Transcript hijj - Citotes Vastelaovend Mestreech

1
Lewieke in de Sòp
ielegaal edisie nr. 29
Jaorgaank 58 nommer 2
13 fibberewari 2016
Vaan de hoofredaksie.
Leef luij, dat weer heet uuch toch allemaol wel effe bezig gehawwe, mer dat bèje en knele
heet good gewèrrek, want eigelik hadde veer d’r mer wienig las vaan. In de kinderoptoch
(boe dat woort op sleit wèt niemes mie) waore de groete wages (alle twie) achter gebleve
zoedat die errem Kemeleers noe zellef móste loupe. Dat plestik heet mie stof doen
opwèje, mer d’n awwe korrespondent wis us te vertèlle dat geer dat allemaol hiel kreatief
höb aongepak. En zoe kreegste ouch gein kaw han. Heer voont wel dat de rotzooj alleijn
mer erreger waor gewore door die sop. Vendaor dus de naom vaan de Gezèt veur dees
edisie. An-Merie, weur ins wakker. Leuk die buijskes um die bekerkes in te stoppe, mer
die waore neet alleijn väöl te kleijn, mer de zaogs ze ouch nog nowweliks.
Of An-Merie ut good gedoon heet bijj de euverdrach, daor zien de luij ut nog
neet euver ins, dat varieert vaan kloete tot erreg sjerrep. Vaan zier ingeliechte
bronne höbbe veer vernome dat de aw hoofredaktries dees week vekansie had,
dus veer hadde alvas mer e luijerke aongetrokke, mer die had ut väöl te drök
mèt heen en weer te taffele vaan Friesland tot Emmen en weer trök. Zoelang
die häör prijoriteite neet op orde heet, zien veer gelökkig. Veer hoorte dat geer
nog getuige zeet gewees vaan un insleting door de pelisie op de Vriethof, mer
dat bleek gelökkig e misverstand. Wat wel sjoen is dat de pelisie zellef
hielemaol gein meuijte had mèt dat beer in glaas. Zie hadde ziech zellefs
spejaal veur Maud vaan die sjoen geel jeskes deveur aongetrokke. En wat die
ordehandhavers de gansen daag gedoon höbbe? Veer wete ut nog steeds neet.
D’n awwe korrespondent wis us te vertèlle dat dee nuije zien
bijdrage al veerdig had veurdat heer zellef koelik wakker waor
op goonsdeg. Mieljaar, dat geit ech veuroet. Alleijn dat
woordebook blijjf un probleem, mer veer zètte us gewoen
oerdöpkes op es d’n awwe dat zit te redigere. Heer heet
sjijjnsbaar wel 3 daog laank mèt dee nuije gekorrespondeerd
euver d’n towkoms vaan de gezèt, want is dat nog wel vaan
dizzen tied, zoen gezèt, vroog deen awwe ziech aof. Mer heer
zaot hijj weer verwoed te tiepe, dus veer goon devaan oet dat ut
veur dit kier in eeder geval weer good kump. De jungskes waore
netuurlik weer present, dit kier es blomstökskes, en dee Cas leep
steeds mer debijj um die vaan beer en weurs te veurzien.
En daan de res vaan de gezèt. Geer kint ut riggelemint, veer zitte hijj gewoen veur de flawwe kwatsj. De
korrespondente höbbe ut noe veur ut zègke. Dus allèh jonges, laot us ins hure wat veer gemis höbbe
2
Vaan d’n awwe
Hèhè, dat woort ins tied dat die aw zawwele us es korrespondente weer
aon ut woord laote. Ze höbbe wel geliek euver die diskussie rónd de
gezèt. Es geer soms nog leuke ideeje höb, laot ut us wete, want veer
höbbe al las vaan kneuk en rimmetiek, dus al dat tiepe deit us gei good.
Alternatieve zien welkom, zeker es die inhawwe dat geer zellef ouch
ins get mót doen. Höb geer ouch allemaol zoeväöl awwer luij gezeen
in de stad, of kaom dat umdat geer dit kier in aander kaffees kaomp?
Die groep aw vrowluij, die mèt rollator en al bijj Vreede binne stapte,
mer dao binne 2 menute wel allemaol mèt 2 glazer soes in de han
stoonte! En dat leef meidske, dat dudelik op stap waor mèt häöre ampa
en ama. Ze mós ampa nog wel hellepe um dat zjeneverke gans aon de
mónd te kriege. Ama had niemes nudig. Die glòm vaan gelök.
