.
E faalagolago i lagona faale-tagata, o le toatele e fua le moni po o le alofa foi, i
le lagona e tupu a’e ina ua faafesaga’i ma isi. Mo se faaa’oa’oga, e mafai ona
tatou tuu atu le faaeaea i mea ua manatu i ai nisi, ma faatino le fesootaiga lelei
ma i latou, o iina e to’amalie ai se loto popole ini mea e ono fe’ese’esea’i ai.
I le tasi itu, o le a tatou iloa le tulaga e sili ona lelei, ma faamalosi ai e tautala i
mea ua fe’ese’esea’i ai, a e ‘alo’ese i mea e atili alu vale ai le tamaoaiga. O le
mea lea, e taua, ia tatou iloa uiga masani faale-tagata, ma malamalama i tiga e
ono tutupu mai ona o le faamaoni, po ona o le alofa e tupu malie mai. O le uiga
moni lea o le ‘tautalatala faamaonii le alofa’---ua malamalama i le taunuuga o
upu e tautala ai i isi tagata, aua ua iloa ona faaali tulaga tatau e tautala ai, a e le o
le nofonofo e aunoa ma se upu. O lenei fuaiupu, ua le o se fia tautala so’o, a e ua
faatatau i le taua o upu e tautala atu ai, ma lona aoga aua le tausia o le fealofani
ma le nofo filemu moni.
Tatalo: Iesu e, o lou lava soifua ma le galuega tala’i o loo tutotonu ai le alofa
ma le faamaoni. Fesoasoani mai ia mafai ona matou faaauauina lenā tala lelei i
nisi, ma ia avea lea ma viiga o lau Afio.
MafaufaugaLoloto: O mafai ona e manatunatu nei i taimi sa e taumafai ai e
faaali atu le upu moni, po o le faatinoga o le alofa, i fesootaiga ma isi foi uso-atagata?
68
Aso Lua - Tesema 13, 2016: “Toe foi i le aoga.”
Tusi Faitau: Efeso 4:17-24.
Matua – Efeso 4:20-22, 24,A o outou, e le faapena ona a’oa’oina e outou
Keriso, pe afai e moni ua outou faalogologo ia te ia, pe a’oa’oina foi outou ia te
ia, e pei ona i ai le upu moni ia Iesu; ina ia outou to’ese le tagata tuai o loo ua
leaga, e tusa ma le amioga faaanamua, e tusa ma tu’inanau e faasese ai. ... ma
ia oofu outou i le tagata fou ua faia e foliga i le Atua, i le amiotonu ma le amio
lelei e faamaoni.
E tupu a’e pea i lo’u loto se lagona faaeteete pe a ou tau ane i le faailoga ‘upu
ofo’ i le Tusi Paia; i mea ua manatu le faaliliu’upu, ona pau lea o le auala e
faailoa ai lagona faagaeetia i le tagata. E maua i upu ua ta’ua, ua fai ma
faataitaiga i uiga faale-tagata. Ua faatatau tonu lenei a’oa’oga i e ua avea ma
so’o o Keriso, i latou sa mua’i talia le a’oa’oga a ua faavaivai. Ua ta’ua i le
fuaiupu e 21 le faamanatu i le ‘au faitau ni vaega se lua e faatatau i le faatinoga
o le soifuaga i le faatuatua: o e na faalogologo i ai ma e na a’oa’oina ai ia Iesu.
Ua avea lenei ma auala e faaleaogaina ai tulaga masani i le faatusatusa o le
mafaufau (head) ma le loto (heart), o vaega taua e aafia i le faatupuina o le ola
faatuatua. O le amataga lava o le ola faatuatua, e a’oa’oina le soifuaga e ao ona
faatino---e iloa i fetufaa’iga, faitau tusi po’o le faalogo i lauga, ma iloa ai le tala
lelei e uiga i le soifuaga o Iesu ma lona maliu, e iloa ai ana a’oa’oga ma
apoapoaiga, o le a iloa ai foi ma malamalama i le uiga o le tala lelei mo le tagata.
Peitai, o nei faamatalaga uma ua na o se fesoasoani i le tulaga e tatau ona maua e
tusa ma le faasinoga ua aumaia---o le: “pe afai e moni ua outou faalogologo ia te
ia”, e pei ona taua i le fuaiupu 21. Ua le faigofie ona faamatala lenei uiga, peitai,
e tupu pea i o tatou olaga ta’ito’atasi---e le taumate e tupu i taimi o talosaga po’o
tapua’iga, po’o taimi o savalivali i se laolao o le malae, po’o taimi foi o
faalogologo i ni pesepesega malie ma le malu. O auala e lua e pei ona faaalia, e
faafesaga’i le tasi i le isi, e a o ina a’oa’oina ai i tatou i le ola faatuatua ia Keriso
ma le tala lelei, lea na tuu faasolo mai i le tala faasolopito ma lona faavae. O le
pogai lea, e a o ai ona tatou ‘ave ‘ese manatu ma mafaufauga tuai a e ‘o’ofu i
‘ofu fou ia Keriso.
Tatalo: Iesu e, faafetai i lou a’oa’o mai, ua matou iloa ai le mea e a o ona
matou faia. Ia fai lea ma faasinoga taua i aso o totoe o lo matou ola faatuatua i le
togiola ua uma ona e saunia.
Mafaufauga Loloto: Na faapefea ona ‘a’oa’oina ‘oe e uiga i le Keriso?’ E i ai
sau faifeau faapitoa, po o se tusi-tala iloga, se taimi ma se aso, se nofoaga foi
po’o se nuu, e te manatua pea i lou olaga faale-faatuatua?
69
Aso Lulu - Tesema 14, 2016: “Ia maua le nofo filemu.”
Tusi Faitau: Roma 12:9-21.
Matua – Roma 12:16-18, .ia gatasitasi o outou manatu; aua le manatu i mea
silisili, a ia feoa’i ma e ua faamaulalo; aua le faafiapopoto. Aua le taui atu le
leaga i le leaga i se tasi; ia sauniuni mea e tusa i luma o tagata uma lava. Afai e
mafaia ia te outou, ia outou nofo lelei ma tagata uma lava.
O le fuaiupu e 18, ua fautua mai e uiga i le soifuaga e a o ona taga’i manino i ai,
a o faafeagai ma feteenaiga eseese o le olaga; ma ia amata ai i le tulaga o i ai
nei! Ua le o naunau mai le tusi-tala pe tele pe itiiti. O le faatupuina o le filemu, e
le se’iloga e valaau se faatasiga tele, po o le taumafai e tusia ni feagaiga, a e ia
amata i se tulaga e mafai ona faatino---e fuafua i le malosi e mafai ai. O le
filemu e faalagolago i lo tatou malosi, e aafia ai le va faale-ulugalii po o le olaga
faale-aiga, e aafia ai foi le mafutaga i kamupani, le aulotu po’o le nuu. O ia
fesootaiga faale-tagata, ua valaauina ai i tatou ina ia mafuta i le filemu, tausi le
filemu, ma faatupu le filemu i tagata uma.
E i ai lo’u poto-masani, peitai, e faalagolago le amataga o le nofo filemu i se
faatinoga itiiti i mea o lo’o si’osi’omia ai, e oo ina faateleina ma faaauau pea i
mea ua masani ai. O se faataitaiga, tatou te manatu e le oo so tatou malosi e suia
ai filifiliga o taua ma feeseeseaiga i le va o faiga malo, peitai, e mafai lava ona
talatalanoa i faipule ma auala atu ai se lagona. E le gata foi i lea, e toatele i tatou
e itiiti tupe-maua e faatusatusa i e tele tupe! Peitai, se’i mafaufau ane po o ai o
loo ola ai faletupe? O tagata lautele, a o faletupe ia o loo ‘auala mai ai tupe mo
le gaosia o mea-tau?
