Transcript STURNELS
Società d’Ütil public – Cumischiun dals „Sturnels“ Sturnel (sturnus vulgaris) STURNELS Definiziun Ils Sturnels sun üna gruppa da glieud chi nun abita a Sent, ma as sainta in alch maniera attachada al cumün (creschü sü, ha paraints, vain regularmaing in vacanzas, es proprietari da chasa o d'abitaziun o fittadin stabel d’ün’abitaziun da vacanzas. Ils Sturnels pudessan gnir resguardats sco ün "club da fans" da Sent. Id exista üna tscherta analogia culs Randulins, quels Sentiners chi emigraivan plü bod in Italia o d’alch otra vart e tuornaivan lura regularmaing la stà a Sent a far vacanzas in lur chasas. Scopo da l'organisaziun • Tscherchar e mantgnair il contact culla populaziun indigena e sia cultura. • Pussibiltar e promouver il contact tanter ils Sturnels. • Promouver il barat d’infuormaziuns tanter il cumün e’ls Sturnels. • Güdar a realisar e finanziar progets specials per Sent chi gnissan giavüschats da la generalità, però pels quals i mancan ils mezs finanzials. • Sustgnair oters progets. Activitats La stà vegnan organisats inscunters per trattar temas chi pertoccan ils Sturnels e la populaziun. Schi fa dabsögn vegnan organisadas otras occurrenzas. Schi dà ulteriuras activitats o progets pon gnir orientats ils Sturnels in scrit, electronicamaing o cun affischa. La cumischiun piglia jent incunter bunas ideas dal singul Sturnel. Organisaziun La cumischiun dals Sturnels (las persunas da contact respunsablas) vain tschernüda da la suprastanza da l’Ütil public da Sent. Ella as constituescha svessa. Ils commembers da la cumischiun dals Sturnels sun quels rapreschantants da l'Ütil public chi s'ingaschan pella chosa. Ils Sturnels nu fuorman damaja üna società cun statüts, cuntribuziuns da commembers e.u.i. Sch'inchün voul esser da la partida basta da's laschar inscriver illa glista dad adressas. Tenor giavüsch po gnir registrada o strichada l’adressa aint il glista. La cumischiun maina ün conto da posta (85-555315-7). Quist vain revis dals revisurs da quint da l'Ütil public. La correspondenza vain manada in rumantsch ed in tudais-ch. Ils mezs finanzials pels cuosts generals, per progets e.u.i. sporadicamaing pro'ls Sturnels tras collectas. La cumischiun Ruedi Wenger, Helen Stricker, Ruedi Aeschbacher-Denoth, Susanne Webb-Werro, Barbla Graf-Stalvies vegnan ramassats Adressa da contact: Ruedi Wenger Rebhaldenweg 16 7206 Igis Tel. 081 322 17 45 Mobile 079 666 72 85 [email protected]. Marz 2014