Transcript AENĒĀS IN ĪTALIĀ [Aenēās]… domō potītur nātāque Latīnī nōn sine Marte tamen.

AENĒĀS IN ĪTALIĀ
[Aenēās]… domō potītur nātāque Latīnī
nōn sine Marte tamen. Bellum cum gente ferōcī
suscipitur pactāque furit prō coniuge Turnus.
Concurrit Latiō Tyrrhēnia tōta diūque
ardua sollicitīs victōria quaeritur armīs.
Auget uterque suās externō rōbore vīrēs,
et multī Rutulōs, multī Trōiāna tuentur
castra, neque Aenēās Ēvandrī ad moenia frūstrā [īvit;
nam Pallas, fīlius Ēvandrī ad bellum pugnandum missus est]
Bella gerunt, tandemque Venus victrīcia nātī
arma videt, Turnusque cadit.
Ille humilis supplexque oculōs dextramque precantem
prōtendēns “equidem meruī, nec dēprecor” inquit;
“ūtere sorte tuā.
et nōtīs fulsērunt cingula bullīs
Pallantis puerī, victum quem vulnere Turnus
strāverat atque umerīs inimīcum īnsigne gerēbat.
hoc dīcēns ferrum adversō sub pectore condit
fervidus. ast illī solvuntur frigore membra
vītaque cum gemitū fugit indignāta sub umbrās.
Quicquid in Aenēā fuerat mortāle, repurgat
et respersit aquīs; pars optima restitit illī.
lūstrātum genetrix dīvīnō corpus odōre
ūnxit et ambrosiā cum dulcī nectare mixtā
contigit ōs fēcitque deum.
Text reprinted from Latin Via Ovid, A First
Course, Second Edition by Norma Goldman
and Jacob E. Nyenhuis, copyright © 1982
Wayne State University Press, with the
permission of Wayne State University Press.
OTHER ACKNOWLEDGEMENTS
• Title slide – Ferdinand Bol, `Aeneas at the Court
of Latinus’ (c.1661-63)
• Slide 4 – Pietro de Cortona (1596/7-1669,
`Aeneas with King Evander and Pallas’
• Slide 6 – Jacques Henri Sable, `The Death of
Pallas’
• Slide 7 – Luca Giordano (1634-1705), `Aeneas
defeats Turnus’
• Slide 8 – Francois Perrier, `The Deification of
Aeneas’