Transcript Kurzgeschichte 1 platt - Oldenburgische Landschaft

De Neie
All Schölers sünd heel upgeregt. Vandagen kummt ene neie Deern in de Klass.
Wo warrd se woll utsehn?
Ennelk kummt se mit de Mestersche in
de Klass. Lara heet se. Se hett`n swarten
Kruuskopp, hett swarte Ogen un dunkle
Huut. De Mestersche wies ehr den
leddigen Platz tegen Markus to.
De lehnt sik torüch un tustert to sien
Fründ Timo röver: „De sütt jo ut, as wenn
se toveel Kakao drunken hett.“
Dat hett Steffie hört un zirrst to Markus
röver: „Un du büst woll in de Mehlkist
fullen, du Bleekgesicht!“
Dar mutt Markus nu doch över nadenken.
Bild: http://www.psy.lmu.de/mobbing/instrumente/
Upgaav:
Wo gaht ji in joe Klass mit`nanner um? Krüüz an, wat todrepp!
 Mennigmal weer ik utlacht.
 Wi helpt us tegensietig.
 Wi striert us faken .
 Wi smiet us faken slimme Wöör to.
 Wenn ik trorig bün,weer ik trööst`t.
 Ik hebb vele Frünn in de Klass.
 Ik bün veel alleen.
Fallt di noch wat in?