Transcript Ricetta_files/ricetta pamojo

La vera ricetta del Pamojo
Par far el Pamojo ghe vole:
‘na pegnata de acqua de fonte (quela che te usi par far el brodo),
meteghe patate e sucoi, taiai a tocheti picoli;
fai bojir on par de ore fin che se sfalda ben el tuto.
Fin che boje le verdure bisogna pareciare el desfrito (in te ‘n’altra pegnatina)
con scalogno, conserva de pomodoro e lardo e fali cosar on quarto d’ora.
Dopo te devi versar ‘sto sugheto in te la pegnata delle patate e dei sucoi
e fa cusinar el tuto ancora diese minuti.
Ala fine el piato el va insupà con pan biscoto de quelo duro,
quel fato nel forno a legna de ‘na olta e lasa amalgamare on pochetin (anca qualche minuto, dipende dal tipo de pan biscoto che te usi).
Prima de darghene a la gente bisogna metarghe par sora formajo gratà con la gratacasola,
mejo se te usi Monte Veronese stravecio.
Sto piato el se magna sicuramente piasè de gusto
se te ghe bevi ‘drio un goto de vin durelo: BON APETITO!
Confraternita del Pamojo: c/o Giamberto Bochese - Via Nieri, 19 - 37030 Roncà (Verona)
www.pamoio.it - [email protected]