De nuije korrespondent heet e gans verhaol veur uuch gesjreve,
euver wee d’r wel en neet waor en wat die allemaol wel neet gezag
zowwe höbbe. Geer kint dat dalik in 2 kolomme breid leze. Iech bin
bang dat heer ut mieste oet zienen dom gezogen heet, mer ut blijjf
toch wel erreg leuk um te leze. Heer is alleijn vergete um te
vermelde dat Kees, Nils en Zjuul d’r netuurlik weer bijj waore op
zoondeg bijj ut insjete. Helaas móste ze zellef weer trök naor de
stasie wandele. Of dat kaomend jaor nog herhaald geit weure?
Bokito sjijnt las te höbbe vaan un ernstige depressie umdat heer de
gemekelikste tes in jaore neet aof kós kriege en heet ziech neet laote
zien. De geruchte ginge roond dat heer de gansen tied zie lewieke
aon ut zeuke waor. Gisèl leet ziech gelökkig daor niks aon gelege
ligke en is wel gesinjaleerd. Merelke höbbe veer weer mage
bewoondere en ze heet zellefs naor us gelache. Dat die gein meujte
had mèt die sjiek getoepeerde pruuk vaan häör mam is e wónder. En
veer mage Wies en René en al die nisjekes oet Limmel en Naztareth
netuurik neet vergete, en John, de neef vaan Irma. Mer allèh, genóg
gezawwel, huur iech uuch dinke. Laote veer daan mer ins goon
bekieke wat dat kreatief talent veur uuch bijj mekaar gesjreven heet.
Vaan de Nuije Korrespondent
Daan zien veer d'r weer, veur de Pieter. Nog
noets zoe vreug waore veer weer vereind. Ut
kriebelde al veur tot veer Mestreech hadde
bereik. Jao sommige hadde al un meisterwerk
opgelieverd mèt de citotes, en hadde zich good
ingeluusterd, alle lof daorveur netuurlik. Mèr d'r
zien aoch nog vaan die tiepes die pas in de
vastelaovend goon geluive es ze mèt ut ierste
gleeske in de hand stoon tösse hun vrun, de
dikkezjiem in hun oere en ‘t roed geel en groen
veur de ouge.
Jao geer huurt ut good, ut gleeske beer. Want
veer zien neet alleijn zier beduch veur de
plestiksop in de Maos of Jeker, boe euze
Mestreechter vastelaovend in dreig te verzoepe.
Mer ouch bevrees veur ut verdwijjne vaan ut
gleeske. Ut is dun hoechste tied veur unne
Hommaasj aon ut Gemiste Glaas
Zoonder is ut zoe...
dat ut fienbesnaderde vingerspietse geveul
hapert, dat pas bei kontak mèt ut goudomrande
de smaakpapille in de zjuste stand zèt,
dat de lippe, ut kaajt en gladde wanhopig
zeukend, hunne reflex um behooftig te goon tuite,
bedwinge en dat daan ut goudgele voch zoonder
smaak , zoonder geveul zien gelök kreërende
werrek neet volmondig tot oetvoering kin bringe,
boedoor de oproop van ut hiemelse geveul
bijj diech en miech oetbleif en veer in plaots
daorvaan mèt unne kater blieve zitte. Te vreug en
te neuchter.De kans gemis um te deep d'rin te
kieke. Of euze vastelaovend zoonder nog utzelfde
bleijf zal nog moote blieke.
3
Mer niks vaan dat alles bijj de Pieter en bijj hiel
väöl kaffees op de route. Binne is d'r miestal
glaas en aanders weurt ut plestik zoe kort
meugelik gebruuk, om binnen 45 seconde
veurziechtig euver te sjötte in e veiliggestèld
kollektors aaitem mèt e gouwe rendsje. Maud
had zellefs nog e glaas van Ridder opgegraove
dat op ut Slevrowweplein nog geld kós opbringe.
Netuurlik höbbe veer dit
kier de route ouch riechting
Merret en Vriethof verlag.
Neet vaanwege de weersverwachting, mer um
netuurlik te kieke of veer gein las hadde vaan de
Mestreechse tunnelvisie. En jao, ut waor
verdomme ouch nog hiel gezèllig bij Vreede en .
‘t Häöntsje. Gooie meziek, glazer binne, dus dat
veel us neet tege. Op de Vriethof zaoge veer
echter un neuij fenomeen, de kaffees waore mèt
de beerprijjze aon ut stunte. 10 pèls veur 15 euro,
dat is neet niks veur unnen erreme student. De
muziek waor ouch mie op feestoeriste geriech
leek ‘t, aofwisselend Ingels en Mestreechs.
Tenminste s'aoves.