A o tatou i ai pea i o tatou lava olaga faaletagata, e lelei ona tatou iloa o le
mata’upu e uiga i le nofo filemu, o se tulaga e mafai lava ona amata atu ia i
tatou, e ui e le o mafaufau i ai. Fai mai upu a le tusi-tala sogasoga o Margaret
Mead: ‘Never doubt that a small group of thoughtful, committed citizens can
change the world; indeed, it’s the only thing that ever has.’ [Aua le masalosalo i
nai mafaufauga iti o loo ola ai se toaitiiti, aua e mafai lava ona taunuu ma suia ai
le lalolagi; o le upu moni, o mea lava na e tutupu.].
Tatalo: Saili atu i le filemu, ia faaalu se lima minute e te mafaufau ai,
manatunatu ma ta’uta’u le suafa o Iesu i taimi uma e manava ai i totonu. A
tutupu ni mafaufauga e faafelavei; ia to’a pea ma faagalogalo se ia se taimi.
MafaufaugaLoloto: Ia e mafaufau ini taofi pito lata mai i ou lagona, tulimata’i
pea i ai, mafaufau i se tulaga e te faatinoina i lenei vaiaso auā le nofo filemu o le
lalolagi.
70
Aso Tofi - Tesema 15, 2016: “Ia e mafaufau toto’a i le ita.”
Tusi Faitau: Efeso 4:25--5:2.
Matua – Efeso 4:25-27,O lenei, ia outou tu’u ‘ese le pepelo, ia tautalatala
faamaoni ta’itasi ma le la te tuaoi; aua o itu tino lava i tatou o le tasi i le tasi. A
outou ita, aua le agasala ai; aua nei goto le la o ita pea outou. Aua foi nei
tuuina atu e outou se mea e mautu ai le tiapolo.
O le mafaufau ina ne’i tuua’iina ona o se manatu faalaua’i tele, a e ou te talitonu,
o le to’atele o tagata lolotu Kerisiano, e le fiafia i uiga o le ‘ita’. O le upu moni,
e toatele ua filifili e tuua le ‘aulotu, nai lo le nofo pea ma tupu tele le le fiafia, e
oo ina sosolo le ita e vaavaai i ai nisi ma aafia ai foi i latou. A tatou sailiili i le
Tusi Paia, ona tatou tau ane ai lea ia Iesu ma le fuliina o nofoa ma laulau i le
Malumalu, e faamaonia ai lea lagona; a e le o se faatinoga e lelei ona a’oa’oina
ai tagata o se aulotu ia faatino. A fai e tagai i le fuaiupu e 26, o faasinoga e
fesoasoani mai i lenei lagona (ita).
Ua tatou iloa, o le ita o se tulaga faale-tagata soifua e tupu i totonu o mafutaga--o se vaega o uiga masani e tupu a’e i le loto. Aua ne’i manatu ua agasala ona o
le ita; a e taua le manatu po o fea e auala mai ai le ita. E tatau ona tatou
malamalama i le uiga moni o lagona faale-tagata, ma aua ne’i ‘ave ‘esea le
moni o lagona e tutupu pea; ou te taumafai pe faapefea ona ou taofiofia, ma
taumafai ona manatunatu po o fea tonu e tuu ai i taimi e faia ai a’u filifiliga.
I lenei faasinoga faale-mafaufau, e pei ona faamatala i le Efeso, e tolu vaega e
tatau ona ‘alo ‘ese ai: o le ‘ina’ina i taimi e pa’i mai ai le ita o se uiga faaletiapolo; ia avea le ita o se ila e tupu i le tino; ma ia avea le ita o se auala e tulei ai
i fafo le tiapolo ma fo’ia ai lagona tiga i totonu o le loto. O le mea lea, o lo tatou
taga’i toto’a e auala e ave’esea ai le ita, ma fesoasoani i lona faafoeina---o se
tulaga e mafai lava ona tatou pulea.
Tatalo: Tatou taumafai e fofo lenei lagona faigata, e ala i le fesoasoani i se tasi
o loo aafia pea i lenei tulaga---pe tele pe itiiti foi---ia tatalo ma fesoasoani ia
maua le nofo filemu o le mafutaga.
Mafaufauga Loloto: O le fea vaega o taumafaiga (3) e tatau ona faamalosia? E
faapefea ona fesoasoani lea auala i le foia o uiga masani ia faale-tagata?
71
Aso Faraile - Tesema 16, 2016: “Ia tumau i lou loto!”
Tusi Faitau: Efeso 5:3-14.
Matua: Aua sa outou pouliuli anamua, a o lenei ua outou malamalama i le Alii;
ina savavali ia pei o e ua malamalama; (aua o le fua o le malamalama, o le
agalelei uma lava lea, ma le amiotonu, ma le faamaoni); ia suesue outou pe se a
se mea e fiafia i ai le Alii. (ff.8-10).
O le tusi faitau lenei, ua tatou maua ai le faaa’oa’oga o apoapoa’iga a Paulo e
uiga i le mataupu o le, “ia outou tumau ai.” Ua ia faamanatu mai i e faitau
(silasila f.8), taluai ona o le Atua e ala ia Keriso, ua suia ai le pogisa sa i ai i le
malamalama. Peitai, o lenei suiga i le tagata, ua le o se suiga e atagia na o
amioga faale-tagata. O lenei faamatalaga ua faatusa i le suiga o le olaga faatamaitiiti mai le taimi a o pepe. Tatou te faalogo pea i matua e faamanatu i le
atalii/afafine, o taimi sa e tamaitiiti/teineitiiti ai, e pei o le masani e faato’u’ulu
mea’ai ma vaiinu ma pisipisia ai ou lavalava.
O lenei faasinoga, ua taumafai matua e faaaoga uiga e iloa ai le tagata, ma
a’upega e taitaiina ai le amio e tatau ona fai---e faapei ona faia ia Efeso. Ua
fautua mai le tusi-tala, o le faailoga e iloa ai i tatou ia Keriso, o le faasino ala lea
i upu e tatau ma le amio e ao ina tatou faia. Ua le afaina po o se tautinoga e
tumau, po o se fuafuaga foi mo lenei taimi, a e o le suia e mulimuli ia Iesu, o le
suiga tatau lea e a o ina tatou i ai.
O le fesili la, e faapea: Po ua tatou faia lenei suiga e taitaiina ai le olaga aga’i i
luma mo aso uma? E tali le tagata ia te ia lava, e faapea foi i le mafutaga faatasi
ma isi; e faapei o se aulotu po o le ekalesia aoao. Po ua tatou ola ‘ea e tusa mo
lo tatou faailoga faatasi ma Keriso, ma ta’u atu ai i le lalolagi le uiga o le tala
lelei e manuia ai?
Tatalo: Le Alii o loo soifua pea, ia avea i matou ma tagata e faaalia ai lou
finagalo tonu. Ia matou maua le loto tele, e faaauau pea le ola e galulue ma
tautua, ma folafola lou finagalo e tusa ma o matou foliga e tusa ma lau Afio.
Mafaufauga Loloto: Pe mafai ona e sailia nisi e fai ma faaa’oa’oga, o e ua suia
o latou olaga, e tusa ma le faasinoga o e ua fai ma ‘fanau o le malamalama?.’
72
Aso Toonai - Tesema 17, 2016: “O le taimi ia faaaoga tatau.”
Tusi Faitau: Efeso 5:15-20.
Matua – Efeso 5:15-17,O lenei, ia faaeteete outou ina ia outou savavali ma le
faautauta, aua nei faapei o e valelea, a ia faapei o e popoto; ia faaaogaina e
outou aso o lenei olaga, aua o ona po nei ua leaga. O lenei, aua nei faavalea
outou, a ia outou iloa le finagalo o le Alii.
