Pustaka Si Badia - GBKP Klasis Jakarta Banten
Download
Report
Transcript Pustaka Si Badia - GBKP Klasis Jakarta Banten
Pustaka Si Badia
Kuasa, Isi Ras Gunana
I babai :
Pdt.R.Ginting
Ketua Klasis Jakarta Banten
Kata Perlebe :
Pustaka Sibadia eme palas ras pedoman nggeluh
kalak si tek man Dibata
Pustaka Sibadia jadi pedoman geluh Pt/Dk i bas
mabai ras ngepkep perpulungen Tuhan ( GBKP)
Pt/Dk arus mbages meteh, nandai ras makeken
pustaka Sibadi i bas geluhna
Kai kin Pustaka Sibadia:
Kesaksin kerna Dibata si ncidahken diriNa arah sura-sura
ras perbahanenNa eme alu nepa doni ras isina , njagai
ras ngekelengisa seh ku nelamatken doni enda.
Manusia ipakeken Dibata guna nulisken kerna perbahanen
Dibata i bas sejarah kegeluhen manusia rikutken jaman,
budaya ras kegeluhen penulis kitab arah proses si cukup
gedang seh kitab e i pepulung ( kanonisasi).--
Mekanisme
Kesah Sibadia erdahin nemani ras mpengasup penulis
guna nuratken kitab e ( 2 Petrus 1:21).---- Organisme
Inti kesaksin i bas Pustaka Sibadia eme Jesus Kristus ,
kata si enggo jadi manusia ( Johanes 1:14).
I bas Yesus teridah kekelengen Dibata si la erkerikerin ibenaken arah doni si itepaNa, ketubuhen,
kegeluhen, kematen, kekeken, kenangkihen seh ku
bas kerehen Kristus sipeduakaliken.
Yesus me si jadi tokoh utama i bas pustaka Sibadia
arah sejarah kerajaan Israel sebab Ia jadi tujun ras
nubuaten kerajaan Israel ras kerajaan Dibata.
I bas sejarah kegeluhen kalak israel kitab enda jadi
pedoman geluhna encidahken kerna aturen ras
norma kegeluhen bangsa Israel.
I bas Pustaka Sibadia pe ituriken kerna perbeben geluh si
nanami kalak si tek bage pe ketutusen atena ersembah ku
Dibata.
I bas Pustaka Sibadia pe lit ka cerita-cerita si i bas sada dampar
labo mengandung nilai-nilai agama , umpamana : pembunuhen,
peperangen erkiteken mpertahanken jabaten ras kekuasaan.
Arah cerita enda nabi-nabi nuriken kerna kebenaren ras
kesalahen si ilakoken raja-raja rsd.
Jadi lit nge keterbatasan i bas penulisen kesaksin e, amin bage gia
kebenaren kesaksian Pustaka Sibadia ngelewati ruang ras waktu
e ( keterbatasen).
Arah kerina kejadin si isuratken i bas Pustaka Sibadia kerna
sejarah kegeluhen kalak Israel/kalak si tek iakui campur tangan
Tuhan. Janah Dibata erkuasa encidahken sura-suraNa i bas
kerina kejadin e.
Kerina buku/kitab sienggo ipersada arah kanonisasi
subuk berupa cerita, puisi,hukum, nubuat, dahin ras
kata-kata Yesus dingen surat-surat si isehken ku
perpulungen maka kerina nuriken kerna sura-sura,
ras perbahanen Dibata lako ngkelengi ras
nelamatken doni enda ras kerina isina. Kerna si eme
maka Pustaka Sibadia igelari kata Dibata.
I bas Puskata Sibadia me teridah kuasa Dibata si
meganjangna sebab kataNa me jadi tendanf man nahe
nerangi dalan si idalanina, bagepe pedoman geluh
kalak si tek nandangi perbahanen ras kegeluhenna
( Masmur 119:105).
Pembagin Pustaka Sibadia
Proses kanonisasi mpersada kitab-kitab ndai jadi sada
pustaka SiBadia ibas 66 Kitab nari: 39 PL, 27 PB.
Erdandanken lit kitab si samar (apokrip) maka la
ipebengket ku bas kitab e. Tapi ibas katolik ipebengket eme i
gelari deutrokanonika ( kanon sipeduaken) : Makabe I ras II,
Yesus bin Sirakh
Benang Merah Padan si ndekah ras Padan si mbaru teridah :
ibas padan sindekah kalak Israel idilo jadi sada bangsa guna
jadi pasu-pasu nandangi doni enda( Kejadin 12:2-3), arah
bangsa e Dibata nikapken sada kesusuren siarah keluarga
Daud ( Masmur 89:3-4), jenari si e iterusken ku nubuaten
kerehen sinursur Daud ( Yesaya 11:1-10) , kai si enggo
ipadanken e jadi i bas padan si mbaru arah kerehen Yesus (
Matius 1:1-17; 1:22-23)
Padan Sindekah :
Bagin I : Taurat (Kejadin, keluaren, Imamat, Bilangen, Ulangen) : enda me si
pemena si lit i bas kalak Israel sebage kata Dibata ( Yesaya 1:10; 2:30).