Euverdaag höbbe veer daor
heerlik in de zon gestande
en Pé en Liny höbbe zelfs
de kinder-optoch vaan veur
tot achtere gezeen. Pas toen
de hekker al lang weg
waore kaome ze vaan de
plaots. Genetend vaan de
meziek en af en tow de zon, de keuning en
keuningin te riek. Bijj ut Dinghoes kóste veer
weer genete van stevige Trompötters, die
väölstummig de streijd mèt de boonkende
sambabends glorieus naor hun hand zatte. Of die
tettereers nog wel lippe euver höbbe nao de
karnaval is hielemaol de vraog, mer sjappoo veur
zoveel ambressuur. Veer óntdèkde trowwes totste
gewoen carnavals leedsjes prima op de samba
meziek kins zinge, e gaat in de merret dach Ron
ouch al. E bitsje carnavalsfusion kin gei koed.
Noe veer ‘t toch euver
sjappoo höbbe. Waor ut
zaoterdagaovend
opvallend röstig in de
Kooijstraot, zoondag
waor dat wel aanders.
De straot waor oetgegreuijd tot un heuse hotspot
boe de massa zoe op mekaar woort gepeers tot
zellefs Irma häör huudsje verloor. Mer veer
waore d'r gelökkig snel bijj en kóste ut kleinnoed
nog zjus oonder de veuij vaan un aonstörremend
regiment kachelpiepers weggrisse en in
veiligheijd bringe. Daoreuver echter later mie.
Daan moote veer ut netuurlik ouch höbbe euver
‘t leedsje, want ut geit bijj us heus neet allein um
d'n draank! Waore veer iers nog al skepties euver
de confetti in de oere, dat woort langzaam toch
gèt bijjgestèld. Wie mie dikke zjiems veurbijj
kaome, wie beter us oere ginge toete. Eve un
kwisvraog tössedoor: in welleke cafe kinste de
mieste dikke zjiems op e sjèlderij zien stoon?
Feit is wel dat eure korrespondent zelde, in ut
jaor vaan oetgave, zoe dèks ut nuijste leedsje
heet hure speule, behalve toen veer nog in de
puunkringk probeerde indrök te make. Boe is
toch dee kringk gebleve? Noe heet de nuije
korrespondent same
mèt d'n awwe toch nog
zoen nostalgiese
hiemelse ervaring
kinne beleve, jao
precies oonder dat
bewuste sjèlderij mèt
die dikke zjiems. Heer
voont un medaille vaan
de orde vaan Vrow
Donders oet 2016 en
daor dege veer e jong blömke zoen plezeer mèt
tot ze spontaan d’n awwe korrespondent oet pure
daank e puneke verkoch, mer dee realiseerde
ziech al snel tot de ier ierlik mós weure gedeild.
En zoe zweefde veer naor de Pieter, boe de
meziek de rès deech.
De maondag waor e hoegtepunt, dat kinne veer
zoonder twiefel wel zègge. Vaan ut weer gein
inkel las gehad, dus de roetewissers kóste oet
blieve stoon. Behalve es Fabrizio mèt ziene
Bugatti op stap ging. Dat nummer waor zeker ut
bèste vaan de vastelaovend. Veer zalle nog dèks
in d’n oto rope es ut geit regene: chauffeur!
Roetewisser, roetewisser!
4
Daan moote veer ut netuurlik ouch euver ‘t ete
höbbe. Want op pèlskes en stekskes kinste
netuurlik ouch neet leve. Mer wel op de knien en
zoervleis favoriete bijj Minkeleers. Neve de
spaghetti vaan Mattie waore ouch de kale waffels
op ’t slevrowweplein favoriet bijj de jäög. "Die
zien get werremmer en smeuïger daan op de
Vriethof" aldus ervaringsdeskundige. Saar heet
inmiddels de vegetarische Burgerking óntdèk, en
Ron en Janneke zien af en tow solidair mèt häör,
mer zaote toch mer weer sjoen aon de stamppot
toen Saar häor kiesnuggets aon ut oppeuzele
waor, "d'r zien grenze" waor ut ierlike
kommentaar vaan euze straankpatient.
Inmiddels waor dee
vaan receptuur
veranderd, vaan alleijn
mèr alkohol naor unne
verdouvende mix vaan
pèls en pille. Trowwes
de goulash vaan
Minkeleers zaot Pé
toch nog wel zoe hoech
op de maog tot heer
beinao dreigde e pèlske
euver te sloon, mer
gelökkig is ut zoewiet
neet gekoume. Ut zat
‘m wel aon tot depe
gesprekke mèt Jol, die
weer acte de présence
had gegeve en euzen
awwe straotkorrespondent ut humme
vaan ut lief vroog.