Ua faamanatu mai ia te a’u i lenei tusi faitau upu o loo tusia i le Tito 2:14, e
faatatau i tagata Kerisiano, “e ma’elega i galuega lelei.” Ua faatusaina lenei
faamatalaga e tusa ma le fautuaga na faia ia Efeso, e tusa ma lo latou faaaogaina
tatau o le taimi; i le faa-Eleni, o lenei faamatalaga ua faaliliuina e tusa ma le,
“snap up a bargain” (ia vave faatino lau faatau). O le upu ‘faasoasoa tatau’, ua
faatatau i le faapupu’u o tala e uiga i le faaaogaina o tupe, aua ua tuuina mai le
avanoa e faasoasoa tatau ai mea-alofa mai le Atua. i le fuaiupu e 15, ua faailoa
mai ai, o le taimi o se mea-alofa taua tele lea; o se tulaga e toatele e ua latou le
iloa ona faaaoga, e faapei ona tatau ai.
Peitai, ua tele ina faatelevale mea e mafaufau i ai, ma galo ai le tulaga e tatau
ona faia. A le o lenā, atonu ua mama le manatu, po o le le tauane ai o se lagona,
a e maise foi ua aafia i se ma’i po isi tulaga faapena e tutupu mai. Ou te manatu,
e lelei ona i ai se api e tusia ai mea tutupu i lea aso ma lea aso, e fai lea ma
fesoasoani. Na ou saunia se tusi e faamaumau ai ata ma mea taua e tutupu i
masina taitasi, ua mafai ai ona ou iloa faasoasoa o’u taimi, o ai ou te talanoa i ai,
o ai foi ua galo ia te a’u ona talanoa i ai. Pe sa faigata ia te a’u ona faatumu se
itulau, po’o ua tele le taimi e alu ma oo ina galo isi mea?
Ou te manatua ai upu a se tasi tusi-tala, o Annie Dillard, fai mai o ia: “How we
spend our days is, of course, how we spend our lives.” (O le auala o loo
faaaogaina ai o tatou aso, o le upu moni, o le auala lava lea o loo faaaogaina ai
lo tatou ola.). O ni upu ‘ea e te fiafia i ai, po’o ni upu e toe fafagu ai ‘oe?
Tatalo: Le Atua agalelei, fesoasoani mai ia matou iloa le taua o mea-alofa ua
matou maua i aso taitasi, ia tupu i o matou loto le naunau e faaaoga tatau e pei
ona e finagalo ai.
Mafaufauga Loloto: Tagai i lau kalena o aso taitasi, poo faafepea ona faaaoga
ou taimi. Vaavaai po’o i ai se avanoa e te faaaogaina ai se isi ituaiga faasoasoa e
sili atu i mea sa faia muamua?
73
Tusi ia Efeso
4. Ola faatasi ma Keriso - Tusi Paia NKJV.
[Saunia e: Delroy Hall]
O Delroy o le epikopo i le ekalesia, Church of God of Prophecy. O ia foi o le faiaoga ma
le faufautua a’oa’oina ua silia i le 20 tausaga talu ona galue ai i le UK National Health
Service, o le faalapotopotoga e a’oa’oina ai le poto maualuga. E fiafia Delroy e faiaoga,
sa faiaoga taluai nei i le Durham University i mataupu e faatatau i le polokalama o le
avea ma ta’ita’i. I lenei tausaga o le a amata ai ona finau i le aoaoina e mataupu faaleagaga. O lona faletua, Paulette, ua 22 tausaga o le mafutaga, e toalua le fanau teine o le
masaga.
Aso Sa - Tesema 18, 2016: “Ia iloa le lotomaulalo ma le agamalu.”
Tusi Faitau: Efeso 5:21-33.
Matua – Efeso 5:18b-21,...A ia faatumuina outou i le Agaga. ia outou
fetautalatala’i i salamo, ma pese, ma siva faaleagaga, ia faaneenee atu ma
pepese atu i le Alii i o outou loto. ia faafetai pea lava ona o mea uma, i le Atua
le Tama, i le suafa o lo tatou Alii o Iesu Keriso,ia usiusitai le tasi i le tasi ma le
mata’u ia Keriso.
Ua faamatalaga mai le tala e uiga i se ulugalii taua’imisa le tamaloa ma le fafine.
i le isi aso na finau ai, ua tamo’e le tamaloa i le fogafale i luga ua lafi i lalo o le
moega. Ua mulimuli atu i ai le fafine, ma tauanau e fo’i vave mai. A e tali mai le
tamaloa, “O a’u e ona le fale, faato’a ou alu atu pe a ou mana’o ai, ou te alu
atu.”
Faamata e fia ni mafutaga e tumau i le lelei, pe a mafai e le tamaloa, le fafine,
po’o se tasi i totonu o le aiga ona faapea mai: “ia malie ia lou loto”, ma talia e le
ua finau le talosaga mai? I nisi taimi, o le talosaga ia faamalie le loto e le taitai
ona lava. E alu a’i aso e nofo to’atasi le fafine ma manatunatu i ona tiute
tau’ave, a e talosagaina le fafine ia usiusita’i ia latou tane. O nisi aso, e le
faigofie ona faafeagai ma tamaloloa. i nei auga tupulaga ma le vaavaaii ata o
tamaloloa lapopo’a ma foliga mata’utia, peitai, ua valaauina i tatou ia alolofa i
fafine se ia oo i le oti.
O se lu’itau le mafuta faatasi o le tane ma le fafine i nei-onapo, ma aso ua toatele
e manana’o ia tele le tamaoaiga e maua a e itiiti le taimi e galue ai. O le osigafeagaiga i le va o le tane ma le fafine, o le tuuina atu lea o le mafaufau ia faatasia
i aso faigata. ia tuuina atu i le alofa i isi tagata. O le olaga ua faatasia ia Keriso o
se tulaga e tatau ona manatunatu loloto i ai, aua na ia faatino mea faigata ina ia
faigofie mo le tagata.
Tatalo: Le Tama e, ua feagai i matou ma se lalolagi e tuu faafeagai ma lou
finagalo. Ia avea au Afioga faatasi ma le Agaga Paia e a’oa’oina i matou i lau
mea-alofa o le agamalu ma le lotomaulalo.
74
Aso Gafua - Tesema 19, 2016: “Savavali e faamamaluina ma faapaiaina.”
Tusi Faitau: Efeso 6:1-9.
Matua: (f.9). O outou alii foi, ia outou faia ia lava mea ia i latou. ina tuu ia le
faamatau, ina ua outou iloa o loo i le lagi le ua fai ma o latou Alii atoa ma
outou, e le faailogaina foi se tasi e ia.
Ua tatou faalogologo ma vaavaai i tala o aso taitasi, e faaopoopo pea le iloa o le
lalolagi ua faateteleina le ola fetaua’i. A e i ai foi le isi vaega o le olaga ua tatou
vaaia ai le ola fetaua’i: o le aiga ma fale faigaluega. E toatele ua malamalama i
le fetaua’i e maua i aiga, faapea i nofoaga faigaluega. E le taumate ua e iloa lea
ituaiga o feteenaiga, a e maise ia te ‘oe ma ou matua, o lou aiga, po’o e o loo
outou faigaluega i kamupani.
Peiseai o se tulaga e i ai pea, e le ave’eseina mai i lo tatou olaga. Na fetalai Iesu,
“O se toalua po o se toatolu e mafuta ona o lo’u igoa, ou te i ai faatasi ma i
latou.” Afai e saili ma suesue i le Tusi Paia, e tau ane foi i upu nei, “O se toalua
po o se toatolu e mafuta, e i ai faatasi ma finauga.” Ua a’oa’o mai Afioga a le
Alii, ia avea i tatou o mea faigaluega e faatino ai le mafuta faatasi. E faapefea
ona faatino? Mai le mataupu 4 i le 6 o le Efeso, ua masani ona ta’ua e Paulo le
upu e faigofie ona faagalo. i le mataupu e 4:1, 17, ma le mataupu e 5:2,15, ua
faaaogaina ai le upu, “savavali”.