Bagin II : Kitab nabi-nabi ( Kelompok nabi 1 : Josua, hakim-hakim, Samuel,
Raja-Raja; ras kelompok nabi 2 : Jesaya, Esekiel, Hosea, Joel, Amos, Obaja,
Juna, Miha, Nahum, Habakuk, Sepaya, hagai, Sakaria ras Maleaki) . I bas
perdalanen kegeluhen kalak Israel , bangsa e lanai ndalanken undangundang taurat ndai. Dibata milih ras nuruh nabi-nabi ngerana kerna surasura Tuhan.
Bagin III: kitab sinuriken kerna perdalanan kegeluhen kiniteken bangsa
Israel arah bentuk pujin, pengataken bujur, pertoton ras turi-turin isi
pusuh ( Masmur, Job, Kuan-kuanen, Ende-enden Salomo,Rut,
Pergandungen, Pengerana, Ester, Daniel, Esra, Nehemia, Kronika. ( Lukas
24:44)
Padan si Mbaru:
Bagin I : Injil ( Matius, Markus, Lukas, Johanes),
nuriken kerna Jesus Kristus ras perbahanenNa
idoni enda
Bagin II : kitab kerna kesaksian kalak sitek
nandangi Yesus kristus arah kegeluhen kalak
Kristen mula-mula bage sejarah kekristenan
( Perbahanen Rasul rasul ras surat surat rasul
bagepe kalak si tek man Yesus maka Ia Anak
Dibata)
Pustaka SiBadia subuk padan sindekah ras
simbaru nuriken kerna sejarah penyelamaten ;
Si maba Keselamaten eme :
Yesus Kristus Anak Dibata
Dalan keselamaten eme :
Arah perkuah ate Dibata arah AnakNa
Singaloken keselamaten eme :
Gereja selaku persadan anak-anak Dibata
Kuasa Pustaka SiBadia
Nandangi Geluh Serayan:
Pustaka Sibadia labo jimat, labo kitab ramalan
Pustaka SiBadia erkuasa nandangi kegeluhen kalak si tek :
- Arah berita isehkenna kerna Jesus si eme kata Dibata
si enggo jadi manusi enggo guna mperdameken manusia
si perdosa ras Dibata.
- Kalak si enggo iperdameken ras Dibata erkuasa guna
nuriken Pustaka Sibadia ku kalak si deban.
Erti ras Guna Pustaka Sibadia
Man Kalak Sitek
Nerangi dalan geluh ( Masmur 119:105). Kalak si
la erdalan i bas kata Dibata gelap dalanna ras
mabai papak ras bene.
Pedoman nggeluh ( 2 Timotius 3:16) : ngajari
kalak si ngena ate Dibata, mandang si lepak,
pekena si salah dingen erguna i bas mereken
pedah-pedah nggeluh alu mehuli.
Kegeluhen serayan Tuhan arus ersada ras kata Dibata
siipesehna. Ope denga kata Dibata e ipeseh maka man
bana lebe kata Dibata e enggo nggeluh, ras erkuasa (
terinternalisasi).
Ibas ngoge Pustaka Sibadia mbue ayat-ayat si hapalken
kita, tambah pemetehta guna nuri- nuri ras erdebat,
sieteh sejarah Israel ras Yesus Kristus tapi kata Dibata
Dibata e labo erkuasa i bas dirinta adi la sidanlanken bagi
sura-sura Tuhan.
Malem me ate kalak simegiken kata Dibata dingen
ndalankenca ( Lukas 11:28)
Guna Ngoge Pustaka Sibadia:
Kai pe si ateta sidahiken maka arus tetap erpalasken ku
bas kata Dibata gelah tambah pemeteh, pengertin ras
pengalamen kerna keleng ate Dibata ( Lukas 4:16-20,Matius
4:4,7,10)
Mereken pengangkan gelah banci nggeluh sue ras aturen
Dibata janah si e mpereh kesangapen
( Josua 1:8)
Mereken keriahen suari ras berngi i bas matuhi undang
undang Tuhan ( Masmur 1).
Ngajari ras membangun perpulungen ( I Timotius 4:13)
Penutup :
Serayan Tuhan i pilih guna ndahiken dahin Tuhan.
Gelah Serayan Tuhan banci tetap dahiken dahin si
iendesken Tuhan maka la banci lang serayan Tuhan arus
nungkun ras nguru ku Dibata kerna kai ras uga arusna
ngelai.
Arah kita ngargari ras niksiki kata Dibata maka kata
Dibata e si renungken dingen silakoken ibas kegeluhennta.
Ijeme maka teridah kata Dibata e erkuasa i bas
kegeluhenta , pelayanen ras perpulungennta.