Veer hope tot e kort verslag nog in dizze editie
mètgenome kin weure, mer veer zien bang tot ut
d’n deadline neet mie haolt. Trowwes, de
loempia vaan de Chinees waor Maud in ut
verkierde keelgaat gesjote,
boedoor ze toch d’n optoch
aon zich veurbijj heet móte
laote goon. Dee ging ouch dit
jaor weer oonder t motto ‘de
beste herrie tösse de gate’
vaan start. Dit kier rechts
langs ut stadhoes, mer ‘t blijjf
sukkele op de Merret. ’t
Hoegtepunt waor Willy. Wat
had dee e prachtig pekske!
Ans heet al häör han
kepotgeknutseld ‘veur die geweldige Sókertant
kreasie, kompleet mèt oetdeilmendsje. Eederein
wow mèt häöm op de foto. Ut entoesjasme waor
zoe groet tot heer oonder aon de brök al zien
knepkes kwiet waor, toen heer door de tv woord
geïnterviewd. Gelökkig stoont Ans um d’n hook
alweer veerdig veur de ravitaillering. De aander
pekskes, daor kinne veer ouch kort euver zien.
Eederein had zien vertrowde kreasie weer aon, in
deze benkelike tije höbste toch houwvas nudig,
zoe bliek mer weer. Pim waagde zich neet
zoonder hellem de straot op, mèt al dee plestik zit
un glijjpartei in e klein heukske, veural op ut
slevrowweplein en veur de platte zaol. De
oetbater daor sjeint de kwade genius te zien
achter ut plestikplan. Heer heet daormèt un
kordon solitair op ziech afgerope. Alleijn weurt
der nog wel geplas, begreep de korrespondent, en
daan ‘t leefs in e bekerke. Jordi en Nicole hadde
ziech es bosnimf verkleijd, mèt paddesteul en
lempkes. Dat heet edere serjeuze verkleider
inmiddels, zellefs Maud had de lempkes in häör
hejse gemonteerd, kiek ze ins tintele.
Wee ouch mèt iederein op de foto wow, waor de
prins, Bastiaan d’n Ierste. Oetgerekend op eus
fotomomintsje kaom heer langs de Lure en kóste
veer haöm neet mie vaan Maud häöre sjoet
aofhawwe.
Maud dach tot ze ziech
mèt Bastiaan noe wel
kós tutoyere, mer dat
waor boete de
Tempeleer gerekend.
"Ut is nog altied geer
en uuch, medam" zag
de prinsensekondant,
dee dudelik de
romance mèt häöre
hoechlöstigheid had
gemis.
Chris zow in Frankriek zien, mer boe is Leanne
zowt geer wel wèlle wete. Dat wow Liny ouch
wel. Veer dinke tot Leanne in e pikant pekske in
Rio zit, mer Liny meint toch ech zeker te wete tot
ze op e daak in Buenos Aires mèt unne
bandaliarijo aon ut tangowe is. Wie dan ouch, ‘t
zika virus kreijg gein vat op häör mage veer
5
hope, want dat bekleijf allein in sambagebiede.
En zoe ontroert es Maxima luusterend naor dé
accordeon, zit Liny te snóttere bijj ellek
Whatsappje oet Zuid Amerika. Euver neet al te
lange tied steit Irma dat ouch te wachte, mer daan
oet Afrika, es Malon daor geit promovere.
Keump haaf Afrika naor Europa, geit dizze
dappere vrijbuiter de aandere kant op. Un misssie
die veer netuurlik zier
prijzenswierdig en eve
moedig vinde. Cas
probeert de Hebreeuwse
en Arabische lèttere
towgankelijk te make
veur ut groete publiek,
dat is get minder
gevaarlik, mer ouch un
verheffende missie. In ut
wiekend heet heer weer
tied um aon zien epos te
sjrieve.
Ineke mós weer naor
Amsterdam, umtot ze de
zaak neet vertrowde. Pim
ging naor ut Amorsplein
op zeuk naor Vincent in
e berepak. Mer ut blood
krup boe ut neet kin
loupe en zoe zaot heer
toch nog zjus op tied bij
Cas op de baank um te
zien wie Ajax vaan
Feyenoord won.