O le valaauina o i tatou ina ia “savavali”, o se faailoga o le faamamaluina. Ua
valaauina le fanau iti ia savavali i le faamamaluina o lo latou va faafeagai ma
matua. Ua faapea foi i tamā (ulu o aiga), e tatau ona faamamaluina lo latou va
feagai ma fanau, a e aua le soona faasaua. E faapea i tagata faigaluega, e tatau
ona faamamaluina le va feagai ma kamupani, aua e lagona ai foi e kamupani le
amana’ia o ana tagata faigaluega.
O le ola faatasi ia Keriso, o le faamalosia lea o le loto fiafia e tumau i le
mafutaga ua masani ai: i le aiga po o le ofisa e faigaluega ai. ia tatou taumafai e
faatupu ma faaolaola le fiafia i nofoaga e faamamaluina ai ma faapaiaina ai i
tatou i le olaga nei.
Tatalo: Le Alii e, ua valaauina i matou e faatusaina i le masima ma le
malamalama. Ia e fesoasoani mai ina ia matou faia ni suiga lelei i o matou aiga,
faapea i nofoaga o loo matou galulue ai. Amene.
MafaufaugaLoloto: E toatele tagata ou te iloa e naunau ia maua le fesootaiga
fiafia ma isi, a e o le faalavelave, e tatau ona faatino se galuega. Ina ua ou vaai i
le tusi faitau o lenei aso, ma iloa le matagofie o se mafutaga a e sologa manuia,
o le a la se faiga ou te faatino ai lea tulaga i lo matou va ma isi ua ou masani ai?
75
Aso Lua - Tesema 20, 2016: “Aua nei o tatou faavaivai.”
Tusi Faitau: Kolose 3:18--4:1.
Matua – Kolose 3:21, O outou tamā, aua nei faaita i a outou fanau, ina nei
faapalapala i latou.
O le nofoaga na tusia ai lenei tusi, pe tusa o le 500 maila le mamao mai Efeso,
peitai, e foliga mai o loo tausisi lava i le mataupu e foliga faatasi. Mai la tatou
tusi faitau o ananafi, ua faamamafa mai ai e Paulo le tulaga o le tamā: ia aua le
tausia fanau i le ita po o le faavaivai loto. A e le faapena le tusi faitau o le aso
lenei. O a’u o se tamā i la’u fanau teine masaga e tausaafia, a e o lo la tutupu a’e
e tele lava taimi e tofotofo mai ai a’u, ona faapea foi lea ona ou faia. O le mea ua
ou iloa: o matua e alolofa moni i a latou fanau, latou te le faia ni uiga e tupu ai le
loto ita i fanau. Pe aisea? Pe afai e tupu le loto ita ma faavaivai loto i fanau, ona
faapea foi lea ona aafia ai lagona o matua.
Ou te manatua le upu a se tasi tinā matua, na faapea mai: afai a e le sa’o ona ou
a’oa’oina la’u fanau, o le lagona tiga e tupu maii lea faatinoga, o le a aafia ai a’u
e sili atu i le iva masina ou te ma’itaga ai. Se’i mafaufau ane mo sina taimi
puupuu. E toafia nisi ua fai atu ia te oe, e fiafia i lo latou agaleagaina? O lo’u
galue i le tofiga faafaufautua, ua ou mafuta e silia i le selau e mana’omia le
fesoasoani, a e ou te lei tau ane lava i se isi e faapea mai: ou te fiafia i lo’u
agaleagaina. E leai. O le faavaivai loto, o le faatupu loto tiga, po’o le a lava se
isi igoa, ua le o se tulaga mana’omia lea i o tatou olaga. E oo lava i pagota pito
mamafa a latou soligatulafono, e mana’omia lava le tausiga lelei ma le alofa. O
afioga a le Alii e lu’itauina ai i tatou, a e maise lava i tama (ulu o aiga), ina ia
tagai totoa i le tausia o le fanau ia tutupu i le olaga manuia, e ui ina feagai pea i
tatou ma mea e faavaivaia ai.
Tatalo: Le Tama e, le Atua alofa, se ia faafofoga mai i la matou olega. O i
matou o tamā o aiga, e le faigofie. Peitai, o lou mafuta mai e ala i ai Afioga
tusia faatasi ma le Agaga Paia, e avea lea ma ala e faamaoni ai le tau’aveina o
tiute faatamā. Amene.
MafaufaugaLoloto: Vaavaai ma fesili po o i ai ni tamā i totonu o lau aulotu e
mana’omia le fesoasoani, ina ia avea ma tamā tausaafia. Atonu e le faigofie lea
faatinoga, a e o se fiafiaga pe a fai ma auala e fausia ai se polokalama lelei e
fesoasoani i le olaga fiafia o tatou au aiga.
76
Aso Lulu - Tesema 21, 2016: “O le auala faigofie.”
Tusi Faitau: Roma 15:1-7.
Matua – Roma 15:7,O lea ia outou talia ai le tasi e le tasi, faapei o Keriso foi
ona talia o i tatou, e oo ai le viiga i le Atua.
Ua ou faalogo i le tala, e faapea, o le talitonuga faa-Kerisiano o le auala faigofie
lea. Pe moni ‘ea? Ou te talitonu i se vaega, a e foliga ua tuu maualalo i le
Kerisianoi se auala e le mautinoa, peitai, o le savavali faatasi ma Iesu---nei lava,
o le tasi lea o faatinoga e ‘ese lava.
O le tasi tagata pese iloga i tifaga, na faapea ana upu: ‘Smashing up a hotel,
getting drunk and doing drugs is easy. Following Jesus, that’s tough.’ (O le
talepe fale talimalo, inu ia onā ma faaaoga fualaau faasaina e faigofie. A e o le
mulimuli ia Iesu, e faigata). O le uiga o le mulimuli ia Iesu, ia tatou talia isi
tagata, e pei ona talia i tatou e Keriso.
E te le tau vaai i se lomifefiloi, po’o se tusi faamatala upu, ina ia malamalama i
le upu, “talia”. Ua faailoa mai e Keriso ia i tatou le mamalu o le Atua. O le talia
o isi ua le o se avega mamafa. E i ai tagata e foliga e le alofagia ma le amana’ia,
peitai, a tatou talia i latou ia i le agaga o le alofa, ona tatou iloa atili ai lea o le
uiga i o latou olaga. Se’i fai se faataitaiga o lo’u manatu: ina ua 16 o’u tausaga,
sa ou galue i le polokalama mo fanau laity i le masina e tasi. A e ou te le’i
amata, sa fautua mai ia te a’u, ia ou onosai ma malamalama e i ai lava tupulaga
talavou e faigata a latou amio.
Sa ou mata’i lava ma si’usi’umata la’u vaai i le isi teine talavou, peitai, o le a le
mea ua tupu? E ‘ese ma le lelei! O faatonuga uma ou te fai atu i ai, na te faia
lava; ua oo ina ou talia ai so’o se mea e fai mai ai. Afai a e tuu ‘ese o tatou lava
lagona, i masalosaloga fai fua ma le manatu faapito i tagata, ona tuu itiitia ai lea
o le manatu faitio fua i isi. Ua tatou iloa o le talia o isi e le faigofie mo taimi
uma, peitai, afai e ola ia Keriso, o i ina e faigofie ai ona faia o mea uma.
Tatalo: Iesu e, o le agalelei ma le alofa i o matou agaga, ua matou ola i se olaga
e tofu le tagata ma ona lagona. Peitai, o lou alofa tunoa e mafai ai ona matou
fuifui faatasi e ala i lou faatasi mai.
Mafaufauga Loloto: Ua faavasegaina le lalolagii vaega eseese, e faapei o:
kenera (gender), lanu, ma’i-tumau, vasega (class), tagata sulufa’i (refugee), ma
isi lava ituaiga vaega o tagata, e faapefea ona tatou amana’ia nei eseesega?
