Transcript Slide 1

Dear Grunnie
A’m haein a braw time at
the beach. We haed a
vanilla cone wi strawberry
juice frae the ice-cream
van. A got tae sweem in ma
claes.
Yella Sands is guid fur
findin shells. A’v got buckies
an lempit shells. Whiles ye
kin catch sicht o flat fish
whan the tide is oot.
Love
Rosie
To
Maggie Brown
13 Miller Street
Stroonheuch
ST14 5RH
Auntie Maggie
Ye wid lik the wee toun we’re in wi
aw its broon fishin boats wi thir
bricht yella sails. They gae oot tae
sea luikin fur partans an labsters.
The watters aff the coast are sae
clear. Hope oor dug is behavin
himsel.
Love Sandy
Auntie Maggie
7 Blek Street
Donhowe
DO 5 1LK
Dear Granda
We’re bidin fur anither wick at the
ferm tae gie Auntie Freda a
haun. We hae tae get up at
the crack o dawn as aw the
beests mak a racket whan
cockaleerie craws. He gies it
laldie! Thon bubblyjock gaes
me the creeps, bit A lik the
clockin hens. Wad ye feed the
goldfish the morn fur me? Ye
wid lik watchin the muckle
combine-harvester gaitherin
the coarn.
Aw the best
Billy
Mr. Elder
45 Greenhowe
Milton
ML 5 3YZ
Scrieve yer ain postcard frae yer
holidays.
Decide wha ye’r scrievin tae an whaur
they bide.
Draw a picter on the ither side. Ye kin
mak a post box tae post it in.