OS NENOS DA RATA LUÍSA Mon Daporta Os biosbardos Hoxe foron facer outra vez magosto , os mesmos de sempre e un ratiño.
Download ReportTranscript OS NENOS DA RATA LUÍSA Mon Daporta Os biosbardos Hoxe foron facer outra vez magosto , os mesmos de sempre e un ratiño.
OS NENOS DA RATA LUÍSA
Os biosbardos
Hoxe foron facer outra vez magosto , os mesmos de sempre e un ratiño novo.
Todo foi moi ben, os xogos e as laradas, riron a afartar e ata sobraron castañas.
E nestas xuntanzas, xa se sabe, é obrigado gastarlle unha broma ao recén chegado.
E, como de repente, xurdeu unha idea que foi ben acollida pola patulea.
-O que iría moi ben para completar a festa sería asar uns biosbardos para aproveitar a fogueira.
-Ou sí! Están moi bos! -Sí, saben moi ben. -O malo é atopar quen os poida coller.
-A nós xa nos coñecen porque teñen boa memoria.
Ten que ser alguén novo ou que veña de fóra.
-Sí, e de entre nós non pode ninguén. Só está o novo… se quixera el.
Contáronlle a cousa con todo o engado e o novo aceptou. Coáranlle o engano!
O de estar moi quedo e cos ollos pechados na beira do río agarrando dun saco.
-E para os que somos cantos hei de coller? -Cunha media ducia xa estaría ben.
E alá o levaron á beira do río
co saquete aberto a decir baixiño.
-Biosbardo, biosbardo…
salta do río e entra no fardo.
E ao pouco metéronlle unha pedra no saco para darlle azos e que seguira contando.
Despois da terceira deixárono alí e volveron á fogueira para poderse rir.
Cando pasou o tempo e o pescador non deu sinal acordaron que tiñan que ilo buscar
E ao chegaren alí vaia susto levaron. Non había ninguén no sitio onde o deixaron!
Correron o río arriba e abaixo,
e o monte todo sen dar nin co rastro.
Dandoo por perdido, ao xuntarse, acordaron iren á súa casa e alí contalo.
Tardaron o seu, pois ningún quería
ser o que tivera que dar a noticia.
E cando, por fin, petaron á porta abréulles o amigo coma se tal cousa.
E contoulles logo, escachando coa risa, que a historia era vella e que el xa a sabía.
que seguira o xogo, non por outra cousa, máis que aproveitar para volvérllela broma.
Que cando eles marcharon, para ir rir, ao outro lado aproveitou e enganounos marchando ao calado
Volveron á casa bastante amolados, Ben aprendidos e escaramentados.
Luísa, Roxelio e máis os ratiños agardan que vos gusten estes seus contiños.
Abur!