77
Aso Tofi - Tesema 22, 2016: “Puipuia i lalo o le talitā.”
Tusi Faitau: Efeso 6:10-17.
Matua – Efeso 6:10, O le toe upu lenei, ia outou loto tetele i le Alii, ma le malosi
o lona mana.
Pe faapefea ona tatou maua le malosi i lalo o ‘a’ao mamana o lo tatou Atua? Ua
faailoa mai e Paulo le faasinoga, peitai, e sili atu nai le faalagolago tasi i le
tatalo. Talu ona ou galue faafaifeau ua silia i le 20 tausaga, ou te talitonu e i ai
Kerisiano ua latou manatu, o le tatalo ua peiseai o se faataulaitu faitogafiti. Ou te
faamanatu pea i fanau aoaoina i le talitonuga faa-Kerisiano, “anapogi ma tatalo i
soo se mea e te manatu i ai, a e aua ne’i galo au mea-a’oga ma le aso e faamuta
ai.”
Ua faamamafa e Paulo i ana aoaoga, o le malosi i le Alii e mana’omia le iai o le
soifua galue. Silasila i upu o le ola galue. ‘Ave lou ofutau mai le Alii. O le mea
lea, ia tula’i; fusi i lou sulugatiti, tuu ane lou ufifatafata, faamaulu seevae, ave le
talitā o le faatuatua ma ia faapulouina i le faaolataga. O le upu moni, e tele
gaoioiga e tatau ona taga’i i ai i talatu o le ata ua tuuina mai, peitai, o lea ua
manino le mana’oga ua faailoa mai.
E tele lava mea e ao ona tatou vaavaai i ai i le lalolagi ua tatou ola ai. Ua
faamanatu mai e Paulo i le ‘au faatuatua, e lu’itauina pea lo tatou ola faaleagaga. A o tatou faitau ma manatunatu i le tusi faitau, o lea lava e tele taua ma
fe’ese’eseaiga i o tatou aso, peitai, o le taua pito latalata mai: o le finauga ia liua
o tatou loto, mafaufau, ma o tatou agaga ia sao atu i le manuia e faavavau.
E le tuulafoa’iina i tatou e lo tatou Alii ina ia tatou tau i ni a’upega vaivai ma le
faatauvaa. Ua ia foai mai taleni ma mea-alofa taua e fai a’i le galuega. O lo tatou
ola faatasi ma Keriso, e fesoasoani lea i lo tatou vaivaiina ia faato’ilaloina mea
faigata uma e fetaia’i ma i tatou a o tatou o ola pea.
Tatalo: Le Alii e o le filemu, ua valaauina i matou ia tau le taua. Ua le o se taua
i lima ma a’upega faale-tino. Ua iai matou a’upega mai luga e tau ai le taua---ia
tatalo ma faalogo i au Afioga.
MafaufaugaLoloto: Sa’ili’ili ma su’esu’e i le Tusi Paia ina ia iloa atili, ina ia
faaa’upegaina ai mo le taua faanei-onapo. O le taua ia manumalo le Kerisiano
mai le fili o Satani.
78
Aso Faraile - Tesema 23, 2016: “O le tatalo a Paulo.”
Tusi Faitau: Efeso 6:18-20.
Matua – Efeso 6:18a-20,Ia outou tatalo i le Agaga i aso uma lava i talotaloga
ma faatoga uma; ia outou mataala pea ... mo a’u foi, ina ia tuuina mai le upu ia
te au, ina ia ou faamalosi ona tautala atu ma faailoa atu le mea lilo a le tala
lelei, o le upu lava lea ua noanoatia ai a’u le savali, ina ia ou faamalosi ai ona
tautala, pei ona tatau ona ou tautala atu ai.
O le avea e fai ma sāvali (ambassador), o le tuuina lea i le laina o le faafesiligia.
O le sāvali e tatau ona puipuia e le atunuu e pogai mai ai; e le mautinoa pe tupu,
a e afai e tupu, e ono tuuina i le falepuipui pe a tuua’ina i se tulaga faaletonu. Ua
aumaia e Paulo se ata e faailoa ai, o ia ua fai ma sāvali ia Keriso i le lalolagi. Ua
le o mana’o mai i se sa’olotoga, a o le tatalo ina ia tuusa’olotoina e tautala atu i
le upu moni e leai se tapulaa.
Ia, e le’i avea a’u e fai ma sāvali i se tulaga faale-malo o le lalolagi, peitai, o a’u
o le Kerisiano, o le sāvali lava mo Keriso. E lei saisaitia a’u ini filifili u’amea,
peitai, a ‘ou toe tepa i tua i la’u ta’utinoga e avea ma Kerisiano faamaoni ina ua
20 o’u tausaga, ona manatua lea o lo’u saisaitia ina ia faapaiaina. Se’i mafaufau
ane la i le tele o faaosoosoga na feagai ma lo’u 20’s tausaga---o le tama
African/Caribbean, e lelei le galuega, malosi le tino, a e foliga manaia foi?
Na o lenei, ou te le’i tagofia ni fualaau faasaina, ou te le inu ‘ava malosi, ou te le
fai-teine foi. A e se’i mafaufau ane la i tupulaga talavou Kerisiano i nei-onapo, e
le faapitoa po’o se tama po’o se teine, po’o le lanu foi, ua le iloga le ituaiga
faaosoosoga: o le faaaogaina o fualaau faasaina, fiafia i ta’aga ma le inu ‘ava
malosi, faaopoopo i ai ma le ‘auai i faapotopotoga e faatino le fia ta’uta’ua vale,
e le gata ai i ina le lisi.
O ‘oe ma a’u, o sāvali a Keriso. E tutupu a’e pea ou lagona, e tele foi avanoa e te
faia ai mea e fiafia i ai isi, a ia e manatua lenei mea: o le avea ma sāvali, e i ai le
sa’olotoga faatasi ma le tapulaa e le fia sopo’ia. Ua ia te ‘oe foi avanoa e tele, e
tatau ai ona e ‘alo ‘ese mai i le tu’inanau o le to’atele. E moni,e le faigofie. Ona
o le tulaga e tatau ma onomea. E faapei o Paulo na saisaitia, ia e ola foi ma
soifua i le soifuaga e tatau ma le lelei.
Tatalo: Le Tama e, matou te le fia ola saisaitia ma faatapulaa. A ua e valaauina
i matou ina ia faapaiaina. A o faaopoopo pea le pogisa i le lalolagi, ia e foai mai
le poto ina ia matou faapupula atili i le lalolagi lou Malamalama sili.
MafaufaugaLoloto: Faasino mai le tua’oi e gata ai le faapaiaina, o le Atua ‘ea
o se faatupu-vevesi? Po o le mamalu ‘ea o le Atua o loo faailoa mai ai o lo’o ia
te ia lo tatou lelei?
79
Aso Toonai - Tesema 24, 2016:
“O faatinoga ma upu.”
Tusi Faitau: Efeso 6:21-24.
Matua – Efeso 6:24,Ia i ai le alofa tunoa ia i latou uma o e alolofa tumau i lo
tatou Alii o Iesu Keriso.
E faafia ona e faalogo i lenei fasi-fuaiupu, “E sili ona leo tele galuega nai lo
upu,” e faasoa atu ai le agaga o le alofa i e ua fia faailoa atu se tulaga e sili ona
lelei? E i ai le faifeau ma te faauo, na fai atu lana apoapoaiga i lana fanau teine
a o talavou, “Afai e fai atu se tama ia te ‘oe, ‘Ou te alofa, ou te alofa, ou te alofa
ia te oe,’ mafaufau po o le sana mea e ‘aumai mo ‘oe. Afai a e leai se mea aoga
mo ‘oe, o lona uiga e leai se alofa.” Ou te talitonu, e le faatapulaaina i tausaga
po’o auga tupulaga nei fautuaga!