Achter de Meules zien ze erreg bang veur de
koms vaan un Ikea vestiging. Daan nog liever ‘n
azielzeukers centrum. Trowwes geine asielzeuker
gezeen. Dee is zeker örreges de weeg kwiet
geraak. Dat is daan toch
weer typies Mestreech. Boe
gans Nederland vaan op
ziene kop steit, daor trek ‘t
vastelaovend vierend
vollek vaan Mestreech zich
gein kloete vaan aon. En zo
hoort het ook, eens per jaar,
um mèt Wim Sonneveld te
praote.
Wat veer wel tegekaome waor un stomerij die
hiel good waor in Mantelzörreg en vas daorbijj in
deens, unnen Iron Man, mer dee had zien
striekiezer örreges laote ligge. Heer had wel zien
grieniezer bijj ziech, die waor sjaggerijnig umtot
ze op de striekplaank mós
passe terwijl heer zien lewieke
aon ut zeuke waor.
Simone waor neet vaan de
partijj in Mestreech, die mós
acte de présence geven in
Tilburg bij häör sjoenmam en
zuster. Daor sjeijne op
maondag alleijn de vrowluij
oet te mage goon, es of ste ‘t in Keule huurs
dondere. Ze genoot mèt volle teuge vaan häör
lètste tentamen en geit noe de Blomme ins good
boete zètte. Jeroen waor toesgelaote um op de
winkel te passe, mer woort toch nog bestole vaan
ziene leptop. Hopelik had heer zien wèrrekstök al
ingelieverd en deit heer gooij zake bijj de
verstendige baank.
Irma mót aon häör plan B goon wèrreke, mer dat
liek de korrespondent toch wel get veurbarig.
Veur plan C ging de reintegrasie hiel
veurspoojig. Neet gemerrek tot ze nog aon häöre
comeback zow móte wèrreke. Zowiezoe weure
veer allemaol awwer en steeds vreuger en
neuchtiger es veer via de rolmopse of stumpkes
ut bèd opzeuke. En slaope
daan es de roeze oet ‘t
boeketsje vaan de dreij
mennekes. Mattie is trowwes
ouch hielemaol vaan zie
geluif gevalle en probeert noe
um de twie weke zien vrow
mèt blomme te versere.
Heer waor geobsedeerd door
de bootkamp. Pé wis häöm te
vertèlle tot dat un soort
snelkookpan konstruksie is
boeste in no taaim get aon ut
verstand gepeuterd kreigs
Veural ut motto: "same goeje veer us dedoor" is
Mattie op ut lief gesjreve. Heer deit mèt aon un
innovasiebootkamp en probeert zoe ouch ins get
verstendigs te doen bijj zien baank. Mer oet ut
6
gewawwel, euver boe heer zoe vol vaan is, kós
niemes wies weure. Same betaole, dat bleef
miech bijj. Same bevèlt miech wel, mer betaole
is al weer get minder leuk. Laot dee jong mer
druime en af en tow e sjoen fèllemke make. Dat
höbste noe einmaol mèt luij die af en tow weure
ingehaold door hun eige kreativiteit. Ellen deit
alle meujte um dee jong mèt twie pu op de grond
te hawwe. Zoe es heer zellef al zeet, "nao
carnaval snap iech miestal neet mie boe iech veur
carnaval eigelik allemaol mèt bezig waor". En
dat is boe ‘t allemaol um
dreijt die drijj daog.
Aofstaond numme, liech
verneveld beklasjenere mèt
verstendige luij en daan
mèt verriekende carnavals
inziechte weer volle gaas
kinne geve.
Noe veer ut toch euver die Inziechte hadde, de
tes waor weer e woer slaagveld. Veer spraoke
Cécile die totaal óntredderd waor door de
aonkondiging dat dit de mekelikste tes waor vaan
al die jaore. Este vaan die tes dan al hapers bijj
de mekelikste kategorie, daan blokkeerste es
unne ope Bugatti in de rege. Mer dat gaof
netuurlik alle kanse aon Maud, die op
weergaloze menier de ier naor zich tow wis te
trèkke. Ze waor zoe ieger tot ze zellefs de citotes
vaan volgend jaor ouch al gemaak heet. De
vraoge althans. Es ze zoe geheuge heet wie de
straotkorrespondent kin ze volgend jaor gewoen
weer mèt doen mèt häör eige tes.
E geweldig ónderdeil waor de mop! Vreuger
stoont daor de ganse neuje leugeneer mèt vol en
dat is ech get leuks veur d’rin te hawwe. Mer
daan wel mèt es antwoord e gezegde oet e
leedsje, zoe wie sommige dat hijj al knap wiste te
bedinke:
Zoe stoond iech veur dertig cent bijj de Knijnspiep in de wc en hoort iech dee neve miech zègke
nao unnen hielen tied zeuke: mie lewieke bin
iech kwiet.
