Transcript Plata dla Ploania

Plata dla Ploania
"Edema di jogn"
Le Grup decanal en colaboraziun con le Sorvisc ai Jogn y i grups dai Jogn SKJ
dla Val Badia envieia der bel al’”Edema di Jogn” dai 1 ai 7 de setember.
Program:
lönesc ai 1.9: Santa Messa de daurida, dales 20:00 a Oies;
organisaziun: grups dai Jogn da Calfosch/Corvara y San Ćiascian
dédolönesc ai 2.9: torneo de "Volley", ales 19:00 te palestra d’Al Plan;
organisaziun: grups dai Jogn da Al Plan y La Pli; iscriziun ćina na mesora
denant sön le post
dédemesaledema ai 3.9: referat/curs de autodefenüda, ales 20:00 tla Ćiasa
J. P. Runcher a Badia; organisaziun: grup dai Jogn da Badia
jöbia ai 4.9: na sera con jüć da mesa, ales 20:00 tal Salf di Stödafüch a
San Martin; organisaziun: grups dai Jogn da Lungiarü y San Martin
vendres ai 5.9: füch da ćiamp, ales 20:30 sö dal ćiamp dal sport a Rina;
organisaziun: grups dai Jogn da Antermeia y Rina
sabeda ai 6.9: Jogn fora por le monn - Franz Agreiter da La Pli cunta de söa
esperionza de n’ann tl Uganda desco volontar, ales 20:00 te Ćiasa dles
Uniuns a La Pli; organisaziun: grup decanal y grup dai Jogn La Pli
domenia 7.9: Santa Messa de contlujiun, ales 18:00 te dlijia da La Val;
organisaziun: grups dai Jogn da La Val y La Ila.
informaziuns & termînns
Raiun sozial: ai 2 y ai 9 de setember, dales 15:00 ales 17:00, vegnel tignì
davert le Ofize dl'Assistenza finanziara 2a alzada te Raiun Sozial a Picolin
(Ingrid Palfrader) por porsones co ô s'enformé sön le contribut provinzial por
les speises por la ćiasa preodü por porsones co ciafa ma la ponsiun minima.
Ocio: por la gara dles rodes “Transalpine-Run” co fajarà tapa a Al Plan ai 4/5
de setember gnaràl slüt en jöbia ai 4 de setember dales 10:00 ales 17:00, en
pert, la strada Furcia - Chi Vai; a Al Plan saràl porchel inće ai 4 y ai 5 i posć da
parché y le zenter dal paîsc en pert slüć. Le Mareobus archita dertan les
interuziuns fora dal Hotel Monte Sella.
Döt le bun a: Rosa Angela Erlacher Frena, San Laronz
* 04.09.1932
Eduardo Ellecosta, Ehrenburg
* 04.09.1932
Paola Teresa Oboies, Al Plan
* 05.09.1930
y a düć chi co à santennom y complesc i agn cöst’edema
Plata dla Ploania: comunicaziuns ćina jöbia sera: [email protected] o Franz Rigo ℡ 0474 500978.
La plata sön Internet: www.valbadiaonline.it/comunite/ploanies.html o www.comun.mareo.bz.it/ploanialapli
La Pli - Santa Maria dal Bun Consei
℡ Calogna Al Plan 0474 501006
[email protected]
radio de ploania 93,00 Mhz
Ann A 2014
31.08.2014
n. 40
22. DOMEGNA IA POR L’ANN
Ofrì sö la vita por se salvé
Ier. 20, 7–9 | Rom. 12, 1–2 | Mt. 16, 21–27
Dal Vangelo do San Mateo:
24
En chi dis ti à Gejù dit ai
discepui: Chel co ô ester mio
discepul, s’an desdijes de sè
enstes, toles söa crusc sön
el y me vegnes do. 25Deache
chel co ô salvé söa vita, la
pordarà; mo chel co perd la
vita por mia gauja, la
davagnarà. 26Ćî ti jóel pa a
n chesćian, sc’al davagna
döt le monn, y perd laprò
söa vita?
Nia fa barać con l’anima!
Gejù iera trep: nia ne dess ester plü emportant
co Èl. Gnanca la vita dai discepui ne val deplü
co i jì dô al Maester.
Gejù empormet a chi co ti va dô la valorisaziun
y la salveza dla vita y ensciö na ligreza
co ne se röa mai. Ala fin dal tru dla crusc
èl la ressureziun.
I preii ensciö: Davagné döt le monn! Che è pa
bogn? Chi co à proé da le concuisté n’è nia
stês bogn y à fat na borta fin. Mo empò è cösc
dejidêr tal cör de trec, co mina da valei deplü
deach’ai è rić, potenć y conesciüs. Val’ iade se
mostrunse inće nos ienn desco patruns de nosc
picio monn: ai compagns, te familia, a scora o
pal sport. Canch’i fajun ensciö risćiunse da
perde l’anima, da perde chi valurs co dà ligreza
y serenité y da desmoncé les cosses
emportantes dla vita co n’è nia da cumpré y da
vene deache sonza cöstes èl ma tristeza y
surité. Làscesse sontì le peis dla crusc che te
se ćiaries sön les sciables, Gejù, ch’al storji
nosta superbia y nosta vanité.
Deidesse fà ienn sacrifizi, chi fać con amur por
ch’i gnunse desco tö. Lascia ch’i se davagnunse
l’anima y spo èl anfat sc’i pordun le monn entier.