O tusi faitau filifilia mo lenei vaiaso, ua aofia ai le tele o mataupu taua ma aoga
mo le va feagai o le tagata soifua ma uiga lelei o le olaga nei. Ua tatou vaavaai i
le va feagai faaulugalii, i totonu o le aiga, o nofoaga o galuega, o matafaioi
eseese e saunia ai le tagata Kerisiano ma lona soifuaga manuia. Ua faai’uina upu
a Paulo, e foliga ua na sopo’ia ia vaega uma. Ua na faamanuia mai e ala i le
alofa tunoa o le Atua. E foliga, o le faaaogaina so’o o le upu, “alofa tunoa”, e
peiseai ua to’esea ai le uiga pito taua.
Mo isi, o le alofa tunoa ua faatatau i le alofa o le Atua e le faalagolago i mea
tatou te faia. I le tasi itu, e moni, a e a mafaufau ia Iesu, o le alofa tunoa na
faatino ai le malosi ua liua ai o tatou olaga. A e se’i taga’i toto’a lava. Ua
molimau Paulo e faatatau i le alofa tunoa o e ua alolofa i le Alii o Iesu Keriso i
se tulaga faapitoa, po’o e ua alolofa i le Alii o Iesu Keriso e leai sona tua’oi. Ua
ta’utino lo tatou alolofa ia Iesu Keriso e auala i le soifuaga tatou te ola ai. A e le
na o mafaufauga i le loto, aua ua tatou iloa, “E sili ona leo tele galuega na i lo
upu.”
Tatalo: O galuega a le Atua na faatinoina i le alofa mai, lea na auina mai ai
lona Alo Pele ina ia tatou ola ai. ia faailoa lo tatou alolofa ia Iesu i galuega lelei
tatou te faia mo tagata uma. Amene.
Mafaufauga Loloto: O lou alofa i le Alii e faailoa i mea ua e ta’utino ai i lou
olaga. E faapefea ona suia o tatou olaga pe a fai tatou te faamaoni i ai?
80
Faitau i le Mataio
Tusi Paia - NRSV
[Saunia e: Katie Miller]
O Katie Miller o le A’oa’o a’oga i le Cambridge, i le tofiga o le, Ordained Pioneer
Ministry, i le Ekalesia a Egelani. Ua tele tausaga o faigaluega e fesoasoani i e o
mautotogi i le atufalega i sisifo o Norwich, UK. Na a’oa’oina o ia i le natura o le sami ma
le vai, e fai foi ana tautalaga i le mataupu o le ‘Environmental Sciences.’ Ua faaipoipo i
le alii o Bill, ma ua matutua le fanau e to’atolu.
Aso Sa - Tesema 25, 2016: “O le Atua ua ia i tatou.”
Tusi Faitau: Mataio 1:18-25.
Matua – Mataio 1:22-23,Ua oo nei mea uma ina ia taunuu ai le afioga a le Alii i
le perofeta, ua faapea mai, “Faauta, e to le taupou, ma fanau mai le tama tane,
latou te faaigoa foi ia te ia o Emanuelu;” o lona uiga pe a faamatalaina, Ua ia
te i tatou le Atua..
E lua ni ta’utinoga faamaoni ua tusia e faatatau i le afio mai o Iesu ua faaalia i
fuaiupu nei: Aua e faaola e ia lona nuu ai a latou agasala (f.21) ma, Ua ia te i
tatou le Atua; Emanuelu. E masani i le aso Kerisimasi ona mafaufau ma toe
tepa i tua i le Kerisimasi ua mavae; pe i ai ni suiga pe leai, pe na manatu foi e
aulia lenei tausaga.
O le tausaga ua mavae i si a matou aulotu to’aitiiti, na matou o ‘ese ai mai le
falea’oga sa matou faaaogaina, ua matou o ese ua faigata ai ona iloa e tagata; sa
faaaoga le faleaiga e i ai faamalama lanu e fai ai la matou sauniga o le
Kerisimasi. Sa fai a matou sauniga i le mea e faaputu ai ‘oloa o mea’ai malulu
ua sauni mo le faasoasoa atu i aiga mana’omia mea’ai. A o o’u galue mo tusi
faitau i lenei tausaga, ua matou sauni e faaauau a matou sauniga i le faleaiga ua
filifilia; e tu ogatotonu o le aai, e faigofie ona iloa e tagata uma. Ou te manatu o
le a le toe i ai se mea e sese. Ou te manatu foi o le a le toe i ai se loto masalosalo
o le tasi i le isi.
Peitai, ua i ai le tala lelei: Na afio mai Iesu e lavea’i i tatou mai le agasala. Na ia
faataunuuina. Ua ou talitonu, e faigata lenei mea, ma e i ai taimi e lu’itauina ai.
A e faaopoopo mai pea tala lelei: E ‘auai faatasi le Alii ma i tatou.
Tatalo: Le Alii e, ua matou faafetai i le tala lelei e uiga i lo matou lavea’iina mai
le leaga o le agasala. Faafetai i le togiola na e saunia mo le lalolagi agasala.
81
Aso Gafua - Tesema 26, 2016: “Iesu le faamoemoe ma lo tatou lavea’iina.”
Tusi Faitau: Mataio 1:1-6.
Matua Mataio 1:1,O le tusi i le gafa o Iesu Keriso, o le atalii o Tavita, o le atalii
ia o Aperaamo
O fuaiupu nei ua tusia i le Mataio ua faailoa mai ai le tala i le gafa o Iesu, e ‘ese
mai i le tala ua tusia i le evagelia a Luka. O le tala a Mataio, ua fesootai ai le
gafa o Iesu mai ia Aperaamo ia Maria. A o le tala a Luka, ua fesootai ai le gafa o
Iesu ia Iosefa, ia Atamu ma le Atua. Ua tofu ia tala a le ‘au faievagelia ma
faasinoga e faapitoa i le tala’aga o le tupu’aga o Iesu. Ua faamamafa e Mataio le
fesootaiga ia Tavita ma Aperaamo i le amataga o le tupu’aga; o igoa e lua o
faailoga-ole-folafolaga.
O Iesu, ua folafolaina ai ia Tavita le faavaeina o le malo e faatuina e faavavau. O
Iesu, ua folafolaina ai ia Aperaamo o le a avea le nuu filifilia o le Atua, e ala mai
ai faamanuiaga i atunuu uma o le lalolagi. Ua tofu i tatou ma o tatou lava gafa.
Peitai, ua tatou le matua mautinoa po’o ai uma i latou ia. A e le gata i lea, e i ai
nisi ua le o toe mafaufau i tua’a ona o ni uiga e le fiafia i ai aiga. E mafai ona
tatou vaavaai i nisi o tupu’aga o Iesu, e faaopoopo ia Tavita ma Aperaamo,
faapei o Iakopo le faufau i mea lilo, ma Raava le fafine talitane.
A e o loo i ai le tasi folafolaga lilo o loo aofia i lenei gafa: Ua afio mai Iesu e
lavea’i i le lalolagi agasala. Ua ou le matua mautinoa nei i la matou ‘aulotu
to’aitiiti, i le feagai ma le lalolagi ua matou i ai, pe matou te tutupu mai i se tupu
po’o se tasi o augatama, pe a fai e tusia le laau o lo matou gafa. A e ui i lea, ua
silafia lava e le Atua le tala faasolopito o lalolagi uma, i aiga ta’itasi ua tutupu
mai ai, aua ua afio mai lo tatou Alii, e avatu le tagata mai le lalolagi agasala, i le
mafutaga ma ia i le manuia e faavavau faavavau lava.