Of vaan die medam mèt häöre crossfiets die neet
mie aon de wereldkampioensjappe mèt wow
doen, ziech vaan gei koed bewus reep ze:
zoonder móter is mie keerke neet kompleet.
Now luij wat let uuch um d'r noch get bijj te
verzinne. Ut geit um ut
bewaore van eus
kultureel erfgood en
dat um te zètte in unne
nuijerwètse canon vaan
Mestreechse wieshede.
Veur Jacqueline en Simone waor un deil vaan de
vastelaovend in ut water gevalle of verwèjd.
Daan is ‘t in Mestreech toch allemaol redelik
mètgevalle. Of Slivvenier liet zich door die
wense van Klara umbeije of heer is toch ech
daadwerkelik unne Mestreechteneer. Euver de
störrem in Mestreech kinne veer weijer kort zien,
dee waor boont.
Alhoewel d'r ging nog wel get mis...
Dat vint geer e stökse weijer op.
De nuije
Kommentaar vaan d’n awwe.
Ut is dudelik dat iech unne geweldige opvolger
gekrege höb. Dee zuut en veural huurt väöl mie
es miech. Heet dee daan niks vergete zalt geer
uuch aofvraoge, want dee is toch e paar kier door
zien vrow op sleiptow mèt genóme naor
belangrieke zake, zoe es dee spaghetti boe heer
ut zellef euver had. En dat heer dat verhaol vaan
dee Mattie neet begreep, dat kin iech
óndersjrieve. Dee sjijjnt te meine dat veer
allemaol d’r op zitte te wachte dat de baanke us
nog mie cent oet eus tes kinne trèkke. Zowwe
veer noe ech niks gelierd höbbe? Mer allèh, laote
veer iers mer bekieke of iech mien eige
aonteikeninge nog kin óntciefere.
Meziek
Maud melde op zaoterdag
dat zie mós jenke bijj
eeder herremenie. Liny
had dat gaw oetgelag, dat
kump door d’n
euvergaank. Dat stèlde
Maud weer gans gerös.
Euver meziek gesproke,
ze kinne Ziesjoem wel umduipe tot Petroldamp,
mieljaar wat unne staank bijj dat konsèr op
maondegaovend. Ut sjlagerfestival waor
verplaots naor de sosjeteit, umdat de Bòbbel
geslote waor en mesjiens ouch wel door ut weer.
7
Maud verbaasde zich dreuver dat häör trombo
breurke alleijn mer e jeske aon hoof te doen en
ziech e pruukske opzèt en daan veerdig is veur de
vastelaovend. Daan heet zie hiel get mie wèrrek!
Gezóndheid
Rökprobleme speule neet alleijn Ron parte, ouch
Pé en Maud goon noe al oet veurzörreg in de
week veur de vastelaovend naor de osteopaat/
kraker/kneukmetseleer um die 3 daog mer
euvereind te kinne blieve. Die probleme vaan
Ron sjijjne trowwens verband te hawwe mèt
unne achterstallige belastingaonslaag vaan e paar
jaor. Toen iech ut bedraag hoort sjót ut miech
ouch metein in miene rök.
En eus Ingrid, ach dat errem keend. Steit zellef
stief vaan de chemische middele, mer zoon en
maan woorte door de griep getroffe. Ze heet tot
dinsdeg gehoop toch nog einen daag te kinne
kaome, mer helaas. Jenkend op de baank (jao die
baank die neet bijj dat vloerkleid paste, of waor
dat aandersum). Ouch die maag vollegend jaor 3dubbel viere.
Wèt geer nog wie wit Veronique veurig jaor
oetzaog, dat kaom umdat die ut op de heupe had.
Ze heet un neuj gekrege, mer dat dat ging neet
good, want deen dokter kós slech metsele. Ut
keend is noe door de moderrene tegniek
gehollepe, want ze höbbe die gewoen un ganse
nuij heup gedreijdeeprint. Die maag noe eederen
daag 3 rundsjes roond de taofel laope. Eus
rundsje waor dus nog zjus get te väöl dit jaor.
Veer móte eve rechzètte dat dee loempia Maud
neet good gevalle is. Nein, ut waor alleijn al ut
zien vaan dee loempia, dee häör ut geveul gaof
dat ze de ganse vastelaovend wel kós vergete. Op
karakter is ze doorgegaange. Einen aovend
alleijn mer kletskes beer drinke, mer denao weer
volle gaas. En vaan dee gaas hadde mie luij las.