“Parola Amica” Il vangelo della domenica per ragazzi
Walter Cazzaniga, traduziun Edith Willeit
Letöres dla 23. domegna ia por l’ann:
Ez. 33, 7–9 | Rom. 13, 8–10 | Mt. 18, 15–20
Le Pere de nosc Signur Gejù Crist
ilomineies i edli de osc cör, ch’i
capise a ći speranza ch’i seis
cherdês. Alleluia. (Liturgia)
Edema liturgica dai 31.08. ai 07.09.2014
DOM 31.
22. DOMEGNA ia por l’ann
Paulinus, Raimund
08:30 gran messa dla comunité, benedisciun dal tomp
Lön 01.
Dé dla Creaziun | Verena, Ruth
Ded 02. Ingrid, Franz Urban
07:30 s.m. por + Isidor Pedevilla, Brach
s.m. por les Püres Animes
Dem 03. Gregor le Gran, Sophie
i periun por les vocaziuns
07:30 s.m. por + Jan Daverda, Corterei
s.m. de ringraziamont de Santa Maria
23. DOMEGNA ia por l’ann
dai Angeli Custodi
Otto, Regina, Judith
08:30 gran messa dla comunité, benedisciun dal tomp
ampola:
por + Carlo Kehrer y +ti dal Tistler
ministronć:
da doman y domegna:
«Sc’i s’orun bun önn al ater, romagn Idio te nos,
y so amur è te nos perfet.» (1 Jan 4, 12b)
La ploania i fej les miûs aodanzes de benedisciun y fortüna ai nüc
Karl Heinz Terrabona y Irene Pancheri co se da adöm tal
sacramont dal matrimone en sabeda, ai 6 de setember a Balsan.
• Consei pastoral - tla sontada dai 4 de setember gnaràl traté chisc punć:
festa dai iubilars, èdema dla fede, calogna, staziuns te dlijia da Curt, 150 agn
Jepele Frontull, desvalies
• Curs de formaziun por la Crejima: eniann da d'altonn vegnel motü da jì ta
San Martin en curs por formé catecheć por la Crejima, tanco ches porsones
co acompagneia i geniturs tla preparaziun dles jones y dai jogn a cösc
Sacramont tan emportant. Al ven aposta fat tla Val Badia por che nosta jont
ài plü damprò. Al sarà les sabedes 4, 11 y 25 d'otober, y 8 y 15 de
november, dagnora dales 9:00 ales 12:30 y dales 14:00 ales 17:00. Sce
zacai à enterès èsai periês da se lascé adentene pa Jan ℡ 338 4280472.
• Messa te Ćiasa de Palsa: en sabeda ai 6 de setember, ales 15:30 ven la
messa te Ćiasa de Palsa a San Martin arjignada ca dla ploania d’La Pli.
Düć pò tó pert y ensciö s’encunté inće con i berbesc y les medes.
Pelegrinaje diozejan, sabeda 13 de setember 2014
da sera y domegna:
i recordun:
Gott, du Schöpfer und Erhalter! Du tust Großes an uns
und an deiner Welt. Die Erde breitest du vor uns aus
und lässt sie hervorbringen, was uns nährt...
... Alle Kreatur spürt deine Güte, alles, was atmet, alles, was
das Licht sucht. Auch die Dunkelheit hast du geschaffen, um
uns wohl zu tun. Tag und Nacht dienen dir und allen, die du
geschaffen hast. Allem, was ist, gibst du Anfang und Ende.
Alles, was lebt, behütest du mit deiner Fürsorge. Du lässt uns
alle Dinge zum Guten dienen. Wir erfahren deine Weisheit
und Güte. Gott, darum danken wir dir!
Vita de ploania y de paîsc
Jöb 04. Irmgard, Ida, Iris, Rosalia
19:30 s.m. por +ti Maneschg, La Costa dessot y por les Püres Animes
s.m. por la familia d’André
Ven 05. pröm vendres - Maria Theresia, beata Oma Teresa da Calcuta, Rosvita
signor ploan va a proveder
18:45 piscibilité da se pissié
19:30 s.m. por por +ti signor Matio y signor Merch,
s.m. por les Püres Animes, funziun al Sacher Cör
Sab 06. pröma sabeda - Sabeda de Santa Maria | Magnus, Gundolf
DOM 07.
1 de setember: “Dé dla Creaziun”
Anita Brandlechner y Roman Frontull
Jan Marc Willeit y Peslalz Pio
Angela Rosina Pedevilla Michielli, Cortina
Celestino Erardi, Al Plan
Maria Sottsass Trebo
+ 01.09.2011
+ 05.09.2009
+ 07.09.2005
santada: dal consei pastoral, en jöbia ai 4 de setember ales 20:00.
Le travert dal peregrinaje dla Diozeja 2014 è Badia, le paîsc nadé de sant Ujöp
Freinademetz. Al sarà la sabeda ai 13 de setember con la messa prefestia dla
festa dl'Esaltaziun dla Crusc zelebrada ales 14:30 dal vesco Ivo Muser sön le
paiun de Badia. Por roé söle post peia ia deplü prozesciuns: ales 13:00 dal
ćiamp dal sport da La Ila, ales 12:00 dala dlijia da Lungiarü, ales 12:00 dal bar
Ćiasota da Pidrô y ales 11:30 dla dlijia da La Val. Le iade por sanć ven tignì da
vigne tomp; düć è bel enviês!