Tatalo: Faafetai le Atua, ua e silafia i matou uma ta’itoatasi. Ua e silafia o
matou tupu’aga, ua e afio mai e lavea’i i matou i le lalolagi o agasala, a e maua
le ola faavavau ona o lou Suafa.
Mafaufauga Loloto: Ia avea lenei vaiaso tatou vaavaai ai i tagata o le Alii: E le
o le faamasino a e ia iloa le pogai ma iloa ni mea lelei na tutupu mai ai.
82
Aso Lua - Tesema 27, 2016: “Ua faatumulia i le olioli ma le fiafia.”
Tusi Faitau: Mataio 2:1-12.
Matua – Mataio 2:10-11, Ua latou iloa le fetu, ona matua tele ai lea o lo latou
fiafia. Ua latou ulufale atu i le fale, ua latou iloa ai le tamaitiiti ma Maria lona
tina, ona latou faapauu ai lea, ma ifo atu ia te ia; ua talai foi o latou oloa, ona
latou avatu ai lea ia te ia o mea alofa, o le auro, ma le pulu lipano, ma le pulu
muro.
Ua tatou le iloa po’o le a le umi, ua tatou le iloa foi pe fia maila na malaga mai
ai i Sisifo. E le taumate po’o Mesopotamia na faimalaga mai ai. Ua tatou le
maua nisi faamatalaga e uiga i le faigamalaga, e ese mai i nai fuaiupu faigofie ua
tusia. Na latou faimalaga mai e vaai ma feiloai i le Pepe ua fanau mai, o le Tupu
o Iutaia, e pei ona faailoa i le fetu. Ua latou o mai ma mea-alofa. Ua ou
talitonu, sa latou mafaufau ma iloa ni faaaliga e tusa ma le fetu ma lona pupula
mai. O le pogai lea o le faatumuina i le olioli ma le fiafia. O le faaliliuina
tuusa’o, e faapea: “Ua latou matua olioli ma fiafia tele.” Ua latou aga atu e tusa
ma mea ua vaaia. Ua o mai ma mea-alofa i le Tupu.
E le masani ona ou vaavaai i se tulaga e matua faatumulia i le olioli ma le fiafia.
O se tulaga e lagona ai le loto maulalo pe a fai e tupu. O le vaiaso ua mavae na
faasoasoa mea-alofa o le Kerisimasi, sa avatu mea-alofa i aiga e maulalo le
tamaoaiga i le nuu. Ua faatatagi le logo ulufale i le tasi aiga, ona faafeiloai mai
lea o se tina, ua matou avatu mea-alofa o pusa mea’ai eseese ma mea-alofa o le
Kerisimasi.
Ina ua vaavaai i pusa o mea’ai ma mea-alofa, ona maligi ai lea o ona loimata i le
fiafia, ma faapea mai: “ia faamanuia le Atua” (ua faifai pea). Ua matou
taumafai e faailoa i le tina, o nei mea uma o mea-alofa e foa’i mai i le agalelei o
tagata, o i matou ua na oni auauna---ua atili ai ona lagona le fiafia o le loto. E
foliga ia te a’u, ai lava sa faapea foi le lagona sa i le ‘au makoi e tusa ma le
fanau o le Pepe fou. A oo ina tatou vaavaai i le fesootaiga o le lagi ma le
lalolagi, ona tatou lagona ai lea o le alofa tunoa na auala mai ai le Mea-Alofa
sili. Ma, o le pogai lea o lo tatou olioli ma le fiafia, ma tupu ai le lagona e avatu
mea-alofa i e ua mana’omia la tatou fesoasoani. O Iesu Keriso, o le “mea-alofa”
a le Atua e silisili ona taua.
Tatalo: Le Atua e, ua silisili lou alofa mai, o le mea lea ua faatumulia ai i
matou i le fiafia ma le olioli ona o lou Finagalo. ia faatumuina o matou loto i le
lagona e foai o matou ola, e fai ma mea-alofa o le tala lelei mo tagata uma ona o
lou Suafa.
MafaufaugaLoloto: Ia fai ma uiga masanii o tatou olaga e avatu le faafetai, ona
o mea-alofa ua tatou maua i auala esese. ia maua foi le lagona e foa’i atu ai mo
le manuia o nisi ona o le tala lelei ia Keriso Iesu.
83
Aso Lulu - Tesema 28, 2016: “Ua oo mai le faanoanoa ma le tagiauē.”
Tusi Faitau: Mataio 2:13-18.
Matua – Mataio 2:18,Ua lagona le leo i Rama, o le auega, o le fetagisi, ma le
tagitu’i tele; ua tagiauē Rasela i lana fanau, e le mafai foi ona faanaina o ia,
ona o i latou ua leai.
O le matagofie ma le ofoofogia o le tala i le fanau mai o le Pepe fou, ua tuu
faafegai nei ma le tala o faanoanoaga ma le tagiaue: ua poloa’i le tupu o Herota
ia fasiotia uma tama-tane e faagata i le lua tausaga le matua i le aai o Peteleema
ma nofoaga tua’oi. Ua siitia e Mataio le faamatalaga a le perofeta o Ieremia e
faatatau i le leo o le tagiaue i Rama. A e o le aano ma le autu o lenei mataupu i
le Ieremia, ua aofia ai le toe fausia ma lona faamoemoe. O le mataupu foi lenei
ua aofia ai upu nei, “O le mea lea ua ou faafualoaina ai lo’u alofa ia te oe.”
(Ieremia 31:3b). O loo atagia ai le toe foi mai le tafeaga, e i ai le alofa lavea’i o
le Atua ma le feagaiga osia.
Peitai, o lenei tulaga, o le upu moni, e le taitai ona taofia ai le faigata ua i ai. O le
faamoemoe lumanai ma le folafolaga o mea o le a oo mai, e le taitai ona fo’ia ai
le tiga ma le faanoanoa i e ui lava o lenei faaaliga e ono faamafanafanaina ai. Ou
te le iloa le aofai o i latou ua aafia i lenei tulaga, ua fetagisi ona o fanau ua fasia:
o e ua leai ni fanau, o e loto faanoanoa, o e foi ua ‘ave’esea po’o ua motusia le
fesootaiga ma fanau pele. E lagona le ootia o le loto i nei fuaiupu.
Ua ta’u maii nei fuaiupu, e i ai le Atua ua na silafia taimi e faigata ai ona tetee i
tiga e vave ona oo mai, aua ua le faigofie ona faafilemu ona o le tigaina tele. Ua
na silafia foi mafatiaga e le vave ona maua se lavea’i, pe faigofie foi ona tali i ai,
peitai, e i ai lava le taimi e fo’ia ai.
Tatalo: Le Alii alofa e, ua matou faafetai ona ua e silafia o matou tiga uma; ua
e silafia foi e ala i lou alofa, o mea e le faigofie ona fofo, a e te faatasi mai pea
ma i matou.
Mafaufauga Loloto: Taumafai e mafuta ma e ua maua i tiga mamafatu, ua le
faigofie ona maua se vaifofo, peitai, ia maua pea le mafutaga ma i latou i mea e
tiga ai.
84
Aso Tofi - Tesema 29, 2016: “Ia toe foi i tua.”
Tusi Faitau: Mataio 2:19-23.
Matua – Mataio 2:20-21, Ua faapea mai, “Tula’i ia, ina ave le tama itiiti ma
lona tina, ina o atu ia i le nuu o Isaraelu; aua ua oti e na sailia le tama itiiti e
fasioti.” Ona tulai ai lea o ia, ua ave le tama itiiti ma lona tina, ona o ai lea i le
nuu o Isaraelu.
O le aiga sa sosola i Aikupito e ola ai, ua faailoa mai e saogalemu pe a toe foi.
