Transcript presentazion serpentade 2017

IL MEDIO “de tutto e de più” Anno 0 N° 0 Telefono xyz-abkl98fe1 Gorizia, Via Le Man Dal cul
GIORNALE DI GORIZIA BISIACARIA E LAGUNA e de qualsiasi altro posto ne giri
EDIZIONE DEL 0,25FEBBRAIO 2017 Sperando che i ne lassi far almeno la seconda
Fondato da dei dementi per dare fastidio a chiunque
IL MEDIO è un periodico che dovrebbe uscire ogni quindici giorni. Salvo carcerazioni impreviste
PRESENTAZION SERPENTADE 2017
Qualche volta, anche noi de
“IL MEDIO”, semo obligai
a scriver solo de cronaca;
soratuto se dovemo contarve
de un evento che il xe importante quasi come il Nadal…
de sicuro più de Sanremo.
Xe suceso, infati, che ieri
sera – intorno ale sete – al
Vitigno de Mofalcon, il Sergio Marini, il ga presentà la
nova edizion de “LE SERPENTADE”. Co semo rivai
noi, il local iera za pien de
gente e il Serpente, che iera
sentà in mezo alla so pupilla
Giorgia e al Lisco de “Gradospia”, iera tuto impegnà a
far autografi sule copie che
la gente in fila – una fila davero lunga – podeva ciorse in
anteprima.
Dopo qualche minuto –
gnanche che i se gavessi
messo d’acordo – tuti insieme xe rivai anche i politici. Per primi quei de Gorizia
(a parte Fabio Gentile che il
iera za li co semo rivai noi);
Il PEZZOGROSSO Rudy
Ziberna – che, per no farse
dar del istrian, la prima roba
che ga fatto, il ga comincià a
buttar de bever – il Podestà
de Gorizia Ettore Magno
Romoli Imperador dele Tere
D’Isonzo e la sua onipresente badante la asesora Silvana Romano.
Subito drio xe rivai quei de
Mofalcon; la Anna Cisint
– che ogni volta che il nostro podestà la vedi ghe vien
il magon – la se ga fato far
strada dal suo asesor Sebastiano Callari, visto che ogni
volta che il passa l’urologo
la gente scampa perché i ga
paura de trovarse un suo dito
tal cul, per rivar prima al
banchetto e cavarse il pensiero de spender sti cinque
euri per comprarse il giornal; qualchidun ga dito che,
dopo, la ga adiritura vista
sconta ta un canton a pianzer
disperada.
I ne ga anche contà che, imboscai in quela giungla de
fotografi, giornalisti, politici
e curiosi, iera anche quei de
“MONFALCIAONE” – an-
che lori complici del Serpente – ma de questo no xe
prove certe.
Ala fine, dopo gaver strinto
mille mani, ciacolà co no so
quanta gente e bevù no so
quanti biceri – il vin iera un
spettacolo e no se rivavimo a
fermar – no gavendo il fisico
abituà come quel del Serpente che ne gaveva anche
invità a sbecolar qualcosa,
gavemo deciso che iera meio
tornar verso casa, a Gorizia.
Adesso no vedemo l’ora
che rivi il carneval 2018 per
poder andar de novo alla
presentazion de “LE SERPENTADE”.
Chri.Z.