Sodeju wat un loch af en tow. Pé zow uuch e
verhaol euver dee goelasj kinne vertèlle, mer dat
doen veer uuch mer neet aon.
Kaffees
Waore veer dit jaor veur d'n ierste kier in jaore
zoonder diskussie naor de Tribunal getoge, ginge
miech die toch eederen daag al um 12 oor tow.
Gans verpopzak waore veer, mer eigelik ouch
wel blijj, want daan kinne veer die diskussie
weijer laote veur wat ze is. Dat de Lure zaoterdag
ouch al um 12 oor tow waor, deech us wel de
sjrik um ut hart sloon, mer dat waor gelökkig mer
einen daag. Daor kóste veer op zoondeg daan
toch wel uzze foto laote make, al snap nog steeds
niemes veurwat die medam daor zoe pontifikaal
bijj op steit. De Knijnspiep waor ouch dit jaor
weer getuige vaan de priesoetreijking, al waor ut
wel e gemis dat Bokito, Ingrid en de
Evermennekes/Blömkes ut lete aofwete.
Beij dezellefde Knijjnspiep zaog Paul dat de jong
vaan de boetetap mèt Irma stoont te praote . Paul
vroog häöm eve later of dat e leuk gesprek waor
en dee reageerde mèt "Ach
jong, iech deech gewoen
esof iech ut interessant
voont. Dat deis diech toch al
jaore".
Bijj kaffee de Vreede voonte veer un neuj
advertensie veur Boer zoekt ..., beloer dat fotoke
mer ins.
Vaan al
Paul zit mèt smart te wachte op unne tillefoon
boeste gei leesbrèlke veur nodig höbs, en heer is
neet d'n einigste. Geer zit mekaar steeds mer
vaan die interessante beriechte te sjikke, vaan:
"boe?, wie laat?, vriethof, noe, wel renne huur,
etc" en es dee jong dat neet kin leze, wie mót
heer daan wete wie laat heer boe naor tow mót
renne?
Pé en Jol óntdèkte dat zie ziech 40 jaor gelèje
veur d’n ierste kier waore tegegekoume. Die
hadde dus nog wel get bijj te praote. Jol kós
melde dat zie e erreg zwoer jaor op häör werrek
achter de rök had, wat slech waor veur de
nachrös, mer hiel good veur de lijjn. En daan
ouch nog un nuij baon gevoonde. Op euze
leeftied is dat toch miestal neet gemekelik. Daor
mót toch wel sprake zien vaan biezunder
kwaliteite. Naodat Pé Jol naor hoes had gebrach
(hielemaol naor St. Pieter, Arjen!) kós heer op
dinsdegnach mog unnen awweren hier hellepe,
dee meinde dat ze ut peliesieburo verplaots
hadde. Dee meinde dat aon ut ind vaan de
Pieterstraot te kinne vinde en drejde daor e
bitteke hopeloos rundsjes. Eve de boch um deech
wóndere. Netuurlik zaoge veer Chris Houben
weer mèt dat kleijd en ouch zie zuster deech Paul
en Pé de sjrik weer um ’t hart sloon, mer dat veel
8
dit jaor gelökkig mèt. En Fleur waor present in
de Pieter, en zellefs Sjarel. Mer jeh, wee waor
neet in de Pieter?
Malon had ut zwoer, die mós namelik op dinsdeg
al weer hiel vreug trök naor hoes, um häör koffer
op te hole, want dat errem keend moch ut
vleegtuig neet misse naor de wintersport. Wat is
toch gebäörd mèt “veer zien mèt de bös naor
Oosteriek gewees”?
Pé óntdekte trowwes ouch op zaoterdag al datse
bijj die openbaar twallètte oppe vriethof döbbel
gelök kins vinde. Ten ierste netuurlik de
opluuchting este die lewieke gevoonde höbs en
eve maags oetlaote, mer tegeliek ouch e prachtig
oetziech op de Sint Servaoskèrrek.
Arjen en Cécile hadde ziech dit jaor e
appartemint wete te regele in ’t aajd poskentoer
oppe Vriethof. Wel deur, mer ach die blieve toch
ouch unnen daag minder. Arjen voont ut wel wiet
weg vaan zien geleefde plekses. Cécile wis te
melde op maondagnach dat zie Arjen noe al 17,5
jaor kint, mer dat dit d'n ierste kier waor dat dee
al om keteer veur dreij vroog of ze al naor hoes
mochte goon. Dee wis netuurlik dat heer nog
unne lange weeg te goon had.