Ua tusia e Mataio e le’i toe foi i Iuta ona o le fefefe ia Herota le Aramataia, o ia
lea ua tau’aveina le pule. O Peteleema o le aai o Iuta, ia latou nonofo i Nasareta i
Kalilaia. Ua tatou iloa mai le evagelia a Luka, o Maria e sau mai Kalilaia, o se
tulaga talafeagai lea. O le toe foi i tua e le faigofie i taimi uma. A e foliga ua
aoaoina i tatou ia malamalama o lo tatou toe foi i tua, ona ua i ai se tulaga
faaletonu. Peitai, ua talitonu, e manino le finagalo o le Atua i lenei aiga e tatau
ona toe foi i tua. Ua mautinoa e le faigofie ona toe laasia lenei tulaga: o le
faimalaga, o le tu’ua o le olaga ua masani ai i Aikupito, a e maise o le toe foi i le
nofoaga sa latou o ‘ese mai ai muamua.
E masani ona matou talanoa ma nisi e faigaluega faatasi, ua faapea mai: “E
foliga mai e leai se taunuuga. Ou te mana’o e toe foi i le mea sa masani ai.” E
atagia i lenei faamatalaga, pe a manatunatu loloto i ai, o le toe foi i le mea sa
masani ai, o le finagalo lea o le Alii. i se tasi faaupuga, o iina e feiloa’i ai. Ua
tatou faavaivai i le toe foi i tua. A ia tatala o tatou loto i le Alii. Aua o le Alii e
‘au ma i tatou i soo se nofoaga ma soo se taimi, o ia ma lona finagalo ia tatou toe
foi i tua. ia tatou loto tetele i le faamalosi mai o le Agaga o le Atua i soo se
faatinoga e ao ina tatou faataunuuina, tusa lava po o le toe foi i tua.
Tatalo: Le Alii e, ua matou tali i le “ioe” e ala i lau ta’ita’iga, soo se mea ua e
finagalo i ai matou te faia.
Mafaufauga Loloto: Ia manatunatu i le finagalo o le Atua, pe a faafo’i i tua ina
ia iloa ai ona faaauau i le lumanai. Manatua e ‘ave le faafetai i taimi faapena.
85
Aso Faraile - Tesema 30, 2016: “E afio mai o Ia e sili.”
Tusi Faitau: Mataio 3:1-12.
Matua – Mataio 3:11, O a’u nei, ou te papatiso atu ia te outou i le vai ina ia
salamo; a e peitai o le mulimuli mai e silisili o ia ia te a’u, e le aoga a’u ona
tauave i ona seevae; o ia lea na te papatisoina atu ia te outou i le Agaga Paia
ma le afi.
Ua faaalia i nei fuaiupu, ua faailoa mai e Ioane le Papatiso, e afio mai Iesu ma le
mana na te papatisoina i tatou i le Agaga Paia. O lenei mataupu atoa ua faasinolima ai Ioane ia Iesu, ma saunia le ala i le afio mai o Iesu. Ua valaau atu i tagata
ia latou salamo, ua latalata mai le Malo o le Atua.
E itiiti nai aso talu ona tuua le aulotu toaitiiti, ina ua mavae tausaga e fitu ma le
‘afa talu ona matou feoa’i solo ma nisi o uso/tuafafine Kerisiano. Ua tapunia le
ulua’i fale-tapua’i, a ua faaaoga le maota-fono o le aai, mai le fale a’oga sa i ai, i
le fale-aiga i le taimi nei. Ua matou misia le toatele o a matou pa’aga, a e ona ua
matou faasolo pea i se isi fuafuaga faale-talalelei. Peitai, ua le ona o so matou
mana’oga lea. A e o le lagona ia galulue pea ma saunia le ala e afio mai ai Iesui
loto o tagata.
O le faailoga lava lea o le tusitusi-lima ia te ia, o le Sili na te papatisoina i tatou i
le Agaga Paia; ma tusitusi-lima i le Malo o le Lagi ua latalata mai. O le mea lea,
ina o maia ia, ia saunia o tatou loto faatasi ma lo tatou Alii! Ua faamanatu mai e
Ioane le Papatiso, o le auala lea e faatino ai la tatou molimau: ia tusitusi-lima ia
Iesu. O nisi taimi ua tatou lagona e peiseai ua tatou faalogo i le leo-tagi i le
vaomatua. A e ua le afaina lea. O Le ua afio mai, o Ia lava lea na te papatisoina
i tatou i le Agaga Paia ma le afi.
Tatalo: Faafetaii le Atua ona o le auina mai o Iesu, na afio mai ma le mana o le
papatisoga ma le Agaga Paia. ia saunia o matou loto ma agaga e molimau i lona
Silisili ese.
Mafaufauga Loloto: Manatunatu i lau galuega mo le tala lelei ia Iesu, pe
faapefea ona faalauteleina lenā galuega mo le lumanai?
86
Aso Toonai - Tesema 31, 2016: “O le papatisoga o Iesu.”
Tusi Faitau: Mataio 3:13-17.
Matua – Mataio 3:13-15,Ona maliu atu ai lea o Iesu mai Kalilaia i Ioritana ia
Ioane, ia papatisoina ai o ia. A ua vavao e Ioane ia te ia, ua faapea mai, “E ao
ona e papaisoina mai o a’u, a e maliu mai ‘ea oe ia te a’u?” A ua tali atu Iesu
ia te ia, “Tuu mai nei pea ia; aua e faapea ona tatau ia te i tatou ona
faataunuuina o mea tonu uma.” Ona tuu mai lea ia te ia.
E faapitoa le papatisoina o Iesu, aua e faapea foi ona faapitoa Iesu. O Ioane, e
faapei ona a’oa’o mai, o le papatisoga ina ua salamo. O Iesu e leai sana agasala,
e le mana’omia le salamo. Ua faafiti Ioane e le tatau ia te ia ona papatiso ia Iesu.
O le mea lea, e faapefea ona tatou malamalama i le uiga o le papatisoga? Ua
faamalamalama e Iesu, “Tuu mai nei pea ia; aua e faapea ona tatau ia te i tatou
ona faataunuuina o mea tonu uma.” (3:15b). O le papatisoina o Iesu, o le tuuina
atu o le loto atoa i le finagalo o le Tama, ma ta’utino le agasala ua aafia ai le
tagata. O le a’oa’oga taua lenei ina ia faamalosi loto. O le auala atoa lea na
savalia e Iesu, e ao foi ona tatou savavali ai.
Sa faamanatu mai ia te a’u i le isi aso, e faapea, o le vai o le Ioritana e nenefu.
Ou te iloa lea tulaga i aso ou te laasia ai vaitafe ua nenefu, i taimi o a’u
su’esu’ega faasaienisi. E tele taimi ou te tofu ai i vaitafe ina ia fua le malosi o le
tatafe ma iloa le loloto o i ai. A e le tupu soo ia te a’u le faafesaga’i ma faigata o
le olaga. A e silafia, i le olaga nei, e i ai taimi e lagona ai ua lotolotoi i totonu o
mea faigata.
O lo tatou vaavaai pea ma mata’i le pulelaa o le papatisoga ua faamamaina, ua le
avea lea ma suitulaga ia Iesu ma le faatinoga na ia saunia mo i tatou, e ala i le
papatisoina. Na ia tofu atoatoa i le pouliuli o le lalolagi agasala, a e tumau pea le
leai o sana agasala, ua toe soifua mai o ia ma le manumalo.
Tatalo: Faafetai ia Iesu, ua ia faasili le finagalo alofa o le Tama, ina ia tatou
ulufale atu i le nenefu ma le pouliuli o le olaga faale-lalolagi, ma tatou manua’e
ai i le manumalo faatasi ma le Keriso.
Mafaufauga Loloto: Taga’i i le tausaga ua mavae, mafaufau i mea na faia e le
Alii mo ‘oe, o foliga ia o le faailoa mai o le Alii ia te oe, ina ia e soifua faapei o
Keriso foi. Ia momoli le faafetai i a te Ia.
87
IA MANUIA LE TAUSAGA FOU.
88