Neve dat gesodemieter vaan de gemeinte mèt dat
plestik blieke die nog mie stadsvervuilende
dinger in de kop te höbbe. Ze sjijjne vaan plan te
zien e look in de stadswal te make um daor e
fietspaad doorheen te kinne laote loupe. Zien die
noe hielemaol knatsj?
Pim wis us te vertèlle dat ze in Venlo al jaor
draon geweend zien datste tot d'n kneje in de
plestik steis. Iech zeen toch ech neet in welleke
veuroetgaank hijj noe gebook is. Ut einigste
veurdeil is dat de kasteleins vollegend jaor wel
de hèllef vaan hun personeel vrijj kin geve, want
umdat die gei glaas mie hove te speule, stoon die
allemaol oet hun neus te peutere en dat is toch
neet ech e smakelik geziech. Is dat noe wat ze in
Mestreech verstoon oonder unne 'propele
vastelaovend'?
Aon ut ind
Ut Oetsjete waor weer sjoen, al leet ut geluid te
winse euver. Waor ut noe al weer veurbijj? Toen
stèlde Prins Bastiaan op dee wage ouch nog veur,
um d'r 3 daog ekstra aon vas te plakke, mer dat
voonte die aandere Tempeleers toch neet okée.
Die lepe allemaol op hun echterste pu, Bas zellef
had nog enersjie veur 10. Dee jong heet ut
fantasties gedoon, en dat kuntsje hè, mieljaar wat
e lekker kuntsje. Zoe door die maillot heen waor
dat good te veule volleges Maud. Veer zien dee
Bas trowwens wel hiel dèks tege gekaome. De
vreugs diech aof of dee mesjiens us wel
achternao löp.
Kebouter Mieske booj
us toen nog sjoen
plaotse op de twiede
rang (balkon) in de
Stokstraot veur ut
akkordeonkonsèr
dinsdegnach, mer wow
daor ouch metein zien
studiesjöld mèt kinne
aoflosse, en dat is
nogal get bijj dee jong.
Helaas dus.
Ruben waor dit jaor dus weer gans op tied
kraank. Wie dee dat toch eeder jaor wèt te plenne
is wel unne Sjappo weert. Daan heet us allemaol
gekloet mèt dat zielige verhaol dat heer ziene
errem oet de kómp had naodat heer euver e
plestik bekerke gevalle waor. En die sjoen
blomme woorte allemaol aon de luij oetgereijk,
toen veer nao de doejenmars weer bijj de
Charlemagne eus oere mochte laote oetspuite.
Daan naom trowwes nog un psiegologiese tes aof
bijj de luij mèt de vraog: “wat greujt este d’r
aondach aon bestèjs?” De mieste vrowluij hadde
ut euver plante en blomme, mer de mansluij
waore ut allemaol dreuver ins dat dit die lewieke
mós zien. Pé week aof umdat heer meinde dat ut
euver unne beerboek ging. En mèt dat Lewieke
zien veer weer trök bijj ’t begin vaan dees gezèt.
Tied um d’r un ind aon te breije.
Nog ei fotoke vaan Wielie, want dat waor toch
wel ech un sjieke kreasie. Sjappoo jong, veer
buige deep. En daan is ut tied veur…..
9
Helaas is ut tied veur e saluutsje aon ut huudsje.
Och wat bin iech toch riek, mie huudsje is toch zoe sjiek
Ut zit steeds op miene kop, höllep miech de bovenop
Mie huudsje waor altied bei miech. iech leet ‘m noets alleijn
Heer gaf miech altied vleugels, iech zweefde op mien bein
Mer …….
Veer lepe door de Kooijstraot, de drökte waor te groet
Heer vloog vaan mien sjoen pruukske, noe bin iech in hoege noed
Och wat höb iech toch spiet, mie huudsje is noe kwiet
Heer zit neet op miene kop, mer ligk noe in de plestiksop
Gelökkig woort heer gevoonde, oonder twie paar groete sjeun
Eve waor iech zoe gelökkig, ut huudsje waor mien groete steun
Mer …..
In un benkelik momintsje, de wind tilde ‘t op
Ut vloog euver de dake, en kaom toen neet mie stop
Och wat höb iech toch spiet, mie huudsje is weer kwiet
Heer zit neet op miene kop, mót naor hoes, zit niks aanders op
Leef Luij, Bedaank. Ut waor werrem, leef, gezèllig, sjoen,en
heerlik. Vollegend jaor goon veer gewoen weer opnuij. Sjrief
op de kalender: 26, 27, 28 Fibberewari 2017
Unne groete Sjappoo en dikke knoevel vaan
euren awwe en nuije straotkorrespondent